Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jhii.ngur"

Nazm MATCHES FOR "jhii.ngur"

Nazm

aadhi raat

1
siyaah pe.D hai.n ab aap apnii parchhaa.ii.n
zamii.n se taa-mah-o-anjum sukuut ke miinaar
jidhar nigaah kare.n ik athaah gum-shudgii
ik ek kar ke fasurda charaaGo.n kii palke.n
jhapak ga.ii.n jo khulii hai.n jhapakne vaalii hai.n
jhalak rahaa hai pa.Daa chaa.ndnii ke darpan me.n
rasiile kaif bhare manzaro.n kaa jaagtaa KHvaab
falak pe taaro.n ko pahlii jamaahiyaa.n aa.ii.n
2
tamoliyo.n kii dokaane.n kahii.n kahii.n hai.n khulii
kuchh uu.nghtii hu.ii ba.Dhtii hai.n shaah-raaho.n par
savaariyo.n ke ba.De ghu.ngruu.o.n kii jhankaare.n
kha.Daa hai os me.n chup-chaap har si.ngaar kaa pe.D
dulhan ho jaise hayaa kii sugandh se bojhal
ye mauj-e-nuur ye bharpuur ye khilii hu.ii raat
ki jaise khiltaa chalaa jaa.e ik safed ka.nval
sipaah-e-ruus hai ab kitnii duur berlin se
jagaa rahaa hai ko.ii aadhii raat kaa jaaduu
chhalak rahii hai KHum-e-Gaib se sharaab-e-vajuud
fazaa-e-niim-shabii nargis-e-KHumaar-aaluud
ka.nval kii chuTkiyo.n me.n band hai nadii kaa suhaag
3
ye ras kaa sej ye sukumaar ye sukomal gaat
nayan kamal kii jhapak kaam-ruup kaa jaaduu
ye rasmasaa.ii palak kii ghanii ghanii parchhaa.ii.n
falak pe bikhre hu.e chaa.nd aur sitaaro.n kii
chamaktii u.ngliyo.n se chhi.D ke saaz fitrat ke
taraane jaagne vaale hai.n tum bhii jaag uTho
4
shu.aa-e-mahr ne yuu.n un ko chuum chuum liyaa
nadii ke biich kumudnii ke phuul khil uTThe
na muflisii ho to kitnii hasiin hai duniyaa
ye jhaa.e.n jhaa.e.n sii rah rah ke ek jhii.ngur kii
hinaa kii Tattiyo.n me.n narm sarsaraahaT sii
fazaa ke siine me.n KHaamosh sansanaahaT sii
ye kaa.enaat ab ik nii.nd le chukii hogii
5
ye mahv-e-KHvaab hai.n ra.ngiin machhliyaa.n tah-e-aab
ki hauz-e-sehn me.n ab in kii chashmake.n bhii nahii.n
ye sar-niguu.n hai.n sar-e-shaaKH phuul gu.Dhal ke
ki jaise be-bujhe a.ngaare ThanDe pa.D jaa.e.n
ye chaa.ndnii hai ki umDaa hu.aa hai ras-saagar
ik aadmii hai ki itnaa dukhii hai duniyaa me.n
6
qariib chaa.nd ke ma.nDlaa rahii hai ik chi.Diyaa
bha.nvar me.n nuur ke karvaT se jaise naav chale
ki jaise siina-e-shaa.ir me.n ko.ii KHvaab pale
vo KHvaab saa.nche me.n jis ke na.ii hayaat Dhale
vo KHvaab jis se puraanaa nizaam-e-Gam badle
kahaa.n se aatii hai madmaaltii lataa kii lipaT
ki jaise saik.Do.n pariyaa.n gulaabiyaa.n chhi.Dkaa.e.n
ki jaise saik.Do.n ban-deviyo.n ne jhuule par
adaa-e-KHaas se ik saath baal khol diye
lage hai.n kaan sitaaro.n ke jis kii aahaT par
is inqalaab kii ko.ii KHabar nahii.n aatii
dil-e-nujuum dha.Dakte hai.n kaan bajte hai.n
7
ye saa.ns letii hu.ii kaa.enaat ye shab-e-maah
ye pur-sukuu.n ye pur-asraar ye udaas samaa.n
ye narm narm havaa.o.n ke niil-guu.n jho.nke
fazaa kii oT me.n mardo.n kii gungunaahaT hai
ye raat maut kii be-ra.ng muskuraahaT hai
dhu.aa.n dhu.aa.n se manaazir tamaam nam-diida
KHunuk dhundalke kii aa.nkhe.n bhii niim KHvaabiida
sitaare hai.n ki jahaa.n par hai aa.nsu.o.n kaa kafan
hayaat parda-e-shab me.n badaltii hai pahluu
kuchh aur jaag uThaa aadhii raat kaa jaaduu
zamaana kitnaa la.Daa.ii ko rah gayaa hogaa
mire KHayaal me.n ab ek baj rahaa hogaa
8
gulo.n ne chaadar-e-shabnam me.n mu.nh lapeT liyaa
labo.n pe so ga.ii kaliyo.n kii muskuraahaT bhii
zaraa bhii sumbul-e-turkii laTe.n nahii.n hiltii.n
sukuut-e-niim-shabii kii hade.n nahii.n miltii.n
ab inqalaab me.n shaayad ziyaada der nahii.n
guzar rahe hai.n ka.ii kaarvaa.n dhundalke me.n
sukuut-e-niim-shabii hai unhii.n ke paa.nv kii chaap
kuchh aur jaag uThaa aadhii raat kaa jaaduu
9
na.ii zamiin nayaa aasmaa.n na.ii duniyaa
na.e sitaare na.ii gardishe.n na.e din raat
zamii.n se taa-ba-falak intizaar kaa aalam
fazaa-e-zard me.n dhu.ndle Gubaar kaa aalam
hayaat maut-numaa intishaar kaa aalam
hai mauj-e-duud ki dhundlii fazaa kii nabze.n hai.n
tamaam KHastagii-o-maa.ndgii ye daur-e-hayaat
thake thake se ye taare thakii thakii sii ye raat
ye sard sard ye be-jaan phiikii phiikii chamak
nizaam-e-saaniya kii maut kaa pasiinaa hai
KHud apne aap me.n ye kaa.enaat Duub ga.ii
KHud apnii kokh se phir jagmagaa ke ubhregii
badal ke kechulii jis tarah naag lahraa.e
10
KHunuk fazaa.o.n me.n raqsaa.n hai.n chaa.nd kii kirne.n
ki aabgiino.n pe pa.Dtii hai narm narm phuvaar
ye mauj-e-Gaflat-e-ma.asuum ye KHumaar-e-badan
ye saa.ns nii.nd me.n Duubii ye aa.nkh madmaatii
ab aa.o mere kaleje se lag ke so jaa.o
ye palke.n band karo aur mujh me.n kho jaa.o

