Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "rulaatii"

Nazm MATCHES FOR "rulaatii"

Nazm

bahut KHub-surat ho tum

bahut KHuub-suurat ho tum bahut KHuub-suurat ho tum
kabhii mai.n jo kah duu.n mohabbat hai tum se
to mujh ko KHudaa raa Galat mat samajhnaa
ki merii zaruurat ho tum bahut KHuub-suurat ho tum
hai.n phuulo.n kii Daalii pe baa.nhe.n tumhaarii
hai.n KHaamosh jaaduu nigaahe.n tumhaarii
jo kaa.nTe huu.n sab apne daaman me.n rakh luu.n
sajaa.uu.n mai.n kaliyo.n se raahe.n tumhaarii
nazar se zamaane kii KHud ko bachaanaa
kisii aur se dekho dil mat lagaanaa
ki merii amaanat ho tum
bahut KHuub-suurat ho tum
hai chehraa tumhaaraa ki din hai sunahraa
hai chehraa tumhaaraa ki din hai sunahraa
aur is par ye kaalii ghaTaa.o.n kaa pahraa
gulaabo.n se naazuk mahaktaa badan hai
ye lab hai.n tumhaare ki khiltaa chaman hai
bikhero jo zulfe.n to sharmaa.e baadal
farishte bhii dekhe.n to ho jaa.e.n paagal
vo paakiiza muurat ho tum bahut KHuub-suurat ho tum
jo ban ke kalii muskuraatii hai aksar
shab-e-hijr me.n jo rulaatii hai aksar
jo lamho.n hii lamho.n me.n duniyaa badal de
jo shaa.ir ko de jaa.e pahluu Gazal ke
chhupaanaa jo chaahe.n chhupaa.ii na jaa.e
bhulaanaa jo chaahe.n bhulaa.ii na jaa.e
vo pahlii mohabbat ho tum bahut KHuub-suurat ho tum

Tahir Faraz
Nazm

ek nau-jawan ke nam

tire sofe hai.n afra.ngii tire qaalii.n hai.n iiraanii
lahuu mujh ko rulaatii hai javaano.n kii tan-aasaanii
imaarat kiyaa shikva-e-KHusravii bhii ho to kyaa haasil
na zor-e-haidarii tujh me.n na istiGnaa-e-salmaanii
na Dhuu.nD us chiiz ko tahziib-e-haazir kii tajallii me.n
ki paayaa mai.n ne istiGnaa me.n meraaj-e-musalmaanii
uqaabii ruuh jab bedaar hotii hai javaano.n me.n
nazar aatii hai un ko apnii manzil aasmaano.n me.n
na ho naumiid naumiidii zavaal-e-ilm-o-irfaa.n hai
umiid-e-mard-e-momin hai KHudaa ke raaz-daano.n me.n
nahii.n teraa nasheman qasr-e-sultaanii ke gumbad par
tuu shaahii.n hai baseraa kar pahaa.Do.n kii chaTaano.n me.n

Allama Iqbal
Nazm

man ka KHwab

mai.n so.ii jo ik shab to dekhaa ye KHvaab
ba.Dhaa aur jis se miraa iztiraab
ye dekhaa ki mai.n jaa rahii huu.n kahii.n
a.ndheraa hai aur raah miltii nahii.n
laraztaa thaa Dar se miraa baal baal
qadam kaa thaa dahshat se uThnaa muhaal
jo kuchh hausla paa ke aage ba.Dhii
to dekhaa qataar ek la.Dko.n kii thii
zamurrad sii poshaak pahne hu.e
diye sab ke haatho.n me.n jalte hu.e
vo chup-chaap the aage piichhe ravaa.n
KHudaa jaane jaanaa thaa un ko kahaa.n
isii soch me.n thii ki meraa pisar
mujhe is jamaa.at me.n aayaa nazar
vo piichhe thaa aur tez chaltaa na thaa
diyaa us ke haatho.n me.n jaltaa na thaa
kahaa mai.n ne pahchaan kar merii jaa.n
mujhe chho.D kar aa ga.e tum kahaa.n
judaa.ii me.n rahtii huu.n mai.n be-qaraar
pirotii huu.n har roz ashko.n ke haar
na parvaa hamaarii zaraa tum ne kii
ga.e chho.D achchhii vafaa tum ne kii
jo bachche ne dekhaa miraa pech-o-taab
diyaa us ne mu.nh pher kar yuu.n javaab
rulaatii hai tujh ko judaa.ii mirii
nahii.n is me.n kuchh bhii bhalaa.ii mirii
ye kah kar vo kuchh der tak chup rahaa
diyaa phir dikhaa kar ye kahne lagaa
samajhtii hai tuu ho gayaa kyaa ise?
tire aa.n.su.o.n ne bujhaayaa ise!

