Search result for "sadqa-e-jaarii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sadqa-e-jaarii"

Nazm MATCHES FOR "sadqa-e-jaarii"

Nazm

hilal-e-eid

hai musalmaano.n par vaajib sadqa-e-eid-ul-fitr
paa ke rozii KHush hai.n Gorabaa ye nihaal-e-eid hai

Nisar Kubra Azimabadi

Nazm

paigham-e-id

sadqa-e-fitr adaa bhii karnaa
mohtaajo.n ke daaman bharnaa

Shamim Anjum Warsi

Nazm

Tipu

uThaa vo KHaak-e-srinigaapatam se mard-e-jarii
bidesiyo.n kii hukuumat thii larza-bar-andaam

Arsh Malsiyani

Nazm

do-aba bast jalandhar

kitne mardaan-e-jarii kitne javaanaan-e-Gayuur
kitne saaheb-e-aql kitne maalik-e-fahm-o-shu.uur

Arsh Malsiyani

Nazm

eid ka chand dekh kar

sub.h KHairaat ke aa.ngan me.n Gariibii hogii
phir vahii sadqa-e-jaa.n ab ke baras paa.e.nge
aur har dast-e-muKHayyar me.n chamakte sikke
malgaje jismo.n kii haalat pe taras khaa.e.nge
Gam ke tapte hu.e sahraa pe KHushii ke baadal
be-iraada hii sar-e-raah baras jaa.e.nge

Moazzam Ali Khan

Nazm

punjab

sar-zamiin-e-hind kaa ye baazuu-e-shamshiir-e-zan
jis ke mardaan-e-jarii hai.n sho.ala-baar-o-saf-shikan

Arsh Malsiyani

Nazm

na-KHalaf mizaj ki musaddaqa taslimat

log apne andaazo.n kii juutiyaa.n
mere ehsaas ke darvaaze pe utaarte hai.n
aur kufr kii masjid me.n na.nge paa.nv chale aate hai.n
mai.n apnii zaat me.n itnii muta.assib huu.n ki
lahjo.n ko un ke maslak se pahchaantii huu.n
aur kisii baa-muravvat KHaanqaah me.n
majbuurii kaa sajda nahii.n kartii
ko.ii Galiiz muskuraahaT merii aa.nkho.n ko chhuunaa chaahe to
mai.n ho.nTo.n pe thuuk detii huu.n
lekin sadqa-e-jaariya kaa surKH rumaal u.nglii pe nahii.n baa.ndh saktii

Sidra Sahar Imran

Nazm

mere naghme tumhaare liye hain

ai vatan ke sajiile javaano
mere naGme tumhaare liye hai.n
sarfaroshii hai iimaa.n tumhaaraa
jur.ato.n ke parastaar tum ho
jo hifaazat kare sarhado.n kii
vo falak-bos diivaar tum ho
ai shujaa.at ke zinda nishaano
mere naGme tumhaare liye hai.n
biiviyo.n maa.o.n bahno.n kii nazre.n
tum ko dekhe.n to yuu.n jagmagaa.e.n
jaise KHaamoshiyo.n kii zabaa.n se
de rahii ho.n vo tum ko du.aa.e.n
qaum ke ai jarii paasbaano
mere naGme tumhaare liye hai.n
tum pe jo kuchh likhaa shaa.iro.n ne
un me.n shaamil hai aavaaz merii
u.D ke pahu.nchoge tum jis ufuq par
saath jaa.egii aavaaz merii
chaa.nd taaro.n ke ai raaz-daano
mere naGme tumhaare liye hai.n

