Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "seema abidi"

Nazm MATCHES FOR "seema abidi"

Nazm

jang se hoga kuchh nahin hasil

KHudaa ke vaaste nafrat kaa khel KHatm karo
ye dushmanii ye adaavat kaa khel band karo
ki hogii jang se dono.n taraf hii barbaadii
mare.nge log yaqiinan miTegii aabaadii
lahuu bahegaa jale.nge makaan logo ke
tabaah ho.nge bas is se jahaan logo ke
zamii.n phaTegii to phir aasmaan TuuTegaa
ye saarii duniyaa kaa maahaul chiikh uTThegaa
lagegaa daaG phir insaaniyat ke daaman par
gire.nge bam ke ye gole kisii ke aa.ngan par
ye jang vaqt kii tahziib ko kuchal degii
ye jang amn ke phuulo.n ko bhii masal degii
kii is se amn kii tahziib kii tabaahii hai
ye kaisaa zulm hai ye kis kii bad-nigaahii hai
na hogaa jang se tum ko kabhii bhii kuchh haasil
panap na paa.egaa sadiyo.n talak ye mustaqbil
ye jang kuchh nahii.n degii tabaahiyo.n ke sivaa
natiija kuchh bhii na hogaa buraa.iyo.n ke sivaa

Siya sachdev
Nazm

irfan-gazidgi

mai.n ne apne andar andar
jitnaa jo kuchh bun rakkhaa thaa
mai.n ne apne aap se apne baare me.n
jo kuchh bhii sun rakkhaa thaa
mai.n ne apne aap ko jitnaa jaisaa farz kiyaa thaa
mai.n us se bhii aur sivaa thii
miTTii thii mai.n
mai.n paanii thii
aag bhii thii jitnii mai.n havaa thii
lekin apnii sab jihato.n se
muta.aarif ho jaanaa KHud ko kitnaa mah.ngaa pa.D saktaa hai
dekh rahii huu.n
muu.nd ke aa.nkhe.n sakhii
ki irfaa.n-gaziida aa.nkh ne dekhaa hai
ik abadii abadii KHasaara

Azra Parveen
Nazm

jang

nikle dahaan-e-top se barbaadiyo.n ke raag
baaG-e-jahaa.n me.n phail ga.ii dozaKHo.n kii aag

Makhdoom Mohiuddin
Nazm

dharti mata

yaad hai mujh ko jab mai.n cha.Dh kar
ek pahaa.Dii kii choTii par
shaaKH pe ek daraKHt ke baiThaa
kartaa thaa mai.n teraa nazaaraa
koso.n tak vo teraa sheva
dhaanii maashii kaa hii bhuuraa
koso.n tak vo tere maidaa.n
suthre saaf chaTiile maidaa.n
chhiTkii chhiTkii jhaa.Diyaa.n us par
qudrat kii gul-kaariyaa.n us par
taal talayyaa.n dariyaa retii
baaG chaman aabaadii khetii
aise the sab merii nazar me.n
paa.e.n baaG ho jaise ghar me.n
jab mai.n ye sab dekh rahaa thaa
KHush thaa dil aur ye kahtaa thaa
hadd-e-nazar ko aur ba.Dhaa.uu.n
aisii bulandii par cha.Dh jaa.uu.n
aisii choTii par jaa baiThuu.n mai.n
saaf jahaa.n se dekh sakuu.n mai.n
shahr aur suube gaa.nv aur qasbe
bikhre bikhre chhiTke chhiTke
saaraa qudrat kaa furniture
mere aage aa.e simaT kar
saarii insaanii aabaadii
ya.anii duniyaa kii aabaadii
mere aage khel rahii ho
rotii gaatii aur ha.nstii ho
is mahviyyat me.n jab mai.n thaa
mujh ko hu.aa maaluum ki goyaa
ko.ii mujh ko khii.nch rahaa hai
chau.nk pa.Daa mai.n kaun hai kyaa hai

