Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "qudarat-e-ilaahii"

Nazm MATCHES FOR "qudarat-e-ilaahii"

Nazm

ramayan ka ek scene

aur yuu.n kahii.n bhii ra.nj-o-balaa se mafar nahii.n
kyaa hogaa do gha.Dii me.n kisii ko KHabar nahii.n
aksar riyaaz karte hai.n phuulo.n pe baaGbaa.n
hai din kii dhuup raat kii shabnam unhe.n giraa.n
lekin jo rang baaG badaltaa hai naa-gahaa.n
vo gul hazaar pardo.n me.n jaate hai.n raa.egaa.n
rakhte hai.n jo 'aziiz unhe.n apnii jaa.n kii tarah
milte hai.n dast-e-yaas vo barg-e-KHizaa.n kii tarah
lekin jo phuul khilte hai.n sahraa me.n be-shumaar
mauquuf kuchh riyaaz pe un kii nahii.n bahaar
dekho ye qudarat-e-chaman-aaraa-e-rozgaar
vo abr-o-baad o barf me.n rahte hai.n barqaraar
hotaa hai un pe fazl jo rabb-e-kariim kaa
mauj-e-sumuum bantii hai jho.nkaa nasiim kaa
apnii nigaah hai karam-e-kaarsaaz par
sahraa chaman banegaa vo hai mehrbaa.n agar
jangal ho yaa pahaa.D safar ho ki ho hazar
rahtaa nahii.n vo haal se bande ke be-KHabar
us kaa karam shariik agar hai to Gam nahii.n
daamaan-e-dasht daaman-e-maadar se kam nahii.n

Chakbast Braj Narayan
Nazm

meri laDli

tere ho.nTo.n pe zikr-e-ilaahii rahe
duur saa.e se tere tabaahii rahe

Shamim Anjum Warsi
Nazm

bauna

aur kahaa ai zill-e-ilaahii
aap kaa KHat ab mere KHat se kitnaa chhoTaa lagne lagaa hai

Dr. Abdullah
Nazm

aaKHiri raat

na husn o ishq ne paa.ii amaa.n qahr-e-ilaahii se
dabii paadaash amiirii se faqiirii se na shaahii se

Hafeez Jalandhari
Nazm

tulu-e-ishtirakiyat

kaa.np rahe hai.n zaalim sultaa.n TuuT ga.e dil jabbaaro.n ke
bhaag rahe hai.n zill-e-ilaahii mu.nh utre hai.n Gaddaaro.n ke

Sahir Ludhianvi
Nazm

zindagi

zindagii fikr-o-nazar kii raushnii
zindagii zaat-e-ilaahii kaa shu.uur
zindagii ik mutma.in suufii kii ramz
zindagii shab-KHez aabid kaa suruur

Mohammad Tanviruzzaman
Nazm

qurb-e-ilahi

mai.n thaa qurb-e-ilaahii se shaad-o-magan
us se mahv-e-suKHan
ki achaanak vahii.n
haa.n haram ke qariib
ek ma.asuum bachchii ne dekhaa mujhe

Adeel Zaidi
Nazm

qurb-e-ilahi

mai.n thaa qurb-e-ilaahii se shaad-o-magan
us se mahv-e-suKHan
ki achaanak vahii.n
haa.n haram ke qariib
ek ma.asuum bachchii ne dekhaa mujhe

adil zaidi
Nazm

shab-e-intizar

masjid ke minaaro.n se vo baa.ng-e-azaa.n aa.ii
darbaar-e-ilaahii me.n ab hogii jabii.n-saa.ii
jo raat thii parbat sii vo ghaT ke banii raa.ii

Amjad Najmi
Nazm

bhaarat ke musalman

ajmer kii dargaah-e-mua.allaa terii jaagiir
mahbuub-e-ilaahii kii zamii.n par tirii tanviir
zarraat me.n kaliyar ke farozaa.n tirii tasviir
haa.nsii kii fazaa.o.n me.n tire kaif kii taasiir