Jameeluddin Aali

Nazm

ba-faiz-e-qaed-e-azam

saal-haa-saal kii is suurat-e-haalaat ke ba.ad
ek insaan uThaa aisaa ki jis ne ba.Dh kar
azm-o-himmat kaa shujaa.at kaa chalan aam kiyaa
aur barso.n kii Gulaamii ke shikanjo.n me.n kase
raah-e-gum-karda bhaTakte hu.e insaano.n ko
lafz-e-aazaadii-e-jamhuur se aagaah kiyaa
ik na.e daur-e-daraKHshanda kaa paiGaam diyaa
qaafile ba.Dhte rahe ba.Dhte rahe ba.Dhte rahe
suuraj aazaadi-e-insaa.n ke yuu.nhii cha.Dhte rahe
ham ki vaaqif the rivaayaat-e-salaf se apnii
DaT ga.e nazm-e-vatan kii KHaatir
azm-o-himmat se shujaa.at se nayaa kaam liyaa
aur qaa.id ke usuulo.n kaa chalan aam kiyaa
aaj ham phir vahii mardaan-e-jarii hai.n ki jo the

Nasir Zaidi

Nazm

qaid se najat

baare aa.ii najaat kii baarii
khul gayaa uqda-e-giraftaarii
ham ko mansab milaa rihaa.ii kaa
qaid ko jaa.edaad-e-bekaarii
paa.nv ko chho.D bhaage maar-e-do-sar
sar ko pushtaara-e-giraa.nbaarii
kuuch Thahraa maqaam-e-Gurbat se
ab vatan chalne kii hai tayyaarii
ruKHsat ai dostaan-e-zindaanii
alvidaa ai Gam-e-giraftaarii
arrahiil ai mashaqqat-e-har-zor
al-firaaq ai hujuum-e-naa-chaarii
daal fe ain ai kitaabat-e-qaid
gaaf miim ai hisaab-e-sarkaarii
daal chaaval se kah do ruKHsat ho.n
paanii me.n Duube ye namak khaarii
machhliyo.n se kaho ki haT ke sa.De.n
ghaas khode yahaa.n kii tarkaarii
chiinii barhamaa malaa.ii madraasii
ahl-e-aashaam ja.ngalii taataarii
apne diidaar se maaf kare.n
apnii baato.n se de.n subuk-saarii
kaale paanii se hote hai.n ruKHsat
ashk-e-shaadii hai.n aa.nkho.n se jaarii
baiThte hai.n jahaaz duurii par
uThte hai.n la.ngar-e-giraa.nbaarii
karam ai KHizr al-madad ai nuuh
rahm ai fazl-e-hazrat-e-baarii
assalaam ai KHarosh-e-bahr-e-muhiit
assafar ai safiina-e-jaarii
zaad-e-raah-e-safar tavakkul hai
rahnumaa.ii ko us kii Gaffaarii
hai iraada ki fikr-e-sher kare.n
taaki ho duur ra.nj-e-bekaarii
bas-ki barso.n rahaa huu.n zindaa.n me.n
bhuulii qasr-e-suKHan kii memaarii

Muneer Shikohabadi

Nazm

dua

is baar baKHsh de mire maulaa 'sadaa' ko tuu
qaid-e-hisaar-e-zaat kii phir se sazaa na de

Sada Ambalvi

Nazm

mera qalam

'sadaa' lauh chhin jaa.e TuuTe qalam bhii
lage jo kabhii ‘illat-e-KHud-sataa.ii

Sada Ambalvi

Nazm

dua

jiite jii dikhaa mujh ko sadaa raah-e-sadaaqat
maut aane pe mauqa-e-shahaadat mujhe de de

Sada Ambalvi

Nazm

kiya kya ai sada tu ne bata aa kar zamane mein

kiyaa kyaa ai sadaa tuu ne bataa aa kar zamaane me.n
guzaarii zindagii saarii faqat piine-pilaane me.n

Sada Ambalvi

Nazm

taaruf

nahii.n mumkin miTaanaa mujh ko misl-e-naqsh-e-paa yaaro
KHalaa.o.n me.n rahuu.ngaa guu.njtaa ban kar sadaa yaaro

Sada Ambalvi

Nazm

kaun hai in ka KHuda

ai mire maulaa agar in kaa bhii hai tuu hii KHudaa
is qadar kyo.n haal se mere hai haal in kaa judaa
bol ye kis ko pukaare.n kis ko aaKHir de.n sadaa
kaun hai in kaa masiihaa kaun hai in kaa KHudaa

