Search result for "jaah-o-mansab" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jaah-o-mansab"

Nazm MATCHES FOR "jaah-o-mansab"

Nazm

shahar-e-yaran

aasmaa.n kii god me.n dam to.Dtaa hai tifl-e-abr
jam rahaa hai abr ke ho.nTo.n pe KHuu.n-aaluud kaf
bujhte bujhte bujh ga.ii hai arsh ke hujro.n me.n aag
dhiire dhiire bichh rahii hai maatamii taaro.n kii saf
ai sabaa shaayad tire ham-raah ye KHuu.n-naak shaam
sar jhukaa.e jaa rahii hai shahr-e-yaaraa.n kii taraf
shahr-e-yaaraa.n jis me.n is dam Dhuu.nDhtii phirtii hai maut
sher-dil baa.nko me.n apne tiir-o-nashtar ke hadaf
ik taraf bajtii hai.n josh-e-ziist kii shahnaa.iyaa.n
ik taraf chi.nghaa.Dte hai.n ahrman ke tabl-o-daf
jaa ke kahnaa ai sabaa ba.ad-az-salaam-e-dostii
aaj shab jis dam guzar ho shahr-e-yaaraa.n kii taraf
dasht-e-shab me.n is gha.Dii chup-chaap hai shaayad ravaa.n
saaqii-e-sub.h-e-tarab naGma-ba-lab saaGar-ba-kaf
vo pahu.nch jaa.e to hogii phir se barpaa anjuman
aur tartiib-e-maqaam-o-mansab-o-jaah-o-sharaf

Faiz Ahmad Faiz

Nazm

aagahi

mai.n jab tifl-e-maktab thaa, har baat, har falsafa jaantaa thaa
kha.De ho ke mimbar pe pahro.n salaatiin-e-paariin-o-haazir
hikaayaat-shiirii.n-o-talKH un kii, un ke daraKHshaa.n jaraa.em
jo safhaat-e-taariiKH par kaarnaame hai.n, un ke avaamir
navaahii, hakiimo.n ke aqvaal, daanaa KHatiibo.n ke KHutbe
jinhe.n mustamanado.n ne baaqii rakkhaa us kaa maKHfii o zaahir
funuun-e-latiifa KHudaavand ke hukm-naame, faraamiin
jinhe.n masKH karte rahe piir-zaade jahaa.n ke anaasir
har ik saKHt mauzuu par is tarah boltaa thaa ki mujh ko
samundar samajhte the sab ilm o fan kaa, har ik merii KHaatir
tag-o-dau me.n rahtaa thaa, lekin yakaayak hu.aa kyaa ye mujh ko
ye mahsuus hotaa hai sote se uTThaa huu.n, hilne se qaasir
kisii bahr ke suune saahil pe baiThaa huu.n gardan jhukaa.e
sar-e-shaam aa.ii hai dekho to hai aagahii kitnii shaatir!

Akhtarul Iman

Nazm

tarana-e-yaum-e-mazdur

jalaa Daalo va.ado.n kii jhuuTii kitaabe.n
Galat likhne vaalaa qalam to.D Daalo
bajaa do takabbur kii ii.nTo.n se ii.nTe.n
dar-o-baam-e-jaah-o-hasham to.D Daalo
pahaa.Do.n me.n rasta banaane kaa din hai
ye din bhuuk ke taish khaane kaa din hai

Anwar Abbas

Nazm

nai tahzib

guzishta azmato.n ke tazkire bhii rah na jaa.e.nge
kitaabo.n hii me.n dafn afsaana-e-jaah-o-hasham ho.nge

Akbar Allahabadi

Nazm

shikwa-e-muKHtasar

mujhe shikva nahii.n un saahibaan-e-jaah-o-sarvat se
nahii.n aatii mire hissa me.n jin kii ek bhii paa.ii

