Search result for "qimaar-khaane" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "qimaar-khaane"

Nazm MATCHES FOR "qimaar-khaane"

Nazm

parchhaiyan

sitamgaro.n ke siyaasii qimaar-KHaane me.n
alam-nasiib faraasat kaa mol mil na sakaa

Sahir Ludhianvi

Nazm

dad-gar

mai.n jaantaa huu.n ki aa.nsuu fanaa kaa lamha hai
use tirii nigah-e-jaavedaa.n se rabt nahii.n
mai.n jaantaa huu.n ki tuu bhii shikaar-e-dauraa.n hai
mataa-e-jaa.n ke sivaa is qimaar-KHaane me.n
har ek naqd-e-nafs haar kar pashiimaa.n hai

Aziz Qaisi

Nazm

lamha-e-ghanimat

muskuraa ai zamiin tiira-o-taar
sar uThaa ai dabii hu.ii maKHluuq
dekh vo maGribii ufuq ke qariib
aa.ndhiyaa.n pech-o-taab khaane lagii.n
aur puraane qimaar-KHaane me.n
kohna shaatir baham ulajhne lage
ko.ii terii taraf nahii.n nigraa.n
ye giraa.n-baar sard zanjiire.n
za.ng-KHurda hai.n aahanii hii sahii
aaj mauqa.a hai TuuT saktii hai.n
fursat-e-yak-nafas Ganiimat jaan
sar uThaa ai dabii hu.ii maKHluuq

Sahir Ludhianvi

Nazm

qissa-e-chahaar-KHwab

avval
halqa-e-yaaraa.n me.n kan.aa.n raat ke pichhle pahar
bastiyo.n se duur nahro.n ke kinaare KHema-zan
vo daraKHto.n kii havaa.o.n me.n sitaare KHema-zan
bastiyo.n se duur sahraa ke nazaare KHema-zan
halqa-e-yaaraa.n me.n kitne naaznii.n naazuk kamar
dom
raqs ke ha.ngaam kitne baazu.o.n kaa pech-o-KHam
dekhne vaalo.n kii nazro.n me.n utar aane ko hai
ye badan kaa loch jaise ruuh bal khaane ko hai
ye nazar ke saamne kitne hii aalam KHvaab se
raqs ke ha.ngaam ubhar aate hai.n kitne shoKH ra.ng
aur kitne tez ho jaate hai.n nazro.n ke KHada.ng
ye KHayaalo.n ke gulistaa.n ye nigaaho.n ke qafas
raqs ke ye daa.ere shola-ba-daamaa.n har nafas
soyam
rasm adaa hone na paa.ii thii ki KHemo.n ke qariib
shah-nashii.n kii samt dau.De is tarah vahshii naqiib
kitne armaa.n kitne Gam ashko.n me.n Dhal kar rah ga.e
ain jashn-e-rasm ke ha.ngaam kan.aa.n kaa gurez
kitne manzar aariz-o-lab ke pighal kar rah ga.e
kitne lab hasrat-chashiida kitnii aa.nkhe.n ashk-rez
jaise saaGar aa.e.n haatho.n me.n magar TuuTe hu.e
chhe.Diyo mat zindagii ke baal-o-par TuuTe hu.e
taar hai.n is saaz ke ai naGma-gar TuuTe hu.e
chahaarum
ye qabiilo.n ke shuyuuKH-e-puKHta-umr o saKHt-kosh
vaadii-e-dajla ke shahrii kurd ke KHaana-ba-dosh
la.D rahe hai.n apnii apnii kaj-kulaahii ke liye
kaun daaruu ban ke aa.e kam-nigaahii ke liye
garmi-e-guftaar se mumkin nahii.n dil kaa rafuu
guftuguu se aur ba.Dh jaataa hai josh-e-guftuguu

