Search result for "satre.n" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "satre.n"

Nazm MATCHES FOR "satre.n"

Nazm

Diary

magar ye satre.n ba.Dii ajab hai.n
kahii.n tavaazun biga.D gayaa hai
yaa ko.ii siivan udha.D ga.ii hai:
''faraar huu.n mai.n ka.ii dino.n se
jo ghup-a.ndhere kii tiir jaisii sura.ng ik kaan se
shuruu.a ho ke duusre kaan tak ga.ii hai,
mai.n us nalii me.n chhupaa hu.aa huu.n,
tum aa ke tinke se mujh ko baahar nikaal lenaa

Gulzar

Nazm

nazm

jab vo is duniyaa ke shor aur KHaamoshii se
qat’-e-ta'alluq ho ke english me.n Gussa kartii hai
mai.n to Dar jaataa huu.n lekin
kamre kii diivaare.n ha.nsne lagtii hai.n
vo ik aisii aag hai jis ko sirf dahakne se matlab hai
vo ik aisaa phuul hai jis par apnii KHushbuu bojh banii hai
vo ik aisaa KHvaab hai jis ko dekhne vaalaa KHud mushkil me.n pa.D saktaa hai
us ko chhuune kii KHvaahish to Thiik hai lekin
paanii kaun paka.D saktaa hai
vo rango.n se vaaqif hai
balki har ik rang ke shajre tak se vaaqif hai
us ko 'ilm hai kin KHvaabo.n se aa.nkhe.n niilii pa.D jaatii hai.n
ham ne jin ko nafrat se mansuub kiyaa
vo un piile phuulo.n kii 'izzat kartii hai
kabhii kabhii vo apne haath me.n pencil le kar aisii satre.n khii.nchtii hai
sab kuchh siidhaa ho jaataa hai
vo chaahe to har ik chiiz ko us ke asl me.n laa saktii hai
sirf usii ke haatho.n se duniyaa tartiib me.n aa saktii hai
har patthar us paa.o.n se Takraane kii KHvaahish me.n zinda hai
lekin ye to usii adhuure-pan kaa jahaa.n hai
har pi.njre me.n aise qaidii kab hote hai.n
har kap.De kii qismat me.n vo jism kahaa.n hai
merii be-maqsad baato.n se tang bhii aa jaatii hai to
mahsuus nahii.n hone detii
lekin apne hone se uktaa jaatii hai
us ko vaqt kii paabandii se kyaa matlab hai
vo to band gha.Dii bhii haath me.n baa.ndh ke college aa jaatii hai

Tahzeeb Hafi

Nazm

jin lafzon mein

jin lafzo.n me.n hamaare dilo.n kii bai.ate.n hai.n kyaa sirf vo lafz hamaare kuchh bhii na karne
kaa kaffaara ban sakte hai.n
kyaa kuchh chiiKHte maano.n vaalii satre.n sahaaraa ban saktii hai.n un kaa
jin kii aa.nkho.n me.n us des kii had un viiraa.n sehno.n tak hai
kaise ye sher aur kyaa un kii haqiiqat
naa saahab is apne lafzo.n bhare kanastar se chulluu bhar kar bhiik kisii ko de kar
ham se apne qarz nahii.n utre.nge
aur ye qarz ab tak kis se aur kab utre hai.n
laakho.n nusrat-mand hujuumo.n kii KHandaa.n KHandaa.n KHuunii.n aa.nkho.n se bhare hu.e
taariiKH ke chauraaho.n par
saahib-e-taKHt-KHudaavando.n kii kaTtii gardane.n bhii hal kar na sakii.n ye masaa.il
ik saa.il ke masaa.il
apne apne uruujo.n kii uftaadgiyo.n me.n Duub ga.ii.n sab tahziibe.n sab falsafe…