Allama Iqbal
Nazm

sar-zamin-e-yas

jiine se dil bezaar hai
har saa.ns ik aazaar hai
kitnii hazii.n hai zindagii
andoh-gii.n hai zindagii
vo bazm-e-ahbaab-e-vatan
vo ham-navaayaan-e-suKHan
aate hai.n jis dam yaad ab
karte hai.n dil naashaad ab
guzrii hu.ii ra.ngiiniyaa.n
kho.ii hu.ii dilchaspiyaa.n
pahro.n rulaatii hai.n mujhe
akasr sataatii hai.n mujhe
vo zamzame vo chahchahe
vo ruuh-afzaa qahqahe
jab dil ko maut aa.ii na thii
yuu.n be-hisii chhaa.ii na thii
college kii ra.ngii.n vaadiyaa.n
vo dil nashii.n aabaadiyaa.n
vo naazniinaan-e-vatan
zohra-jabiinaan-e-vatan
jin me.n se ik ra.ngii.n qabaa
aatish-nafs aatish-navaa
kar ke mohabbat aashnaa
ra.ng-e-aqiidat aashnaa
mere dil-e-naakaam ko
KHuu.n-gashta-e-aalaam ko
daaG-e-judaa.ii de ga.ii
saarii KHudaa.ii le ga.ii
un saa.ato.n kii yaad me.n
un raahato.n kii yaad me.n
maGmuum saa rahtaa huu.n mai.n
Gam kii kasak sahtaa huu.n mai.n
suntaa huu.n jab ahbaab se
qisse Gam-e-ayyaam ke
betaab ho jaataa huu.n mai.n
aaho.n me.n kho jaataa huu.n mai.n
phir vo aziiz-o-aqribaa
jo to.D kar ahd-e-vafaa
ahbaab se mu.nh mo.D kar
duniyaa se rishta to.D kar
hadd-e-ufuq se us taraf
ra.ng-e-shafaq se us taraf
ik vaadii-e-KHaamosh kii
ik aalam-e-behosh kii
gahraa.iyo.n me.n sau ga.e
taariikiyo.n me.n kho ga.e
un kaa tasavvur naa-gahaa.n
letaa hai dil me.n chuTkiyaa.n
aur KHuu.n rulaataa hai mujhe
be-kal banaataa hai mujhe
vo gaa.nv kii ham-joliyaa.n
mafluuk dahqaa.n-zaadiyaa.n
jo dast-e-fart-e-yaas se
aur yuurish-e-aflaas se
ismat luTaa kar rah ga.ii.n
KHud ko ga.nvaa kar rah ga.ii.n
Gamgii.n javaanii ban ga.ii.n
rusvaa kahaanii ban ga.ii.n
un se kabhii galiyo.n me.n ab
hotaa huu.n mai.n do-chaar jab
nazre.n jhukaa letaa huu.n mai.n
KHud ko chhupaa letaa huu.n mai.n
kitnii hazii.n hai zindagii
andoh-gii.n hai zindagii