Sada Ambalvi

Nazm

gul-nama

raaz-e-qudrat hame.n samjhaayaa hai ik gul ne 'sadaa'
gul na.e khilte rahe.n is liye jhar jaataa hai gul

Sada Ambalvi

Nazm

ramzan ka mahina

rahmat bharaa safiinaa
ramzaan kaa mahiina

Saiqa Ali Noori

Nazm

nind

nii.nd aanii ho to aa jaatii hai

Ashok Lal

Nazm

arz-e-watan

KHayaalaat me.n saKHt hai intishaar
taKHayyul pareshaa.n qalam be-qaraar
jahaa.n KHuun-aaluuda-o-KHuu.n-ra.ng hai
vatan par pa.Daa saaya-e-ra.ng hai
gul-o-laala hai.n musta.id be-takaa.n
rafiiqo.n ne rakkhii hathelii pe jaa.n
har ik lab pe hai bas yahii ik suKHan
hasiin aur dilkash hai arz-e-vatan
KHuluus aaj paamaal hai aur tabaah
usuul aaj daryuuza-KHvaah-e-panaah
giraftaar-e-aazaar duniyaa hai aaj
mohabbat pariishaan-o-rusvaa hai aaj
usuul-e-mohabbat ke ham tarjumaa.n
KHuluus-o-mohabbat ke ham paasbaa.n
divaano.n ko mutlaq nahii.n hai qaraar
sadaaqat se betaab dil paa.edaar
har ik lab pe hai bas yahii ik suKHan
hasiin aur dilkash hai arz-e-vatan
vatan hai ye naanak kaa farmaa.n-paziir
thaa gautam isii kaarvaa.n kaa amiir
mohabbat ne rutba diyaa hai buland
mohabbat ne sab ko kiyaa arjumand
hai Gairat kaa tuufaan chhaayaa hu.aa
hai bachcho.n me.n bhii josh aayaa hu.aa
iraade hai.n sab ke bahut ustuvaar
Gayuur aur bedaar hai.n jaa.n-nisaar
har ik lab pe hai bas yahii ik suKHan
hasiin aur dilkash hai arz-e-vatan
na dii dushmano.n ko kabhii is ne raah
himaala hai rif.at se aalam-panaah
himaala kii dilchasp hai daastaa.n
ye azmat nishaa.n sab kaa hai paasbaa.n
zamaane pe ye baat hai aashkaar
amaa us kii hai duKHtar-e-naam-daar
himaala kii azmat kii ham ko qasam
himaala kii rif.at kii ham ko qasam
hifaazat himaala kii ab farz hai
himaala kaa ham par ba.Daa qarz hai
ye kahte hai.n sab mil ke KHurd-o-kalaa.n
ki Gairat kaa is vaqt hai imtihaa.n
hu.aa ruu-e-sha.nkar hai Gusse se laal
dikhaa.egaa ab raqs taanDau jalaal
iraade hai.n sab ke bahut ustuvaar
Gayuur aur bedaar sab jaa.n-nisaar
har ik lab pe hai bas yahii ik suKHan
hasiin aur dilkash hai arz-e-vatan
muhaafiz hai.n ham amn ke laa-kalaam
zamaane ko dete hai.n budh kaa payaam
sabaa apne gulshan se jaatii hai jab
miTaatii hai duniyaa ke ra.nj-o-ta.ab
rasiilii hai sub.h aur rasiilii hai shaam
nihaa.n in me.n hai zindagii kaa payaam
rivaayat kaa mahfuuz kar ke vaqaar
hame.n luuTnaa hai KHushii kii bahaar
zaraa dekhiyegaa rafiiqo.n kii aan
hai rakkhii jinho.n ne hathelii pe jaan
har ik lab pe hai bas yahii ik suKHan
hasiin aur dilkash hai arz-e-vatan
hai izzat kaa jur.at kaa ab imtihaa.n
kahii.n jhuk na jaa.e vatan kaa nishaa.n
farebo.n se ko.ii panaptaa nahii.n
kabhii jhuuT kaa meva paktaa nahii.n
