Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "rahgiiro.n"

Nazm MATCHES FOR "rahgiiro.n"

Nazm

ek daur

chaa.nd kyuu.n abr kii us mailii sii gaThrii me.n chhupaa thaa
us ke chhupte hii utar aa.e the shaaKHo.n se laTakte hu.e
aaseb the jitne
aur jangal se guzarte hu.e rahgiiro.n ne gardan me.n utarte
hu.e daa.nto.n se sunaa thaa
paar jaanaa hai to piine ko lahuu denaa pa.Degaa

Gulzar
Nazm

mazdur

raaste me.n raahgiiro.n kii nazar se be-niyaaz
shorish-e-maatam se naGmo.n ke asar se be-niyaaz

Seemab Akbarabadi
Nazm

mera ghussa kahan hai?

mai.n aasmaan ke saath phailii shaam kii naaranjii raushnii huu.n
yaa suuraj kii aa.nkh me.n re.ngtii surKH dhaar?
kyaa hai meraa vajuud?
yaum-e-iid qurbaan hotii bhe.Do.n kaa sabr
yaa hiiro.n ke ta.aaqub me.n ko.elaa ko.elaa phirtii KHvaahish?
mai.n sarmaa me.n abaabiilo.n kii murjhaa.ii ruuh huu.n
yaa sarmast daraKHto.n kii choTiyo.n me.n mad.hosh havaa?
haa.n...... mai.n raat kii jhilmilaatii raushniyo.n ke piichhe
uljhii aaluuda shikan huu.n
bachcha jantii maa.n kii aaKHirii chiiKH merii mohabbat hai
mai.n raah-giiro.n kii laa-parvaah KHushii me.n
sahmaa KHauf huu.n
mai.n gautam ke muskuraate ruKHsaaro.n kaa lams huu.n
saatve.n aasmaan par Gota-zan parinde
agar merii pur-sukuun ruuh me.n parvaaz karte hai.n
to phir ye kaisaa bojh hai
jo tumhaare chho.D jaane ke ba.ad
is Gubaar-aaluud siine me.n jamne lagaa hai?
lekin meraa Gussa kis sher ke badan me.n jharjharaataa hai?
merii aag kis uqaab kii aa.nkho.n me.n kapkapaatii hai?
jise tumhaarii ha.nsii tumhaare makkaar dil
aur tumhaarii dhoke-baaz naaf me.n u.nDel sakuu.n!

Zahid Imroz
Nazm

qartaba ka muhasara

haamila badliyo.n ne
apne kaTe-phaTe kinaaro.n me.n
chaa.ndii kii jhaalare.n laTkaa rakhii thii.n
aur apnii dulaa.iyo.n ke baKHiyo.n me.n
ra.ngo.n kii bichkaariyaa.n chhupaa rakkhii thii.n
ufuq surKH thaa
jaise shahr ke shohde
Darpok dukaan-daaro.n par
apnii dhaak jamaane
na.ii kaTaa.iyaa.n kamaane par muqarrar huu.n
sode kii botalo.n se
ek duusre par hamla-aavar huu.n
aur fuTpaatho.n par
shiisho.n ke Tuk.Do.n se
ajnabii raahgiiro.n ke
na.nge pairo.n se
sirf unnaab dastiyaab ho
zamiin gulnaar bane
bas isii tarah kaa rang aasmaan me.n
khilaa hu.aa milaa
raat kii fasiil ke qariib
shaam kaa muhaasara kiye
pa.Daa hu.aa thaa mai.n

Saqi Faruqi
Nazm

karachi ka traffic

chashm-e-bad-duur karachi me.n traffic kaa nizaam
uu.nT-gaa.Dii kii gadhaa-gaa.Dii kii Tik-Tik kaa nizaam
raahgiiro.n se police vaalo.n kii jhak jhak kaa nizaam
kitnaa choukas hai ye pasmaa.nda mamaalik kaa nizaam
raah roke hai police ''kaar-guzaarii'' dekho
kis tarah jaatii hai shaaho.n kii savaarii dekho