Qamar Jameel

Nazm

inqalab

zamaane kii havaa badlii udhar ra.ng-e-chaman badlaa
gulo.n ne jab ravish badlii anaadil ne vatan badlaa
tariiqa aashnaa.ii kaa kabhii aisaa na badlaa thaa
ki chaal ushshaaq ne badlii hasiino.n ne chalan badlaa
badalte aa.e hai.n yuu.n to hamesha daur garduu.n ke
na aisaa bhii ki ham badle hamaaraa kul jatan badlaa
maqaasid maz.hab o millat ke badle daur-e-aalam ne
sahaa.if kii sharh badlii kitaabo.n kaa matan badlaa
badal Daalaa hai aisaa maGribii tahziib ne ham ko
mazaaq-e-KHvaan-e-nemat aur tarz-e-pairahan badlaa
puraanii chaal be-Dha.ngii hamaarii dekhe.n kab badle
abhii tak jug hii badle the Gazab ye hai qaran badlaa
na badlaa par na badlaa haa.e tarz-e-mu.asharat qaumii
agarche saarii duniyaa kaa hunar aur ilm-o-fan badlaa
nizaam-e-shaa.erii me.n haa.e aayaa inqalaab aisaa
ki shaan-e-nazm badlii aur andaaz-e-suKHan badlaa
saliiqa intiqaad-e-jins-e-hirfat kaa nahii.n ham ko
zar-e-KHaalis se abresham-numaa europe ne san badlaa
na badlaa hai na badlegaa faqat qaanuun-e-islaamii
'qamar' jab tak ki qudrat ne na ye charKH-e-kuhan badlaa

Syed Taslim Haider Qamar

Nazm

doghla insan

doGlaa insaan
yahaa.n doGlaa insaan kaun hai
Thiik aa.iine ke saamne kha.De ho jaa.o
aur aisaa karo
savaal badal do apnaa
aur ye kaho ki
doGlaa honaa ko.ii gunaah nahii.n

Hari Kumar

Nazm

peT pujari

khaate rahnaa kaam hai is kaa
peT pujaarii naam hai is kaa

Ayyub Akhtar

Nazm

mansur-hallaj

merii aa.nkhe.n merii jaan
teraa ibaadat-KHaana
aur apne liye ik naar-e-jahiim
meraa dil hirno.n ke liye
maidaan-e-aziim
aur apne liye ik KHaana-e-biim
dekh zaraa hallaaj kaa raqs
jis ne apnii miTTii
apnaa KHuun
na samjhaa apnaa KHuun
jis ke liye laayaa hai ko.ii
ek visaal-e-davaam
ek charaaG-e-mubiin

Qamar Jameel

Nazm

kabaDDi ki tal par

aa.o javaano
dhuum machaa.e.n Dhol bajaa.e.n
Dam Dam Dam Dam
ye khel javaan jiyaalo.n kaa
ghii makkhan khaane vaalo.n kaa
nar beTe jiivaT maa.o.n ke
juu.n ka.Diyall kiikar gaa.nv ke
biphre dhaare dariyaa.o.n ke
tag.De jhakka.D sahraa.o.n ke
aa.o javaano
dhuum machaa.e.n Dhol bajaa.e.n
Dam Dam Dam Dam
ye baa.nke chhaile rut vaale
saj dhaj vaale pat sat vaale
ye raag suhaag mashiino.n ke
ye ha.nste phuul zamiino.n ke
nam karte hai.n viiraano.n ko
bhar dete hai.n khaliyaano.n ko
aa.o javaano
dhuum machaa.e.n Dhol bajaa.e.n
Dam Dam Dam Dam