Majeed Amjad

Nazm

punctuation

tumhe.n bhejuu.n kitaab-e-zindagii apnii
zaraa tartiib de denaa
jahaa.n par baat mub.ham hai jise tafsiil laazim hai
vahaa.n par haashiya denaa
kahii.n gar do mukammal lafz ikaTThe ho ga.e ho.n to ye qurbat Gair-fitrii hai
zaruurii hai munaasib faasla denaa
jahaa.n par KHatm hotaa ho ko.ii dard-aashnaa jumla
faraamoshii kaa nuqta sabt kar denaa
vahii.n par KHatm kar denaa
na.e auraaq me.n le kar nahii.n chalnaa
adaq sii istelaahe.n hai.n ka.ii jin ko samajhne se
mai.n qaasir aaj tak huu.n
phir ba.De uljhaa.o hai.n jin kaa siraa ab tak nahii.n miltaa
tumhe.n laazim hai vahdaanii KHato.n me.n un kaa matlab khol kar likhnaa
maqaam aise bhii hai.n jin par qadam yuu.n Dagmagaa.e the
ki shaano.n par rakhii saarii imaarat Dol jaatii thii
unhe.n vaaviin de denaa
ka.ii KHushiyo.n kii satre.n thii.n
jo Gam-a.ngez pairo.n me.n kahii.n mil-jul ga.ii hai.n
chhaa.nT kar un ko alag karnaa
nayaa unvaan de denaa

Saima Esma

Nazm

nakaam muzakaraat

tah-KHaano.n ke ziino.n par
kaalii satre.n hai.n
chiyuu.nTiyo.n kii
aur mak.Dii kii aalii nasle.n
jo thuuk se shaamiyaane buntii hai.n

Sidra Sahar Imran

Nazm

mazi se ek sawal

mai.n sochtaa huu.n ki apne maazii se
ek din ye savaal puuchhuu.n
kahaa.n ga.ii.n vo hikaayate.n sab
kahaa.n ga.e mere KHvaab saare
kahaa.n ga.e vo hasiin lamhe
vo ziist ke dil-nashii.n sahaare
ki ab to bas
do nahiif kaa.ndho.n ko
dono.n jaanib se khii.nchtii hu.ii tanaabe.n
raqiiq satre.n sapaaT safhe
boriyat se bharii kitaabe.n
na shaah-raaho.n pe ko.ii halchal
na dil me.n armaa.n na sar me.n saudaa
na ko.ii KHushbuu hayaat-aagii.n
na rang ko.ii umiid-afzaa
na be-tavaazun dilo.n kii dha.Dkan
na chaa.ndnii me.n ko.ii chubhan sii
na aag barsaataa ko.ii saavan
mai.n sochtaa huu.n ki apne maazii se
ek din ye savaal puuchhuu.n
ki maut aa.ii thii kab use
aur kahaa.n hai mire junuun kaa madfan

Syed Abbas Raza Tanweer

Nazm

be-nam nazmen

aKHbaar ke bikhre hu.e panno.n me.n
yaa shaayad
whatsapp ke kisii group me.n kahii.n
us ne pa.Dhii thii.n
kuchh dard me.n Duubii Gam-e-hijraa.n se mo.attar
maanuus se alfaaz me.n pahchaanii sii satre.n
be-naam sii nazme.n
jin me.n kahii.n shaa.ir kaa ko.ii naam nahii.n thaa

Amit Goswami

Nazm

chand satren

ek machchhar kaaGaz pe likhii tahriir kaa KHuun chuus rahaa hai
tum nahii.n dekhte
kaise ko.ii machchhar ahl-e-mehnat kii jidd-o-jahd kaa KHuun chuus kar apne haraam-o-juud kaa muzaahira kartaa hai
kar sako to karo
ye fazaa itnii ta.affun kyuu.n hai
mai.n to har jagah Thahraa hu.aa Galat KHuun dekh rahii huu.n

