Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "naahaq"

Nazm MATCHES FOR "naahaq"

Nazm

shishon ka masiha koi nahin

tum naahaq Tuk.De chun chun kar
daaman me.n chhupaa.e baiThe ho
shiisho.n kaa masiihaa ko.ii nahii.n
kyaa aas lagaa.e baiThe ho

Faiz Ahmad Faiz
Nazm

barsat ki bahaaren

baadal havaa ke uupar ho mast chhaa rahe hai.n
jha.Diyo.n kii mastiyo.n se dhuume.n machaa rahe hai.n
pa.Dte hai.n paanii har jaa jal-thal banaa rahe hai.n
gulzaar bhiigte hai.n sabze nahaa rahe hai.n
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

panw se lahu ko dho Dalo

ham kyaa karte kis rah chalte
har raah me.n kaa.nTe bikhre the
in rishto.n ke jo chhuuT ga.e
in sadiyo.n ke yaarano.n ke
jo ik ik kar ke TuuT ga.e
jis raah chale jis samt ga.e
yuu.n paa.nv lahuuluhaan hu.e
sab dekhne vaale kahte the
ye kaisii riit rachaa.ii hai
ye meh.ndii kyuu.n lagaa.ii hai
vo kahte the kyuu.n qaht-e-vafaa
kaa naahaq charchaa karte ho
paa.nv se lahuu ko dho Daalo!
ye raahe.n jab aT jaa.e.ngii
sau raste in se phuuTe.nge
tum dil ko sambhaalo jis me.n abhii
sau tarah ke nashtar TuuTe.nge

Faiz Ahmad Faiz
Nazm

aurat march: taswir ka dusra ruKH

suno bint-e-havvaa!
mai.n aadam kaa beTaa huu.n
aa.o tasallii se nimTaayen jhag.Daa
ye havvaa kii izzat kaa havvaa banaa kar dikhaayaa gayaa hai
mujhe tum se naahaq la.Daayaa gayaa hai