Firaq Gorakhpuri
Nazm

chuhe ki baraat chali

hirnii aa.ii chhalaa.nge.n le kar
dumbaa aayaa Taa.nge.n le kar
saa.nbhar aa.e jaa.nghe.n le kar
jhii.ngur re.n-re.n maa.nge.n le kar

Muzaffar Hanfi
Nazm

tufani raat ki aawaz

ai rone vaale baadal
chup ho jaa
dastak dene vaale jhii.ngur
baahar aa
koyal mujh me.n kuuk rahii hai
Daalii mujh me.n suukh rahii hai
KHizaa.n kaa suuraj nikal rahaa hai
mai.n bhii chup huu.n
tuu bhii chup ho jaa
mai.n bhii sone vaalaa huu.n
tuu bhii kisii dahqaan ke ghar so jaa
ai rone vaale baadal
chup ho jaa

Qamar Jameel
Nazm

barf aag

gaa.nv kinaare
jism kaa vahshii vahshii shahr
rasta bhuulaa
mere aa.ngan
dhiime dhiime Tuut giraa
mauj kii naazuk Tahnii se
baarish hote ko.ii pattaa
zamii.n se jaa ke lipaT gayaa
saa.e.n saa.e.n har-suu phailii
duur kahii.n se jhii.ngur bolaa
chaa.nd kahii.n na thaa
phailii phailii putliyo.n uupar kankar patthar aavaaze
phir bhii paanii barsegaa
mo.D suhaanaa mahkegaa
aa.nkhe.n KHvaab na dekhe.ngii