Syed Mohammad Jafri
Nazm

hawa

bahut din se
ka.ii an-dekhe ilzaamaat ke baa.is
havaa matluub hai ham ko
havaa taariik raato.n me.n
hamaare KHvaab le jaatii hai
aur vaapas nahii.n kartii
hamaare KHat churaatii hai
hamaare dil kii baate.n
raah-giiro.n ko sunaatii hai
hamaare giit
maidaano.n galii kuucho.n me.n gaatii hai
ham apne dil ke
za.ng-aaluud KHaano.n me.n
mohabbat jo.D ke rakhte hai.n
lekin shaam hote hii
havaa ik narm jho.nke se
ye KHaane khol letii hai
vahaa.n jo kuchh hai le jaatii hai
aur ham se ijaazat tak nahii.n letii
mohabbat qarz hai
ye baat kahne kii
hame.n mohlat nahii.n detii
hame.n kaaGaz pe apnaa naam
apne zimme vaajib KHvaab
likhne kii suhulat tak nahii.n detii
havaa par jurm ko saabit hu.e
muddat hu.ii shaayad
havaa mafruur hai jab se
havaa aa.ii to ham us ko
kisii andhe ku.e.n me.n band kar de.nge
yaa ik taariik tah-KHaane me.n le jaa kar
samundar se ziyaada be-karaa.n
tanhaa.ii kaa paaband kar de.nge
agar mumkin hu.aa to ham havaa ko
KHushk patto.n kii tarah se
KHaak kaa paivand kar de.nge

Zeeshan Sahil
Nazm

ek purana shahr

mohr-ba-lab viiraan dariiche darvaaze sunsaan
duur pahaa.Do.n kii choTii par shaahii goristaan
niim kii shaaKHo.n me.n uljhii hai kankavve kii kaa.np
diivaaro.n par re.ng rahaa hai shikastagii kaa saa.np
sa.Dke.n rah-giiro.n par Daale.n ThanDii sard nigaah
sharm-e-uryaanii se chup hai buu.Dhii shahr-panaah

Makhmoor Saeedi
Nazm

chandni raat mein

aur mai.n aahista aahista aage ba.Dhaa
raahgiiro.n se daaman bachaataa hu.aa
hadd-e-aafaaq se jab guzarne lagaa
dekhtaa kyaa huu.n
ik be-karaa.n bahr hai aasmaa.n se zamii.n tak muhiit
jis me.n har saaya-e-tez-rau Duub kar
dhaar letaa hai bhiige ujaale kaa ruup

Aziz Tamannai
Nazm

ek laDki

ki vo saaf suthre libaaso.n me.n kis shaan se ghuumtii hai
javaanii kii poshaak me.n
us kaa goraa badan aate jaate hu.e
raahgiiro.n ko apnii taraf khii.nchtaa hai

Khalid Raheem
Nazm

KHud-kushi ka alamiya

motor ke pahiye bijlii ke khambe pe chand chhii.nTe kuchh
chiknii sa.Dak pe duur tak ik surKH sii lakiir
footpath pe kuchh jaa-ba-jaa dhabbe siyaah o surKH
naalii ke gadle paanii ke siine pe chand daaG
baundary-wall par bhii kuchh spot khurdure
chehro.n pe raahgiiro.n ke naa-KHush-gavaar naqsh
maahaul me.n ik lamha ko be-naam saa tanaav
aa.nkhe.n mirii ubal pa.Dii.n hairaan rah gayaa
goyaa ki aaj tak kaa kiyaa raa.egaa.n gayaa
dariyaa agar nahii.n to ravaa.n juu-e-KHuu.n sahii

Anjum Irfani
Nazm

safar-e-raegan

zindagii ke safar me.n ka.ii mo.D hai.n
aur ka.ii raaste
anginat manzile.n
jis pe insaan be-raah-ravii kaa shikaar
roz-e-avval se hai
saik.Do.n rahnumaa aa.e tabliiG kii
raah-e-haq kii magar
raahgiiro.n ko dushvaarii dar-pesh hai
har qadam par yahaa.n
aisii dushvaarii jis kaa mudaavaa nahii.n
anginat KHvaahishe.n aur sapne liye
dar-ba-dar Thokare.n khaataa thaktaa nahii.n hai ye insaan
jis ko KHudaa ne KHaliifa banaayaa
KHilaafat 'ataa kii
magar is navaazish pe kab mutma.in hai
ye insaan aaKHir
vahii apne sapne liye phir rahaa hai
vo sapne ki taa'biir jin kii na ko.ii na ko.ii haqiiqat
faqat ek dhun hai
usii dhun me.n chaltaa chalaa jaa rahaa hai
usii raah par aur usii manzilo.n kii taraf
jis kaa ko.ii nishaa.n hai na ko.ii pata hai

