Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jaafar"

Nazm MATCHES FOR "jaafar"

Nazm

daraKHt-e-zard

''adab adab kutte tire kaan kaaTuu.n
'zaryuun' ke byaah ke naan baaTuu.n''
taaro.n bhare jagar jagar KHvaan baaTuu.n
''aa jaa rii nindiyaa tuu aa kyuu.n na jaa
'zaryuun' ko aa ke sulaa kyuu.n na jaa''

Jaun Eliya
Nazm

east india company ke farzandon se KHitab

kis zabaa.n se kah rahe ho aaj tum saudaagaro
dahr me.n insaaniyat ke naam ko uu.nchaa karo
jis ko sab kahte hai.n hitler bhe.Diyaa hai bhe.Diyaa
bhe.Diye ko maar do golii pa.e-amn-o-baqaa
baaG-e-insaanii me.n chalne hii pe hai baad-e-KHizaa.n
aadamiyyat le rahii hai hichkiyo.n par hichkiyaa.n
haath hai hitler kaa raKHsh-e-KHud-sarii kii baag par
teG kaa paanii chhi.Dak do germany kii aag par
saKHt hairaa.n huu.n ki mahfil me.n tumhaarii aur ye zikr
nau-e-insaanii ke mustaqbil kii ab karte ho fikr
jab yahaa.n aa.e the tum saudaagarii ke vaaste
nau-e-insaanii ke mustaqbil se kiyaa vaaqif na the
hindiyo.n ke jism me.n kyaa ruuh-e-aazaadii na thii
sach bataa.o kyaa vo insaano.n kii aabaadii na thii
apne zulm-e-be-nihaayat kaa fasaana yaad hai
company kaa phir vo daur-e-mujrimaana yaad hai
luuTte phirte the jab tum kaarvaa.n-dar-kaarvaa.n
sar-barahna phir rahii thii daulat-e-hindostaa.n
dast-kaaro.n ke a.nguuThe kaaTte phirte the tum
sard laasho.n se ga.Dho.n ko paaTte phirte the tum
san.at-e-hindostaa.n par maut thii chhaa.ii hu.ii
maut bhii kaisii tumhaare haat kii laa.ii hu.ii
allaah allaah kis qadar insaaf ke taalib ho aaj
miir-ja.afar kii qasam kyaa dushman-e-haq thaa 'siraaj'
kyaa avadh kii begamo.n kaa bhii sataanaa yaad hai
yaad hai jhaa.nsii kii raanii kaa zamaana yaad hai
hijrat-e-sultaan-e-dehlii kaa samaa.n bhii yaad hai
sher-dil 'Tiipuu' kii KHuunii.n daastaa.n bhii yaad hai
tiisare faaqe me.n ik girte hu.e ko thaamne
kas ke tum laa.e the sar shaah-e-zafar ke saamne
yaad to hogii vo maTiyaa-burj kii bhii daastaa.n
ab bhii jis kii KHaak se uThtaa hai rah rah kar dhu.aa.n
tum ne qaisar-e-baaG ko dekhaa to hogaa baarhaa
aaj bhii aatii hai jis se haa.e 'aKHtar' kii sadaa
sach kaho kyaa haafize me.n hai vo zulm-e-be-panaah
aaj tak ragoon me.n ik qabr hai jis kii gavaah
zehn me.n hogaa ye taaza hindiyo.n kaa daaG bhii
yaad to hogaa tumhe.n jallianwala-bagh bhii
puuchh lo is se tumhaaraa naam kyuu.n taabinda hai
'dyer'-e-gurg-e-dahan-aaluud ab bhii zinda hai
vo 'bhagat-singh' ab bhii jis ke Gam me.n dil naashaad hai
us kii gardan me.n jo Daalaa thaa vo phandaa yaad hai
ahl-e-aazaadii rahaa karte the kis hanjaar se
puuchh lo ye qaid-KHaano.n ke dar-o-diivaar se
ab bhii hai mahfuuz jis par tantana sarkaar kaa
aaj bhii guu.njii hu.ii hai jin me.n ko.Do.n kii sadaa
aaj kashtii amn ke amvaaj par khete ho kyuu.n
saKHt hairaa.n huu.n ki ab tum dars-e-haq dete ho kyuu.n
ahl-e-quvvat daam-e-haq me.n to kabhii aate nahii.n
''bankii'' aKHlaaq ko KHatre me.n bhii laate nahii.n
lekin aaj aKHlaaq kii talqiin farmaate ho tum
ho na ho apne me.n ab quvvat nahii.n paate ho tum
ahl-e-haq raushan-nazar hai.n ahl-e-baatin kor hai.n
ye to hai.n aqvaal un qaumo.n ke jo kamzor hai.n
aaj shaayad manzil-e-quvvat me.n tum rahte nahii.n
jis kii laaThii us kii bhai.ns ab kis liye kahte nahii.n
kyaa kahaa insaaf hai insaa.n kaa farz-e-avvalii.n
kyaa fasaad-o-zulm kaa ab tum me.n kas baaqii nahii.n
der se baiThe ho naKHl-e-raastii kii chhaa.nv me.n
kyaa KHudaa-naa-karda kuchh moch aa ga.ii hai paa.nv me.n
guu.nj Taapo.n kii na aabaadii na viiraane me.n hai
KHair to hai asp-e-taazii kyaa shifaa-KHaane me.n hai
aaj kal to har nazar me.n rahm kaa andaaz hai
kuchh tabii.at kyaa nasiib-e-dushmanaa.n naa-saaz hai
saa.ns kyaa ukh.Dii ki haq ke naam par marne lage
nau-e-insaa.n kii havaa-KHvaahii kaa dam bharne lage
zulm bhuule raagnii insaaf kii gaane lage
lag ga.ii hai aag kyaa ghar me.n ki chillaane lage
mujrmo.n ke vaaste zebaa nahii.n ye shor-o-shain
kal 'yaziid' o 'shimr' the aur aaj bante ho 'husain'
KHair ai saudaagaro ab hai to bas is baat me.n
vaqt ke farmaan ke aage jhukaa do gardane.n
ik kahaanii vaqt likkhegaa na.e mazmuun kii
jis kii surKHii ko zaruurat hai tumhaare KHuun kii
vaqt kaa farmaan apnaa ruKH badal saktaa nahii.n
maut Tal saktii hai ab farmaan Tal saktaa nahii.n