Sahir Ludhianvi
Nazm

pand-nama

ai majaaz ai taraana-baar majaaz
zinda paiGambar-e-bahaar majaaz
ai baruu-e-saman-vishaa.n gul-posh
ai ba kuu-e-muGaa.n tamaam KHarosh
ai parastaar-e-mah-ruKHaan-e-jahaa.n
ai kamaa.n-daar-e-shaa.iraan-e-javaa.n
tujh se taabaa.n jabiin-e-mustaqbil
ai mire siina-e-umiid ke dil
ai majaaz ai mubassir-e-KHad-o-KHaal
ai shu.uur-e-jamaal o sham-e-KHayaal
ai surayyaa-fareb o zohra-navaaz
shaa.ir-e-mast o rind-e-shaahid-baaz
naaqid-e-ishva-e-shabaab hai tuu
sub.h-e-fardaa kaa aaftaab hai tuu
tujh ko aayaa huu.n aaj samjhaane
haif hai tuu agar buraa maane
KHud ko Garq-e-sharaab-e-naab na kar
dekh apne ko yuu.n KHaraab na kar
shaa.irii ko tirii zaruurat hai
daur-e-fardaa kii tuu amaanat hai
sirf terii bhalaa.ii ko ai jaa.n
ban ke aayaa huu.n naaseh-e-naadaa.n
ek Thahraav ik takaan hai tuu
dekh kis darja dhaan-paan hai tuu
na.ng hai mahz ustuKHaa.n honaa
saKHt ihaanat hai naa-tavaa.n honaa
ustuKHvaanii badan duKHaanii post
ek sa.ngiin jurm hai ai dost
sharm kii baat hai vajuud-e-saqiim
naa-tavaanii hai ik gunaah-e-aziim
jism aur ilm turfa taaqat hai
yahii insaan kii nubuvvat hai
jo za.iif-o-aliil hotaa hai
ishq me.n bhii zaliil hotaa hai
har hunar ko jo ek daulat hai
ilm aur jism kii zaruurat hai
kasrat-e-baada rang laatii hai
aadmii ko lahuu rulaatii hai
KHush-dilo.n ko rulaa ke ha.nstii hai
sham-e-aKHtar bujhaa ke ha.nstii hai
aur jab aafat jigar pe laatii hai
ri.nd ko maulvii banaatii hai
mai se hotaa hai maqsad-e-dil faut
mai hai buniyaad-e-maulviyyat-o-maut
kaan me.n sun ye baat hai nashtar
maulviyyat hai maut se bad-tar
is se hotaa hai kaar-e-umr tamaam
is se hotaa hai aql ko sarsaam
is me.n insaa.n kii jaan jaatii hai
is me.n shaa.ir kii aan jaatii hai
ye zamiin aasmaan kyaa shai hai
aan jaa.e to jaan kyaa shai hai
gauhar-e-shaah-vaar chun pyaare
mujh se ik gur kii baat sun pyaare
Gam to bantaa hai chaar din me.n nashaat
shaadmaanii se rah bahut mohtaat
Gam ke maare to jii rahe hai.n hazaar
nahii.n bachte hai.n aish ke biimaar
aan me.n dil ke paar hotii hai
pa.nkhu.Dii me.n vo dhaar hotii hai
juu-e-ishrat me.n Gam ke dhaare hai.n
yaKH-o-shabnam me.n bhii sharaare hai.n
haa.n sambhal kar lataafato.n ko barat
TuuT jaa.e kahii.n na ko.ii parat
dekh kar shiisha-e-nashaat uThaa
ye varaq hai varaq hai sone kaa
kaaGaz-e-baad ye nagiina hai
balki ai dost aabgiina hai
saaGar-e-shabnam-e-KHush-aab hai ye
aabgiina nahii.n habaab hai ye
rok le saa.ns jo qariib aa.e
Thes us ko kahii.n na lag jaa.e
teG-e-mastii ko ehtiyaat se chhuu
varna Tapkegaa u.ngliyo.n se lahuu