Farooq Noor
Nazm

nazm

lekin ye baat bhii ek din Galat saabit ho ga.ii
mere ghar se daftar tak ke raaste me.n
ko.ii daraKHt thaa hii nahii.n
ye mujhe ka.ii logo.n ne bataayaa
duusre ka.ii logo.n ne is baat kii tasdiiq kii
kuchh ne ye maan.ne tak se inkaar kar diyaa
ki is raaste par kabhii ko.ii daraKHt bhii thaa
us roz jab mai.n udaas aur Gamgii.n
office se ghar lauT rahaa thaa
mere raaste ke dono.n jaanib
daraKHt sa.Dak par niiche tak jhuk aa.e the
har ghar kii chaar diivaarii ke uupar se
ek na ek daraKHt jhaa.nk rahaa thaa
gharo.n kii balconiyo.n
aur chhato.n par ug aa.e the daraKHt
kuchh daraKHt to ulTe hii kha.De the
kuchh aadhe diivaaro.n me.n
aur aadhe diivaaro.n ke shagaafo.n se
baahar nikal kar
sa.Dak ko yuu.n tak rahe the
jaise raahgiiro.n ko gin rahe ho.n

Saeeduddin
Nazm

kashkol

yahaa.n is shahr kii sa.Dko.n pe yuu.nhii sai.nka.Do.n bachche
liye kashkol haatho.n me.n
savaalii raah-giiro.n se
kise fursat ki in chiizo.n kii tahriire.n pa.Dhe samjhe
magar chhoTii sii vo la.Dkii ba.Dii maanuus thii mujh se
vo mujh ko dekhtii to bhaag kar nazdiik aatii thii
zaraa saa muskuraatii thii
ki jaise ko.ii rishta ho ki jaise ko.ii apnaa ho
mai.n us kashkol me.n do-chaar sikke Daal detaa thaa

Naseem Ansari
Nazm

dusra janam

aafriinash samay Daal diije KHudaayaa
badan me.n tanavvo kii hairat-garii
merii mauruusiyat kii ja.Do.n me.n har ik saa.ns letii ikaa.ii ke KHaliyo.n kii miTTii bane
rii.Dh kii markazii jaaliyo.n me.n ajaa.ib-kado.n kaa KHazaana chhupe
mere haatho.n pe bhaTke hu.e raah-giiro.n kii manzil kaa naqsha bane
aur aa.nkho.n kii in putliyo.n me.n tilismii charaaGo.n kaa jangal base
apnii aa.nkho.n kii is raushnii se zamii.n kii taho.n ko farozaa.n karuu.n
aur faaqa-kasho.n kii zamiino.n me.n gehuu.n kii suurat uguu.n
be-vatan kashtiyo.n ke muhaajir qabiilo.n kaa maa.njhii banuu.n
sard parbat kii tiikhii havaa.o.n ko sahte makiino.n kaa suuraj banuu.n
aur azal se guphaa.o.n ke taariik manzar me.n pahlii shu.aa.o.n kaa muzhda banuu.n
haDDiyaa.n noch khaate hu.e devtaa.o.n ke siino.n me.n paltii havas kaa safaayaa karuu.n
khurdure paa.nv vaalo.n ke paa.nv tale
maKHmalii.n sabz sapne bichhaatii hu.ii ghaas kaa ek rasta banuu.n
ye jo mumkin na ho to mirii KHaak se chand girte makaano.n kii diivaar ko hii uThaa diijiye
merii miTTii se maskan banaa diijiye