Asrarul Haq Majaz

Nazm

wirsa

ahal-e-mansab hai.n Galat-kaar to un ke mansab
terii taa.iid se Dhaale ga.e to mujrim hai

Sahir Ludhianvi

Nazm

ahl-e-hind

phir hame.n hogaa mayassar dahr me.n jaah-o-jalaal
chaar din me.n gulshan-e-hastii me.n phir ho.nge nihaal

Barq Dehlvi

Nazm

aazadi

muhaafiz ho nigahbaan-e-chaman ho
tumhii.n to jaan-o-ruuh-e-anjuman ho
sikhaanaa kyaa tumhe.n tum ahl-e-fan ho

Basant Lakhnavi

Nazm

ishwar pararthna

ai hamaare kibriyaa tuu KHaaliq-o-ma.abuud hai
hast hai tuu niist me.n maaduum me.n maujuud hai
shaukat-e-jaah-o-hasham hai manzil-e-maqsuud hai
apne bando.n kii haqiiqat tujh se kab mafquud hai
ai KHudaa ab tuu zaraa hindostaa.n vaalo.n ko dekh
haa.e tuu bedaad kii Thokar ke paamaalo.n ko dekh

Tika Ram Sukhan

Nazm

waqt ki chiz

tuu na rakh itnii hub-e-zar dil me.n magar ye rakh KHayaal
vaqt kii chiiz ban ga.ii aaj numuud-e-jaah-o-maal
tere numuud par kare faKHr har ek baa-kamaal
izzat-e-qaum kaa hai juz izzat-e-nafs kaa savaal
apne bhii irtiqaa ko tuu qaum kaa irtiqaa samajh

Ali Manzoor Hyderabadi

Nazm

shair ki iltija

payaam-e-shauq ko soz-e-asar de
navaa me.n aag kii taasiir bhar de
hukuumat kaa nahii.n mai.n aarzuu-mand
na ye kahtaa huu.n jaah-o-maal-o-zar de
ataa kar lafz-o-ma.anii ke javaahar
dur-e-naayaab laa-saanii guhar de
dil-e-tiira ko rakh aagaah-e-fitrat
savaad-e-chashm ko husn-e-nazar de
qamar kii raushnii KHurshed kii zau
sukuut-e-shaam naGmaat-e-sahar de
payaam-e-shauq ko soz-e-asar de
navaa me.n aag kii taasiir bhar de

Fazlurrahman

Nazm

tamasha-gah-e-lala-zar

tamaashaa-gah-e-laala-zaar
magar nauha-KHvaanii kii ye sargiraanii kahaa.n tak?
ki manzil hai dushvaar Gam se Gam-e-jaavedaa.n tak!
vo sab the kushaada-dil o hosh-ma.nd o parastaar-e-rabb-e-kariim
vo sab KHair ke raah-daa.n raah-shanaas
hame.n aaj mohsin-kush o naa-sipaas
vo shaahanshahaan-e-aaziim
vo pindaar-e-rafta kaa jaah-o-jalaal-e-qadiim
hamaarii haziimat ke sab be-bahaa taar-o-puu the
fanaa un kii taqdiir ham un kii taqdiir ke nauhagar hai.n
usii kii tamannaa me.n phir sogvaar
tamaashaa-gah-e-laala-zaar!

Noon Meem Rashid

Nazm

tarana-e-qaumi

roz o shab qaumo.n ko hotii hai taraqqii yaa zavaal
kar sakaa lekin na tujh ko daur-e-garduu.n paa.emaal
har zamaane me.n rahaa teraa ajab jaah-o-jalaal
saaya-e-rahmat ne daa.im tujh ko rakkhaa hai nihaal
gar nazar aa.e kabhii Gam kii ghaTaa chhaa.ii hu.ii
Tal ga.ii hai sar se tere har balaa aa.ii hu.ii