Josh Malihabadi
Nazm

hindostani bachche

phir ko.ii jai-chand na ubhre phir ko.ii jaafar na uTThe
Gairo.n kaa dil KHush karne ko apno.n par KHanjar na uTThe

Sahir Ludhianvi
Nazm

hum kaamyab honge

ham kaamyaab ho.nge
aur be-hisaab ho.nge
ham kaamyaab ho.nge

Jafar Malihabadi
Nazm

rah-e-watan mein

rah-e-vatan me.n qadam se qadam milaa ke chalo
nishaan-e-azmat-e-hindostaa.n uThaa ke chalo
rah-e-vatan me.n qadam se qadam milaa ke chalo

Jafar Malihabadi
Nazm

chhoTi si khiDki

muKHtasar kamre kii
ek chhoTii sii maGmuum khi.Dkii
kabhii dekhtii hai jo baahar kii duniyaa
udaasii bahut ba.Dh jaatii hai us kii
magar saamne ke hare lawn ke phuul
champaa chamelii gulaab aur belaa kii poshaak
pahne hu.e muskuraate hu.e
ra.ng o KHushbuu ke lahje me.n us ko
sunaate hai.n ma.asuum lamho.n kaa qissa
hathelii pe phir inhii ma.asuum lamho.n kii
tahriir kartii hai dilkash ha.nsii
ek chahkaar koyal kii
aur jab mohabbat kii u.nglii nazaakat se thaame
KHiraamaa.n KHiraamaa.n
anokhaa saa ik phuul is lawn par
'miir' ke sher ki pa.nkhu.Dii chunane lagtaa hai
tab vaqt ke qahqaho.n kaa
bahut KHushnumaa silsila
Thahar jaataa hai
is muKHtasar kamre kii
chhoTii sii khi.Dkii me.n