Irfan Shahood
Nazm

ek bar Tahalti phir aae

ik siimii.n-badan ik tauba-shikan hai mahv-e-KHiraam station par
maah-e-taabaa.n maah-e-raushan maah-e-kaamil maah-e-anvar
iThlaatii hu.ii bal khaatii hu.ii aa.nchal pak.De mu.nh ko mo.De
kuchh se bhi.Dtii kuchh se kaTtii kuchh dil jo.De kuchh dil to.De
madfuun hazaaro.n ke armaa.n ubhre hu.e gore shaano.n me.n
majruuh pa.De ho.nge kitne in pardesii insaano.n me.n
kaalii matvaalii aa.nkho.n me.n pinhaa.n be-rut kii barsaate.n
bebaak nazar kii shoKHii me.n KHvaabiida gunaaho.n kii raate.n
fitrat kaa sunahraa tohfa hai ye husn-o-ishq ke aalam me.n
yaa tasviiro.n kii malika hai ruumaan ke rangii.n album me.n
vo rafta-rafta ab merii nazro.n se chhuptii jaatii hai
ab station ke us jaanib rahgiiro.n ko bahkaatii hai
purvaa ke ik jho.nke kii tarah guzrii dil kii aabaadii se
kaliyo.n ko be-mahkaa.e hu.e chal dii hasrat kii vaadii se
dariyaa kii ik mauj-e-siimii.n saahil se Takraa kar chal dii
barsaat ke dhu.ndle baadal me.n ik barq sii lahraa kar chal dii
in chalte-phirte saayo.n se ulfat kii tamanna kaun kare
jo apne bas se baahar ho.n phir un kii parvaa kaun kare
lekin haa.n itnii KHvaahish hai ai kaash jo puurii ho jaa.e
allaah kare vo doshiiza ik baar Tahaltii phir aa.e

Salam Sandelvi
Nazm

nasab-zade

puraanii baat hai
lekin ye anhonii sii lagtii hai
vo jab paidaa hu.e
un ke qabiile ne
ka.ii raate.n
mubaarak saa.ato.n ke jashn me.n kaaTii.n
KHudaa kii bartarii ke giit gaa.e
aur Gulaamo.n baa.ndiyo.n ko qaid se aazaad kar Daalaa
ka.ii din un ke KHeme
chiiKHtii KHushiyo.n kaa gahvaara rahe
un ke buzurgo.n ne
Gariibo.n aur mohtaajo.n ko
jins be-bahaa baa.nTii
bahut se jaanvar zab.h kiye
saare qabiile ne
ka.ii din tak
ku.o.n se Dol khii.nche
raah-giiro.n kii du.aa.e.n lii.n
vo sab nau-zaaido.n ko god me.n le kar
rajaz gaate
salaf ke kaarnaamo.n kaa bayaa.n karte
vo jab paidaa hu.e
farKHanda taale.a the
magar ik din
nasab-zaado.n ne
apne astabal khole
sabaa-raftaar gho.Do.n ke badan par chaabuke.n maarii.n
havaa ke dosh par neze uchhaale
nek tiinat taa.ifo.n kii bastiyaa.n taaraaj kar aa.e
vo pahlii raat thii
un ke qabiile kii ko.ii aurat
nasab-bardaar apne shauharo.n kii god me.n aa kar nahii.n so.ii

Zubair Rizvi
Nazm

buDhi tawaif

zard chehre pe thii.n
sharminda gulaabii lahre.n
aa.nkh maayuus thii
barso.n se nahii.n so.ii thii
ko.ii aataa thaa
ko.ii aa ke chalaa jaataa thaa
ko.ii aadaab
naman kar jaataa thaa
phe.nktaa phuul thaa
patthar ko.ii
kankar ko.ii
siiTiyaa.n ko.ii bajaataa thaa
guzar jaataa thaa
gungunaataa ko.ii
raaho.n me.n Thahar jaataa thaa
sub.h ho jaatii thii aa.nkhe.n yuu.n jhapakte us kii
guzrii raato.n ke ta'aaqub me.n lapakte us kii
kapkapaate hu.e haatho.n se
ishaara kartii
raahgiiro.n ko kabhii
aa.nkh bhii maaraa kartii
kaaTtii lab vo kabhii
zulf sa.nvaaraa kartii
letii a.ng.Daa.iyaa.n
vo jism ubhaaraa kartii
ek hii kaam
musalsal vo
dubaara kartii
'umr is tarh se apnii vo
guzaaraa kartii
KHud ko aa.iine me.n har sub.h
utaaraa kartii
Dar ke tanhaa.ii se har ik ko
pukaaraa kartii
sar kabhii dar
kabhii diivaar pe maaraa kartii
muskuraatii jo kabhii
ho.nT siku.D jaate the
zard ruKHsaar pe
gaDDhe ka.ii pa.D jaate the