Nadir Kakorvi
Nazm

but-tarash

chaa.nd se nor-e-marmarii.n le kar
teraa siimii.n badan taraash liyaa
mehr se taab-e-aatishii.n le kar
tire ra.ngii.n labo.n kaa ruup diyaa
le ke tauba kii ambarii.n saa.e
terii zulfo.n ke baal mahkaa.e
ghuum kar KHuld kii fazaa.o.n me.n
sarmadii sarKHushii uThaa laayaa
ra.ng bhar kar tirii adaa.o.n me.n
abadii raahato.n ko sharmaayaa
le ke siimaa-e-huur kii taqdiis
chhiin kar mai.n ne qudsiyo.n kaa vaqaar
zindagii dii tirii nigaaho.n ko
aur banaa.ii.n tirii hasii.n aa.nkhe.n
nazar-e-bad kahii.n na lag jaa.e
mai.n ne taaro.n se chhiin le.n aa.nkhe.n
phir bhii mai.n tujh se duur duur rahaa
phir bhii tujh se na mil sakii.n aa.nkhe.n

Sufi Ghulam Mustafa Tabassum
Nazm

safar

naa-umiidii ye bataatii hai ki shab kii chaadar
aaKHirii chhor hai ki KHatm hu.aa meraa safar
tiirgii jiit ga.ii haar gayaa nuur-e-nazar
dil ke kone me.n tabhii jaltii hai ik sham-e-yaqii.n
raat manzil bhii nahii.n miil kaa patthar bhii nahii.n

Ashok Lal
Nazm

na-umidi kufr hai

tum jo maGrib kii jugaalii se kabhii thakte nahii.n
tum ko kyaa ma.aluum hai taKHliiq kaa jauhar kahaa.n
falsafii bante ho apne aap se puuchho kabhii
kho gayaa hai ruuh kaa gauhar kahaa.n
tum dil-o-jaa.n se mashriq kii parastaarii karo
kyaa barahman ke sivaa kuchh aur ho
kyaa kisii kii mashriq-o-maGrib me.n dildaarii hu.ii
bhuuk se behaal hai.n jo un kii Gam-KHvaarii hu.ii
adl kii miizaan jab TuuTii pa.Dii ho darmiyaa.n
zindagii saarii kii saarii hii riyaa-kaarii hu.ii
maGrib-o-mashriq kii saarii bahs me.n tum naa-umiidii ke sivaa kyaa de sake
naa-umiidii kufr hai
kufr se bachte bhii aur kufr hii karte ho tum
tum to maazii haal o mustaqbil ke bhii qaa.il nahii.n
dil kahe kuchh bhii magar tum is taraf maa.il nahii.n
vo jo mutlaq hai tumhaare vaaste saare zamaane de gayaa
tum bataa.o tum ne ab tak kyaa kiyaa
naa-umiidii kufr hai kufr hii karte ho tum
dil me.n gar raushan ho us din kii ummiid
justujuu tum ko jab apne aap se milvaa.egii
zindagii karne ko pyaare shash-jihat khul jaa.egii

Anjum Azmi
Nazm

mahatma gandhi

musaafir-e-abadii kii nahii.n ko.ii manzil
yahaa.n qayaam kiyaa yaa vahaa.n qayaam kiyaa
tirii vafaa ne ba.De marhale kiye aasaa.n
faroG-e-sub.h ko tuu ne faroG-e-kaam kiyaa
sanam-kado.n me.n ba.Dhaa e'tibaar-e-ahl-e-haram
haram ne dair-nashiino.n kaa ehtiraam kiyaa
hayaat kyaa hai mohabbat kii aag me.n jalnaa
ye raaz bhii tire soz-e-vafaa ne 'aam kiyaa
uThaa uThaa ke hijaabaat-e-chehraa-e-manzil
musaafiraan-e-sadaaqat ko tez-gaam kiyaa
guzar ke daanish-e-haazir ke aasmaano.n se
buland saadgi-e-ishq kaa maqaam kiyaa
milaa jo dast-e-havaadis se zahr bhii tujh ko
ba.De KHuluus se tuu ne shariik-e-jaam kiyaa
vo dard terii KHamoshii me.n thaa nihaa.n jis ne
sukuut-e-naaz ko aamaada-e-kalaam kiyaa
sila thaa terii riyaazat kaa sub.h-e-aazaadii
vo sub.h jis ko Gulaamo.n ne na.ng-e-shaam kiyaa
abhii to gosh-bar-aavaaz thii bharii mahfil
kahaa.n ye tuu ne kahaanii kaa iKHtitaam kiyaa
KHayaal-e-dost kaa partav thii kaa.enaat tirii
isii talaash me.n gum ho ga.ii hayaat tirii