Rehman Faris
Nazm

dar-ul-makafat

hai duniyaa jis kaa naa.nv miyaa.n ye aur tarah kii bastii hai
jo ma.nhgo.n ko ye mah.ngii hai aur sasto.n ko ye sastii hai
yaa.n har-dam jhag.De uThte hai.n har-aan adaalat bastii hai
gar mast kare to mastii hai aur past kare to pastii hai
kuchh der nahii.n andher nahii.n insaaf aur adl-parastii hai
is haath karo us haath mile yaa.n saudaa dast-ba-dastii hai
jo aur kisii kaa maan rakhe to us ko bhii armaan mile
jo paan khilaa de paan mile jo roTii de to naan mile
nuqsaan kare nuqsaan mile ehsaan kare ehsaan mile
jo jaisaa jis ke saath kare phir vaisaa us ko aan mile
kuchh der nahii.n andher nahii.n insaaf aur adl-parastii hai
is haath karo us haath mile yaa.n saudaa dast-ba-dastii hai
jo aur kisii kii jaa.n baKHshe to us kii bhii haq jaan rakhe
jo aur kisii kii aan rakhe to us kii bhii haq aan rakhe
jo yaa.n kaa rahne vaalaa hai ye dil me.n apne jaan rakhe
ye turat-phirat kaa naqsha hai is naqshe ko pahchaan rakhe
kuchh der nahii.n andher nahii.n insaaf aur adl parastii hai
is haath karo us haath mile yaa.n saudaa dast-ba-dastii hai
jo paar utaare auro.n ko us kii bhii paar utarnii hai
jo Garq kare phir us ko bhii Dubko.n Dubko.n karnii hai
shamshiir tabar banduuq sinaa.n aur nashtar tiir nahrnii hai
yaa.n jaisii jaisii karnii hai phir vaisii vaisii bharnii hai
kuchh der nahii.n andher nahii.n insaaf aur adl-parastii hai
is haath karo is haath mile yaa.n saudaa dast-ba-dastii hai
jo uupar uu.nchaa bol kare to us kaa bol bhii baalaa hai
aur de paTke to us ko bhii ko.ii aur paTakne vaalaa hai
be-zulm-o-KHataa jis zaalim ne mazluum zabah kar Daalaa hai
us zaalim ke bhii lohuu kaa phir bahtaa naddii-naalaa hai
kuchh der nahii.n andher nahii.n insaaf aur adl-parastii hai
is haath karo us haath mile yaa.n saudaa dast-ba-dastii hai
jo misrii aur ke mu.nh me.n de phir vo bhii shakkar khaataa hai
jo aur ta.ii.n ab Takkar de phir vo bhii Takkar khaataa hai
jo aur ko Daale chakkar me.n phir vo bhii chakkar khaataa hai
jo aur ko Thokar maar chale phir vo bhii Thokar khaataa hai
kuchh der nahii.n andher nahii.n insaaf aur adl-parastii hai
is haath karo us haath mile yaa.n saudaa dast-ba-dastii hai
jo aur kisii ko naahaq me.n ko.ii jhuuTii baat lagaataa hai
aur ko.ii Gariib aur bechaara haq naa-haq me.n luT jaataa hai
vo aap bhii luuTaa jaataa hai aur laaThii-paaThii khaataa hai
jo jaisaa jaisaa kartaa hai phir vaisaa vaisaa paataa hai
kuchh der nahii.n andher nahii.n insaaf aur adl-parastii hai
is haath karo us haath mile yaa.n saudaa dast-ba-dastii hai
jo aur kii pag.Dii le bhaage us kaa bhii or uchakkaa hai
jo aur pe chaukii biThlaave us par bhii dho.ns-dha.Dakkaa hai
yaa.n pushtii me.n to pushtii hai aur dhakke me.n yaa.n dhakkaa hai
kyaa zor maze kaa jamghaT hai kyaa zor ye bhii.D-bha.Dakkaa hai
kuchh der nahii.n andher nahii.n insaaf aur adl-parastii hai
is haath karo us haath mile yaa.n saudaa dast-ba-dastii hai
hai khaTkaa us ke haath lagaa jo aur kisii ko de khaTkaa
aur Gaib se jhaTkaa khaataa hai jo aur kisii ke de jhaTkaa
chiire ke biich me.n chiiraa hai aur paTke biich jo hai paTkaa
kyaa kahiye aur 'naziir' aage hai zor tamaashaa jhaT-paTkaa
kuchh der nahii.n andher nahii.n insaaf aur adl-parastii hai
is haath karo us haath mile yaa.n saudaa dast-ba-dastii hai

Nazeer Akbarabadi
Nazm

ye sarae hai

ek din sub.h jo dekhaa to saraa.e me.n na thaa
jaane kis des gayaa hai vo divaanaa Dhuu.nDo!!
ham se puuchho to na aa.egaa vo jaane vaalaa
tum to naahaq ko bhaTakne kaa bahaanaa Dhuu.nDo
yaa.n to aayaa jo musaafir yuu.n hii shab-bhar Thahraa
ye saraa.e hai yahaa.n kis kaa Thikaanaa Dhuu.nDo

Ibn۔e۔Insha
Nazm

ai matawalo! naqon walo!!

apnaa bhii vo dost thaa ham bhii paas us ke baiTh aate hai.n
idhar udhar ke qisse kah ke jii us kaa bahlaate hai.n
ukh.Dii-ukh.Dii baat kare hai bhuul ke aglaa yaaraanaa
kaun ho tum kis kaam se aa.e? ham ne na tum ko pahchaanaa
jaane ye kis ne choT lagaa.ii jaane ye kis ko pyaar kare
tumhii kaho ham kis ko Dhuu.nDe.n aahe.n khii.nche naam na le
piit me.n aise jaan se yaaro kitne log guzarte hai.n
piit me.n naahaq mar nahii.n jaate piit to saare karte hai.n
ai matvaalo naaqo.n vaalo! nagrii nagrii jaate ho
kahii.n jo us kii jaan kaa bairii mil jaa.e ye baat kaho
chaak-girebaa.n ik diivaana phirtaa hai hairaa.n hairaa.n
patthar se sar pho.D maregaa diivaane ko sabr kahaa.n
tum chaaho to bastii chho.De tum chaaho to dasht basaa.e
ai matavaalo naaqo.n vaalo varna ik din ye hogaa
tum logo.n se aate jaate puuchhe.nge 'inshaa' kaa pataa