Shafeeq Nadvi
Nazm

munajat-e-bewa

(1)
ai sab se avval aur aaKHir
jahaa.n-tahaa.n, haazir aur naazir
ai sab daanaa.o.n se daanaa
saare tavaanaa.o.n se tavaanaa
ai baalaa, har baalaa-tar se
chaa.nd se suuraj se ambar se
ai samjhe buujhe bin suujhe
jaane-pahchaane bin buujhe
sab se anokhe sab se niraale
aa.nkh se ojhal dil ke ujaale
ai andho.n kii aa.nkh ke taare
ai la.ng.De luulo.n ke sahaare
naatiyo.n se chhoTo.n ke naatii
saathiyo.n se bichh.Do.n ke saathii
naav jahaa.n kii khene vaale
dukh me.n tasallii dene vaale
jab ab tab tujh saa nahii.n ko.ii
tujh se hai.n sab tujh saa nahii.n ko.ii
jot hai terii jal aur thal me.n
baas hai terii phuul aur phal me.n
har dil me.n hai teraa baseraa
tuu paas aur ghar duur hai teraa
raah tirii dushvaar aur suk.Dii
naam tiraa rah-giir kii lak.Dii
tuu hai Thikaanaa miskiino.n kaa
tuu hai sahaaraa Gamgiino.n kaa
tuu hai akelo.n kaa rakhvaalaa
tuu hai a.ndhere ghar kaa ujaalaa
laaguu achchhe aur bure kaa
KHvaahaa.n khoTe aur khare kaa
bed niraase biimaaro.n kaa
gaahak mande baazaaro.n kaa
soch me.n dil bahlaane vaale
biptaa me.n yaad aane vaale
(2)
ai be-vaaris gharo.n ke vaaris
be-baazuu be-paro.n ke vaaris
be-aaso.n kii aas hai tuu hii
jaagte sote paas hai tuu hii
bas vaale hai.n yaa be-bas hai.n
tuu nahii.n jin kaa vo be-kas hai.n
saathii jin kaa dhyaan hai teraa
dusraayat kii vahaa.n nahii.n parvaa
dil me.n hai jin ke terii ba.Daa.ii
ginte hai.n vo parbat ko raa.ii
bekas kaa Gam-KHvaar hai tuu hii
burii banii kaa yaar hai tuu hii
dukhiyaa dukhii yatiim aur beva
tere hii haath un sab kaa hai khevaa
tuu hii maraz de tuu hii davaa de
tuu hii davaa-daaruu me.n shifaa de
tuu hii pilaa.e zahr ke pyaale
tuu hii phir amrit zahr me.n Daale
tuu hii dilo.n me.n aag lagaa.e
tuu hii dilo.n kii lagii bujhaa.e
chumkaare chumkaar ke maare
maare maar ke phir chumkaare
pyaar kaa tere puuchhnaa kyaa hai
maar me.n bhii ik terii mazaa hai
(3)
ai rahmat aur haibat vaale
shafqat aur dabaaGat vaale
ai aTkal aur dhyaan se baahar
jaan se aur pahchaan se baahar
aql se ko.ii paa nahii.n saktaa
bhed tire hukmo.n me.n hai.n kyaa kyaa
ek ko tuu ne shaad kiyaa hai
ek ke dil ko daaG diyaa hai
us se na teraa pyaar kuchh aisaa
us se na tuu bezaar kuchh aisaa
har dam terii aan na.ii hai
jab dekho tab shaan na.ii hai
yahaa.n pachhu.aa hai vahaa.n purvaa hai
ghar ghar teraa hukm nayaa hai
phuul kahii.n kumlaa.e hu.e hai.n
aur kahii.n phal aa.e hu.e hai.n
khetii ek kii hai lahraatii
ek kaa har dam KHuun sukhaatii
ek pa.De hai.n dhan ko Dubo.e
ek hai.n gho.De bech ke so.e
ek ne jab se hosh sambhaalaa
ra.nj se us ko pa.Daa na paalaa
ek ne is janjaal me.n aa kar
chain na dekhaa aa.nkh uThaa kar
me.nh kahii.n daulat kaa hai barastaa
hai ko.ii paanii tak ko tarastaa
ek ko marne tak nahii.n dete
ek uktaa gayaa lete lete
haal Garaz duniyaa kaa yahii hai
Gam pahle aur baa'd KHushii hai
ra.nj kaa hai duniyaa ke gilaa kyaa
tohfa yahii le de ke hai yaa.n kaa
yahaa.n nahii.n bantii ranj sahe bin