Syed Zameer Jafri

Nazm

kabaDDi ki tal par

aa.o javaano
dhuum machaa.e.n Dhol bajaa.e.n
Dam Dam Dam
ye khel javaan jiyaalo.n kaa
ghii makkhan khaane vaalo.n kaa
nar beTe jiivaT maa.o.n ke
juu.n ka.Diyal kiikar gaa.nv ke
biphre dhaare dariyaa.o.n ke
tag.De jhakka.D sahraa.o.n ke
aa.o javaano
dhuum machaa.e.n Dhol bajaa.e.n
Dam Dam Dam Dam
ye baa.nke chhaile rut vaale
saj-dhaj vaale pat-sat vaale
ye raag suhaag mashiino.n ke
ye ha.nste phuul zamiino.n ke
nam karte hai.n viiraano.n ko
bhar dete hai.n khaliyaano.n ko
aa.o javaano
dhuum machaa.e.n Dhol bajaa.e.n
Dam Dam Dam Dam

Syed Zameer Jafri

Nazm

mere abbu rahen salamat

aaj sub.h phir der se jaagaa
jaldii se school ko bhaagaa
ghar se niklaa bas me.n baiThaa
bhaagam-bhaag school ko poh.nchaa
chaukiidaar ne darvaaze par
jaane diyaa andar ye keh kar
aksar der se aate ho tum
kyo.n nuqsaan uThaate ho tum
jaldii se ab class me.n jaa.o
vaqt ko apne yuu.n na ga.nvaa.o
class-room me.n jab mai.n poh.nchaa
sar ne mujh ko ghuur ke dekhaa
dekhaa mai.n ne baiThaa mai.n jab
the mashGuul pa.Dhaa.ii me.n sab
der se aane kii hai 'aadat
piichhe baiThaa hasb-e-rivaayat
saath hii sab ke pa.Dhne lagaa mai.n
'ilm ke ziine cha.Dhne lagaa mai.n
kuchh hii der me.n baj ga.e gyaarah
ghanTii ne phir kiyaa ishaara
vaqfa aayaa jab khaane kaa
basta khol ke mai.n ne dekhaa
khaanaa mai.n ghar bhuul aayaa thaa
jaldii me.n school aayaa thaa
kuchh hii der me.n maalii baabaa
le aa.e khaane kaa Dibbaa
puuchhaa mai.n ne kaun ye laayaa
to maalii baabaa ne bataayaa
aap ke abbuu aa.e the beTaa
vo ye khaanaa laa.e the beTaa
kitnaa dhyaan miraa rakhte hai.n
abbuu aap bahut achchhe hai.n
mai.n ne jab vo khaanaa khaayaa
yaad abbuu kaa kahnaa aayaa
abbuu mujh ko samjhaate hai.n
baat bhalii ye batlaate hai.n
vaqt ga.nvaanaa baat burii hai
achchhii vaqt kii paabandii hai
vaqt kii qadr-o-qiimat jaano
apne aap ko tum pahchaano
un kii baato.n me.n hai 'azmat
mere abbuu rahe.n salaamat

Abdurrahman Momin

Nazm

pahaDi ki aaKHiri sham

asia kii is viiraan pahaa.Dii par
maut ek KHaana-ba-dosh la.Dkii kii tarah
ghuum rahii hai
merii raushnii
aur anaar ke daraKHto.n me.n
qazzaaqo.n ke chaaquu chamakte hai.n
aur sar par vo chaa.nd hai jo is
pahaa.Dii kaa pahlaa paiGambar hai
is pahaa.Dii par faatima rahtii hai
us ke kap.Do.n me.n vo kabuutar hai.n
jo kabhii u.D nahii.n sakte
KHudaa ne hame.n ek Gaar me.n
band kar diyaa hai aur hamaare saro.n par
siyaah raat jaisaa patthar rakh diyaa hai