sadaaqat kaa hai bol-baalaa sadaa
nahii.n kaam aate daroG iftiraa
fazaa hai chaman kii hame.n saazgaar
hai paabanda-tar is zamii.n kii bahaar
har ik lab pe hai bas yahii.n ik suKHan
hasiin aur dilkash hai arz-e-vatan
hayaa aur muravvat hai jo pur rahe.n
hu.ii hai.n vo aa.nkhe.n bahut KHashmagii.n
ba.Dhe hai.n vatan kii taraf bad-qimaash
kaleja zamii.n kaa hu.aa paash paash
pahaa.Do.n pe hai barf Gusse se laal
fazaa.e.n hu.ii.n garm aatish misaal
hai.n jehlam me.n aane ko tuGyaaniyaa.n
har ik mauj par hai Gazab kaa samaa.n
mohabbat kii duniyaa ko dil me.n liye
bahaar-e-javaanii se paimaa.n kiye
vatan kii hifaazat ko tayyaar hai.n
mohabbat ke baada se sarshaar hai.n
hifaazat hai farz apne armaan kii
hame.n aaj parvaa nahii.n jaan kii
har ik lab pe hai bas yahii ik suKHan
hasiin aur dilkash hai arz-e-vatan
2
aa.o ba.Dho maidaan me.n shero.n dushman par yalGaar kare.n
qabr bane maidaan me.n us kii aisaa us par vaar kare.n
za.ng na lagne paa.e apne bhaarat kii aazaadii ko
aa.o zer-e-daam kare.n sayyaado.n kii sayyaadii ko
lauh-e-dil par naqsh karo har haal me.n zinda rahnaa hai
mulk kii KHidmat ke raste me.n jo dukh aa.e sahnaa hai
ye sailaab-e-surKH nahii.n hai zulm-o-sitam kii aa.ndhii hai
is sailaab ko roke.nge ham himmat ham ne baa.ndhii hai
shero.n kii aulaad ho tum in viiro.n kii santaan ho tum
mard-e-mujaahid mard-e-jarii ho yodhdhaa ho balvaan ho tum
saa.nchii maduraa amaritsar ajmer kii azmat tum se hai
sub.h-e-banaras shaam-e-avadh kii asl-o-haqiiqat tum se hai
taaj ajantaa aur elora ke vaahid fankaar ho tum
KHush-siirat KHush-suuraat KHush-muurat KHush-kirdaar ho tum
bhiilaa.ii chitranjan tum se bhaaka.D ana.ngal tum se hai
daamodar kii shaan hai tum se azmat-e-chanbal tum se hai
tum ne basaa.e shahr niraale jangal tum se ma.ngal hai.n
tum ne nikaalii nahre.n itnii sahraa tum se jal-thal hai.n
tum ne itnii himmat se dariyaa.o.n ke ruKH mo.D diye
tum ne khodii.n sura.nge.n itnii duur ke rishte jo.D diye
tum kashmiir kii arz-e-hasii.n ke nazzaaro.n me.n palte ho
kohsaaro.n ko phaa.ndte ho tum dariyaa.o.n pe chalte ho
tum mysore me.n virindaa-ban ke baaG sajaane vaale ho
uuTii shimla daarjiling se shahr basaane vaale ho
taatya-Tope laxmii-baa.ii Tiipuu kii aulaad ho tum
ja.ng ke fan me.n qaabil ho tum maahir ho ustaad ho tum
hinduu muslim sikh iisaa.ii jainii bodh aur paarsii
dahqaa.n taajir aur mulaazim saadhuu-sant aur siyaasii
le ke vatan kaa jhanDaa aa.o dushman par yalGaar kare.n
qabr bane ran-bhuum me.n us kii aisaa us par vaar kare.n

Arsh Malsiyani

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now