Jagan Nath Azad
Nazm

gita

be-badal ilm-e-ilaahii kaa sahiifa hai ye
naaKHudaa kashti-e-dil kaa ise jaano samjho
sarfaraazii se jo jiinaa hai tumhe.n duniyaa me.n
is ko apnaa.o phir o mere vatan ke logo

Dharmpal Aaqil
Nazm

sitare

ye hamaarii qismat ke
jitne bhii sitaare hai.n
qudrat-e-ilaahii ne
be-muraad rasto.n par baa.ndh kar utaare hai.n
jin kii apnii manzil hii be-nishaan raste ho.n
raushnii jo Gairo.n se musta.aar lete ho.n
kaise mai.n yaqii.n kar luu.n
merii manzilo.n ke vo
mo'atabar ishaare hai.n
ye hamaarii qismat ke
jitne bhii sitaare hai.n
sirf isti.aare hai.n

Naeem Zarrar Ahmad
Nazm

sawan ka andha

ye sun ke sitam karne vaalo.n kii murda zabaano.n me.n jumbish hu.ii jhuuT baktaa hai shaa.ir
yahaa.n kuchh bhii aisaa nahii.n hai
falak to samundar ke rango.n me.n rangaa hu.aa hai
zamii.n sabz thii sabz hai aur harii hii rahegii
yahaa.n KHuun kii surKHii bilkul nahii.n hai
yahaa.n sab haraa hii haraa hai
vo zill-e-ilaahii
vo jaa.n kii amaa.n dene vaale
shahanshaah-e-aalam ne ham ko ye sab kuchh bataayaa
KHudaa ham ko baKHshe
hamaare shahanshaah-e-aalam kii aisii zabaan-e-muqaddas hai jis par kabhii jhuuT re.ngaa nahii.n hai
phir ik dam unhii zulm ke naa-KHudaa.o.n kii aa.nkhe.n barasne lagii.n jab unhe.n yaad aaya
ki zill-e-ilaahii to saavan me.n andhe hu.e the

Zain Abbas
Nazm

harf-e-muqaddar

jamhuuriyat jamhuuriyat jamhuuriyat
ek vahshat-naak haqiiqat
jahaa.n aazaadii ho KHuun chuusne kii
jahaa.n ba.Dii bebaakii se ek jhuuT duusre jhuuT se muqaabla kar sake
jahaa.n badii badii ke muqaabil ho
jahaa.n yaziid ke saamne ko.ii husain na ho
jahaa.n yaziid ke saamne ko.ii husain na ho
jahaa.n kaleja chabaane kii puurii aazaadii ho
jahaa.n azaab-e-ilaahii ko bhii jamhuuriyat tasavvur kiyaa jaataa ho
ham aisii tabaah-shuda bastii ke baasii hai.n

Injila Hamesh
Nazm

hijr ka aadha cup

chaa.e kaa aadhaa cup haath me.n liye
vo sii.Dhiyo.n pe jaa baiThii
raat
aaKHirii saa.nse.n le rahii thii
chehre pe thakan ke aasaar vaazeh the
KHushk ho.nT
KHaalii nigaahe.n
dil ajiib iztiraab kaa shikaar thaa
ko.ii daaG sulag rahaa ho jaise
vo shaayad ronaa chaah rahii thii
magar aa.nsuu
KHushk ho chuke the
aur aa.nkhe.n sahraa
ko.ii hijr
aaKHirii saa.nse.n le rahaa thaa
duur masjid me.n azaan kii aavaaz guu.njii
vo uThii
baargaah-e-ilaahii me.n sajda-rez ho ga.ii
KHushk aa.nkhe.n tar ho chukii thii.n
haa.n
vo chaa.e kaa aadhaa cup
hijr samet
vahaa.n sii.Dhiyo.n pe hii ThanDaa ho chukaa thaa