Aazam Khursheed
Nazm

o des se aane wale bata

o des se aane vaale bataa
kyaa ab bhii pahaa.Dii ghaaTiyo.n me.n
ghanghor ghaTaa.e.n guu.njtii hai.n
saahil ke ghanere pe.Do.n me.n
barkhaa kii havaa.e.n guu.njtii hai.n
jhe.ngur ke taraane jaagte hai.n
moro.n kii sadaa.e.n guu.njtii hai.n
o des se aane vaale bataa

Akhtar Shirani
Nazm

barsat ki bahaaren

baadal lagaa Takore.n naubat kii gat lagaave.n
jhe.ngur jha.ngaar apnii surnaa.iya.n bajaave.n
kar shor mor bagule jha.Diyo.n kaa mu.nh bulaave.n
pii pii kare.n papiihe me.nDak malaare.n gaave.n
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

pichhle-pahar ke sannaTe mein

ghane daraKHto.n me.n purvaa kii siiTii guu.njii
do diksho.n me.n qaidii ruuhe.n chiiKH rahii hai.n
kono.n me.n dubke hu.e jhii.ngar chillaate hai.n
mehraabo.n se bhuuto.n ke sar Takraate hai.n
qil.e ke ik burj ke andar
ek parii (shiilaaT kii raanii)
KHandaq ke an-dekhe paanii kii gahraa.ii
andeshe ke baalishto.n se maap rahii hai

Ibn۔e۔Insha
Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha
Nazm

nind

raat pe.ng letii hai
chaa.ndnii ke jhuule me.n
aasmaan par taare
nanhe nanhe haatho.n se
bun rahe hai.n jaaduu saa
jhii.nguro.n kii aavaaze.n
kah rahii hai.n afsaana
duur jel ke baahar
baj rahii hai shahnaa.ii
rail apne pahiyo.n se
loriyaa.n sunaatii hai
raat KHuub-suurat hai
nii.nd kyuu.n nahii.n aatii

Ali Sardar Jafri
Nazm

yaaden

KHaamoshii aur phuulo.n ko mat to.Do
varna bahut sii baato.n se bharii hu.ii ye raat
zindagii se KHaalii ho jaa.egii
hamaarii sub.he.n is a.ndhere me.n chhupii hai.n
unhe.n mat Dhuu.nDo
vo raat me.n bolne vaale jhii.nguro.n kii tarah hotii hai.n
jo KHaamosh ho jaane par nahii.n milte
mai.n ne apne hiire
zamiin ke jis hisse me.n chhupaa.e the
vahaa.n ko.ii baadal bhii nahii.n thaa
aur mujhe yaad aataa hai
un dino.n merii har chiiz barf se banii hotii thii

Zeeshan Sahil
Nazm

dhyan qabr mein utarta KHayal

meraa rasta qabristaan se ho kar aage jaataa hai
is raste se aur bhii log guzar kar aage jaate hai.n
lekin mere saath hii aaKHir saa.e se kyuu.n rahte hai.n
mere man me.n aaKHir kaisii viiraanii qabro.n kii hai
raat kii KHaamoshii me.n jhe.ngur kii hai.n kaisii aavaaze.n
kuchh din se miTTii kii KHushbuu
kyuu.n chipkii hai saa.nso.n se
mere paa.nv KHaak se lag kar kis kaa maatam sunte hai.n
meraa diivaaro.n ke andar dam kyuu.n ghuTne lagtaa hai
mere sar par bojh hai kyuu.n katbo.n par likkhe harfo.n kaa
mujhe agar kii KHushbuu kyuu.n aatii hai apne andar se
kyuu.n merii aa.nkho.n me.n ka.Dve tel kaa diip saa jaltaa hai
meraa siina phuulo.n se kyuu.n bojhal hone lagtaa hai
kyuu.n is raste par chalte mai.n KHud se puuchhne lagtaa huu.n
mai.n qabro.n ke andar huu.n
yaa qabre.n mere andar hai.n