mastiyo.n me.n hai taab-e-jalva-e-maah
aur siyah mastiyaa.n KHudaa kii panaah
KHuub hai ek had pe qaa.em nasha
halkaa phulkaa subuk mulaa.em nasha
haa.n adab se uThaa adab se jaam
taaki aab-e-halaal ho na haraam
jaam par jaam jo cha.Dhaate hai.n
uu.nT kii tarah bilbilaate hai.n
zindagii kii havas me.n marte hai.n
mai ko rusvaa-e-dahr karte hai.n
yaad hai jab 'jigar' cha.Dhaate the
kyaa alif ho ke hin-hinaate the
merii gardan me.n bhar ke chand aahe.n
paa.nv se Daalte the vo baa.nhe.n
aql kii maut ilm kii pastii
al-amaa.n la.anat-e-siyah mastii
uf ghaTaa-Top nashshe kaa tuufaan
bhuut ifriit dev jin shaitaan
laat ghuu.nsa chha.Dii chhurii chaaquu
lib-libaahaT lu.aab kaf badbuu
tanz aavaaza barhamii ifsaad
ta.an tashnii.a maz.haka iiraad
shor huu-haq abe-tabe hai hai
aukhiyaa.n gaaliyaa.n dhamaake qai
mas-masaahaT Gashii tapish chakkar
soz sailaab sansanii sarsar
chal-chaKHe chiiKH chunaa.n-chunii.n chi.nghaa.D
chaKH-chaKHe chaa.uu.n chaa.uu.n chiil-chilhaa.D
lappaa-Dukki lataam laam la.Daa.ii
haul haijaan haa.nk haathaa-paa.ii
khalbalii kaa.o.n kaa.o.n khaT-manDal
hau.nk ha.ngaama hamhama halchal
uljhan aavaargii udham aiThan
bhau.nk bhau.n bhau.n bhinan bhinan bhan-bhan
dhaul-dhappaa dhaka.D-paka.D dhutkaar
tahlka tuu ta.Daaq tuf takraar
buu bhabhak bhay bikas barar bhau.nchaal
dabdabe dandanaahaTe.n dhammaal
gaah narmii o lutf o mehr o salaam
gaah talKHii o turshii o dushnaam
aql kii maut ilm kii pastii
al-amaa.n la.anat-e-siyah mastii
sirf nashshe kii bhiigne de mase.n
in ko ban.ne na de kabhii mo.nchhe.n
al-amaa.n KHaufnaak kaalaa nasha
oh riish-o-buruut vaalaa nasha
azhdar-e-marg o dev-e-KHuu.n-KHvaarii
al-amaa.n nashsha-e-''jaTaadhaarii''
nashshe kaa jhuT-puTaa hai nuur-e-hayaat
jhuTpuTe ko banaa na kaalii raat
nashshe kii tez raushnii bhii Galat
chaudhvii.n kii sii chaa.ndnii bhii Galat
zehn-e-insaa.n ko baKHshtaa hai jamaal
nashsha ho jab ye qadr-e-nuur-e-hilaal
Gurfa-e-aql bhe.D to akasr
par use kach-kachaa ke band na kar
raat ko lutf-e-jaam hai pyaare
din kaa piinaa haraam hai pyaare
din hai ifriit-e-aaz kii khankaar
raat paazeb naazukii jhankaar
din hai KHaashaak KHaak dhuul dhu.aa.n
raat aa.iina anjuman afshaa.n
din musallah davaa.n kamar basta
raat taaq-o-ravaaq-o-gul-dasta
din hai faulaad-e-sa.ng teG-e-alam
raat kam-KHvaab pa.nkhu.Dii shabnam
din hai shevan duhaa.iyaa.n dukh.De
raat mast a.nkh.Diyaa.n javaa.n mukh.De
din ka.Dii dhuup kii bad-aaha.ngii
raat pichhle pahar kii saara.ngii
din bahaadur kaa baan biir kii rath
raat champaa-kalii a.nguuThii nath
