Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "joBK"

Nazm MATCHES FOR "jobK"

Nazm

muslim umma ka America se shikwa

gar tire shahr me.n aa.e hai.n to ma.azuur hai.n ham
vaqt kaa bojh uThaa.e hu.e mazduur hai.n ham
ek hii job pe muddat se ba-dastuur hai.n ham
'bush' se nazdiik 'musharraf' se bahut duur hai.n ham

Khalid Irfan
Nazm

zindagi ka waqfa

raat sannaaTe kii chaadar me.n pa.Dii hai lipTii
pattiyaa.n sa.Dko.n kii sab jaag rahii hai.n jaise
dekhnaa chaahtii hai.n shahr me.n kyaa hotaa hai
mai.n hamesha kii tarah ho.nTo.n me.n cigarette ko dabaa.e
sone se pahle KHayaalaat me.n khoyaa hu.aa huu.n
din me.n kyaa kuchh kiyaa ik jaa.eza letaa hai zamiir
ek saada saa varaq naama-e-aamaal hai sab
kuchh nahii.n likkhaa ba-juz is ke pise jaa.o yuu.nhii
kuchh nahii.n likhaa bas ik itnaa ki insaa.n kaa nasiib
giilii guu.ndhii hu.ii miTTii kaa hai ik toda saa
din me.n sau shakle.n banaa kartii hai.n is miTTii se
kuchh nahii.n likhaa bas ik itnaa ki chyuu.nTii dil hai
jauq-dar-jauq jo insaan nazar aate hai.n
daana le kar kisii diivaar pe cha.Dhnaa girnaa
aur phir cha.Dhnaa cha.Dhe jaanaa yuu.nhii shaam o sahar
kuchh nahii.n likkhaa bas itnaa ki pise jaa.o yuu.nhii
aur andoh ta.assuf KHushii aalaam nashaat
KHud ko sau naamo.n se bahlaate raho chalte raho
saa.ns ruk jaa.e jahaa.n samjho vahii.n manzil hai
aur is dau.D se thak jaa.o to cigarette pii lo

Akhtarul Iman
Nazm

be-rozgar 2

mujhe
pata hai
ki job par hii
hamaaraa future Tikaa hu.aa hai
magar
ye rasta to
din-ba-din ab
taviil hotaa hii jaa rahaa hai
jo Dar
tumhaaraa hai
mere Dar se
alag nahii.n hai
ho tum pareshaa.n
to mai.n bhii jaanaa.n sukuu.n me.n kab huu.n

Siraj Faisal Khan
Nazm

Schedule

job bhii karnii hai khaanaa bhii pakaanaa hai mujhe
sher bhii kahne hai.n misra.a bhii uThaanaa hai mujhe

Khalid Irfan
Nazm

dusre darje ki pichhli qatar ka aadmi

gosht machhlii sabziyaa.n baniye kaa ration duudh ghii
mujh ko khaatii hai.n ye chiize.n mai.n ne kab khaayaa inhe.n
meraa ghar rahtaa hai mujh me.n ghar me.n mai.n rahtaa nahii.n
biivii bachcho.n ke phaTe kap.Do.n me.n huu.n
aur na.e jo.Do.n kii KHushiyo.n me.n chhupaa jo karb hai vo bhii huu.n mai.n
fees me.n school kii copy kitaabo.n me.n bhii mai.n
mai.n hii huu.n chuulhe kii gas
mai.n hii huu.n stove kaa gas
mere juute jo.nk kii maanind mere paa.nv se lipTe hu.e hai.n
chuuste hai.n meraa KHuun
meraa scooter mere kaa.ndho.n pe baiThaa hai
mai.n us ke tyro.n me.n lipTaa huu.n aur ghistaa huu.n