Ibn۔e۔Insha
Nazm

numaish-e-aligarh

shafaq naza.a me.n le rahii thii sambhaalaa
a.ndhere kaa Gam khaa rahaa thaa ujaalaa
sitaaro.n ke ruKH se naqaab uTh rahii thii
fazaa.o.n se mauj-e-shabaab uTh rahii thii
mai-e-zindagii jaam-e-mai-nosh me.n thii
vo kaif-e-masarrat, vo lamhaat-e-ra.ngii.n
vo ehsaas-e-mastii vo jazbaat-e-ra.ngii.n
vo pur-kaif aalam vo dilkash nazaare
vo jalvo.n ke bahte hu.e KHushk dhaare
vo namkiin aaGaaz-e-shab allaah allaah
numaa.ish kii vo taab-o-tab allaah allaah
vo baab-e-muzammil pe jashn-e-charaaGaa.n
falak par ho.n jaise sitaare daraKHshaa.n
fazaa.o.n me.n guu.nje hu.e vo taraane
vo jaa.n-baKHsh naGme vo pur-lutf gaane
vo har samt husn-o-lataafat kii jaane.n
vo aaraasta saaf suthrii dukaane.n
kahii.n par hai nazzaara kaariigarii kaa
kahii.n garm hotel hai peshaavarii kaa
ba-qadr-e-sukuu.n vo dilo.n kaa bahalnaa
amiiro.n Gariibo.n kaa yakjaa Tahalnaa
numaayaa.n numaayaa.n vo yaaraan-e-college
vo ishrat-ba-daamaa.n javaanaan-e-college
ko.ii tez-dastii o chustii pe naazaa.n
ko.ii sehhat o tandurustii pe naazaa.n
ko.ii husn kii jalva-rezii pe maa.il
ko.ii shoKH nazro.n kii tezii pe maa.il
idhar chashm-e-hairaa.n kii nazzaara-saazii
udhar husn vaalo kii jalva-taraazii
KHiraamaa.n KHiraamaa.n vo ham-joliyo.n me.n
nikaltii hu.ii muKHtalif Toliyo.n me.n
naqaabo.n me.n vo be-naqaabii kaa aalam
jo laataa hai dil par KHaraabii kaa aalam
kisii kaa vo chehre se aa.nchal uThaanaa
kisii kaa kisii se nigaahe.n churaanaa
kabhii yak-ba-yak chalte chalte Thaharnaa
nigaaho.n se jalvo.n kii islaah karnaa
kabhii ik tavajjoh dukaano.n kii jaanib
kabhii ik nazar naujavaano.n kii jaanib
tamaashaa Garaz kaamyaab aa rahaa thaa
numaa.ish pe goyaa shabaab aa rahaa thaa
idhar ham bhii bazm-e-taKHayyul sajaa kar
kha.De ho ga.e ek dukkaa.n pe aa kar
nazar mil ga.ii daf.atan ik nazar se
dha.Dakne lagaa dil mohabbat ke Dar se
idhar to nazar se jabii.n-saa.iyaa.n thii.n
udhar se bhii kuchh himmat-afzaa.iyaa.n thii.n
KHalish dil kii dono.n ko ta.Dpaa ga.ii thii
mohabbat kii manzil qariib aa ga.ii thii
KHayaalaat me.n is taraf ik talaatum
labo.n par udhar halkaa halkaa tabassum
nigaaho.n se ahd-e-vafaa ho rahaa thaa
ishaaro.n se matlab adaa ho rahaa thaa
idhar ishq ke baam-o-dar saj rahe the
gha.Dii me.n jo dekhaa to nau baj rahe the
yakaayak javaa.n kuchh mire paas aa.e
jo the aastiino.n pe bille lagaa.e
kahaa itnii takliif farmaa.iyegaa
numaa.ish se tashriif le jaa.iyegaa
Garaz chal diye ghar ko majbuur ho kar
mohabbat ke jalvo.n se ma.amuur ho kar
hu.i jaarii rahii thii ajab haalat-e-dil
ko.ii chhiin le jaise pa.Dhte me.n novel
ham is tarah baab-e-muzammil se nikle
lahuu jaise TuuTe hu.e dil se nikle
bahar-e-haal ab bhii vahii hai numaa.ish
naved-e-tarab de rahii hai numaa.ish
vahii jashn hai aur vahii zindagii hai
magar jaise har shai me.n ko.ii kamii hai
are o nigaaho.n pe chhaa jaane vaalii
mire dil ko rah rah ke yaad aane vaalii
tirii tarah jalva-numaa hai numaa.ish
tire husn kaa aa.inaa hai numaa.ish
numaa.ish me.n terii lataafat hai pinhaa.n
numaa.ish me.n terii nazaakat hai pinhaa.n
nigaaho.n ko naahaq tirii justujuu hai
yaqiinan numaa.ish ke parde me.n tuu hai