din hai tuufaan-e-jumbish-o-raftaar
raat miizaan-e-kaakul-o-ruKHsaar
aaftaab-o-sharaab hai.n bairii
botale.n din ko hai.n pachhal pairii
kar na paamaal hurmat-e-auqaat
raat ko din banaa na din ko raat
pii magar sirf shaam ke ha.ngaam
aur vo bhii ba-qadr-e-yak-do jaam
vahii insaa.n hai KHurram-o-KHursand
jo hai miqdaar o vaqt kaa paaband
mere piine hii par na jaa mirii jaa.n
mujh se jiinaa bhii siikh hai.n qurbaa.n
us ke piine me.n rang aataa hai
jis ko jiine kaa Dha.ng aataa hai
ye nasaa.eh bahut hai.n besh-bahaa
jald so jald jaag jald nahaa
baaG me.n jaa tuluu.a se pahle
taa nigaar-e-sahar se dil bahle
sarv-o-shamshaad ko gale se lagaa
har chaman-zaad ko gale se lagaa
mu.nh a.ndhere fazaa-e-gulshan dekh
saahil o sabza-zaar o sausan dekh
gaah aavaara abr-paare dekh
in kii raftaar me.n sitaare dekh
jaise kohre me.n taab-e-ruu-e-nikuu
jaise jangal me.n raat ko jugnuu
gul kaa mu.nh chuum ik tarannum se
nahr ko gudgudaa tabassum se
jism ko kar araq se nam-aaluud
taaki shabnam pa.Dhe lahak ke daruud
phe.nk sanjiidgii kaa sar se baar
naach uchhal dandanaa chhalaa.nge.n maar
dekh aab-e-ravaa.n kaa aa.iina
dau.D saahil pe taan kar siina
mast chi.Diyo.n kaa chahchahaanaa sun
mauj-e-nau-mashq kaa taraana sun
bostaa.n me.n sabaa kaa chalnaa dekh
sabza o sarv kaa machalnaa dekh
shabnam-aaluud kar suKHan kaa libaas
chakh dhundalke me.n buu-e-gul kii miThaas
shaa.irii ko khilaa havaa-e-sahar
is kaa nafqa hai terii gardan par
raqs kii lahr me.n ho gum lab-e-nahr
yuu.n adaa kar uruus-e-sher kaa mahr
jazb kar bostaa.n ke naqsh-o-nigaar
zehan me.n khol misr kaa baazaar
narm jho.nko.n kaa aab-e-haivaa.n pii
buu-e-gul ra.ng-e-shabnamistaa.n pii
gun-gunaa kar nazar uThaa kar pii
sub.h kaa shiir daGdaGa kar pii
taaki mujre ko aa.e.n kul barkaat
daulat jism o ilm o aql o hayaat
ye na ta.ana na ye ulahnaa hai
ek nukta bas aur kahnaa hai
Gaibat-e-nuur ho ki kasrat-e-nuur
zulmat-e-taam ho ki sho.ala-e-tuur
ek saa hai vabaal dono.n kaa
tiirgii hai ma.aal dono.n kaa
darKHur-e-saahab-e-ma.aal nahii.n
har vo shai jis me.n e'tidaal nahii.n
shaadmaanii se pii nahii.n saktaa
jis ko haukaa ho jii nahii.n saktaa
ai pisar ai baraadar ai hamraaz
ban na is tarah duur kii aavaaz
ko.ii biimaar tan nahii.n saktaa
KHaadim-e-KHalq ban nahii.n saktaa
KHidmat-e-KHalq farz hai tujh par
daur-e-maazii kaa qarz hai tujh par
asr-e-haazir ke shaa.ir-e-KHuddaar
qarz-daarii kii maut se hoshyaar
zehn-e-insaaniyat ubhaar ke jaa
zindagaanii kaa qarz utaar ke jaa
tujh pe hindostaan naaz kare
umr terii KHudaa daraaz kare