Jafar Sahni
Nazm

aa gai sawan ki rut

aa ga.ii saavan kii rut kaalii ghaTaa chhaane lagii
phir kisii kii yaad mere dil ko ta.Dpaane lagii
aa ga.ii saavan kii rut kaalii ghaTaa chhaane lagii

Jafar Malihabadi
Nazm

barsat ki rut aai

barsaat kii rut aa.ii ghanghor ghaTaa chhaa.ii
aakaash kaa man lahkaa dhartii ko ha.nsii aa.ii
barsaat kii rut aa.ii ghanghor ghaTaa chhaa.ii

Jafar Malihabadi
Nazm

holi

dikhaatii hai kyaa rang kyaa shaan holii
nashaat-o-tarab kaa hai saamaan holii
dikhaatii hai kyaa rang kyaa shaan holii

Jafar Malihabadi
Nazm

bahadur-shah zafar

tuu bhii kyaa baat thii fitrat ko KHafaa kar detaa
sunnat-e-jaafar-o-saadiq bhii adaa kar detaa

Shamsii Meenai
Nazm

sukun-e-tanhai

kunj-e-tanhaa.ii me.n ham aise pareshaa.n bhii nahi.n
ko.ii mahruumii-e-yaaraa.n bhii nahii.n

Syed Jafar Amir
Nazm

na ek patte ko ro baba

shafaq jab phuul kar ra.ng-e-hinaa thii
aur havaa ke lab sile the
ek buu.Dhaa pe.D bargad kaa
kha.Daa ga.ngaa-kinaare
dil-girafta
KHud se mahv-e-guftuguu thaa
''vo mirii ik shaaKH kaa patta
mire hii jism kaa hissa
giraa
gir kar sitaaraa ho gayaa
paanii kaa pyaaraa ho gayaa
mujh se kinaara ho gayaa''
vahii.n sargoshiyo.n me.n
ik pati.ngaa
gungunaayaa kaan me.n us ke
''niraashaa tum me.n kyuu.n jaagii
mire baabaa?
tumhaare a.ng ke kitne hii patte
ab bhii gun gaate tumhaaraa hai.n
sahaaraa tum bano un kaa
tumhaaraa vo sahaaraa hai.n
na ik patte ko ro baabaa!''

Jafar Sahni
Nazm

aaj phir mujhse

aaj phir mujh se
miraa kamra muKHaatib hai
daraa.De.n vo kabhii
chhat kii dikhaataa hai
kabhii diivaar me.n pa.Dte shagaafo.n ko
nishaa.n jhulse hu.e ra.ngo.n kaa mujh ko
mubtilaa kar detaa hai haibat me.n
mak.Dii ke subuk jaale
havaa ke dosh par lahraane lagte hai.n
zavaal-e-zindagii kaa vo pata bhii dene lagte hai.n
zamii.n kamre kii
bosiida kahaanii jab sunaatii hai
kivaa.Do.n se sadaa uThtii hai
rone aur sisakne kii
kabhii aahe.n sii bharne ki
unhii.n lamho.n ke saa.e me.n magar
kuchh jhaa.nktii anguur kii bele.n
dariiche se tabassum kaa shagufta aks
dikhlaatii hai.n aa.nkho.n ko

Jafar Sahni
Nazm

husain! tumi kothae

luTe KHeme
u.Dii chaadar
na jaane kab kisii ne rakh diye hathiyaar
kis ne zid me.n de dii jaa.n
ye nauhe phir kisii din ke liye rakh do
ki taariiKHe.n rulaatii hai.n
chalo paaT aa.e.n KHandaq
mo.D de.n tope.n
uThaa kar phe.nk de.n jins-e-tijaarat gahre paanii me.n
vo sharte.n aaj manvaale.n
kabhii jin par siyaahii pher dii thii miir-'ja.afar' ne

Shahnaz Nabi
Nazm

udas ho jata hun

mere Gam me.n shariik hone
aur mujhe dilaasa dene ko
ka.ii dino.n se mire aziiz-o-aashnaa
chale aate hai.n
vo guluu-giir aavaazo.n aur bhiigii palko.n se
apne Gam kaa jab iz.haar karte hai.n to
mai.n bhii chehre par
ik mukhauTaa cha.Dhaa letaa huu.n
un kii dil-juu.ii kii KHaatir lamha-bhar ko
udaas ho jaataa huu.n