Khaleeq-ur-rahman
Nazm

aks-rez

sub.h ke tiin bajne vaale hai.n
nii.nd hai duur merii aa.nkho.n se
karvaTe.n yuu.n badal rahaa huu.n mai.n
aaKHirii raat jaise rogii kii
chaa.ndnii ris rahii hai khi.Dkii se
ok me.n bhar ke pii rahaa huu.n mai.n
yaad sii aa rahii hai bachpan kii
aasmaa.n bhar rahaa hai taaro.n se
jhii.nguro.n kii sadaa hai kaano.n me.n
jugnu.o.n kii ka.ii qataare.n hai.n
ik chataa.ii bichhii hai aa.ngan me.n
jis pe leTe hu.e hai.n baabuu-jii
paas baiThaa hu.aa huu.n mai.n un ke
gin rahaa huu.n hasiin taaro.n ko
ek hairat hai merii aa.nkho.n me.n
saat yaa aaTh kaa rahaa huu.ngaa
saamne mere tho.Dii duurii par
ek chuulhaa hai KHaas miTTii kaa
khiir puurii pakaa rahii hai maa.n
man hii man gungunaa rahii hai maa.n
ghar ke chaukhaT ke paas hii maddhyam
ik nayaa laalTain jaltaa hai
duusrii samt mere aa.ngan ke
saath bachh.De ke gaay baiThii hai
kar rahii hai jugaalii dhiire se
yaad ab miT rahii hai bachpan kii
sub.h ke paa.nch baj chuke hai.n aur
chaa.ndnii jaa chukii hai kamre se
uu.nghtaa hai vo aaKHirii taara
shor karne lage hai.n kuchh panchhii
ik mu.azzin azaan detaa hai
baat kuchh aur der kii hii hai
surKH suuraj dikhaa.ii degaa ab
phail jaa.egii dhuup aahista
aur mai.n roz kii tarah apnii
laash haatho.n me.n KHud uThaa.uu.ngaa
aur bhaTkuu.ngaa shahr me.n din-bhar
sirf do gaz kafan kii KHaatir par
kaun jaane kafan mile na mile
ruuh ko ik badan mile na mile

Tripurari
Nazm

bike abhawon ke hathon

man bechaara ek-vachan
lekin
dard hazaar-gune
chaa.ndii kii chammach le kar
janme nahii.n hamaare din
a.ndhiyaarii raato.n ke ghar
rah aa.e bhaavuk-pal chhin
chandaa se sau baate.n kii.n
suuraj ne jab ghaate.n kii.n
kintuu ek nakkar-gah me.n
tuutii kii dhvanii
kaun sune
bike abhaavo.n ke haatho.n
sapne khel-bataasho.n ke
bhare nukiile shuulo.n se
aa.ngan
khel tamaasho.n ke
kuchh ko chuuhe kaaT ga.e
kuchh ko jhe.ngur chaaT ga.e
na.e na.e sa.nkalpo.n ke
jo bhii ham ne jaal bune

Kunwar Bechain
Nazm

karachi ka traffic

rickshaw jaatii hai dikhaatii hu.ii josh aur KHarosh
aur vo naGma jise sun ke ho jhe.ngur KHaamosh
kaisii bal khaatii hu.ii jaatii hai tuufaan-ba-dosh
baiTh kar jis me.n savaarii ke bhii u.D jaa.e.nge hosh
jab ga.Dhaa aataa hai raste me.n uchhal jaatii hai
apnii cha.ndiyaa ko savaarii jo hai sahlaatii hai