Injila Hamesh

Nazm

mujhe ek nazm kahni hai

kisii niilii nadii ke surKH hote paaniyo.n ke ik kinaare par
tumhaarii aur apnii aa.nkho.n me.n ghultii hu.ii ik shaam kaa manzar sajaanaa hai
havaa ke narm-rau jho.nke ke lahje me.n
shafaq ke surma.ii hote hu.e lafzo.n me.n tum se baat karnii hai
zaruurii to nahii.n vo lafz mohtaaj-e-bayaa.n bhii ho.n
zaruurii to nahii.n ye bhii ki tum maujuud ho us pal
tumhaaraa honaa bas mere tasavvur me.n zaruurii hai
kahii.n paanii me.n apne 'aks yuu.n chalte dikhaa.ii de.n
ki jaise niile thaalo.n me.n diye jalte dikhaa.ii de.n
diye aise ki jin kii raushnii me.n chaa.nd taare Dhuu.nDe.n apne
daa.ero.n ke be-nishaa.n raste
to jab raat apne gesuu khol kar shaano.n pe phailaa le
tumhaarii zau-fishaanii hii
shab-e-taariik me.n mujh ko saraasiima na hone de
tumhaarii aa.nkho.n me.n lau dete jugnuu mere baatin ko
ziyaa-o-nuur se bhar de.n
bas aise me.n tumhaare saath kuchh lamhe bitaane hai.n
tumhaarii raushan aa.nkho.n ke Gazal jaise takallum par
mujhe ik nazm kahnii hai
ka.ii KHvaabo.n kii satre.n jo adhuurii hai.n
kahii.n KHvaahish kaa bantaa TuuTtaa ik pur-asar misra'
mukammal sab ko karnaa hai
magar ye yaad rakhnaa hai
tumhaare hijr ke lamho.n ko sadiyo.n kii ta.DaKHtii u.ngliyo.n ke zaKHmii poro.n par bhii ginnaa hai
ka.ii be-samt rasto.n se kisii manzil ko jaanaa hai
kisii dukh ko KHud apnii hii KHushii se kam bataanaa hai
phir us par muskuraanaa hai
usii do-jazbii lamhe me.n
tumhaarii aur apnii aa.nkho.n ke KHvaabo.n pe ik diivaar sii taa'miir karnii hai
lakiir ik khii.nchnii hai jo
judaa kar de hamaare raaste lekin
hamaarii ek manzil ho

Anfal Rafiq

Nazm

KHush-gawar mausam ki aaKHiri satren

maahaul se pare kisii KHush-rang jhiil me.n
vo apne narm jism pe qaaliin Daale hai
aa.nkho.n me.n mausamo.n kii chitaa ko sa.nbhaale hai
ko.ii nahii.n
jo ret pe dozaKH sa.nbhaale ho
ko.ii nahii.n
jo aa.nkho.n me.n ik jaal taane ho
sardii udaas
jism kii parchhaa.ii.n bhii udaas

Salahuddin Parvez

Nazm

subh-e-id

taar-e-shu.aa-e-mehr hai.n satre.n bayaaz kii
surKHii shafaq kii saaf hai 'unvaan-e-sub.h-e-iid

Master Basit Biswani

Nazm

hizyan

almaan me.n raat ke is pahar
ek hii kursii par baiThe
ek hii manzar ko ghuurte
jab naukrii par night shift karte
meraa saatvaa.n ghanTa chal rahaa hai
to ba-zaahir sab saakit hai
sukuut me.n hai
magar ba-baatin tumhaarii socho.n kaa sayyaal
kisii ghuman gherii kii tarah
mere dil-o-dimaaG ke
sabhii nihaa.n-o-ayaa.n gosho.n me.n
be-aavaaz tuufaa.n barpaa kiye hu.e hai
tum jo koso.n duur
apne atraaf me.n raushnii phuuTne kaa manzar-naama
faraamosh kiye
baahnii jaanib khulne vaalii khi.Dkii ke saath lage
king size palang par akele so rahe ho
tumhe.n kyaa KHabar
saakit manzaro.n me.n tartiib paane vaale
KHaamosh tuufaan
kaisii tabaahii kaa pesh-KHema ho sakte hai.n
tumhe.n kyaa KHabar
rat-jago.n me.n palne vaale
kaale ishq
kaisii gahrii aa.nkho.n kaa madfan ho sakte hai.n
meraa tum se mohabbat nahii.n junuun kaa rishta hai
aur majnuu.n kii aah se KHud junuun bhii KHauf khaataa hai
tum jo mere junuu.n ko niDar saahilo.n se ho kar
lalkaarte rahte ho
tumhe.n kyaa KHabar
tuufaanii raato.n me.n saahilo.n se lauTne vaalii sadaa.e.n
apnii june se big.Dii hu.ii haalato.n me.n palaTtii hai.n
kabhii jo tum un ke masKH-shuda chehro.n par
vahshat kii aa.Dii-tirchhii satre.n pa.Dh paa.o
to ek laa-muKHtatim be-KHvaabii ke maraz me.n pa.D jaa.o