ra.nj nahii.n sab ek se lekin
ek se yahaa.n ranj ek hai baalaa
ek se hai dard ek niraalaa
ghaav hai go naasuur kii suurat
par use kyaa naasuur se nisbat
tap vahii diq kii shakl hai lekin
diq nahii.n rahtii jaan liye bin
diq ho vo yaa naasuur ho kuchh ho
de na jo ab ummiid kisii ko
roz kaa Gam kyuu.n-kar sahe ko.ii
aas na jab baaqii rahe ko.ii
tuu hii kar insaaf ai mire maulaa
kaun hai jo be-aas hai jiitaa
go ki bahut bande hai.n pur-armaa.n
kam hai.n magar maayuus hai.n jo yaa.n
KHvaah dukhii hai KHvaah sukhii hai
jo hai ik ummiid us ko ba.ndhii hai
khetiyaa.n jin kii kha.Dii hai.n suukhii
aas vo baa.ndhe baiThe hai.n me.nh kii
ghaTaa jin kii asaa.Dii me.n hai
saavanii kii ummiid nahii.n hai
Duub chukii hai un kii agetii
detii hai Dhaaras un ko pachhetii
ek hai is ummiid pe jiitaa
ab hu.ii beTii ab hu.aa beTaa
ek ko jo aulaad milii hai
us ko uma.ng shaadiyo.n kii hai
ra.nj hai yaa qismat me.n KHushii hai
kuchh hai magar ik aas ba.ndhii hai
Gam nahii.n un ko Gamgii.n hai.n
jo dil naa-umiid nahii.n hai.n
kaal me.n kuchh saKHtii nahii.n aisii
kaal me.n hai jab aas samay.n kii
sahal hai maujo.n se chhuTkaaraa
jab ki nazar aataa hai kinaaraa
par nahii.n uTh saktii vo musiibat
aa.egii jis ke baa'd na raahat
shaad ho us rah-giir kaa kyaa dil?
mar ke kaTegii jis kii manzil
un uj.Do.n ko kal pa.De kyuu.n-kar
ghar na basegaa jin kaa janam bhar
un bichh.Do.n kaa kyaa hai Thikaanaa?
jin ko na milne degaa zamaana
ab ye balaa Taltii nahii.n Taalii
mujh pe hai jo taqdiir ne Daalii
aa.ii.n bahut duniyaa me.n bahaare.n
aish kii ghar ghar pa.Dii.n pukaare.n
pa.De bahut baaGo.n me.n jhuule
Dhaak bahut jangal me.n phuule
ga.ii.n aur aa.e.n chaa.ndnii raate.n
barsii.n khulii.n bahut barsaate.n
par na khilii hargiz na khilegii
vo jo kalii murjhaa.ii thii dil kii
aas hii kaa bas naam hai duniyaa
jab na rahii yahii to rahaa kyaa?
aise bidesii kaa nahii.n Gam kuchh
jis ko na ho milne kii qasam kuchh
ronaa un ban-baasiyo.n kaa hai
des nikaalaa jin ko milaa hai
hukm se tere par nahii.n chaara
ka.Dvii miiThii sab hai gavaaraa
zor hai kyaa patte kaa havaa par
chaahe jidhar le jaa.e u.Daa kar
tinkaa ik aur saat samundar
jaa.e kahaa.n maujo.n se nikal kar
qismat hii me.n jab thii judaa.ii
phir Taltii kis tarah ye aa.ii?
aaj kii big.Dii ho to bane bhii
azal kii big.Dii KHaak banegii
tuu jo chaahe vo nahii.n Taltaa
bande kaa yaa.n bas nahii.n chaltaa
maare aur na de tuu rone
thapke aur na de tuu sone
Thahre ban aatii hai na bhaage
terii zabardastii ke aage
tujh se kahii.n gar bhaagnaa chaahe.n
band hai.n chaaro.n khuu.nT kii raahe.n
tuu maare aur KHvaah navaaze
pa.Dii hu.ii huu.n mai.n tere darvaaze
tujh ko apnaa jaantii huu.n mai.n
tujh se nahii.n to kis se kahuu.n mai.n
maa.n hii sadaa bachche ko maare
aur bachcha maa.n maa.n hii pukaare
(4)
ai mire zor aur qudrat vaale
hikmat aur hukuumat vaale
mai.n lau.nDii terii dukhyaare
darvaaze kii terii bhikaarii
maut kii KHvaahaa.n jaan kii dushman
