Search result for "naaravaa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "naaravaa"

Nazm MATCHES FOR "naaravaa"

Nazm

daraKHt-e-zard

nahii.n ma.aluum 'zaryuun' ab tumhaarii umr kyaa hogii
vo kin KHvaabo.n se jaane aashnaa naa-aashnaa hogii
tumhaare dil ke is duniyaa se kaise silsile ho.nge
tumhe.n kaise gumaa.n ho.nge tumhe.n kaise gile ho.nge
tumhaarii sub.h jaane kin KHayaalo.n se nahaatii ho
tumhaarii shaam jaane kin malaalo.n se nibhaatii ho
na jaane kaun doshiiza tumhaarii zindagii hogii
na jaane us kii kyaa baayastagii shaa.istagii hogii
use tum phone karte aur KHat likhte rahe hoge
na jaane tum ne kitnii kam Galat urdu likhii hogii
ye KHat likhnaa to daqyaanuus kii pii.Dhii kaa qissa hai
ye sinf-e-nasr ham naa-baaliGo.n ke fan kaa hissa hai
vo ha.nstii ho to shaayad tum na rah paate ho haalo.n me.n
ga.Dhaa nanhaa saa pa.D jaataa ho shaayad us ke gaalo.n me.n
gumaa.n ye hai tumhaarii bhii rasaa.ii naa-rasaa.ii ho
vo aa.ii ho tumhaare paas lekin aa na paa.ii ho
vo shaayad maa.ide kii gand biryaanii na khaatii ho
vo naan-e-be-KHamiir-e-maida kam-tar hii chabaatii ho
vo doshiiza bhii shaayad daastaano.n kii ho dil-daada
use ma.aluum hogaa 'zaal' thaa 'sohraab' kaa daadaa
tahamtan ya.anii 'rustam' thaa giraamii 'saam' kaa vaaris
giraamii 'saam' thaa sulb-e-nar-e-'maanii' kaa KHush-zaada
(ye merii ek KHvaahish hai jo mushkil hai)
vo 'najm'-aafa.ndi-e-marhuum ko to jaantii hogii
vo nauho.n ke adab kaa tarz to pahchaantii hogii
use kad hogii shaayad un sabhii se jo lapaa.Dii ho.n
na ho.nge KHvaab us kaa jo gavayye aur khilaa.Dii ho.n

Jaun Eliya

Nazm

husn aur mazduri

naazniino.n kaa ye aalam maathar-e-hind aah aah
kis ke jaur-e-naa-ravaa ne kar diyaa tujh ko tabaah?

Josh Malihabadi

Nazm

aalam-e-barzaKH

ye to barzaKH hai yahaa.n vaqt kii iijaad kahaa.n
ik baras thaa ki mahiina hame.n ab yaad kahaa.n
vahii taptaa hu.aa garduu.n vahii a.ngaaraa zamii.n
jaa-ba-jaa tishna o aashufta vahii KHaak-nashii.n
shab-garaa.n ziist-garaa.n-tar hii to kar jaatii thii
suud-KHoro.n kii tarah dar pe sahar aatii thii
ziist karne kii mashaqqat hii hame.n kyaa kam thii
mustazaad us pe pirohit kaa junuun-e-taaza
sab ko mil jaa.e gunaaho.n kaa yahii.n KHamyaaza
naa-ravaa-daar fazaa.o.n kii jhulastii hu.ii luu!
mohtasib kitne nikal aa.e gharo.n se har suu
taa.Dte hai.n kisii chehre pe taraavat to nahii.n
ko.ii lab nam to nahii.n bashre pe farhat to nahii.n
kuucha kuucha me.n nikaale hu.e KHuunii diide
gurz uThaa.e hu.e dhamkaate phiraa karte hai.n
nau-e-aadam se bahar-taur riyaa ke taalib
ruuh be-zaar hai kyuu.n chho.D na jaa.e qaalib
zindagii apnii isii taur jo guzrii 'Gaalib'
ham bhii kyaa yaad kare.nge ki KHudaa rakhte the