Safeer Kakorvi

Nazm

leo tolstoy

hai jo raah-e-zindagii me.n pech-o-KHam kaa ik maqaam
yaa imaarat me.n hai jo jaah-o-hasham kaa ik maqaam
muflisii me.n hai jo fikr-o-ranj-o-Gam kaa ik maqaam
hai tamaddun me.n vahii ahl-e-qalam kaa ik maqaam

Prem Lal Shifa Dehlvi

Nazm

majazi KHuda

chaar tinko.n kaa shauq-e-makaa.n kyaa banaa
ne.amat-e-qurb-e-ulfat bhii jaatii rahii
us kaa zauq-e-tamannaa bahakne lagaa
hubb-e-sarvat kii diivaar uu.nchii kiye
hurmat-e-bandagii ko kuchaltaa rahaa
sajda-e-ishq paamaal kartaa rahaa
vo taqaazaa-e-mansab majaazii KHudaa
jo KHudaa ban ke jannat bachaa na sakaa

Ishrat moin Seemaa

Nazm

chand aur suraj

KHush-kun jab un kaa jaah-o-hasham ho
zauq-e-nazar phir kyo.n meraa kam ho
baaliG-nazar ho.n us se na kyo.n KHush
kul nuuriyo.n kii zau jis me.n zam ho
ho.n diida-var kyo.n is se na shaadaa.n
taaro.n kaa baaqii jis se bharam ho
un kii numuud-e-zulmat-rubaa par
partav-fagan jab nuur-e-qadam ho
ho chaa.nd maddham yaa maa.nd suuraj
chamke.nge yuu.nhii ye chaa.nd suuraj

Ali Manzoor Hyderabadi

Nazm

nazm

na tum rahoge na ham rahe.nge
hamaare naqsh-e-qadam rahe.nge
hamaarii nekii kii lau rahegii
hamaare daaG-e-sitam rahe.nge
rahe.nge kab tak yuu.n sar-niguu.n ham
kahaa.n talak ye sanam rahe.nge
ye jaah-o-'azmat ke jhuuTe paikar
kahaa.n talak mohtaram rahe.nge
yaziidiyat kaa chalan vahii hai
jhuke.nge sar yaa qalam rahe.nge
'alam jo haq kaa uThaa.e ho.nge
vo har zamaane me.n kam rahe.nge
uThaa.e palko.n pe ghuumnaa hai
zamii.n pe vo kal-‘adam rahe.nge
'ajiib fitrat hai haq-navaa kii
dabe.nge aur taaza-dam rahe.nge
jo haar baiThegii zabt-e-KHilqat
'sabaa' kahaa.n phir bharam rahe.nge

Syed Saba Wasti

Nazm

sadr-e-jamhuriya-e-hind

sadr-e-jamhuuriya-e-hind
yaqiinan aap faKHruddiin bhii naaz-e-umam bhii hai.n
alii-ahmad bhii hai.n aagaah aadaab-e-haram bhii hai.n
vaqaar-e-hosh bhii azmat-faroz-e-ilm-o-daanish bhii
giraamii-qadr bhii zii-tamkanat bhii mohtaram bhii hai.n
tab-o-taab-e-chaman bhii zauq-e-tamkiin-e-bahaaraa.n bhii
jahaan-e-shauq kaa afsaana-e-jaah-o-hasham bhii hai.n
karishma hai KHudaa kaa aap ke ausaaf ke qaa.il
dayaar-e-barahman ke devtaa bhii hai.n sanam bhii hai.n
taqaddus mauj-e-dariyaa kaa lataafat aabgiine kii
mujassam shaukat-e-dauraa.n saraapaa jaam-e-jam bhii hai.n
jalaal-e-barq bhii hai.n zaalimo.n ke vaaste lekin
Gariibo.n ke liye sarmaaya-e-lutf-o-karam bhii hai.n
jo nisbat aap ko 'Gaalib' se hai us ke ta'alluq se
qadam-bosii ke KHvaahaa.n saahib-e-saif-o-qalam bhii hai.n