jaan apnii hai aap ajiiran
apne paraa.e kii dhutkaarii
maike aur sasuraal pe bhaarii
sah ke bahut aazaar chalii huu.n
duniyaa se bezaar chalii huu.n
dil par mere daaG hai.n jitne
mu.nh me.n bol nahii.n hai.n utne
dukh dil kaa kuchh kah nahii.n saktii
is ke sivaa kuchh kah nahii.n saktii
tujh pe hai raushan sab dukh dil kaa
tujh se haqiiqat apnii kahuu.n kyaa
byaah ke dam paa.ii thii na lene
lene ke yaa.n pa.D ga.e dene
KHushii me.n bhii dukh saath na aayaa
Gam ke sivaa kuchh haat na aayaa
ek KHushii ne Gam ye dikhaa.e
ek ha.nsii ne gul hii khilaa.e
kaisaa thaa ye byaah ninaavaa.n
juu.nhii pa.Daa is kaa parchaavaa.n
chain se rahne diyaa na jii ko
kar diyaa maliyaameT KHushii ko
ro nahii.n saktii ta.ng huu.n yaa.n tak
aur ro.uu.n to ro.uu.n kahaa.n tak
ha.ns ha.ns dil bahlaa.uu.n kyuu.n-kar
oso.n pyaas bujhaa.uu.n kyuu.n-kar
ek kaa kuchh jiinaa nahii.n hotaa
ek na ha.nstaa bhalaa na rotaa
leTe gar sone ke bahaane
paa.entii kal hai aur na sirhaane
jaagiye to bhii ban nahii.n pa.Dtii
jaagne kii aaKHir ko.ii had bhii
ab kal ham ko pa.Degii mar kar
gor hai suunii sej se behtar
baat se nafrat kaam se vahshat
TuuTii aas aur bujhii tabii.at
aabaadii jangal kaa namuuna
duniyaa suunii aur ghar suunaa
din hai bhayaanak aur raat Daraanii
yuu.n guzrii saarii ye javaanii
bahne.n aur bahneliyaa.n merii
saath kii jo thii.n kheliyaa.n merii
mil na sakii.n jii khol ke mujh se
KHush na hu.ii.n ha.ns bol ke mujh se
jab aa.ii.n ro-dho ke ga.ii.n vo
jab ga.ii.n be-kal ho ke ga.ii.n vo
ko.ii nahii.n dil kaa bahlaavaa
aa nahii.n chuktaa meraa bulaavaa
aaTh pahar kaa hai ye julaapaa
kaaTuu.ngii kis tarah ra.nDaapaa
thak ga.ii dukh sahte sahte
tham ga.e aa.nsuu bahte bahte
aag khulii dil kii na kisii par
ghul ga.ii jaan andar hii andar
dekh ke chup jaanaa na kisii ne
jaan ko phuu.nkaa dil kii lagii ne
dabii thii bhobhal me.n chi.ngaarii
lii na kisii ne KHabar hamaarii
qaum me.n vo KHushiyaa.n biyaaho.n kii
shahr me.n vo dho.e.n saaho.n kii
tyauhaaro.n kaa aa.e din aanaa
aur sab kaa tyauhaar manaanaa
vo chait aur phaagun kii havaa.e.n
vo saavan bhaado.n kii ghaTaa.e.n
vo garmii kii chaa.ndnii raate.n
vo armaan bharii barsaate.n
kis se kahuu.n kis taur se kaaTe.n
KHair kaTe.n jis taur se kaaTe.n
chaav ke aur KHushiyo.n ke samay sab
aate hai.n KHush kal jaan ko ho jab
ra.nj me.n hai.n saamaan KHushii ke
aur jalaane vaale hii ke
ghar barkhaa aur piyaa bidesii
aa.iyo barkhaa kahii.n na aisii
din ye javaanii ke kaTe aise
baaG me.n panchhii qaid ho jaise
rut ga.ii saarii sar Takraate
u.D na sake par hote saare
kisii ne hogii kuchh kal paa.ii
mujhe to shaadii raas na aa.ii
aas ba.ndhii lekin na milaa kuchh
phuul aayaa aur phal na lagaa kuchh
rah gayaa de kar chaa.nd dikhaa.ii
chaa.nd hu.aa par iid na aa.ii
phal kii KHaatir barchhii khaa.ii
phal na milaa aur jaan ga.nvaa.ii
ret me.n zarre dekh chamakte
dau.D pa.Dii me.n jhiil samajh ke
chaaro.n khuu.nT nazar dau.Daa.ii
par paanii kii buu.nd na paa.ii

