Search result for "soz-e-daruu.n" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "soz-e-daruu.n"

Nazm MATCHES FOR "soz-e-daruu.n"

Nazm

nazrana-e-KHulus

jazba-e-soz-e-daruu.n aaj giraftaar hu.aa
ek shaa.ir kaa junuu.n aaj giraftaar hu.aa

Saghar Mehdi

Nazm

aurat

vajuud-e-zan se hai tasviir-e-kaa.enaat me.n ra.ng
usii ke saaz se hai zindagii kaa soz-e-daruu.n

Allama Iqbal

Nazm

sham-e-sahar

dil me.n tapish hai aatash-bajaa.n hai
soz-e-daruu.n se sho'la-fishaa.n hai
jo haal-e-dil hai sab par 'ayaa.n hai
aa.nsuu ravaa.n hai girya-kunaa.n hai
hichkii hai paiham rang-e-digar hai
bujhne ko shaayad sham'-e-sahar hai

Abdul Qayyum Zaki Aurangabadi

Nazm

fasil-e-shab

kuchh dino.n kashmakash-e-jabr-o-sitam aur sahii
kuchh dino.n soz-e-daruu.n diida-e-Gam aur sahii
gaam do-gaam savaad-e-shab-e-Gam aur sahii
sub.h-e-nau ab kisii diivaar ke ghere me.n nahii.n
ham a.ndhere me.n hai.n manzil to a.ndhere me.n nahii.n
itnii duur aa.e to do-chaar qadam aur sahii

Qaisarul Jafri

Nazm

falsafa-e-husn-o-ishq

tuu ne dastuur-e-mohabbat kaa u.Daayaa hai mazaaq
kyaa ye vahshat tirii ruudaad kii Gammaaz nahii.n
dil munavvar hai magar soz-e-daruu.n se mahruum
fikr zinda hai magar maa.il-e-parvaaz nahii.n
husn Galtiida-e-dariyaa-e-tahayyur kyo.n hai
siina-e-'ishq me.n poshiida ko.ii raaz nahii.n
yuu.n to vo jalva-gah-e-naaz se baahar aa jaa.e.n
jazba-e-dard me.n Duubii hu.ii aavaaz nahii.n
KHud-farebii me.n giraftaar nahii.n hai 'bismil'
kyaa ye taKHliiq baraa.e nigah-e-naaz nahii.n

Bismil Dehlavi

Nazm

be-iltifati

mai.n ne har Gam me.n tiraa saath diyaa hai ab tak
terii har taaza masarrat pe hu.aa huu.n masruur
apnii qismat ke badalte hu.e dhaaro.n ke sivaa
terii qismat ke bha.nvar se bhii hu.aa huu.n majbuur
tere siine kaa har ik raaz bataa saktaa huu.n
mujh me.n poshiida nahii.n ko.ii tiraa soz-e-daruu.n
fikr-e-maanuus pe zaahir hai har ik KHvaab-e-jamiil
aur har KHvaab se miltaa hai tujhe kitnaa sukuu.n
aaj tak tuu ne magar mujh se na puuchhaa hai kabhii
kyuu.n mire Gam se tiraa chehra utar jaataa hai?
jab mire dil me.n lahakte hai.n masarrat ke ka.nval
kyuu.n tiraa chehra masarrat se nikhar jaataa hai?

Hasan Naim

Nazm

nuqush

us ke duniyaa me.n aane se qabl
mulk aur qaum ne
rang aur nasl ne
tarz-o-aadaat ne
vaqt-o-haalaat ne
aglii pichhlii rivaayaat ne
apnii Daalii kamand
aur duniyaa me.n aane ke baad
us ke maa.n baap ne
dost ahbaab ne
qaul-o-aqvaal ne
haal-o-ahvaal ne
rasm aur riit ne
haar aur jiit ne
apnaa phe.nkaa hai daam
aise maahaul me.n
us kii fikr-o-nazar
us kaa zauq-o-hunar
us kaa soz-e-daruu.n
us kaa zabt-o-junuu.n
us kii insaaniyat
us kii yaktaa.iiyat
kaise aazaad ho
kaise TuuTe.nge laat-o-manaat