Omainuz Zahra Sayyad
Nazm

uTho naujawano

a.ndhere haTaa.o ujaale bichhaa.o
sadaaqat se apne vatan ko sajaa.o
tumhaare liye ne'mate.n hai.n jahaa.n kii
chalo saath mil ke nasiib aazmaa.o
KHudii bhii tumhaarii KHudaa bhii tumhaaraa
KHudaa ke liye jaan par khel jaa.o
tumhe.n rahmato.n kaa sahaaraa milegaa
mohabbat se mehnat kaa jaaduu jagaa.o
phir aavaaz iflaas kii aa rahii hai
ba.Dho apnii dhartii pe sonaa ugaa.o
KHayaalaat ko ek markaz pe laa.o
uTho naujavaano vatan ko bachaa.o
ye amn-o-amaa.n ke talabgaar bande
ye mazduur bande ye jii-daar bande
ye saabir ye shaakir ye zaakir ye zaahid
ye diin-e-ilaahii ke me'maar bande
abhii ro rahe the abhii ha.ns rahe hai.n
ye majbuur bande ye muKHtaar bande
nigaaho.n me.n apne samaa.e hu.e hai.n
fareb-e-nazar me.n giraftaar bande
gulistaa.n me.n hai.n jo gulo.n ke muhaafiz
unhe.n aaj un kii haqiiqat bataa.o
ga.e vaqt kaa aa.ina bhii dikhaa.o
uTho naujavaano vatan ko bachaa.o

Abul Fitrat Meer Zaidi
Nazm

amir-e-shahr ki neki

puraanii baat hai
lekin ye anhonii sii lagtii hai
amiir-e-shahr raato.n ko
badal kar bhes
galiyo.n me.n phiraa kartaa
vo diivaaro.n pe likkhii
har na.ii tahriir ko pa.Dhtaa
saraa.e me.n har ik nau-vaarid-e-shab se
safar kaa maajraa suntaa
gharo.n kii chimniyo.n ko dekh kar
andaaza-e-naan-e-javii.n kartaa
pareshaa.n-haaliyo.n se baa-KHabar rahtaa
mazaaro.n maqbaro.n kii chaukhaTo.n ko chuumtaa
aur shab ga.e masjid me.n aataa
sub.h tak
yaad-e-ilaahii me.n basar kartaa
hu.aa ik raat yuu.n
chaaro.n taraf dariyaa umaD aayaa
ko.ii jaagaa nahii.n
tanhaa
amiir-e-shahr ke baazuu
fasiil-e-shahr kii buniyaad ko thaame rahe shab bhar
badan kii Dhaal se
sailaab ko roke rahe shab bhar
sunaa hai phir kabhii
dariyaa kii tuGyaanii
fasiil-e-shahr ko Dhaane nahii.n aa.ii
amiir-e-shahr kii nekii
zamaane tak
KHataa-kaaro.n ke kaam aa.ii

Zubair Rizvi
Nazm

ghair-marai taqat

ko.ii Gair-mara.ii sii taaqat to hogii
jilau me.n jo le kar
har ik ruuh-e-tifl-o-javaa.n ko
KHamoshii se suu-e-falak kuuch kartii hai akasr
ko.ii baap ma.asuum beTe ko thaame
davaa de rahaa hai, har ik saa.ns ke zer-o-bam par nazar hai
udhar us kii jaa.n jism se jaa rahii hai
magar kuchh nazar bhii na aa.e, samajh me.n na aa.e
abhii kheltaa thaa, abhii dekhtaa thaa
abhii to, abhii, haa.n abhii band aa.nkhe.n hu.ii hai.n
ye dekho labo.n par,
ajab ek ma.asuum sii muskuraahaT hai baaqii
magar ko.ii jumbish nahii.n hai
ramaq zindagii kii na baaqii hai ko.ii
ko.ii Gair-mara.ii sii taaqat to hogii,
jo aahistagii se chalii aatii hogii
KHamoshii se aaGosh me.n apnii,
ma.asuum ruuho.n ko le kar chalii jaatii hogii
yaqiinan ko.ii Gair-mara.ii sii taaqat hai varna
agar ko.ii mara.ii sii taaqat jo hotii
to naadaan insaa.n bahut Gul machaataa
magar ye nizaam-e-ilaahii badaltaa nahii.n hai