Ravish Siddiqi
Nazm

bad-shuguni

ajab gha.Dii thii
kitaab kiicha.D me.n gir pa.Dii thii
chamakte lafzo.n kii mailii aa.nkho.n me.n uljhe aa.nsuu bulaa rahe the
magar mujhe hosh hii kahaa.n thaa
nazar me.n ik aur hii jahaa.n thaa
na.e na.e manzaro.n kii KHvaahish me.n apne manzar se kaT gayaa huu.n
na.e na.e daa.ero.n kii gardish me.n apne mehvar se haT gayaa huu.n
sila jazaa KHauf naa-umiidii
umiid imkaan be-yaqiinii
hazaar KHaano.n me.n baT gayaa huu.n
ab is se pahle ki raat apnii kamand Daale ye chaahtaa huu.n ki lauT jaa.uu.n
ajab nahii.n vo kitaab ab bhii vahii.n pa.Dii ho
ajab nahii.n aaj bhii mirii raah dekhtii ho
chamakte lafzo.n kii mailii aa.nkho.n me.n uljhe aa.nsuu
ajab nahii.n mere lafz mujh ko mu.aaf kar de.n
havaa-o-hirs-o-havas kii sab gard saaf kar de.n
ajab gha.Dii thii
kitaab kiicha.D me.n gir pa.Dii thii

Iftikhar Arif
Nazm

wo kya maslahat thi

mai.n aaGaaz-e-hastii se havvaa kii suurat
huu.n aadam kii KHvaahish kaa ik shaaKHsaana
zamii.n ko basaane kaa bas ik bahaana!
mai.n roz-e-abad nekiyo.n kaa sila huu.n
na jaane mai.n kyaa huu.n
gila KHaaliq-e-kul se kaise karuu.n mai.n
usii kii razaa huu.n

Arifa Shahzad
Nazm

kab tak

rahegaa tund-KHuu suuraj jahaa.n par hukmraa.n kab tak
rahe.nge KHaak ke zarre fazaa me.n pur-fishaa.n kab tak
ye kamzoro.n kii aabaadii me.n taaqat kii ‘amal-daarii
rahegaa dev-e-istibdaad kaa sikka ravaa.n kab tak
tamaasha kab talak dekhegii qudrat KHuun-e-armaa.n kaa
gire.ngii KHirman-e-dahqaa.n pe aaKHir bijliyaa.n kab tak
rahegii husn kii kab tak dilo.n par mashq-e-gul-kaarii
mohabbat kii rahe.ngii daastaane.n KHuu.n-chakaa.n kab tak
rahegii shauq ke paa.nv me.n kab tak vaqt kii be.Dii
bisaat-e-yaas par le.ngii umiide.n siskiyaa.n kab tak
agar soz-e-yaqii.n dil me.n hai aa.nkhe.n dekh hii le.ngii
chhupaa rakkhegaa manzil ko Gubaar-e-kaarvaa.n kab tak

Ahsan Ahmad Ashk
Nazm

shikast

mire kaleje kii rag rag se huuk uThtii hai
mujhe mirii har shikasto.n kii daastaa.n na sunaa
na puuchh mujh se mirii KHaamushii kaa raaz na puuchh
mire dimaaG kaa har gosha dukh rahaa hai abhii

Abid Almi
Nazm

hercules aur paTe-KHan ki circus

ye be-ha.ngam be-Dhab duniyaa
har mutanaasib soch ko
puujaa ke prashaad se farba kar detii hai
yaa
ta.ngii kii chakkii se
vo KHuraak khilaatii hai
soch kii aa.nkhe.n dha.ns jaatii hai.n
kaan laTak jaate hai.n

Husain Abid
Nazm

adhuri taswir

ai musavvir mirii tasviir pa.Dii hai kab se
ab kisii taur zaraa is ko mukammal kar de
apnii taKHliiq me.n vo rang bhii shaamil kar de
jo tire zauq-e-hunar kii bhii gavaahii Thahre.n
jhiil sii aa.nkho.n kii gahraa.ii me.n tuu Duub gayaa
surKH Dore jo hai.n hairat ke na dekhe tuu ne
lab ke paimaane tirii pyaas bujhaate hai.n magar
tishna paimaano.n ko to jur.at-e-iz.haar bhii de