Qamar Jameel

Nazm

ramzan aaya

phir aagyaa jahaa.n me.n ramzaan kaa mahiina
allaah ke karam aur ehsaan kaa mahiina
allaah kii inaayat aur us kii KHaas rahmat
ham ko ataa kiyaa hai qur.aan kaa mahiina
dii hai hame.n KHudaa ne roze kii aisii ne.amat
ahl-e-KHirad samajhte hai.n is kii qadr-o-qiimat
shaitaanii harkato.n se rakkhe hai duur roza
baKHshe hai aadmii ko dil kaa suruur roza
ahkaam par KHudaa ke ham ko chalaa.e roza
ham ko farishto.n se bhii afzal banaa.e roza
hukm-e-KHudaa kii jis ne ta.amiil kar lii bachcho
us kii inaayato.n se jholii bhii bhar lii bachcho
ye zabt-e-nafs kaa hai aur sabr kaa mahiina
ham ko sikhaa rahaa hai jiine kaa ik qariina
hai.n kis qadar munavvar raate.n ibaadato.n se
aur itr-baar se hai.n din bhii riyaazato.n se
rab ne ataa kii ham ko iftaar kii faziilat
aa.ii samajh me.n khaane piine kii qadr-o-qiimat
ai rab qubuul kar le momin kii ye riyaazat
apne nabii ke sadqe me.n de de sab ko jannat

Mehdi Pratapgarhi

Nazm

peTu sahab

ek the peTuu saahab jin kii chhe foot thii uu.nchaa.ii
baiThe baiThe pahluu badle.n das roTii khaa jaa.e.n
ik din peTuu saahab ko is ghar se daavat aa.ii
din chhupne se pahle peTuu us ghar par jaa dhamke
dastar-KHvaan lagaa to baiThe kuchh tan ke kuchh jam ke
pahle roTii saalan saare ghar-bhar kaa khaa Daalaa
phir ghar kii baaqii chiizo.n kaa niklaa KHuub diivaala
baarah laDDuu biis imirtii sola baaluu-shaahii
chaudah kele darjan chiikuu halva ek ka.Daahii
ghabraa kar ghar ke maalik ne naukar ko dau.Daayaa
ek kilo baazaar se halva gaajar kaa ma.ngvaayaa
halva khaa kar bole peTuu de mo.nchho.n par taav
yaar zaraa andar se tho.Daa saa namkiin ma.ngaa.o
tho.Dii daal bachii thii pii lii phir loTaa bhar paanii
ghar kii haalat jaan chuke the so uThne kii Thaanii
saahab-e-KHaana bole baiTho baiTho kuchh farmaa.o
ghar me.n juute aur bache hai.n vo bhii khaate jaa.o

Farhat Qamar

Nazm

apni marhuma man ke liye chand lafz

mirii ammii
mujhe school jaane ke liye tayyaar kartii thii
mire juute
miraa basta
mirii vardii
sabhii kuchh us kii almaarii me.n rakkhaa thaa
mire baste me.n rakkhaa lunch
biscuit
toffiyaa.n
aur toast
jab yuu.nhii binaa khaa.e kabhii ghar lauTtaa to ek Gusse se bharii aavaaz aur phir chand lamho.n ke liye
vo ruuTh jaatii thii
magar jab vo mirii aa.nkho.n me.n aa.nsuu dekhtii to maan jaatii thii
mai.n Dartaa thaa
kabhii baazaar me.n jaataa to unglii thaam rakhtaa thaa
mujhe lagtaa agar mujh se ye unglii chhuuT jaa.egii
to mai.n kho jaa.u.ngaa

Qamar Raza Shahzad

Nazm

aadhi roTi aur puri galiyan

abdul-kariim
tum yuu.nhii bail kii tarah mehnat karte rahe
to tumhaare bachcho.n ko bhii yahii miiraas milegaa
aadhii roTii aur puurii gaaliyaa.n
tumhe.n is chakrvyuuh se nikalnaa hai
apne bachcho.n aur un ke bachcho.n kii KHaatir
apne khaate sa.nbhaal kar rakhnaa abdul-kariim
ek din
tumhe.n hisaab lenaa hai
ta.DKHe hu.e haatho.n
kamar se lage peT
aur bhuuk se bilakte bachcho.n kaa