Shakeel Azmi
Nazm

baTla house

gha.Dii kii Tik-Tik bol rahii hai raat ke shaayad ek baje hai.n
baTla house kii ek galii me.n moTe kutte bhau.nk rahe hai.n
ek kha.nDar me.n tez raushnii chaaro.n jaanib phail rahii hai
baGal me.n leTaa saathii meraa ab tak pub jii khel rahaa hai
mai.n bhii ab tak jaag rahaa huu.n aa.nkhe.n muu.nde soch rahaa huu.n
niiche jaanaa kaisaa hogaa baahar kitnii sardii hogii
qutub sitaara kidhar ko hogaa raat kii raanii kaisii hogii
sub.h kaa suuraj kahaa.n pe hogaa abhii KHudaa kyaa kartaa hogaa
sa.Dak kinaare sone vaale jo.De kaise sote ho.nge
in ko machchhar kaaTte ho.nge
naum chomsky lawn me.n baiThe bachche aaKHir kaise ho.nge
un ko kutte chaaTte ho.nge
kyaa in bhuuk-zada bachcho.n ke KHvaab me.n pariyaa.n aatii ho.ngii
kaTe-phaTe haatho.n ke takiye ke niiche kuchh rakhtii ho.ngii
kaisii baate.n karte ho jii kyaa pariyo.n kaa kaam yahii hai
mahal saraa.e chho.D ke ab vo sa.Dak kinaare aa.e.ngii kyaa
raat ke shaayad De.Dh baje hai.n baTla house kaa chauk khulaa hai
raat ko job se aane vaale raat me.n job ko jaane vaale
ek haath me.n liye chaa.e cup ek haath me.n chhoTii cigarette
sa.Dak paar kyo.n dekh rahe hai.n
biryaanii ko Dhuu.nDh rahe hai.n
un ke piichhe sa.Dak kinaare qabristaan kaa gate khulaa hai
andar kutte ghuum rahe hai.n shaayad khaanaa Dhuu.nDh rahe hai.n
baahar cigarette aur coffee hai andar kaafii taariikii hai
mai.n bhii andar jhaa.nk rahaa huu.n haule haule soch rahaa huu.n
qabristaan ke andar me.n ye latrine kis ne banvaayaa
kyo.n banvaayaa
shaayad murde raat me.n uTh kar us ke andar jaate ho.nge
haajat puurii karte ho.nge
yaa phir cigarette piine vaale la.Dke andar jaate ho.nge
KHaakii vardii ghar vaalo.n se chhup kar cigarette piite ho.nge
ek kinaare adab kii malika sab kuchh baiThii dekh rahii hai
aag kaa dariyaa chaa.ndnii begam shiishe kaa ghar likhne vaalii
ainii aapaa soch rahii hai
meraa qaarii kyo.n aayaa hai
shaayad is ko gautam shankar tal.at ne uljhaayaa hogaa
yaa phir us ko KHayaabaa.n kii champaa ne paglaayaa hogaa
yaa phir is paagal la.Dke ne shu.uur kii rau ko chhe.Daa hogaa
yaa phir is ne aag kaa dariyaa aadhaa pa.Dh kar chho.Daa hogaa
falsafyaana baate.n sun kar saare murde sochte ho.nge
ko.ii apnii KHvaab-gaah ko chho.D ke aaKHir kyo.n aayaa hai
mai.n bhii baiThaa soch rahaa huu.n
itnii raat ko kyo.n aayaa huu.n

Asim Badr
Nazm

roza-KHor se inTerwiew

mai.n ne inTerview kiyaa kal ek roza-KHor se
mai.n zabaa.n se boltaa thaa vo shikam ke zor se
mai.n ne puuchhaa aap ne roza ye kyuu.n rakkhaa nahii.n
peT dikhlaane lagaa bolaa ki yuu.n rakhaa nahii.n
roza yuu.n rakkhaa nahii.n chaltii nahii.n baad-e-sabaa
mausam-e-garmaa me.n roze aa.e hai.n is martaba
job karnii hai zaruurii kaam karnaa hai mujhe
cock pizza ke sahaare shaam karnaa hai mujhe
mai.n ne lassii ke gilaaso.n me.n piyaa kuchh aur hai
dopahar me.n murG khaane kaa mazaa kuchh aur hai
din me.n khaane ke liye iqraar kar letaa huu.n mai.n
shaam ko masjid me.n bhii iftaar kar letaa huu.n mai.n
ko.ii shai khaate hu.e mai.n ne chhupaa.ii hii nahii.n
aaj tak merii hu.ii roza-kushaa.ii hii nahii.n
roza-KHorii par mirii duniyaa ko hairaanii nahii.n
roza yuu.n rakkhaa nahii.n bijlii nahii.n paanii nahii.n
mai.n jo be-roza huu.n ye bhii tajiro.n kaa zarf hai
sau ruupe ujrat hai merii sau ruupe kaa barf hai
ruuh-afzaa ke binaa duniyaa kii huure.n rah ga.ii.n
roza-daaro.n ke liye suukhii khajuure.n rah ga.ii.n
roza yuu.n rakkhaa nahii.n ho jaa.egaa khaanaa KHaraab
lunch par aa.egii kal hotel me.n rashk-e-maahtaab
mai.n huu.n shaa.er mehrbaa.n hai mujh pe KHallaaq-e-azal
pesh karnii hai mujhe mahfil me.n ik taaza Gazal
ajr-e-roza kyaa hai ye shero.n me.n batlaa.uu.ngaa mai.n
lunch mai.n iftaar kii tashriih ban jaa.uu.ngaa mai.n
bhuuk aur shaa.er kaa chuu.n-kii cholii-daaman kaa hai saath
mujh se ba.Dh ke jaantaa hai kaun roza kii sifaat
pa.ndrah ghanTe kaa roza har javaan o piir kaa
shaam karnaa sub.h kaa laanaa hai juu-e-shiir kaa