Fahmida Riaz

Nazm

shauhar ki fariyaad

kar na ThanDaa sard-mehrii se miraa josh-e-talab
naaravaa hai ye tashaddud naa-munaasib ye Gazab
kis liye paaband kar rakkhaa hai mujh ko be-sabab
tuu KHudaa ke vaaste bas aaj jaane de club
taash kheluu.ngaa na jii shatranj se bahlaa.uu.ngaa
shab ke saa.Dhe aaTh se pahle mai.n ghar aa jaa.uu.ngaa

Asad Jafri

Nazm

diwali

hind vaalo.n ko maraz hai naaravaa taqliid kaa
aaj ghar me.n seTh-jii bhii khel lete hai.n ju.aa

Shatir Hakeemi

Nazm

aandhi ka rajaz

adhuure saayo.n ke Gol
taariiKH ke aasebii chhak.De ko
be-parvaa.ii aur anaa.Dii-pan se khii.nchte hai.n
sayyaaro.n kii guzargaahe.n
bhurnhurii aur mukaddar ho ga.ii hai.n
kaa.enaat ke mu.nh par
kharo.nche pa.D ga.e hai.n
siyaasii jitne gahre adam jitne lambe
rau.nd me.n aa.ii hu.ii piilii pattiyo.n kii tarah
sitaare aasmaan par liip diye ga.e hai.n
un ki martuub jhilmilaahaT a.ndhero.n ko uksaatii hai
aur nahuusato.n kaa hausla ba.Dhaatii hai
mai.n hazaaro.n nuurii baras ke raqbe ko
zamaan o makaan kii naaravaa amal-daarii se
nikaalne ke liye uThii huu.n
pighle hu.e faulaad ke favvaare kii tarah
ek pur-Gubaar mismaarii ek KHaar-daar duKHaanii uThaan ke saath

Ahmad Javaid

Nazm

main, ek aur main

ain-mumkin hai paidaa yahii.n vo hu.aa ho
javaa.n ho gayaa to kisii duusre des me.n jaa basaa
naa-ravaa mausamo.n ke thape.Do.n kii yalGaar me.n
kuchh fasurda o maGmuum bikhraa hu.aa
lauT aayaa ho ik roz apne puraane isi shahr me.n

Balraj Komal

Nazm

raat

raat ke a.ndhere me.n kitne paap palte hai.n
puuchhtaa phire ko.ii kis se kaun paapii hai
puuchhne se kyaa haasil puuchhne se kyaa hogaa
mahshar ik bapaa hogaa shor-e-naaravaa hogaa
dard kam to kyaa hogaa aur kuchh sivaa hogaa
kaun kis kii suntaa hai kis ko itnii fursat hai
daad KHvaah ban.naa bhii fe.al-e-be-faziilat hai
daad samm-e-qaatil hai marnaa kis ko bhaataa hai
taur-e-zindagii saahab raat kaa niraalaa hai

Daud Ghazi

Nazm

KHala sa kahin hai

mai.n ik bachcha-e-qarya-e-duur-uftaada
lekin
mire baKHt me.n aaj tak
paa.e-taKHtii sukuunat rahii hai
aur ab jis idaare se vaabastagii hai
vahaa.n ain laazim hai bairuun-e-kishvar
yuu.n hii paa.e-taKHtii sukuunat mile
(ya.anii mahfil me.n uzlat mile)
vo KHush-baKHt o KHush-kaam ho.n
zindagii se shikaayat
saraasar Galat naa-ravaa hai
vo bar-haq hai haq jaantaa hai

Shahram Sarmadi

Nazm

ibham dida

muKHaatib
aasmaa.n hai yaa zamii.n
maaluum kar lenaa
ki dono.n ke liye tashbiib ke
misre alag se hai.n
kahii.n aisaa na ho
ki aasmaa.n bad-zan
zamii.n naaraaz ho jaa.e
qasiide me.n gurez-e-naa-ravaa kaa
mo.D aa jaa.e
tire sar pe ko.ii ilzaam aa.ed ho
ki tuu bhii andaliib-e-gulshan-e-naa-aafriida hai
suKHan-fahmii tirii gunjalak
bayaa.n ib.haam-diida hai
ye mashvara is liye detaa huu.n
jaan-e-man
ki gardish me.n ghiraa hai aasmaa.n
barham tabaq saare
zamii.n bhii apne mahvar se alag chakkar lagaatii hai
qasiida soch ke likhnaa
kahii.n in.aam o KHil.at kii jagah
kaasa na bhar jaa.e
malaamat se
KHajaalat se
nadaamat se