Ziyaul Hasan

Nazm

gulab le kar sharab le kar

gulaab le kar sharaab le kar
mai.n us ke ho.nTo.n ko likh rahaa huu.n
udaas lahje kii dil-kashii ko
KHayaal baato.n ko likh rahaa huu.n
agar vo palke.n uThaa rahaa hai
nazar nazar se milaa rahaa hai
to mai-kasho ye 'azaab kyo.n hai
sharaab-KHaana udaas kyo.n hai
use kaho ki idhar to dekhe
mai.n us kii aa.nkho.n ko likh rahaa huu.n
mai.n likh rahaa huu.n ki us kaa chehra
KHudaa kaa husn-e-kamaal hogaa
vo jannate.n jab banaa rahaa thaa
usii kaa dil me.n KHayaal hogaa
usii ke jalvo.n kii taab le kar
mai.n chaa.nd chehro.n ko likh rahaa huu.n
gulaab le kar sharaab le kar
mai.n us ke ho.nTo.n ko likh rahaa huu.n

Khaleelurrahman Qamr

Nazm

KHayalon ke sweater

ghaTaa.e.n aaj ba.Dhtii jaa rahii hai.n
dikhaane parbato.n ko ro.ab apnaa
havaa.o.n ko bhii saath apne liyaa hai
kha.De hai.n taan kar siine ko parvat
ek duusre kaa haath thaame
ki ab gheraa.o puuraa ho gayaa hai
garajne lag ga.ii hai kaalii badlii
sunahre parvato.n ke rang phiike pa.Dh ga.e hai.n
maTmailii hu.ii jaatii hai ujlii ujlii punDir
vahii.n kuchh duur palii bastiyo.n me.n
laal piile niile ujaale ho ga.e hai.n
ki jaise kaalii kaalii chunniyo.n par
ko.ii sitaaro.n kii ka.Dhaa.ii kar gayaa ho
dariiche se mai.n baiThaa dekhtaa huu.n
ki duniyaa shaant hotii jaa rahii hai
ki jaise budh kaa vardaan ho ye
aur mai.n apne zehn me.n KHayaalo.n ke sweater bun rahaa huu.n

Abhishek Kumar Amber

Nazm

ek express train

vahii gaa.Dii pe qaabiz hai usii kaa bol-baalaa hai
vo jis ne apne ik saathii kaa kurtaa phaa.D Daalaa hai
tiffin khaane kaa jis ne apne haatho.n me.n sa.nbhaalaa hai
samajh lo faaqa-masto.n ke liye vo tar nivaala hai
kamar baa.ndhe hu.e la.Dne ko yaa.n sab yaar baiThe hai.n
jo apne hai.n jhapaTne ke liye tayyaar baiThe hai.n

Asad Jafri

Nazm

baDhe chalo

uTho uTho uTho uTho
kamar kaso kamar kaso
sahar se pahle chal pa.Do
ka.Dii hai raah dosto
thakan kaa naam bhii na lo
ba.Dhe chalo ba.Dhe chalo
jhijak na dil me.n laa.o tum
bas ab qadam uThaa.o tum
zaraa na Dagmagaa.o tum
KHudaa se lau lagaa.o tum
maluul-o-muztarib na ho
ba.Dhe chalo ba.Dhe chalo
uThaa diyaa qadam agar
to KHatm hai bas ab safar
hai raah saaf-o-be-KHatar
na ko.ii KHauf hai na Dar
chale chalo ba.Dhe chalo
ba.Dhe chalo ba.Dhe chalo
tumhaare ham-safar jo the
vo manzilo.n pe jaa lage
sab aage tum se ba.Dh ga.e
magar ho tum pa.De hu.e
zaraa samajh se kaam lo
ba.Dhe chalo ba.Dhe chalo
dilo.n me.n jo ho valvala
to Daal doge zalzala
rahe buland hausla
vo saamne hai marhala
vahii.n pahu.nch ke saa.ns lo
ba.Dhe chalo ba.Dhe chalo

Mohammad Mustafa Khan Maddah

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now