Josh Malihabadi
Nazm

mujhe barish se kahne do

mujhe baarish se kahne do javaa.n jazbo.n me.n bahne do
ki jab baarish barastii hai havaa.e.n sard chaltii hai.n
mujhe vo yaad aate hai.n
mire aa.nsuu bahaate hai.n
mujhe baarish se kahne do
javaa.n jazbo.n me.n bahne do
mujhe vo raat kaa manzar
abhii tak yaad hai saahab
khulii chhat par tumhaare sang rah kar bhiig jaanaa bhii
mujhe baarish se kahne do
javaa.n jazbo.n me.n bahne do
tumhaarii baa.nho.n kii narmii bhii
tumhaarii saa.nso.n kii garmii bhii
mujhe jab yaad aatii hai
bahut aa.nsuu rulaatii hai
mujhe baarish se kahne do
ki tum tanhaa nahii.n aanaa
miraa mahbuub bhii laanaa
mai.n us ke saath khelii huu.n
binaa us ke akelii huu.n
javaa.n jazbo.n me.n bahne do
mujhe baarish se kahne do

Dua Ali
Nazm

raat ki aziyyat

raat ke parde me.n chhup kar KHuu.n rulaatii chaahto
is qadar kyuu.n duur ho mujh se zaraa ye to kaho
mere paas aa kar kabhii merii kahaanii bhii suno

Muneer Niyazi
Nazm

meri yaad tumko bhi aati to hogi

adhuurii mohabbat kii bisrii kahaanii
kabhii dil ke haatho.n rulaatii to hogii

Qaleel Jhansvi
Nazm

kanha tumhaari yaad mein hun be-qarar main

kyaa tum ko merii yaad bhii aatii nahii.n kabhii
furqat ye merii tum ko rulaatii nahii.n kabhii

Meena Khan
Nazm

pardes mein eid

na puuchho kis tarah se ham
gharo.n kii baat karte aur phir aa.nsuu chhupaate hai.n
bujhe dil muskuraate hai.n
suno ai des ke logo
hame.n shiddat se apnaa daur-e-bachpan yaad aataa hai
hame.n maa.o.n kii miiThii miiThii mamtaa yaad aatii hai
ha.nsaatii hai rulaatii hai
tasallii ke liye ham ek duuje se ye kahte hai.n
dino.n kii baat hai ham bhii vatan ko lauT jaa.e.nge
yaqiinan eid aglii apne apne ghar manaae.nge
suno ai des ke logo
agar sach baat puuchho to
gharo.n ko
yaad karne se
ko.ii fariyaad karne se
thakan se chuur hone se
bahut majbuur hone se
kisii ko kuchh nahii.n miltaa
ko.ii dar bhii nahii.n khultaa

Sulaiman Jazib
Nazm

bahana

suno
tum kyuu.n nahii.n kahte
mire aa.nsuu tumhe.n takliif dete hai.n
mire dukh sun ke tum bhii bebasii mahsuus karte ho
merii aavaaz kii larzish tumhe.n bhii KHuu.n rulaatii hai
mere lahje kii namnaakii tumhe.n bechain rakhtii hai
mujhe ma.aluum hai lekin ye sab tum kah nahii.n sakte
usii lamhe tumhe.n yaad aane lagte hai.n
ka.ii behad zaruurii kaam aur phir tum
achaanak munqata.a karte ho telephone kii line
phir ek massage me.n likhte ho
mujhe afsos hai package achaanak KHatm hone par
to phir kal baat karte hai.n
magar mai.n jaantii huu.n is bahaane ko
mujhe ma.aluum hai jaanaa.n
mire aa.nsuu tumhe.n takliif dete hai.n

Shahnaz Parveen Shazi
Nazm

wasl ki jo KHwahish hai

ye bahut rulaatii hai raat-bhar jagaatii hai
chain lene detii hai aur na rone detii hai
yuu.n to ek muddat se
tum se ham hai.n begaana
saath chalte rahne kaa na to ko.ii va.ada hai
phir bhii dil me.n jaane kyuu.n ik KHalish sii rahtii hai
dil me.n ye KHayaal aksar aa ke Thahar jaataa hai
saath saath chalte ham zindagii ke rasto.n par
har safar ha.nsii hotaa tum jo mere saath hote
lekin ai mire rahbar
ab to KHauf us kaa hai KHvaab me.n jo aa.e tum
aur be-KHayaalii me.n naam jo liyaa ham ne
sab hii chau.nk jaa.e.nge mustaqil savaalo.n se
laa-javaab kar de.nge
is liye mere jaanaa
vasl kii jo KHvaahish hai
is ko bhuul jaatii huu.n
aur tumhaarii yaado.n se
ab vidaa.a letii huu.n

