Search result for "manzil-e-ishq" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "manzil-e-ishq"

Nazm MATCHES FOR "manzil-e-ishq"

Nazm

talKH haqiqat

haqiiqat talKH hai aur talKH-tar hai.n is kii tadbiire.n
Duboyaa mujh ko hone ne na hotaa mai.n to kyaa hotaa
agar is bahr-e-tuufaanii me.n honaa hii muqaddar thaa
to apnii kashtii-e-jazbaat kaa KHud naaKHudaa hotaa
kabhii maujo.n se Takraataa kabhii lahro.n pe lahraataa
halaakat-KHez girdaabo.n kaa siina rau.ndtaa hotaa
nasiim-e-sub.h ban kar shoKHiyaa.n kartaa gulistaa.n me.n
gulo.n ko gudgudaataa ko.npalo.n ko chhe.Dtaa hotaa
gharo.n me.n yaas ke kartaa umiido.n ke ka.nval raushan
kisii biimaar-e-Gam kaa muunis-e-shaam-e-balaa hotaa
ik aisii baa.nsurii hotaa ki jis ke kaif-e-naGma se
jhapaktii aa.nkh taaro.n kii zamaana jhuumtaa hotaa
quluub-e-saKHt kii sangiin diivaaro.n se Takraataa
sukuut-e-shab me.n ik TuuTe hu.e dil kii sadaa hotaa
Dubo kar kashtii-e-sarmaaya-daarii qa'r-e-dariyaa me.n
mai.n maGruuro.n kii hasrat kaa tamaashaa dekhtaa hotaa
Gariibo.n ke mohallo.n me.n charaaG-e-rah-guzar ban kar
a.ndhere jho.npa.Do.n ko bhiik apnii de rahaa hotaa
charaaG-e-rahguzaar-e-be-kasii jis ke ujaale me.n
kisii mazduur faaqa-kash kaa bachcha kheltaa hotaa
bahisht-e-qaisar-o-faGfuur ke sunsaan kha.nDaro.n me.n
tabaahii aur baGaavat kaa taraana gaa rahaa hotaa
patango.n ko haraarat sham' ko sozish 'ataa kartaa
agar jalnaa hii thaa dil ko to ik aatish-kada hotaa
magar afsos fitrat ne mujhe shaa'ir banaa Daalaa
nahii.n to 'ashk' apnii aarzuu.o.n kaa KHudaa hotaa

Ahsan Ahmad Ashk

Nazm

kab tak

rahegaa tund-KHuu suuraj jahaa.n par hukmraa.n kab tak
rahe.nge KHaak ke zarre fazaa me.n pur-fishaa.n kab tak
ye kamzoro.n kii aabaadii me.n taaqat kii ‘amal-daarii
rahegaa dev-e-istibdaad kaa sikka ravaa.n kab tak
tamaasha kab talak dekhegii qudrat KHuun-e-armaa.n kaa
gire.ngii KHirman-e-dahqaa.n pe aaKHir bijliyaa.n kab tak
rahegii husn kii kab tak dilo.n par mashq-e-gul-kaarii
mohabbat kii rahe.ngii daastaane.n KHuu.n-chakaa.n kab tak
rahegii shauq ke paa.nv me.n kab tak vaqt kii be.Dii
bisaat-e-yaas par le.ngii umiide.n siskiyaa.n kab tak
agar soz-e-yaqii.n dil me.n hai aa.nkhe.n dekh hii le.ngii
chhupaa rakkhegaa manzil ko Gubaar-e-kaarvaa.n kab tak

Ahsan Ahmad Ashk

Nazm

shair ki tamannaen

agar ai sham'-e-dil jalnaa hii thaa tujh ko to jalnaa thaa
kisii bekas kii turbat par charaaG-e-niim-jaa.n ho kar
ye hasrat thii ki maujo.n ke talaatum me.n bahaa jaataa
mai.n apnii kashtii-e-be-baadbaa.n kaa paasbaa.n ho kar
bataataa haalat-e-raftaar-e-shab sahraa-nashiino.n ko
nujuum-e-charKH ban kar kaarvaa.n-dar-kaarvaa.n ho kar
thake-maa.nde musaafir ko sulaa detaa lab-e-dariyaa
havaa-e-sarv ban kar mauja-e-‘ambar-fashaa.n ho kar
guzar jaataa fuGaa.n kartaa hu.aa sunsaan vaadii se
fazaa.o.n ko jagaa detaa daraa-e-kaarvaa.n ho kar
umiid-o-biim ke jhag.De miTaa detaa zamaane se
KHudii kaa devtaa ban kar KHudaa kaa tarjumaa.n ho kar
fareb-e-husn detaa diida-e-kor-e-tamanna ko
nigaah-e-dil-nashii.n ban kar adaa-e-dilsitaa.n ho kar
kisii kii aarzuu karnii hii thii to 'umr bhar kartaa
javaanii me.n havas ban kar bu.Dhaape me.n javaa.n ho kar
taraqqii munhasir 'isyaa.n pe hai maqsuud-e-fitrat kii
ta.Daptaa siina-haa-e-shauq me.n raaz-e-ziyaa.n ho kar
ye hasrat thii ki ‘aalamgiir hotii raushnii dil kii
ye hasrat thii ki chhaa jaataa zamii.n par aasmaa.n ho kar
magar kyaa kiijiye jab faisla ye hai mashiyyat kaa
ki mai.n fitrat kii aa.nkho.n se giruu.n ashk-e-ravaa.n ho kar