Rabia Barni

Nazm

tapish-e-ishq ya tir ki garmi

jis kisii ne in dino.n ko.ii davaa iijaad kii
bas ye samjho us ne ik bastii na.ii aabaad kii
pho.D kar sar jail me.n be-chaara majnuu.n mar gayaa
aur sadaa.e.n har taraf hai.n yaar zindabaad kii
kyaa bataa.uu.n ai tabiibo ishq kii tum ko tapish
bas samajh lo jaise garmii tiir aur KHurdaad kii
liijiye aa.e hai.n majnuu.n mujh ko dene dars-e-ishq
aap kii suurat to dekho hat tire ustaad kii
qarz to be-shak liyaa par ham ne kis kis se liyaa
yaad kuchh aataa nahii.n ye kaifiyat hai yaad kii
qais aaKHir mar gayaa soz-e-daruun-e-ishq se
khaa ga.ii afsos us paude ko garmii khaad kii
dekhnaa aaKHir sar-e-baazaar rusvaa kar diyaa
roz vaa.iz tum du.aa maa.ngaa karo aulaad kii
maadar-e-giitii ne 'ismat' kuchh mirii parvaa na kii
saas kartii hai KHushaamad kahte hai.n daamaad kii

ismatullah ismat beg

Nazm

nawa-e-talKH

jazbaat ke tuufaa.n me.n ye zabt-e-fuGaa.n kab tak
majbuur ye dil kab tak mar.uub zabaa.n kab tak
ye suud ke parde me.n aahang-e-ziyaa.n kab tak
alfaaz ke phando.n me.n ejaaz-e-bayaa.n kab tak
aazaad havaa.o.n me.n par tol nahii.n sakte
aGyaar ke haatho.n me.n umr-e-guzaraa.n kab tak
uTh jazba-e-KHuddaarii taa-chand ziyaa.n-kaarii
uTh josh-e-hamiyyat uTh ye KHvaab-e-giraa.n kab tak
ehsaas kii bastii me.n jab aag lagaa.ii hai
ai soz-e-daruu.n aaKHir nikle na dhu.aa.n kab tak
maqsad tirii hastii kaa poshiida hai koshish me.n
ye nafs-kushii taa-kai ye KHvaab-e-jinaa.n kab tak
jiinaa hai to jiine ke andaaz bhii paidaa kar
kaam aa.e.nge aabaa ke ye naam-o-nishaa.n kab tak
kah Daalii.n vo sab aaKHir kahne kii jo thii.n baate.n
KHaamosh 'bashiir' aaKHir rahtii ye zabaa.n kab tak

Basheerunnisaa Begam Basheer

Nazm

sharare

KHud ko bahlaanaa thaa aaKHir KHud ko bahlaataa rahaa
mai.n ba-ii.n soz-e-daruu.n ha.nstaa rahaa gaataa rahaa
mujh ko ehsaas-e-fareb-e-ra.ng-o-buu hotaa rahaa
mai.n magar phir bhii fareb-e-ra.ng-o-buu khaataa rahaa
merii duniyaa-e-vafaa me.n kyaa se kyaa hone lagaa
ik dariicha band mujh par ek vaa hone lagaa
ik nigaar-e-naaz kii phirne lagii.n aa.nkhe.n 'majaaz'
ik but-e-kaafir kaa dil dard-aashnaa hone lagaa
ain ha.ngaam-e-tarab ruuh-e-tarab tharraa ga.ii
daf.atan dil ke ufuq par ik ghaTaa sii chhaa ga.ii
ek aaGosh-e-tamannaa kaa taqaazaa dekh kar
ek dil kii sard-mehrii bhii mujhe yaad aa ga.ii
mujrim-e-sartaabii-e-husn-e-javaa.n ho jaa.iye
gul-fishaanii taa-kujaa shola-fishaa.n ho jaa.iye
khaaii.egaa ik nigaah-e-lutf kaa kab tak fareb
ko.ii afsaana banaa kar bad-gumaa.n ho jaa.iye

Asrarul Haq Majaz

Nazm

jibrail-o-iblis

jibra.iil
hamdam-e-dairiina kaisaa hai jahaan-e-ra.ng-o-buu
ibliis
soz-o-saaz o dard o daaG o justujuu o aarzuu
jibra.iil
har gha.Dii aflaak par rahtii hai terii guftuguu
kyaa nahii.n mumkin ki teraa chaak daaman ho rafuu
ibliis
aah ai jibriil tuu vaaqif nahii.n is raaz se
kar gayaa sarmast mujh ko TuuT kar meraa subuu
ab yahaa.n merii guzar mumkin nahii.n mumkin nahii.n
kis qadar KHaamosh hai ye aalam-e-be-KaaKH-o-kuu
jis kii naumiidii se ho soz-e-daruun-e-kaa.enaat
us ke haq me.n taqnatuu achchhaa hai yaa laa-taqnatuu
jibra.iil
kho diye inkaar se tuu ne maqaamaat-e-buland
chashm-e-yazdaa.n me.n farishto.n kii rahii kyaa aabruu
ibliis
hai mirii jur.at se musht-e-KHaak me.n zauq-e-numuu
mere fitne jaama-e-aql-o-KHirad kaa taar-o-puu
dekhtaa hai tuu faqat saahil se razm-e-KHair-o-shar
kaun tuufaa.n ke tamaa.nche khaa rahaa hai mai.n ki tuu
KHizr bhii be-dast-o-paa ilyaas bhii be-dast-o-paa
mere tuufaa.n yam-ba-yam dariyaa-ba-dariyaa juu-ba-juu
gar kabhii KHalvat mayassar ho to puuchh allaah se
qissa-e-aadam ko ra.ngii.n kar gayaa kis kaa lahuu
mai.n khaTaktaa huu.n dil-e-yazdaa.n me.n kaa.nTe kii tarah
tuu faqat allaah-huu allaah-huu allaah-huu