Shakeel Badayuni
Nazm

ye sarae hai

ham se puuchho to na aa.egaa vo jaane vaalaa
tum to naahaq ko bhaTakne kaa bahaana Dhuu.nDo

Ibn۔e۔Insha
Nazm

KHusha zamanat-e-gham

dayaar-e-yaar tirii joshish-e-junuu.n pe salaam
mire vatan tire daamaan-e-taar-taar kii KHair
rah-e-yaqii.n tirii afshaan-e-KHak-o-KHuu.n pe salaam
mire chaman tire zaKHmo.n ke laala-zaar kii KHair
har ek KHaana-e-viiraa.n kii tiirgii pe salaam
har ek KHaak-basar, KHaanumaa.n-KHaraab kii KHair
har ek kushta-e-naa-haq kii KHaamushii pe salaam
har ek diida-e-pur-nam kii aab-o-taab kii KHair
ravaa.n rahe ye rivaayat, KHushaa zamaanat-e-Gam
nashaat-e-KHatm-e-Gam-e-kaa.enaat se pahle
har ik ke saath rahe daulat-e-amaanat-e-Gam
ko.ii najaat na paa.e najaat se pahle
sakuu.n mile na kabhii tere paa-figaaro.n ko
jamaal-e-KHuun-e-sar-e-KHaar ko nazar na lage
amaa.n mile na kahii.n tere jaa.n-nisaaro.n ko
jalaal-e-farq-e-sar-e-daar ko nazar na lage

Faiz Ahmad Faiz
Nazm

chaar musafir

nikle safar ko paidal vo chaar ham-safar the
sab apne raaste aur manzil se baa-KHabar the
ik falsafii thaa un me.n duusraa thaa naa.ii
phir tiisraa sipaahii ganjaa thaa jis kaa bhaa.ii
ja.ngal me.n raat aa.ii laazim thaa un ko sonaa
le kar chale the apne vo o.Dhnaa bichhaunaa
so.e kuchh is tarah vo us me.n hoshiyaarii
har ek kaa thaa pahraa do ghanTe baarii baarii
pahle sipaahii jaagaa phir aadhii raat aa.ii
vo so gayaa to pahraa dene lagaa thaa naa.ii
lambe the aur ghane the jo baal us ke sar par
naa.ii ne muu.nD Daale tez usturaa pher kar
bedaar falsafii ko kar ke ye bolaa naa.ii
baarii ab aap kii hai uTh jaa.o mere bhaa.ii
jab haath falsafii ne cha.ndiyaa pe apnii pheraa
aape se ho ke baahar naa.ii ko us ne gheraa
ye kyaa Gazab kiyaa hai naahaq use uThaayaa
baarii thii falsafii kii ganje ko kyo.n jagaayaa