Komal Raja

Nazm

satren kanp uThti hain

masaa.ii ke amal me.n saarii satre.n
kaa.np uThtii hai.n
use to gumbad-e-tahriir se baahar nikalnaa thaa
sabaa-raftaar chalnaa thaa
kisii saa.nche me.n Dhalnaa thaa

Sajjad Mirza

Nazm

wapsi

diivaare.n kaalii thii.n
jin par mak.Dii ne jaale taane the
sofa kursii par dhuul jamii thii
darvaazo.n ke parde
gard me.n uljhe TuuT rahe the
aur ik rauzan par tinko.n kii gaThrii rakkhii thii
farsh jagah jagah se ukh.Daa thaa
mez pe rakkhii botal khulii pa.Dii thii
rack pe rakkhe aKHbaaro.n ke banDal aur risaale
dhuul kii chaadar o.Dhe the
cigarette ke KHaalii packet
gande kap.De
chalk ke Tuk.De
ik jaa kone me.n satre.n khii.nch rahe the
aur vo gum-sum soch rahaa thaa
soch rahaa thaa

Sahil Manakpuri

Nazm

saza

jab mai.n tumhe.n nashaat-e-mohabbat na de sakaa
Gam me.n kabhii sukuun-e-rifaaqat na de sakaa
jab mere sab charaaG-e-tamannaa havaa ke hai.n
jab mere saare KHvaab kisii bevafaa ke hai.n
phir mujh ko chaahne kaa tumhe.n ko.ii haq nahii.n
tanhaa karaahne kaa tumhe.n ko.ii haq nahii.n

Jaun Eliya

Nazm

mujhe ab Dar nahin lagta

kisii ke duur jaane se
ta.alluq TuuT jaane se
kisii ke maan jaane se
kisii ke ruuTh jaane se
mujhe ab Dar nahii.n lagtaa
kisii ko aazmaane se
kisii ke aazmaane se
kisii ko yaad rakhne se
kisii ko bhuul jaane se
mujhe ab Dar nahii.n lagtaa
kisii ko chho.D dene se
kisii ke chho.D jaane se
naa sham.a ko jalaane se
naa sham.a ko bujhaane se
mujhe ab Dar nahii.n lagtaa
akele muskuraane se
kabhii aa.nsuu bahaane se
naa is saare zamaane se
haqiiqat se fasaane se
mujhe ab Dar nahii.n lagtaa
kisii kii naa-rasaa.ii se
kisii kii paarsaa.ii se
kisii kii bevafaa.ii se
kisii dukh intihaa.ii se
mujhe ab Dar nahii.n lagtaa
naa to is paar rahne se
naa to us paar rahne se
naa apnii zindagaanii se
naa ik din maut aane se
mujhe ab Dar nahii.n lagtaa

Mohsin Naqvi

Nazm

aawara

jii me.n aataa hai ye murda chaa.nd taare noch luu.n
is kinaare noch luu.n aur us kinaare noch luu.n
ek do kaa zikr kyaa saare ke saare noch luu.n
ai Gam-e-dil kyaa karuu.n ai vahshat-e-dil kyaa karuu.n