Ahsan Ahmad Ashk

Nazm

hilal-e-id

fazaao.n ke samundar me.n talaatum ho gayaa barpaa
mah-e-nau kii sunahrii naav uchhlii khaa ke hachkolaa
nazar niichii kiye mahmil se baahar aa ga.ii lailaa
tabassum aate aate ruk gayaa sharmaa ga.ii lailaa
kan-a.nkhiyo.n kaa ishaara shoKHiyaa.n kartaa hai ghuu.nghaT me.n
sharaarat ke 'anaasir mil ga.e hai.n muskuraahaT me.n
hilaal-e-'iid ko kyo.n KHanjar-e-naaz-o-adaa kahiye
buraa kyaa hai jo mehraab-e-jabiin-e-dil-rubaa kahiye
mubaarak ho sameTii lailaa-e-shab ne ridaa apnii
‘uruus-e-'iid ne parde se dikhlaa.ii adaa apnii
masaajid me.n mo.azzin kii sadaa.e.n bahkii jaatii hai.n
lab-e-zaahid ko jumbish hai du'aa.e.n bahkii jaatii hai.n
tamannaa.o.n kii kaliyaa.n khil rahii hai.n dil ke daaman me.n
taraana hai masarrat kaa fazaa ke dil kii dha.Dkan me.n
bahaar-e-‘iid aa.ii husn kii raunaq ba.Dhaane ko
javaa.n beva ke dil me.n sham’-e-hasrat ko jalaane ko
bahaar-e-‘iid hasrat kii KHalish dil me.n jagaatii hai
yatiimo.n kii nazar ko siskiyaa.n lenaa sikhaatii hai
bahaar-e-‘iid kyaa haijaan-e-jazbaat-e-tamannaa.ii
bahaar-e-‘iid kyaa daulat kii ik be-kaif ang.Daa.ii
dhu.aa.n uTThe na kyo.n shaa'ir ke qalb-e-zaar-o-sozaa.n se
ki khelii jaa rahii hai.n holiyaa.n KHuun-e-Gariibaa.n se
vo dekho ho rahii hai raushnii aivaan-e-daulat me.n
lahuu dahqaa.n kaa jaltaa hai charaaG-e-bazm-e-'ishrat me.n
hilaal-e-'iid KHuun-e-aarzuu rangiiniyaa.n terii
yatiimo.n kii nigaah-e-be-zabaa.n afsaana-KHvaa.n terii
qasam hai ai hilaal-e-'iid ashko.n kii ravaanii kii
qasam hai ai hilaal-e-'iid beva kii javaanii kii
qasam un kaarvaano.n kii jo luT jaa.e.n sar-e-manzil
qasam un kashtiyo.n kii Duub jaa.e.n jo lab-e-saahil
qasam un surKH aa.nkho.n kii ho taarii jin pe be-hoshii
qasam us nutq kii jo ho gayaa ho nazr-e-KHaamoshii
qasam un zard ho.nTo.n kii banii jin ke liye narmii
qasam un sard boso.n kii nahii.n jin me.n zaraa garmii
qasam us naala-e-shab kii nahii.n jis kaa kahii.n maaman
qasam us chashm-e-tar kii jis kii qismat me.n nahii.n daaman
qasam hai us jamaahii kii jo ho rusvaa-kun-e-mastii
qasam hai us javaanii kii jo ho vaqf-e-Gam-e-hastii
qasam hai ai hilaal-e-'iid saa.il kii nigaaho.n kii
qasam hai kaj-kulaahii kii qasam hai kaj-kulaaho.n kii
ki raunaq tujh se ho saktii hai 'ishrat ke dayaaro.n me.n
magar kyaa KHaak hogii raushnii dil ke mazaaro.n me.n

Ahsan Ahmad Ashk

Nazm

ujale ki lakir

vaqt kii gard chhaTegii to ba-unvaan-e-sahar
manzil-e-shauq kii raaho.n kaa ta.ayyun hogaa
ik na.e daur kii ta.amiir kare.nge ham sab
chaa.nd taaro.n se sajaa apnaa nasheman hogaa

Noor -e-Shama Noor

Nazm

subh-e-shab-e-intizar

yahii vo manzil-e-maqsuud hai ki jis ke liye
ba.De hii azm se apne safar pe nikle the
isii gha.Dii kii tamanna me.n jaane kitne log
jo be-KHataa the magar suuliyo.n pe laTke the

Syeda Shan-e-Meraj

Nazm

ahl-e-junun

apnaa ehsaas ye kaavish ye tafakkur ye samajh
ham se hii vaqt kii ye saarii masiihaa.ii hai
apne hii naqsh-e-qadam sang-e-nishaan-e-manzil
apne hii dam se basiirat hai ye biinaa.ii hai