Syed Mohammad Jafri
Nazm

sab ki pyas bujhao

abr ke Tuk.De naT-khaT la.Dko.n jaise ghuum rahe hai.n
paanii kii bauchhaare.n khaa kar paude jhuum rahe hai.n
barkhaa-raanii ba.Dii siyaanii baadal baadal Dole
pii-huu pii-huu pa.nkh pasaare ban me.n koyal bole
dhiire dhiire me.nDak apnaa saaz bajaate nikle
bhiigii bhiigii shaant fazaa me.n shor machaate nikle
me.nDak raag sunaa to jhe.ngur dau.De dau.De aa.e.n
ra.ng-manch par aane se vo piichhe kyo.n rah jaa.e.n
har naGme kii lai par jhuume pe.Do.n kii hariyaalii
pavan suhaane giit sunaa.e mahke Daalii Daalii
Daalii Daalii sundar komal phuulo.n kii mahkaar
rasta rasta guu.nje jaise taaza giit bahaar
jab dhartii par barkhaa-raanii chham chham kartii aa.e
yuu.n lagtaa hai saarii dhartii nikhrii nikhrii jaa.e
jhar-jhar kartaa jharnaa bole sab kii pyaas bujhaa.o
ramte jogii bahtaa paanii 'nashtar' jii ban jaa.o

Abdur Rahim Nashtar
Nazm

inkar ki sarhad par

agar mujh se milnaa hai aa.o milo tum
magar yaad rakhnaa
mai.n iqraar kii manzile.n raaste hii me.n chho.D aayaa huu.n
ab mujh se milnaa hai tum ko to inkaar kii sarhado.n pe milo
jhii.nguro.n mak.Diyo.n ke janaaze
mai.n raste pe chho.D aayaa huu.n
puraanii kathaa.e.n mujhe khii.nchtii hai.n
zamii.n kaa zavaal aaj zanjiir-e-paa ban rahaa hai
KHas-o-KHaak ke saare rishte
mai.n ne har shai ko ab taj diyaa hai
ko.ii ma.azarat bhii nahii.n hai
ki mai.n ma.azarat ke sabhii jhuuTe lafzo.n ko
apnii luGat se nikaal aayaa huu.n
mai.n inkaar ke aasmaano.n pe phirtaa hu.aa
mai.n inkaar kaa vird kartaa hu.aa
mai.n zamiino.n pe aur aasmaano.n kii har shai pe
inkaar kii surKH mohre.n lagaataa hu.aa
aur damaa-dam kii ik thaap pe
mai.n ne saato.n zamiino.n ke saato.n tabaq aaj raushan kiye hai.n
dekhnaa aasmaa.n raqs karne lagaa hai
zamiino.n ke saare KHazaane ubalne lage hai.n
saare dafiine ja.Do.n se ukha.D kar
mire saamne haath baa.ndhe kha.De hai.n
merii aavaaz par machhliyaa.n paaniyo.n se nikal aa.ii hai.n
aaj arz-o-samaavaat kii saarii poshiida KHabre.n mai.n sun.ne lagaa huu.n
mai.n KHush huu.n mujhe aagahii mil ga.ii hai
badan ke masaamo.n se ab aagahii sho.ala ban kar chamakne lagii hai
ajab kashf kii raushnii hai
zamii.n apnii sat.h se paataal tak raushnii me.n nahaa kar
shab-e-avvalii.n kii dulhan kii tarah aaj sharmaa rahii hai
taaza havaa.o.n kii doshiizgii saat ra.ngo.n me.n barahna hu.ii hai
hayaa.o.n kii surKHii se chehra ka.nval hai
ki merii dulhan kaa badan phuul hai
vo havaa.o.n ke ra.ngo.n me.n Duubii hu.ii hai
havaa.o.n kii doshiizgii saat ra.ngo.n me.n barahna hu.ii hai
har ik shai naqaab apnaa ulTe hu.e hai
sabhii bhed apnii zabaane.n nikaale mire saamne aa ga.e hai.n
kitaabo.n ke auraaq KHud bolte hai.n
zamii.n aasmaa.n kii har ik shai
samundar havaa.e.n zamiino.n kii sat.he.n
sat.ho.n ke niiche sadiyo.n ke chehre
pahaa.Do.n kii barfe.n barfo.n ke shoriida paanii
sadiyo.n ke pyaase samundar ke saahil daraKHto.n ke patte
phuulo.n ke chehre aur roz-o-shab ke safed-o-siyaah silsile
har ik shai mujhe apne bhedo.n se asraar se
aashnaa kar rahii hai
ajab aashnaa.ii kii lazzat milii hai
mai.n is aashnaa.ii kii lazzat se sarshaar ho kar
muqaddas zamii.n ke puraane dukho.n ko gale se lagaa kar
mai.n iqraar kii manzile.n raaste hii me.n chho.D aayaa huu.n
mai.n saarii puraanii kathaa.e.n jalaa kar
faqat ik damaa-dam kii aavaaz par raqs kartaa hu.aa
mai.n iqraar kii sarhado.n se pare aa gayaa huu.n
ab mujh se milnaa hai tum ko
to aa.o milo
magar yaad rakhnaa
mai.n iqraar kii dushmanii par utar aayaa huu.n
ab mai.n inkaar kii sarhado.n pe miluu.ngaa