Asra Rizvi
Nazm

unwan zindagi

zindagii ha.nsaatii hai
zindagii rulaatii hai
be-vajah sataatii hai
be-panaah jagaatii hai
chain chhiin letii hai
dard itne detii hai
maut se milaatii hai
qabr me.n sulaatii hai
aur muskuraatii hai
phir ye arz kartii hai
bas ye kaam hai meraa
ziist naam hai meraa

Mahwar Sirsivi
Nazm

uske nam

tumhaarii yaad aise me.n sataatii hai mujhe ab bhii
shab-e-tanhaa.ii me.n pahro.n rulaatii hai mujhe ab bhii
sabaa ke dosh par aa kar jagaatii hai mujhe ab bhii
havaas-o-hosh se be-KHud banaatii hai mujhe ab bhii
tamannaa-e-vafaa hotii hai lekin tum nahii.n hotii.n
ba.Dii ra.ngii.n fazaa hotii hai lekin tum nahii.n hotii.n

Shaukat Pardesi
Nazm

aa gai sawan ki rut

boltaa hai aah jangal me.n papiihaa kyaa karuu.n
phir rulaatii hai mujhe terii tamanna kyaa karuu.n
phir mohabbat dil me.n Gam kii aag bha.Dkaane lagii
aa ga.ii saavan kii rut kaalii ghaTaa chhaane lagii

Jafar Malihabadi
Nazm

tum

mujhe pata hai
meraa dukhii honaa
tum ko bhii dukh detaa hai
merii bebasii ko
tum mahsuus karte ho
merii bharraa.ii aavaaz
tum ko bhii rulaatii hai
mai.n jaantaa huu.n
ye sab tum kahte nahii.n
bas meraa phone kaaT dete ho
ye kah kar ki
ghar se phone aa rahaa hai
baa'd me.n baat karte hai.n
phir mujhe message karte ho
ki network nahii.n kaam kar rahaa
kal baat karte hai.n
par mujhe pata hai
mere aa.nsuu tumhe.n takliif dete hai.n
aur tum baato.n ka
ruKH mo.D dete ho
mujhe vahii.n par chho.D dete ho