Aafaque Siddiqui
Nazm

maqule par amal

kahaa us naujavaa.n ne aap sab naahaq pareshaa.n hai.n
samajh sakte nahii.n hai.n aap ki mujh ko hu.aa kyaa hai

Syed Hashmat Sohail
Nazm

kachhwa aur KHargosh

ek kachhve ke aa ga.ii jii me.n
kiijiye sair o gasht KHushkii kii
jaa rahaa thaa chalaa hu.aa KHaamosh
us se naahaq ulajh pa.Daa KHargosh
miyaa.n kachhve! tumhaarii chaal hai ye
yaa ko.ii shaamat aur vabaal hai ye
yuu.n qadam phuu.nk phuu.nk dharte ho
goyaa uttuu zamii.n pe dharte ho
kyuu.n hu.e chal ke muft me.n bad-naam
be-chale kyaa aTak rahaa thaa kaam
tum ko ye hausla na karnaa thaa
chulluu paanii me.n Duub marnaa thaa
ye tan-o-tosh aur ye raftaar
aisii raftaar par KHudaa kii maar
bolaa kachhvaa ki ho.n KHafaa na huzuur
mai.n to huu.n aap mo'tarif ba-qusuur
agar aahistagii hai jurm-o-gunaah
to mai.n KHud apne jurm kaa huu.n gavaah
mujh ko jo saKHt sust farmaayaa
aap ne sab durust farmaayaa
mujh ko Gaafil magar na jaaniyegaa
banda-parvar buraa na maaniyegaa
yuu.n zabaanii javaab to kyaa duu.n
shart bad kar chalo to dikhlaa duu.n
tum to ho aaftaab me.n zarra
par miTaa duu.ngaa aap kaa Gurra
sun ke KHargosh ne ye talKH javaab
kahaa kachhve se yuu.n zi-ruu-e-itaab
tuu kare merii ham-sarii kaa KHayaal
terii ye taab ye sakat ye majaal
chyuu.nTii ke jo par nikal aa.e
to yaqii.n hai ki ab ajal aa.e
are bebaak! bad-zabaa.n mu.nh-phaT
tuu ne dekhii kahaa.n hai dau.D jhapaT
jab mai.n tezii se jast kartaa huu.n
shahsavaaro.n ko past kartaa huu.n
gard ko merii baad-e-paa na lage
laakh dau.De miraa pata na lage
rail huu.n barq huu.n chhalaavaa huu.n
mai.n chhalaave kaa balki baavaa huu.n
terii merii nibhegii sohbat kyaa
aasmaa.n ko zamii.n se nisbat kyaa
jis ne bhugte ho.n turkii o taazii
aaise mariyal se kyaa bade baazii
baat ko ab ziyaada kyaa duu.n tuul
KHair kartaa huu.n terii shart qubuul
hai munaasib ki imtihaa.n ho jaa.e
taaki aib o hunar ayaa.n ho jaa.e
al-Garaz ik maqaam Thahraa kar
hu.e dono.n hariif garm-e-safar
bas-ki zoro.n pe thaa cha.Dhaa KHargosh
tezii phurtii se yuu.n ba.Dhaa KHargosh
jis tarah jaa.e top kaa golaa
yaa gire aasamaan se olaa
ek do khet chauk.Dii bhar ke
apnii chustii pe aafrii.n kar ke
kisii goshe me.n so gayaa jaa kar
fikr ''kyaa hai chale.nge sustaa kar''
aur kachhvaa Gariib aahista
chalaa siine ko KHaak par ghistaa
suu.ii ghanTe kii jaise chaltii hai
yaa ba-tadriij chhaa.nv Dhaltii hai
yuu.nhii chaltaa rahaa ba-istiqlaal
na kiyaa kuchh idhar udhar kaa KHayaal
kaam kartaa rahaa jo pai-dar-pai
kar gayaa rafta rafta manzil tai
haif KHargosh rah gayaa sotaa
samra Gaflat kaa aur kyaa hotaa
jab khulii aa.nkh to saveraa thaa
saKHt sharmindagii ne gheraa thaa
sabr o mohabbat me.n hai sar-afraazii
sust kachhve ne jiit lii baazii
nahii.n qissa ye dil-lagii ke liye
balki ibrat hai aadmii ke liye
hai suKHan is hijaab me.n ruu-posh
varna kachhvaa kahaa.n kahaa.n KHargosh