Wahab Danish

Nazm

gandhi ji ki yaad mein

suluuk-e-naaravaa-e-daar-e-faanii dekhte jaa.o
hamaaraa haal bhii ai aa.n-jahaanii dekhte jaa.o
na jaane tum kahaa.n jaa kar achaanak ho ga.e pinhaa.n
pa.Dii ham par jo aafat naa-gahaanii dekhte jaa.o
bapaa hai har taraf maatam siyah-poshii hai har jaanib
zamaana kar rahaa hai nauha-KHvaanii dekhte jaa.o
suhaagan thaa tire dam se ye hindustaan ai baapuu
hu.ii barbaad ab is kii javaanii dekhte jaa.o
kabhii Daalo nazar hindostaa.n ke baKHt-e-KHufta par
zaraa naakaamiyo.n kii kaamraanii dekhte jaa.o
bahaare.n luT ga.ii.n saarii kii saarii vaa.e-naakaamii
KHizaa.n kii har taraf hai hukmraanii dekhte jaa.o
umiido.n kaa shajar murjhaa gayaa ham hind vaalo.n kii
nihaal-e-aarzuu kii ye nishaanii dekhte jaa.o
jahaa.n josh-e-nashaat-o-aish kii har-suu hukuumat thii
vahaa.n yaas-o-alam kii hukmraanii dekhte jaa.o
chaman me.n har taraf thii justujuu gul kii anaadil ko
faqat sayyaad ko thii bad-gumaanii dekhte jaa.o
tumhe.n to dar-haqiiqat chain haasil ho gayaa lekin
hamaare bahr-e-Gam kii be-karaanii dekhte jaa.o
kahii.n ko.ii nazar aataa nahii.n kis se kahe 'shaahid'
KHudaaraa haalat-e-dard-e-nihaanii dekhte jaa.o

Fazal Haq Azimabadi

Nazm

raat

raat ke a.ndhere me.n kitne paap palte hai.n
puuchhtaa phire ko.ii kis se kaun paapii hai
puuchhne se kyaa haasil puuchhne se kyaa hogaa
mahshar ik bapaa hogaa shor-e-naaravaa hogaa
dard kam to kyaa hogaa aur kuchh sivaa hogaa
kaun kis kii suntaa hai kis ko itnii fursat hai
daad-KHvaah ban.naa bhii fe.al-e-be-faziilat hai
daad samm-e-qaatil hai marnaa kis ko bhaataa hai
taur-e-zindagii saahab raat kaa niraalaa hai

Daud Ghazi

Nazm

iKHtilaf

shu.uur-e-dii.n se jabr-e-naaravaa kii baag mo.D de
sukuun-o-aagahii se do dilo.n kaa rabt jo.D de
salaamtii se panja-e-sitam kaa zor to.D de
hame.n tirii TuuTii hu.ii asaa se iKHtilaaf hai

Ashraf Rafi

Nazm

fareb-kar shahr

fareb hii fareb kaa ye shahr hai
ye shahr makr ke hasiin jaama-e-daraaz me.n
taraqqiyo.n kii aa.D me.n
fareb de rahaa hai lamha lamha raahgiir ko
ye shahr bhii ajiib hai
yahaa.n KHuluus-o-pyaar amn dostii fareb hai.n
fareb-e-guftuguu kaa naam hii hai fard kaa amal
fareb-e-rang-o-buu me.n kho ke rah gayaa hai aadmii
ye raunaqe.n ye baam-o-dar fareb hii fareb hai.n
ye shahr bhii ajiib hai
har ek jurm raast hai
har ek raast jurm hai
yahaa.n hai naaravaa ravaa
yahaa.n ko.ii sazaa nahii.n
ye shahr bhii ajiib hai
hujuum-e-gumrahii me.n ghuT rahii hai ruuh-e-zindagii
fareb de rahii hai shakl-e-dostii me.n dushmanii
sadaaqato.n ko saamnaa hai har qadam zavaal kaa
fareb-kaar shahr ke fareb hii ajiib hai.n
ye shahr bhii ajiib hai