Khalid Irfan
Nazm

Daro us waqt se

ruuh-e-vijdaan bhaTak jaatii hai
tarz-e-afkaar badal jaatii hai
sahraa aa jaate hai.n diivaaro.n me.n
aasmaano.n ke varaq khulte hai.n
jauq-dar-jauq pare ruuho.n ke
chalte-phirte nazar aa jaate hai.n
aur zamii.n kaa.nch ke Tuk.Do.n kii tarah TuuTtii hai

Zehra Nigaah
Nazm

barish dekhti hai

baarish dekhtii hai ki use kahaa.n barasnaa hai
aur dhuup jaantii hai ki use kahaa.n nahii.n jaanaa
magar vo jaatii hai aur shikaar hotii hai
aur kaa.nTo.n me.n pha.ns kar baT jaatii hai
aur ret ke zarro.n kii tarah
zamiin se uThaa.ii nahii.n jaatii
raat samajhtii hai aur samajh kar KHaamosh rahtii hai
sirf apne kono.n par girhe.n lagaatii rahtii hai
aur kahtii hai
aa mil Dholan yaar kadii
kedaare ke taane-baane me.n
dekh to mai.n ne kyaa bunaa hai
ek phuulban! ek raas-ban
aur ab
dhaare dhaare chalii jaatii huu.n mai.n
ban biich utruu.n, kaa.nTe rang duu.n?
dhaare dhaare bahii jaatii huu.n
aur bhed nahii.n paatii huu.n
na pal chhan kaa
na yugo.n yugo.n ke antar kaa
tum sundar gyaanii shaant hu.e
mohe apnii siit karo svaamii
sab chi.Diyaa.n ik sang boltii hai.n
mohe apnii siit karo svaamii aur duur kahii.n u.D jaatii hai.n
mai.n apne har ik kone par chaaliis girhe.n lagvaatii huu.n
tan jo.nk jo.nk Dasvaatii huu.n
aur dhuup ko ye ma.aluum nahii.n
kab mujh par saaya karnaa hai! kab mujh ko raushan karnaa hai
kab merii KHaak u.Daanii hai
kab mere a.ng a.ng bharnaa hai
mai.n gaThrii giile kap.Do.n kii
kis ghaaT mujhe ab dharnaa hai!

Nasreen Anjum Bhatti
Nazm

ajaib-KHana

miraa vajuud
dekhte hii dekhte
ek ajaa.ib-KHaane me.n Dhal rahaa hai
ki mere laa-shu.uur ne
aasaar-e-qadiima kii naadir inaayato.n ko
chhupaa ke mujh se
mujh hii me.n jam.a kar diyaa hai
yahaa.n kahii.n kisii rack me.n
mire hunuut-shuda harf aur lamhe
pa.De hu.e hai.n
jinhe.n na-jaane kaun saa masaala lagaa diyaa gayaa hai
ki mire jism kii haraarat se bhii vo
gal nahii.n rahe hai.n
in almaariyo.n se
mirii TuuTii hu.ii chuu.Diyo.n ke saaz kii
aavaaz aa rahii hai
ye dekho shelf me.n
merii bachpan kii gu.Diyaa kaa
TuuTaa hu.aa jism so rahaa hai
kahii.n merii si.nghaar-mez kaa aa.iina
be-ra.ng ho kar chaTaKH gayaa hai
magar ab bhii
mere azaab-lamho.n kaa
aks de rahaa hai
kahii.n kisii surme-daanii me.n
shaayad kabhii mai.n ne apnii aa.nkh chho.D dii thii
jo us me.n se mujhe ghuurtii hai
aur merii zindagii
mere za.ng-aaluud zevaro.n me.n
dab ke chiiKHtii hai
aur paayalo.n kii aavaaz se Dar rahii hai
ek TuuTii hu.ii ka.nghii se
mire baal uljhe hu.e hai.n
aur kinaare pe rakkhii hu.ii
suraahii se pyaas kii buu
ris rahii hai
kisii gha.Diyaal kii TuuTii hu.ii suu.ii
ik azaab-lamhe me.n murta.ish hai
aur qariib hii
mere jazbo.n ke taalaab se
baas uTh rahii hai
aur tamaash-biin,
jauq-dar-jauq mere ajaa.ib-KHaane ko
dekhne ko aa rahe hai.n
in me.n se ko.ii tamaash-biin
is ajaa.ib-KHaane kii
saa.ns letii hu.ii maut ko
taz.hiik se dekh kar
nazar-andaaz kartaa hu.aa jaa rahaa hai
aur ko.ii ajaa.ibaat kaa shauqiin
in tamaam ashyaa pe tahqiiq kar ke
apna-aap saabit karnaa chaahtaa hai
magar un ko dhuul me.n pa.Dii hu.ii
taariiKH kii uljhii hu.ii Dor kaa
ko.ii siraa nahii.n mil rahaa hai
aur me.n kinaare pe kha.Dii hu.ii
apne usii ek sire ke milne kii muntazir huu.n
ki miraa vajuud dekhte hii dekhte
ek ajaa.ib-KHaane me.n Dhal chukaa hai