Tasneem Abidi
Nazm

ye mujh mein kaun hai

ye mujh me.n kaun hai
ki jab bhii gardish-e-lahuu ne
mere jism kii haraarate.n
har ik rag-e-hayaat me.n utaar dii.n
to us kii KHud-kalaamiyo.n ne
nii.nd kii siyaah chaadare.n sameT lii.n
samaa.ato.n kii rahguzar me.n
us kii guftuguu ke qaafile ruke
to dasht-e-zindagii pe
abr kaa Gilaaf aa gayaa
sukuut-e-zindagii me.n jaise inqalaab aa gayaa
mai.n us se puuchhtaa rahaa
ki kab talak ye marg-o-ziist kii musiibate.n
firaaq-o-vasl kii sa.uubate.n
mire vajuud par rahe.ngii KHema-zan
magar mire savaal par
yaa merii arz-e-haal par
nuzuul-e-harf-e-aagahii na ho sakaa
vo mujh me.n asl zaat kii tarah rahaa magar kabhii
ye munkashif na ho sakaa
ki is KHiyaam-e-zaat me.n mire sivaa ye kaun hai
ik ajnabii saa aashnaa
ye mujh me.n kaun hai

Aabid Jafri
Nazm

sitam-gar

tum mujh par vaarid hu.e
ik sitamgar kii tarah
may kii vo shaam thii
mujhe aaj bhii yaad hai
safed rang kii shirt pahne
haath me.n aKHbaar rol kiye
tum pinDaal kii kursii par biraajmaan the
pahlii nazar me.n tum aam se the
jaise tum aashiq ho aur mai.n mahbuub
merii nazar kaa lams tumhe.n KHaasaa KHaas kar gayaa
dekho
kahaanii ne palTaa khaayaa
tum muhib ban ga.e aur mai.n diivaanii kahlaa.ii
mere aate hii tum simaT ga.e
tab se aaj tak vaise hii merii ruuh me.n
ek ko.npal kii tarah simTe baiThe ho
mai.n muntazir huu.n
kab ehsaas kaa naazuk parinda a.ng.Daa.ii le
tum apnii baa.nhe.n phailaa.e
isii pinDaal kii isii kursii par
gahrii KHaamoshii se shor karte hu.e
merii taraf ba.Dho
ki dekhne vaalo.n ko paakiiza mohabbat
raqs kartii dikhaa.ii de
jis me.n na numaa.ish ho na havas
bas ik suruur ho
aur mai.n
mai.n zamiin ke isii be-bas be-his Tuk.De par aa.nkhe.n muu.nde tumhe.n dekhtii rahuu.n
pachhtaave kaa jaal aaj tak mujhe lapeT me.n jak.De hai
mai.n kisii asiir-zaadii kii tarah
apnii qaid ko taqdiir kaa likhaa jaan kar KHush huu.n
mai.n iz.haar-o-iqraar se barii
apnii KHvaahish par hayaa kii chaadar Daale
mohabbat kaa tauq gale me.n laTkaa.e
KHamoshii ko labo.n par sajaa.e
naa-ummiidii ko shikast dete hu.e
guu.ngii bahrii andhii mohabbat par iktifaa kiye hu.e huu.n
ki asiir KHvaahish-o-farmaa.ish kaa haq nahii.n rakhte

Saira Iqbal
Nazm

hina-na-basta hatheliyon ke nam

dhanak o.Dh kar phir rahii ho magar
tum ne sochaa kabhii
ye ThanDii phuvaare.n
tumhaare sulagte badan ko KHunuk-baariyaa.n de sake.ngii
aaj tak
kitne tapte hu.e mausamo.n ne jalaayaa hai tan kaa shajar
zindagii kii khulii muTThiyo.n me.n sabhii aa.ndhiyaa.n
baa.njh jazbaat kii sard hotii hu.ii raakh bhartii rahii.n
dard kii siip me.n ek bhii buu.nd motii nahii.n ban sakii
dil ke kashkol me.n ek sikka masarrat kaa khankaa nahii.n
pyaase ho.nTo.n ke nam saahilo.n ke badan
tishnagii kii jamii ret par kasmasaate rahe
phuul jaltii hathelii ke kumhlaa ga.e
u.ngliyo.n par KHizaa.n chhaa ga.ii
zulf kii sab siyah naagine.n