Abul Hashim Khan
Nazm

insha

kabhii khul ke jab khilkhilaatii hai inshaa
fazaa.o.n me.n sargam bajaatii hai inshaa
har ik lab pe titlii biThaatii hai inshaa
jha.Dii qahqaho.n kii lagaatii hai inshaa
masarrat kii duniyaa basaatii hai inshaa
mire ghar ko jannat banaatii hai inshaa
kabhii maaysha ko ha.nsaatii hai inshaa
kabhii maaysha ko rulaatii hai inshaa
kabhii paas us ko bulaatii hai inshaa
kabhii duur us ko bhagaatii hai inshaa
bahan se to kasrat karaatii hai inshaa
mire ghar ko jannat banaatii hai inshaa
kahaanii sunaatii hai naanii ko inshaa
adaa.e.n dikhaatii hai naanii ko inshaa
masarrat dilaatii hai naanii ko inshaa
divaana banaatii hai naanii ko inshaa
javaanii bu.Dhaape me.n laatii hai inshaa
mire ghar ko jannat banaatii hai inshaa
kabhii Dhuu.nD laatii hai naanuu kaa chashma
kabhii phe.nk aatii hai naanuu kaa chashma
kabhii KHud lagaatii hai naanuu kaa chashma
kahii.n se bhii paatii hai naanuu kaa chashma
to aavaaz fauran lagaatii hai inshaa
mire ghar ko jannat banaatii hai inshaa
mobile par is tarah u.nglii ghumaa.e
ki jaise ko.ii shaKHs jaaduu chalaa.e
mobile ke parde pe hairat ugaa.e
hazaaro.n tarah ke karishme dikhaa.e
dikhaa kar karishme rijhaatii hai inshaa
mire ghar ko jannat banaatii hai inshaa
kabhii ko.ii khaane kaa manzar dikhaa.e
kabhii apnii u.nglii se pizza banaa.e
kabhii to mazedaar murGaa pakaa.e
salaado.n se khaane kii thaalii sajaa.e
kabhii chaa.e kaafii pilaatii hai inshaa
mire ghar ko jannat banaatii hai inshaa
falak paas jaa kar kabhii muskuraatii
kabhii chhe.Dtii to kabhii gudgudaatii
mahak ko kabhii apnaa kartab dikhaatii
kabhii baby nannaa ko poem sunaatii
har ik aadmii ko lubhaatii hai inshaa
mire ghar ko jannat banaatii hai inshaa
malaahat me.n is kii chamak hai Gazab kii
saraape me.n is ke lachak hai Gazab kii
sadaa.o.n me.n is kii khanak hai Gazab kii
adaa.o.n me.n is kii chahak hai Gazab kii
Gazab kaa nazaaraa dikhaatii hai inshaa
mire ghar ko jannat banaatii hai inshaa
chahetii kisii kii kisii kii dulaarii
kisii ko lage saare duniyaa se nyaarii
kisii ko ho mahsuus phuulo.n se bhaarii
sunny ko to hai jaan-o-dil se bhii pyaarii
bahut aamna ko bhii bhaatii hai inshaa
mire ghar ko jannat banaatii hai inshaa
mobile pe abbaa ko dekhe to Dole
chahak kar lapak kar zabaa.n apnii khole
masarrat se labrez alfaaz bole
shahd kaan me.n apne abbaa ke ghole
qatar tak mohabbat luTaatii hai inshaa
mire ghar ko jannat banaatii hai inshaa
mobile pe farhaan KHaa.n kii zabaanii
har ik raat suntii hai vo ik kahaanii
kahaanii me.n aatii hai jab ko.ii raanii
to bachchii se ban jaatii hai vo siyaanii
bahut daad abbaa se paatii hai inshaa
mire ghar ko jannat banaatii hai inshaa
kabhii apne gho.De se bhau.n bhau.n karaa.e
kabhii sher chiite ko bakrii banaa.e
kabhii sar pe billii ke haathii biThaa.e
kabhii doremon ko bhii paTTii pa.Dhaaye
anokhe tamaashe dikhaatii hai inshaa
mire ghar ko jannat banaatii hai inshaa
magar khaane piine se jii hai churaatii
zaraa der me.n mu.nh me.n luqma giraatii
bahut apnii ammaa.n se kasrat karaatii
kabhii naach tig.Dii kaa bhii vo nachaatii
khilaane me.n paagal banaatii hai inshaa
mire ghar ko jannat banaatii hai inshaa

Ghazanfar
Nazm

husain! tumi kothae

luTe KHeme
u.Dii chaadar
na jaane kab kisii ne rakh diye hathiyaar
kis ne zid me.n de dii jaa.n
ye nauhe phir kisii din ke liye rakh do
ki taariiKHe.n rulaatii hai.n
chalo paaT aa.e.n KHandaq
mo.D de.n tope.n
uThaa kar phe.nk de.n jins-e-tijaarat gahre paanii me.n
vo sharte.n aaj manvaale.n
kabhii jin par siyaahii pher dii thii miir-'ja.afar' ne

Shahnaz Nabi
Nazm

atit ki chadar

ek ruuThii udaas shaam ko jab
kitnii parte.n puraanii yaado.n kii
kaise jhakjhortii hai.n aa ke mujhe
kholne ko atiit kii chaadar
gher letii hai anaayaas aa kar
vo jo dhundlii sii ho chukii hai ab
vahii tasviire.n ubhar aatii hai.n
mere maazii kii hai jo parchhaa.ii.n
merii aa.nkho.n me.n utar jaatii hai
aur mujh ko bahut rulaatii hai

Siya sachdev
Nazm

bujho to jaanen

pyaarii pyaarii na.ii navelii
buujho bachcho ek pahelii
KHaak me.n kartii hai ye izzat
is se tum ko saKHt hai nafrat
tum ko KHuub rulaatii hai ye
aksar tumhe.n sataatii hai ye
is se nafrat karte ho tum
naam se is ke Darte ho tum
phir bhii madrasa aate ho tum
aksar is ko khaate ho tum
zehn pe apne zor lagaa.o
jaldii is kaa naam bataa.o

M. A. Shamsi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now