Noor -e-Shama Noor

Nazm

gulha-e-aqidat

qumriyaa.n miiThe suro.n ke saaz le kar aa ga.ii.n
bulbule.n mil-jul ke aazaadii ke gun gaane lagii.n
gul se apnii nisbat-e-deriina kii khaa kar qasam
ahl-e-dil ko ishq ke andaaz samjhaane lagii.n

Syeda Shan-e-Meraj

Nazm

bhagwan krishn ki taswir dekh kar

mujhe tere tasavvur se KHushii mahsuus hotii hai
dil-e-murda me.n bhii kuchh zindagii mahsuus hotii hai
ye taaro.n kii chamak me.n hai na phuulo.n hii kii KHushbuu me.n
tirii tasviir me.n jo dilkashii mahsuus hotii hai
tujhe mai.n aaj tak masruuf-e-dars-o-va.az paataa huu.n
tirii hastii mukammal aagahii mahsuus hotii hai
ye kyaa mumkin nahii.n tuu aa ke KHud ab is kaa darmaa.n kar
fazaa-e-dahr me.n kuchh barhamii mahsuus hotii hai
ujaalaa saa ujaalaa hai tirii sham-e-hidaayat kaa
shab-e-tiira me.n bhii ik raushnii mahsuus hotii hai
mai.n aa.uu.n bhii to kyaa mu.nh le ke aa.uu.n saamne tere
KHud apne-aap se sharmindagii mahsuus hotii hai
taKHayyul me.n tire nazdiik jab mai.n KHud ko paataa huu.n
mujhe us vaqt ik-tarfa KHushii mahsuus hotii hai
tuu hii jaane kahaa.n le aa.ii mujh ko aarzuu terii
ye manzil ab saraapaa be-KHudii mahsuus hotii hai
'ka.nval' jis vaqt kho jaataa huu.n mai.n us ke tasavvur me.n
mujhe to zindagii hii zindagii mahsuus hotii hai

Kanval M. A

Nazm

phir sham hui

aasmaa.n par ravaa.n surma.ii baadalo
haa.n tumhii.n kyaa u.Do aur uu.nche u.Do
baaG-e-aalam ke taaza shagufta guluu
be-niyaazaana mahkaa karo KHush raho
lekin itnaa bhii sochaa, kabhii zaalimo!
ham bhii hai.n aashiq-e-ra.ng-o-buu shahr me.n

Ibn۔e۔Insha

Nazm

dil-ashob

tire lutf-o-ataa kii dhuum sahii mahfil mahfil
ik shaKHs thaa inshaa naam-e-mohabbat me.n kaamil
ye shaKHs yahaa.n paamaal rahaa, paamaal gayaa

Ibn۔e۔Insha

Nazm

swadeshi tahrik

qaraar-e-KHaatir-e-aashufta hai fazaa us kii
nishaan-e-manzil-e-sidq-o-safaa sudeshii hai

Tilok Chand Mahroom

Nazm

andhera aur ujala

manzile.n kaaT ke is manzil-e-naayaab tak aa pahu.nchaa huu.n
mai.n jahaa.n kho saa gayaa huu.n vahii naakaamii kii manzil aa.ii

Ghayas Mateen

Nazm

bahut qarib ho tum

vafaa bhii jis pe hai naazaa.n vo bevafaa tum ho
jo kho ga.ii hai mire dil kii vo sadaa tum ho
bahut qariib ho tum phir bhii mujh se kitnii duur
hijaab-e-jism abhii hai hijaab-e-ruuh abhii
abhii to manzil-e-sad-mehr-o-maah baaqii hai
hijaab-e-faasla-haa-e-nigaah baaqii hai
visaal-e-yaar abhii tak hai aarzuu kaa fareb

Ali Sardar Jafri

Nazm

urdu zaban

maa.il-e-parvaaz hai is kaa adab
manzil-e-parvaaz hai urdu zabaa.n

Mauj Fatehgarhi

Nazm

talwon ko chaTta hua din

ye kaa.enaat ke talvo.n ko chaaTtaa hu.aa din
mujaaviraan-e-dar-e-'ishq ke qarii.n rah kar
janaab-e-‘ishq ke
hujre me.n shab guzaartaa hai
charaaG-e-'ishq kii lau me.n se
din ubhaartaa hai
charaaG-e-'ishq kii lau me.n se
din ubhaartaa hai

Nadeem Najid

Nazm

urdu zaban

paa.egaa jald manzil-e-maqsuud bil-yaqii.n
jaarii jo kaarvaan hai urduu zabaan kaa

Shayar Ali Shayar

Nazm

tum mera intizar mat karna

kyuu.nki kahte hai.n log ye mujh se
mai.n huu.n ab manzil-e-javaanii me.n

Khalid Raheem

Nazm

mere sathi tere aur mere darmiyan

jaane kis manzil-e-ziist par aa ga.e
terii yaado.n ke mahtaab gahnaa ga.e

Riyaz Anwar

Nazm

mohabbat

kahaa.n ye qatra misaal-e-dariyaa
kahaa.n mirii manzil-e-talab hai

Saeed Warsi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now