Masood Akhtar Jamal

Nazm

mahatma budh

buddhaa 'aziim shaKHs thaa
jo taKHt-o-taaj chho.D kar
butaan-e-nasl-o-qaumiyat
vaqaar-e-‘izz-o-saltanat
Guruur-e-jaah-o-martabat
ke bandhano.n ko to.D kar
ba-zer-e-saaya-e-shajar
tapasyaa me.n mahv thaa
giyaan dhyaan me.n magan
na.ii ravish KHayaal me.n
jo aadmii ko aadmii ke zulm se najaat de
jo zaat paat ke tilism-e-saamarii ko maat de
barahmano.n kii qadGano.n kaa zor paash-paash ho
jahaa.n me.n jo a.ndher hai use shikast-e-faash ho
vo sochtaa chalaa gayaa use suraaG mil gayaa
mahaatmaa mahaatmaa 'aziim us kii aatmaa
ki jis ke dil me.n karb-e-kaa.enaat thaa
satuuda-e-sifaat thaa
pukaar kar kahaa ki ai jahaan-e-Gam ke baasiyo
mirii sadaa ko to suno
ahinsaa-parmo-dharmaa ik usuul-e-laa-zavaal hai
ye fikr be-naziir hai ye soch be-misaal hai
kisii ko dukh na do ki ye gunaah hai vabaal hai
jo is se munharif hu.e to zindagii muhaal hai
yahii hai raaz-e-zindagii
tariiq-e-sulh-o-aashtii
yahii najaat-e-ruuh hai
yahii hai dil kii shaa.ntii
mahaatmaa 'aziim thaa
mahaatmaa ne sach kahaa

Faiz Tabassum Tonsvi

Nazm

agar KHuda mil gaya mujhko

ye sochtaa huu.n jo
KHudaa kabhii diidaar baKHshegaa
aur apne fazl se degaa ijaazat maa.ngne kii kuchh
to na dastaar-o-qabaa na jibh-o-KHirqa
na daulat na mahal na sar pe taaj maa.nguu.ngaa
na ohda-o-mansab na ko.ii jaah-o-jalaal
na ilm-o-aagahii na masnad na eqtidaar maa.nguu.ngaa
faraavaanii Gam se najaat na faariG-ul-baalii
na sehat na shifaa na achchhii maut maa.nguu.ngaa
na takmiil-e-aarzuu kii du.aa na nafs-e-mutma.inna kii
na umr-e-KHizr na shohrat na KHvaab kii ta.abiir maa.nguu.ngaa
na dushmano.n ke zarar se na shar se dosto.n ke
na kibr-sinii na zo.af na laachaarii se panaah maa.nguu.ngaa
na duniyaa jahaan kii KHushiyaa.n na shaan-o-shaukat hii
na KHush-nasiibii na dil kaa chain na sukuun-e-ruuh maa.nguu.ngaa
na KHush-gavaar raate.n na tuul-e-shabaab na nii.nd na aaGosh-e-mahbuub
na saamaan-e-aish-o-tarab na huur-o-qusuur maa.nguu.ngaa
na rusvaa.ii se bachne kii na izzat aabruu kii KHvaahish hai
na shohrat-o-maqbuuliyat na achchhii image maa.nguu.ngaa
na qarz ke bojh na KHauf na dahshat se
na kisii ke jabr se na zulm se hifaazat kii du.aa maa.nguu.ngaa
ab aap sochte ho.nge
ki ye baavlaa ye diivaana ye paagal shaKHs
na jaane aaKHir KHudaa se kyaa maa.ngegaa
so mire hamdam mire dosto mire yaaro
zaraa qariib aa.o aa.o bataa.uu.n raaz tumhe.n dukhii dil kaa
mai.n KHudaa-e-qaadir-e-mutlaq rahiim-o-akram se
junuun-e-mazhabii ke KHaatme aur amn kii fazaa maa.nguu.ngaa

Abu Bakr Abbad

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now