Rafia Shabnam Abidi
Nazm

devdas

zindagii ishq kii vahshat-bharaa afsaana thii
mere haatho.n me.n vo ik zahr kaa paimaana thii

Anjum Azmi
Nazm

maut ki justuju

chehre ruuho.n kii be-maa.egii
zehn kii tiirgii ke siyah aa.ine
sard aa.ankho.n ke taariik rauzan me.n dubkaa hu.aa ik KHalaa
ek sannaaTaa ho.nTo.n ke basta makaa.n me.n hai soyaa hu.aa
ruuh ko jehd-e-tahsiil-e-zar khaa ga.ii
zehn kii raushnii naa-ummiidii kii zulmat me.n dhundlaa ga.ii
aa.nkhe.n naakaamiyo.n ke kha.nDar me.n makaa.n ke tasavvur se aarii hu.ii.n
ho.nT kashkol daryuuza-gar ban ke lafzo.n ke ismat kii duukaa.n bane
aur ab kuchh nahii.n
aur ab kuchh nahii.n
ek diivaana gar KHvaahish-e-ziist hai
KHaal-o-KHat dast-o-paa
siina-o-sar shikam aur zer-e-shikam
ek diivaana gar KHvaahish-e-ziist a.azaa me.n dau.Dii hu.ii
ek be-ma.anii bekaar apaahij havas-e-jism ke taane-baane ko thaame hu.e
sirf us ek lamhe kii aamad kaa hai intizaar
jab ki zehno.n ke ruuho.n ke aa.ine
aa.ankho.n me.n dubkaa KHat
aur ho.nTo.n se lipTaa sukuut
ek baar KHvaahish-e-ziist se kah sake.n
ziist ham par hamesha se ilzaam hai
ham na zinda rahe hai.n kabhii aur na zinda hai.n ab
ek diivaana-gar KHvaahish-e-marg hii thii hamaare liye zindagii

Waheed Akhtar
Nazm

influenza se corona tak

kitnaa arsa lagaa naa-umiidii ke parbat se patthar haTaate hu.e
ek biphrii hu.ii lahr ko raam karte hu.e
naa-KHudaa.o.n me.n ab piichhe kitne bache hai.n
raushnii aur a.ndhere kii tafriiq me.n kitne logo.n ne aa.nkhe.n ga.nvaa dii.n
kitnii sadiyaa.n safar me.n guzaarii.n
magar aaj phir us jagah hai.n jahaa.n se hame.n apnii maa.o.n ne
ruKHsat kiyaa thaa
apne sab se ba.De KHvaab ko apnii aa.nkho.n ke aage uja.Dte hu.e
dekhne se buraa kuchh nahii.n hai
terii qurbat me.n yaa tujh se duurii pe jitnii guzaarii
terii chuu.Diyo.n kii qasam zindagii daa.ero.n ke sivaa kuchh nahii.n hai
kuhniyo.n se hame.n apnaa mu.nh Dhaa.np kar khaa.nsne ko ba.Do.n ne kahaa thaa
to ham un pe ha.nste the aur sochte the ki un ko tissue-papero.n kii mahak se allergy hai
lekin hame.n ye pataa hii nahii.n thaa ki un pe vo aafaat TuuTii hai.n
jin kaa hame.n ik sadii baa'd phir saamnaa hai
vabaa ke dino.n me.n kise hosh rahtaa hai
kis haath ko chho.Dnaa hai kise thaamnaa hai
ik riyaazii ke ustaad ne apne haatho.n me.n parkaar le kar
ye duniyaa nahii.n daa.era khii.nchnaa thaa
KHair jo bhii hu.aa tum bhii purkho.n ke naqsh-e-qadam par chalo
aur apnii hifaazat karo
kuchh mahiine tumhe.n apne tasme nahii.n baa.ndhne
is se aage to tum pe hai tum apnii manzil pe pahu.ncho yaa phir raasto.n me.n raho
is se pahle ki tum apne mahbuub ko ventilator pe dekho
gharo.n me.n raho

Tahzeeb Hafi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now