Asrarul Haq Majaz

Nazm

daraKHt-e-zard

magar naazir hamaaraa soKHta-sulb aaKHirii nassaab ab marne hii vaalaa hai
bas ik pal haf sadii kaa faisla karne hii vaalaa hai
suno 'zaryuun' bas tum hii suno ya.anii faqat tum hii
vahii raahat me.n hai jo aam se hone ko apnaa le
kabhii ko.ii bhii par ho ko.ii 'bahman' yaar yaa 'zenuu'
tumhe.n bahkaa na paa.e aur bairuunii na kar Daale
mai.n saarii zindagii ke dukh bhugat kar tum se kahtaa huu.n
bahut dukh degii tum me.n fikr aur fan kii numuu mujh ko
tumhaare vaaste behad sahuulat chaahtaa huu.n mai.n
davaam-e-jahl o haal-e-istiraahat chaahtaa huu.n mai.n
na dekho kaash tum vo KHvaab jo dekhaa kiyaa huu.n mai.n
vo saare KHvaab the qassaab jo dekhaa kiyaa huu.n mai.n
KHaraash-e-dil se tum be-rishta be-maqduur hii Thahro
mire jahmiim-e-zaat-e-zaat se tum duur hii Thahro
ko.ii 'zaryuun' ko.ii bhii clerk aur ko.ii kaarinda
ko.ii bhii bank kaa afsar senator ko.ii paavanda
har ik haivaan-e-sarkaarii ko TaTTuu jaantaa huu.n mai.n
so zaahir hai ise shai se ziyaada maantaa huu.n mai.n
tumhe.n ho sub.h-dam taufiiq bas aKHbaar pa.Dhne kii
tumhe.n ai kaash biimaarii na ho diivaar pa.Dhne kii
ajab hai 'sartre' aur 'ressel' bhii aKHbaar pa.Dhte the
vo maaluumaat ke maidaan ke shauqiin buu.Dhe the
nahii.n ma.aluum mujh ko aam shahrii kaise hote hai.n
vo kaise apnaa banjar naam banjar-pan me.n bote hai.n
mai.n ''urr'' se aaj tak ik aam shahrii ho nahii.n paayaa
isii baa.is mai.n huu.n amboh kii lazzat se be-maaya
magar tum ik do-paaya raast qaamat ho ke dikhlaanaa
suno raa.e-dahinda bin hu.e tum baaz mat aanaa
faqat 'zaryuun' ho tum ya.anii apnaa saabiqaa chho.Do
faqat 'zaryuun' ho tum ya.anii apnaa laahiqaa chho.Do
magar mai.n kaun jo chaahuu.n tumhaare baab me.n kuchh bhii
bhalaa kyuu.n ho mire ehsaas ke asbaab me.n kuchh bhii
tumhaaraa baap ya.anii mai.n abas mai.n ik abas-tar mai.n
magar mai.n ya.anii jaane kaun achchhaa mai.n saraasar mai.n
mai.n kaasa-baaz o kiina-saaz o kaasa-tan huu.n kuttaa huu.n
mai.n ik na.ngiin-e-buudash huu.n pa tum to sirr-e-mun.am ho
tumhaaraa baap ruuhul-quds thaa tum ibn-e-maryam ho

Jaun Eliya

Nazm

muhasara

vo barq lahar bujhaa dii ga.ii hai jis kii tapish
vajuud-e-KHaak me.n aatish-fishaa.n jagaatii thii
bichhaa diyaa gayaa baaruud us ke paanii me.n
vo juu-e-aab jo merii galii ko aatii thii
sabhii duriida-dahan ab badan-dariida hu.e
supurd-e-daar-o-rasan saare sar-kashiida hu.e

Ahmad Faraz

Nazm

tarana-e-hindi

saare jahaa.n se achchhaa hindostaa.n hamaaraa
ham bulbule.n hai.n is kii ye gulsitaa.n hamaaraa
Gurbat me.n ho.n agar ham rahtaa hai dil vatan me.n
samjho vahii.n hame.n bhii dil ho jahaa.n hamaaraa
parbat vo sab se uu.nchaa ham-saaya aasmaa.n kaa
vo santarii hamaaraa vo paasbaa.n hamaaraa
godii me.n kheltii hai.n is kii hazaaro.n nadiyaa.n
gulshan hai jin ke dam se rashk-e-jinaa.n hamaaraa
ai aab-ruud-e-ga.ngaa vo din hai yaad tujh ko
utraa tire kinaare jab kaarvaa.n hamaaraa
maz.hab nahii.n sikhaataa aapas me.n bair rakhnaa
hindii hai.n ham vatan hai hindostaa.n hamaaraa
yuunaan o misr o ruumaa sab miT ga.e jahaa.n se
ab tak magar hai baaqii naam-o-nishaa.n hamaaraa
kuchh baat hai ki hastii miTtii nahii.n hamaarii
sadiyo.n rahaa hai dushman daur-e-zamaa.n hamaaraa
'iqbaal' ko.ii mahram apnaa nahii.n jahaa.n me.n
maaluum kyaa kisii ko dard-e-nihaa.n hamaaraa

Allama Iqbal

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now