Kausar Mazhari
Nazm

munkir ka KHauf

puraanaa paasbaa.n zill-e-ilaahii kaa
jise chaahe kare mansab ataa aalam-panaahii kaa
use tarkiib aatii hai
kisii mazmuun-kohna ko nayaa unvaan dene kii
vo diida-var hamesha se mu.ayyan hai
hamaare raaste ke past-o-baalaa par
vo daanaa apne mansuube banaataa hai
hamaarii fitrato.n kii KHaak zulmat se
hamaarii KHvaahish-e-takraar kii deriina aadat se
vo ma.abad-e-saaz but-gar apnii hastii ke taqaddus me.n
sadaa mahfuuz rakhtaa hai
hamaare ghar ko tahqiiqii tajassus kii balaa.o.n se
kahii.n auhaam kii umda shabiiho.n me.n
saqaafat ke nigaaristaa.n sajaataa hai
kahii.n KHush-fahmiyo.n ke isti.aare se
hare lafzo.n ke baaGiiche khilaataa hai
kahii.n nok-e-sinaa.n ke ism o afsuu.n se
lahuu kii buu.nd me.n tasliim kii kirne.n jagaataa hai
quluub ahl-e-zamii.n ke us kii muTThii me.n dha.Dakte hai.n
shu.uur us kaa sadaa maamuur rahtaa hai
hame.n achchhe bure ke falsafe kii aa.D me.n
ham se chhupaane par
magar is kaa mudaavaa kyaa
ki vo parvardigaar-e-zor-e-hikmat apnii niindo.n me.n
hamesha se
vajuud-e-fard me.n ik muztarib sii shai se Dartaa hai
vo shai jis kii haqiiqat
vaqt kaa ibliis us par faash kartaa hai

Aftab Iqbal Shamim
Nazm

naqsh bar-diwar

mataa-e-dard ko saahab shu.uur kho baiThe
sabaat-e-azm ko mard-e-Guyuur kho baiThe
nazar se mahv hai ummul-kitaab kii tafsiir
huzuur ma.anii-e-Gaib-o-zuhuur kho baiThe
gayaa jo haath se iimaan to tahayyur kyaa
vafuur-e-aish me.n taKHt-o-qusuur kho baiThe
dil-o-dimaaG se ruKHsat jihaad kaa jazba
sabiil-e-haq ke zaruurii umuur kho baiThe
KHudii se baaqii thii maz.hab kii aabruu tho.Dii
sharaab-e-faqr kaa husn-e-suruur kho baiThe
Gariib millat-e-ma.asuum kaa KHudaa-haafiz
faqiih-e-shahr tadayyun kaa nuur kho baiThe
quluub zinda se afsos haashmii farzand
charaaG ishq-e-ilaahii kaa nuur kho baiThe
jahaa.n me.n kaise ho me.araaj-e-zindagii haasil
yaqii.n kii ruuh ko sadrussuduur kho baiThe
hakiim-o-aarif-o-suufii hai.n naqsh bar-diivaar
dil-o-dimaaG se anvaar-e-tuur kho baiThe
zaliil saahab-e-qur.aa.n ho ye nahii.n mumkin
zaruur husn-e-amal ko huzuur kho baiThe
uvais o buu-zar o usmaan ke ataa-karda
mazaaq-e-faqr-e-mohammad zaruur kho baiThe
KHuluus-e-dil se thii 'bebaak' shaa.erii raushan
payambarii ke suKHnavar shu.uur kho baiThe

Bebak Bhojpuri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now