Sarwat Zehra
Nazm

munkir-e-haq

ik aavaaz ubhartii aa rahii hai
duudhiyaa sii raushnii ik
parda-e-biinaa.ii se ho kar guzartii guzartii jaa rahii hai
salb hotii jaa rahii hai
quvvat-e-inkaar bhii
iqraar bhii
kuchh ho rahaa hai yaa kahuu.n kuchh hai
nahii.n ma.aluum kyaa hai aur kyuu.n kuchh hai
ik amboh-e-faraavaa.n
jauq-andar-jauq sab afraad
iqraa kii taraf jaate hu.e
aur mai.n udhar Gaar-e-hiraa kii
chuhl-saala KHaamushii me.n
mahv hotaa jaa rahaa huu.n

Shahram Sarmadi
Nazm

nasur

ik ba.De saahib sadaarat ke liye hai.n dastyaab
kyuu.nki p T v me.n ab jaarii nahii.n hai un kii job

Jabbar Wasif
Nazm

pareshan

shaam aadhaa adhuuraa saa ik KHvaab hai
chaa.ndnii chaa.nd kii jaise bas job hai

Mahrukh Ali Mahi
Nazm

namak napaid hai nayab hai

umiido.n aarzuu.o.n KHvaabo.n ko mismaar kartaa sochtaa huu.n mai.n
ye mere dast-o-baazuu hai.n
kisii taa'miir se pahle hu.ii taKHriib ke haamil kabhii the jo
safar darpesh ye kaisaa
kahaa.n par aa gayaa huu.n mai.n
makaano.n ke badan ko ruuh se mahruum kartaa huu.n
ye aa.he.n siskiyaa.n chiiKHe.n
kha.nDar par baal bikhraa.e
kahii.n diivaangii kaa raqs kartii hai.n
kahii.n par qahqahe bhii khankhanaate hai.n
ye taKHt-o-taaj kaa nashsha
KHirad ko chhiin letaa hai
ki jab baazaar-e-taaqat me.n manaat-o-laat aur 'uzzaa
badal kar maahiyat u’lu hubal kaa vird karte hai.n
to arzaanii lahuu kii chhuune lagtii hai falak ko
ye nashsha jo.nk kii suurat
re’aayaa kii sadaa.o.n kaa lahuu piitaa
badan se lipTaa rahtaa hai
namak laa.o
namak laa.e.n kahaa.n se ki
namak naapaid hai naayaab hai is qaht-saalii me.n
ijaara-daarii us kii taKHt-e-shaahii ke liye mahfuuz hai ab

Qamar Jahan Naseer
Nazm

ishq ke banjh mausam

'ufuq ke zard gaalo.n par jamii hai gard sadiyo.n kii
thakan kii raakh me.n lipTii hu.ii taariik pagDanDii
kisii KHaalii kaTore me.n pa.Dii hai pyaas raadhaa kii
nafas kii dhuup me.n jal bujh ga.e hai.n vasl ke sapne
ruto.n ke baa.njh-pan se u.D rahii hai KHaak bastii me.n
na shaaKH-e-jaa.n pe ko.ii gul na ko.ii KHushbuu-e-hijraa.n
ye kaisii fasl-e-vahshat hai
ki jis me.n aarzuu ke naKHl-e-sabza-zaar suukhe hai.n
dariicho.n ke paTolo.n se lipaT kar mar ga.ii dastak
nigaaho.n ke piyaalo.n me.n ko.ii manzar nahii.n bastaa
faqat ik be-hisii kii jo.nk lipTii hai KHayaalo.n se
guzarte saa'ato.n ke reg-zaaro.n par
mohabbat ke kutub-KHaane larazte gard ke tuufaa.n
na ab vo lauh-e-dil baaqii na vo tahriir-e-jaa.n baaqii
vo jin ke lams se khilte the in be-jaan rasto.n par
Gul-e-tar kii tarah jaaduu
vo sab jaaduu vo sab qisse
isii be-mehr miTTii kii taho.n me.n jaa ke so.e hai.n
jahaa.n ab pyaar kii ko.npal nikalne se rahii saa.ii.n
'ajab ik habs hai shaam-e-tamannaa kii fazaao.n me.n
ki ab harf-e-vafaa kii raakh bhii u.Dtii nahii.n yaa.n par
ye 'ishq ke baa.njh mausam hai.n
'ishq ke baa.njh mausam hai.n

Muhammad Ijaz Ul Haq
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now