Altaf Hussain Hali
Nazm

madh

(1)
kas tarah bayaa.n ho tiraa pairaa-e-taqriir
goyaa sar-e-baatil pe chamakne lagii shamshiir
vo zor hai ik lafz idhar nutq se niklaa
vaa.n siina-e-aGyaar me.n paivast hu.e tiir
garmii bhii hai ThanDak bhii ravaanii bhii sakuu.n bhii
taasiir kaa kyaa kahiye hai taasiir hii taasiir
e.ajaaz usii kaa hai ki arbaab-e-sitam kii
ab tak ko.ii anjaam ko pahu.nchii nahii.n tadbiir
atraaf-e-vatan me.n hu.aa haq baat kaa shohra
har ek jagah makr-o-riyaa kii hu.ii tash.hiir
raushan hu.e ummiid se ruKH ahl-e-vafaa ke
peshaanii-e-aadaa pe siyaahii hu.ii tahriir
(2)
hurriyat-e-aadam kii rah-e-saKHt ke rah-giir
KHaatir me.n nahii.n laate KHayaal-e-dam-e-ta.aziir
kuchh na.ng nahii.n ranj-e-asiirii ki puraanaa
mardaan-e-safaa-kesh se hai rishtaa-e-zanjiir
kab dabdaba-e-jabr se dabte hai.n ki jin ke
iimaan o yaqii.n dil me.n kiye rahte hai.n tanviir
ma.aluum hai un ko ki rihaa hogii kasii din
zaalim ke giraa.n haath se mazluum kii taqdiir
aaKHir ko sar-afraaz hu.aa karte hai.n ahraar
aaKHir ko giraa kartii hai har jaur kii ta.amiir
har daur me.n sar hote hai.n qasr-e-jam-o-daaraa
har ahd me.n diivaar-e-sitam hotii hai tasKHiir
har daur me.n mal.uun shaqaavat hai 'shimar' kii
har ahd me.n mas.uud hai qurbaanii-e-shabbiir
(3)
kartaa hai qalam apne lab o nutq kii tathiir
pahu.nchii hai sar-e-haraf-e-du.aa ab mirii tahriir
har kaam me.n barkat ho har ik qaul me.n quvvat
har gaam pe ho manzil-e-maqsuud qadam-giir
har lahza tiraa taale-e-iqbaal sivaa ho
har lahza madad-gaar ho tadbiir kii taqdiir
har baat ho maqbuul, har ik bol ho baalaa
kuchh aur bhii raunaq me.n ba.Dhe shola-e-taqriir
har din ho tiraa lutf-e-zabaa.n aur ziyaada
allaah kare zor-e-bayaa.n aur ziyaada

Faiz Ahmad Faiz
Nazm

holi

holii kii 'naziir' ab jo bahaare.n hai.n ahaahaa
mahbuub ra.ngiilo.n kii qataare.n hai.n ahaahaa
kap.Do.n pe jamii rang kii dhaare.n hai.n ahaahaa
sab holii hai holii hii pukaare hai.n ahaahaa
kyaa aish hai kyaa rang hai kyaa Dha.ng zamii.n par
holii ne machaayaa hai ajab rang zamii.n par

Nazeer Akbarabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now