Ismail Merathi
Nazm

holi

kahaa tumhaarii KHusuumat kaa maajraa hai kyaa
kahaa safed ne naahaq ye zard hai la.Dtaa
ye sun ke us ne vahii.n apnaa ik ma.ngaa jo.Daa
phir apne haath se jo.De ko chhi.Dakvaa.n ra.nvaa
kahaa ki dono.n raho shaamil-e-haal holii me.n

Nazeer Akbarabadi
Nazm

guDiya ki shadi

munnii bolii pyaarii aashaa
kitnii bholii merii gu.Diyaa
achchhaa hai teraa bhii guDDaa
ho jaa.e dono.n kaa rishta
aashaa bolii gunjaa.ish hai
lekin merii farmaa.ish hai
haathii luu.ngii gho.De luu.ngii
mai.n kap.De sau jo.De luu.ngii
T.V coolar aur ik motor
sone aur chaa.ndii ke zevar
dene ho.nge moTe paise
milte hai.n seTho.n ko jaise
mehmaano.n kii KHaatir achchhii
maano jab ye baat hai pakkii
munnii kaa to jii ghabraayaa
aa.nsuu Tapke sar chakraayaa
phir vo bolii jaa.o jaa.o
Duubegii kaaGaz kii naav
laalach kaa phal jis ne khaayaa
royaa aaKHir vo pachhtaayaa
aashaa bolii tum ho paagal
naahaq hii hotii ho be-kal
baate.n hai.n ye bahkii bahkii
mere dil me.n laalach chhii-chhii
mai.n ne tum ko yuu.nhii chhe.Daa
kyuu.n Duube ulfat kaa be.Daa
terii gu.Diyaa merii gu.Diyaa
meraa guDDaa teraa guDDaa
paise kii kaisii barbaadii
shaadii hogii siidhii-saadii
laa.o jaldii sharbat laa.o
jaa.o uchhlo naacho gaa.o

Zafar Kamali
Nazm

zauq-e-shairana

mai.n talaash kar rahii thii Gam-e-dil kaa kuchh bahaana
mirii raah me.n ye naahaq kahaa.n aa gayaa zamaana
mire haal par karam kar kabhii dost Gaa.ebaana
vo sukuun baKHsh dil ko ki ta.Dap uThe zamaana
hai tavaaf ab bhii jaarii tire aastaa.n kaa lekin
nahii.n mil sakaa jabii.n ko tiraa sa.ng-e-aastaana
tirii baargaah tak ho mirii kis tarah rasaa.ii
mujhe dii ga.ii gadaa.ii tujhe taKHt-e-KHusravaana
mai.n ta.Dap ta.Dap ke Gam me.n rahii be-qaraar-o-muztar
mire dil kii dha.Dkano.n ko nahii.n sun sakaa zamaana
miraa shauq-e-sajda-rezii hai hanuuz naa-mukammal
mujhe ko.ii ye bataa de hai kahaa.n vo aastaana
mire Gam kii zindagii par mire haal-e-bekasii par
kabhii rahm un ko aa.e kabhii ro pa.De zamaana
ka.ii baar aa ke bijlii girii sehn-e-gulsitaa.n par
ye rahii hamaarii qismat ki jalaa na aashiyaana
mujhe hosh hii nahii.n kuchh ki mai.n shaad huu.n ki 'naashaad'
hai suruur-e-mai se ba.Dh kar miraa zauq-e-shaa.iraana