Jafar Sahni
Nazm

fana ka ilaqa

bahut narm-o-naazuk
hasii.n pa.nkh vaalii
pareshaan titlii
kabhii patte chhuu kar
kabhii chuum kar phuul
raah-e-baqaa Dhuu.nDne me.n lagii thii
kiran aaftaabii thii detii dilaasaa
havaa bhii thapaktii thii
shafqat se us ko
ki itne me.n insaan-zaada ko.ii
chupke se apnii chuTkii me.n le kar
ba.De pyaar se
is hasii.n pa.nkh vaalii
pareshaan titlii ko
dikhlaa gayaa hai
fanaa kaa ilaaqa

Jafar Sahni
Nazm

banjh si lagne lagi hai

vaapsii par
raat ke kaale siyah jhuule me.n leTe
us ne sochaa thaa
ki vo bhii
duusro.n kii tarah
ha.nstii gungunaatii zindagii se
uns kii dahliiz par jaa kar milegaa
puuchhegaa us se
kiran suuraj kii kaise
chuumtii hai phuul ko
aur jagmagaa detii hai miTTii dhuul ko
ThanDii havaa kyaa hai
ghaTaa kyaa hai
parinde chahchahaate kis adaa se hai.n
magar kuchh bhii hu.aa aisaa nahii.n
vo aaj bhii
viiraan khi.Dkii se u.Daa kar
KHvaab kii sab raakh
jaltii dhuup ko sar par sameTe
andhe bahre guu.nge
ehsaasaat se mamluu
safar par gaamzan
phir ho gayaa hai
aur us kii soch
bilkul baa.njh sii lagne lagii hai

Jafar Sahni
Nazm

maut

vo tabassum kii sa.Dak par
thaame jis kii u.ngliyaa.n
mahv-e-safar thaa kal talak
raushan mohabbat kii isii pahchaan ko
dargor kar dene se pahle
Gam sameTe
narm kaa.ndhe par
kisii lab-rez baadal kii tarah
rone lagaa thaa phuuT kar
be-chaargii aashuftagii darmaandagii
se vaasta thaa har taraf us ko
magar ye silsila
kab tak kahaa.n tak
taaza-dam rahtaa
ma.an ehsaas jaagaa zehn me.n us ke
ki us se aasmaa.n kahne lagaa hai
''jab maza chakhnaa sabhii ko
maut kaa hai
ek din laazim
to kaisaa Gam
nahii.n kuchh bhii tire bas me.n
kamar kas le
vafaa karne ko sab rasme.n!''

Jafar Sahni
Nazm

macha kohram kyun hai

machaa kohraam kyuu.n hai
ghar badalne par
abhii bhii halke kaale
shiishe vaalii
aa.nkh par ainak lagaa kar
halqa-e-yaaraa.n me.n vo akasr
chahal-qadmii ko aataa hai
sunaataa hai Gazal apnii
kabhii taaro.n kii jhurmuT me.n
kabhii raste me.n shabnam ke
kabhii KHushbuu lapeTe jism par
dil-kash fazaa.o.n me.n
kabhii be-had chamaktii dhuup ke
piipal kii chhaa.nv me.n
zaraa saa
chashm-e-baatin ko
munavvar kar ke to dekho
liye dariyaa ko haatho.n me.n
bahut shaadaa.n
bahut farhaa.n
nazar aataa hai masnad par
Gazal kii vo

Jafar Sahni
Nazm

sarisht-e-adam

bahut hii tez baarish hai
havaa bhii kuchh is tuufaanii
musalsal aasmaa.n
ka.ii ghanTe se yaksaa.n
barastaa jaa rahaa hai
aur mirii khi.Dkii pe baiThaa ek kavvaa
pa.nkh se Tapkaataa paanii
aasmaa.n kii naql kartaa jaa rahaa hai
aur is se kuchh pare
chhappar pe ko.ii aadmii-zaada
chhupaa.e sar ko polythene se apnaa
chhupaataa sar
vo chhappar kaa bhii polythene se
bilkul anokhaa lag rahaa hai

Jafar Sahni
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now