Kamal Jafari

Nazm

ziya

ruKHsaar-o-lab kaukab-sifat
itne ki yaado.n ke liye mumkin nahii.n tajdiid bhii
KHurshiid bhii naahiid bhii
is par vo jazb-e-be-karaa.n sa.ngii.n hisaaro.n kaa aduu
vo maah-ruu
aise gurezaa.n jaise saahil se palaTtii mauj
aamezish kahaa.n
kitnaa ziyaa'-e-jism-o-jaa.n
jis me.n na thii mauj-e-sabaa mauj-e-ziyaa
aisaa ziyaa'-e-naaravaa

Jabir Ali Syed

Nazm

nazm

pahle to des bhaarat amn-o-amaa.n kaa ghar thaa
rahte the sab ikaTThe ko.ii na KHauf Dar thaa
kyaa ho gayaa hai ab ye jhag.De kii hai samaa.ii
kuchh bhuul ho ga.ii hai sadaa apnii hii ga.nvaa.ii
apne hii bhaa.iyo.n par aafat jo Dhaa rahii hai.n
aapas me.n phuuT kar ke izzat ga.nvaa rahii hai.n
amn-o-amaa.n kii duniyaa barbaad kar rahe hai.n
naahaq-o-naaravaa hii fariyaad kar rahe hai.n
suntaa hai kaun apnii ham kis ko ye sunaa.e.n
ye bhuul hai saraasar kis tarah ye bataa.e.n
vahdat ke falsafa ko ham ne miTaa diyaa hai
duniyaa hai chand roza ye bhii bhulaa diyaa hai
kuchh yaad bhii hai.n tum ko ek bramhaa ke ma.anii
hai laa-shariik vaahid parvardigaar ya.anii
saare jahaa.n me.n hastii us kii zuhuur us kaa
aa.nkho.n me.n nuur us kaa dil me.n suruur us kaa
kasrat kii ek-saanii vahdat kaa hai namuuna
har zarra se ayaa.n hai ulfat kaa ye namuuna
ahl-e-vatan se apnii ab iltijaa yahii hai
baaz aa.e.n jhuuTii zid se bas mudda.aa yahii hai

Nazm

zist ke thal mein

KHvaab kaa dekhnaa naa-ravaa to nahii.n
KHvaab ko dekhne se na ab tum Daro

Ashkar Farooqui

Nazm

ki ab jo marhala hoga

yahii lagtaa hai
Gair-elaaniya
kuchh naaravaa elaan shaayad ho chukaa hai

Anwar Shamim

Nazm

wa-yabqa-wajh-o-rabbik (hum dekhenge)

jab bijlii ka.D-ka.D ka.Dkegii
jab arz-e-KHudaa ke ka.abe se
sab but uThvaa.e jaa.e.nge
ham ahl-e-safaa marduud-e-haram
masnad pe biThaa.e jaa.e.nge
sab taaj uchhaale jaa.e.nge
sab taKHt giraa.e jaa.e.nge
bas naam rahegaa allaah kaa
jo Gaa.eb bhii hai haazir bhii
jo manzar bhii hai naazir bhii
uTThegaa anal-haq kaa na.ara
jo mai.n bhii huu.n aur tum bhii ho

Faiz Ahmad Faiz

Nazm

mujhe ab Dar nahin lagta

kisii ke duur jaane se
ta.alluq TuuT jaane se
kisii ke maan jaane se
kisii ke ruuTh jaane se
mujhe ab Dar nahii.n lagtaa
kisii ko aazmaane se
kisii ke aazmaane se
kisii ko yaad rakhne se
kisii ko bhuul jaane se
mujhe ab Dar nahii.n lagtaa
kisii ko chho.D dene se
kisii ke chho.D jaane se
naa sham.a ko jalaane se
naa sham.a ko bujhaane se
mujhe ab Dar nahii.n lagtaa
akele muskuraane se
kabhii aa.nsuu bahaane se
naa is saare zamaane se
haqiiqat se fasaane se
mujhe ab Dar nahii.n lagtaa
kisii kii naa-rasaa.ii se
kisii kii paarsaa.ii se
kisii kii bevafaa.ii se
kisii dukh intihaa.ii se
mujhe ab Dar nahii.n lagtaa
naa to is paar rahne se
naa to us paar rahne se
naa apnii zindagaanii se
naa ik din maut aane se
mujhe ab Dar nahii.n lagtaa

Mohsin Naqvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now