Rabia Sultana Nashad
Nazm

meri shaeri aur naqqad

ai mire dost! mire Gam ke parakhne vaale
bas chale meraa to laa duu.n tujhe ruuh-e-gul-e-tar
baKHsh duu.n apnii ta.Dap, apnaa junuu.n apnii nazar
phir tujhe apne shab o roz kaa aalam dikhlaa.uu.n
har tabassum me.n tujhe shaaibaa-e-Gam dikhlaa.uu.n
KHuun-e-naahaq pe jo hotaa hai vo maatam dikhlaa.uu.n
partav-e-KHur se jo be-jaa.n hai vo shabnam dikhlaa.uu.n
tujh ko dikhlaa.uu.n ki be-ra.ng hai kis darja sahar

Moin Ahsan Jazbi
Nazm

phul barsao shahidan-e-watan ki KHak par

dekh lenaa KHuun-e-naahaq rang ik din laa.egaa
KHud-Garaz zaalim kiye par apne KHud pachhtaa.egaa

Tilok Chand Mahroom
Nazm

dars-e-mohabbat

dost milaa thaa tujh ko kaisaa haif itnaa bhii yaad nahii.n
jaan fidaa kartaa thaa jis par dil me.n us kii yaad nahii.n
gardish-e-dauraa.n ne jab us ko aah shikasta-haal kiyaa
dekh kar us ke haal-e-zabuu.n ko tuu ne kuchh na malaal kiyaa
kaun shikasta-haal kahaa.n hai ye bhii dhyaan aayaa na tujhe
aah tasavvur ne aise mohsin ke ta.Dpaayaa na tujhe
paas thaa apne qaul kaa jis ko tuu ne kuchh us kaa paas kiyaa
aamad-o-raft-e-deriina kaa bhuul ke bhii ehsaas kiyaa
us ke dard se vaaqif ho kar tuu ne KHabar kyaa lii us kii
qarz mohabbat jaan ke dil se kyaa ko.ii KHidmat kii us kii
dil tere us dost kaa naahaq vaqf-e-sahar-e-lisaanii thaa
merii samajh me.n ab aayaa vo jam-o-KHarch zabaanii thaa
naadaa.n insaan terii daulat tere saath na jaa.egii
lailaa-e-matlab duur rahegii tere paas na aa.egii
hasr faqat tujh hii par kiyaa hai tuu hii ik zar-dost nahii.n
dost bahut milte hai.n lekin un me.n aksar dost nahii.n
dost nahii.n jo naam kii KHaatir apne dost ke kaam aa.e
dost vo hai logo.n kii zabaa.n par jis kaa misaalan naam aa.e

Ali Manzoor Hyderabadi
Nazm

sham ka aKHbar

denaa bhaa.ii haa.n mujhe bhii shaam kaa aKHbaar ek
phir kisii ThanDe lahuu ne garm kii hogii KHabar
kaun se beTe hu.e hai.n stikato kii nazr
aaj kii shah-surKHiyo.n me.n KHuun-e-naahaq phir milaa
taaza taaza zard kaaGaz par gul-e-ahmad khilaa
kis galii maatam bichhaa hai
kyaa saro.n kaa hai shumaar
aaTh column kii KHabar ke vaaste hai.n sirf chaar?
KHaak me.n luth.Dii hu.ii suurat hai ye kis phuul kii
kahte hai.n diivaar-o-dar building hai ye school kii
aaj to tasviir bhii dhundlaa ga.ii maqtuul kii
naa-munaasib hai reporting
be-tukii manzar-kashii
kyuu.n nahii.n rakh paate hai.n parche kaa ye me.aar ek
ban ga.ii hai ab sahaafat jaise kaarobaar ek
denaa bhaa.ii phir bhii mujh ko shaam kaa aKHbaar ek

Mirza Mohammad Nayar
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now