Tabassum Kashmiri
Nazm

apni apni boliyan

kavvaa bole kaa.o.n kaa.o.n
billii kartii myaa.un myaa.un
murGaa bole kuuk.Duu.n kuu.n
chi.Diyaa kartii chuu.n chuu.n chuu.n
aur kabuutar ga.Dho.n go.n
me.nDak Tar Tar karte hai.n
jhe.ngur re.n re.n karte hai.n
gayyaa bhii.n bhii.n kartii hai
bakrii me.n me.n kartii hai
tuutii Te.n Te.n kartii hai
gho.Daa hin hin kartaa hai
machchhar bhin bhin kartaa hai
bandar KHuu KHe KHaa.o.n KHaa.o.n
kuttaa bhau.nke bhaa.o.n bhaa.o.n
kavvaa bole kaa.o.n kaa.o.n

Muzaffar Hanfi
Nazm

jangal ke raja ki shadi

jangal me.n mangal karvaayaa ik baaraat sajaa.ii
jangal ke raaja ne apnii shaadii KHuub rachaa.ii
me.nDak-jii ne band bajaayaa bhaaluu jii ne Dhol
giida.D saahab ne bhii gaa.e miiThe miiThe bol
bharii sabhaa me.n bandar jii ne bandrii ko nachvaayaa
ban kar shaahii bhaaT gad.he ne Dhe.nchuu.n raag sunaayaa
bane mahaashay bagule panDit kavve saahab naa.ii
jhii.ngar-jii ne biin sa.nbhaalii machchhar ne shahnaa.ii
jangal ke rahne vaalo.n ne mil kar dhuum machaa.ii
jangal ke raaja ne apnii shaadii KHuub rachaa.ii
miss billii ye bolii.n english biscuit laa.o myaa.un
mister kutte chiiKHe bhau.n bhau.n ruusii khaanaa khaa.uu.n
loma.D bole moTe moTe do murGe pakvaa.o
chuuhaa bolaa kaabul ke ba.Dhiyaa chilGoze laa.o
pidde saahab ne ma.ngvaa.e amrikan pakvaan
piddii bolii.n barfii laa.o ho made in japan
duur desh me.n bhej parinde har ik chiiz ma.ngaa.ii
jangal ke raaja ne apnii shaadii KHuub rachaa.ii

Farhat Qamar
Nazm

remote

aisaa ek remote banaa.e.n
jis se ghar ghar sukh phailaa.e.n
hai.n ye sundar KHvaab hamaare
laa.e.n zamii.n pe chaa.nd sitaare
nal se nikle duudh kii dhaaraa
rangii.n titlii rath ho hamaaraa
khele.n chaachaa gullii Da.nDaa
bha.ngDaa naache.n daadii daadaa
khaa.e.n machhlii aam kaa halva
jar me.n ho duniyaa kaa jalva
me.nDak gaay megh malhaar
jhe.ngur bolaa le ke giTaar
khulii fazaa aakaash ke niiche
kyaa hai fitrat raaz ye samjhe
jab chaahe.n ham baarish barse
ro.e.n na sailaab ke Dar se
science ke is daur me.n bachcho
jag ke niraale taur me.n bachcho
kaam le.n aisaa ham atom se
paa.e rihaa.ii duniyaa Gam se

Bismillah Adeem
Nazm

garmi dur bhaga de ya-rab

me.nDak aur jhe.ngur so.e hai.n
ab to inhe.n jagaa de yaa-rab

Amaan Zakhirvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now