Allama Iqbal

Nazm

ramayan ka ek scene

dekhe hai.n is se ba.Dh ke zamaane ne inqalaab
jin se ki be-gunaaho.n kii 'umre.n hu.ii.n KHaraab
soz-e-daruu.n se qalb o jigar ho ga.e kabaab
piirii miTii kisii kii kisii kaa miTaa shabaab
kuchh ban nahii.n pa.Daa jo nasiibe biga.D ga.e
vo bijliyaa.n girii.n ki bhare ghar uja.D ga.e
maa.n baap mu.nh hii dekhte the jin kaa har gha.Dii
qaa.em thii.n jin ke dam se umiide.n ba.Dii ba.Dii
daaman pe jin ke gard bhii u.D kar nahii.n pa.Dii
maarii na jin ko KHvaab me.n bhii phuul kii chha.Dii
mahruum jab vo gul hu.e ra.ng-e-hayaat se
un ko jalaa ke KHaak kiyaa apne haat se
kahte the log dekh ke maa.n baap kaa malaal
in be-kaso.n kii jaan kaa bachnaa hai ab muhaal
hai kibriyaa kii shaan guzarte hii maah-o-saal
KHud dil se dard-e-hijr kaa miTtaa gayaa KHayaal
haa.n kuchh dino.n to nauha-o-maatam hu.aa kiyaa
aaKHir ko ro ke baiTh rahe aur kyaa kiyaa
pa.Dtaa hai jis Gariib pe ra.nj-o-mehan kaa baar
kartaa hai us ko sabr 'ataa aap kirdgaar
maayuus ho ke hote hai.n insaa.n gunaahgaar
ye jaante nahii.n vo hai daanaa-e-rozgaar
insaan us kii raah me.n saabit-qadam rahe
gardan vahii hai amr-e-razaa me.n jo KHam rahe
aur aap ko to kuchh bhii nahii.n ranj kaa maqaam
baa'd-e-safar vatan me.n ham aa.e.nge shaad-kaam
hote hai.n baat karne me.n chaudah baras tamaam
qaa.em umiid hii se hai duniyaa hai jis kaa naam

Chakbast Braj Narayan

Nazm

KHuda se

tujh ko bhii kuchh KHabar hai duniyaa banaane vaale
ye kaar-gaah-e-hastii baazaar-e-auj-o-pastii
le dekh ho rahii hai bechainiyo.n kii bastii
tujh ko bhii kuchh KHabar hai duniyaa banaane vaale
2
phuulo.n ke chaak daamaa.n Guncho.n me.n soz-e-pinhaa.n
gulshan bahaar me.n bhii be-kaif-o-dard-saamaa.n
soz-e-daruu.n nahii.n hai josh-e-junuu.n nahii.n hai
dil hii se aashiqii thii dil hii me.n KHuu.n nahii.n hai
paimaane uTh ga.e hai.n maiKHaane uTh ga.e hai.n
viiraaniyaa.n salaamat diivaane uTh ga.e hai.n
tujh ko bhii kuchh KHabar hai duniyaa banaane vaale
3
maamuur-e-Gam hai duniyaa daar-e-alam hai duniyaa
daam-e-tava.nagrii me.n said-e-sitam hai duniyaa
aare se chal rahe hai.n naqshe badal rahe hai.n
insaa.n kaa KHuun pii kar insaan pal rahe hai.n
mafquud KHurramii hai har bazm maatamii hai
is Gam-kade kii har shai goyaa jahannamii hai
tujh ko bhii kuchh KHabar hai duniyaa banaane vaale
4
ai kaar-saaz-e-aalam ai be-niyaaz-e-aalam
ma.amuur-e-soz-e-Gam hai kab se ye saaz-e-aalam
maayuus ho chuke hai.n himmat hii kho chuke hai.n
insaa.n bhalaa.iyo.n kii qismat ko ro chuke hai.n
barbaad ho rahe hai.n naashaad ho rahe hai.n
bande tire saraapaa fariyaad ho rahe hai.n
tujh ko bhii kuchh KHabar hai duniyaa banaane vaale
5
haivaan bhii nahii.n hai.n insaan bhii nahii.n hai.n
insaa.n-numaa darinde shaitaan bhii nahii.n hai.n
ye zohd kii dukaane.n ye ma.asiyat kii kaane.n
ye vaa.izo.n ke mu.nh me.n chaltii hu.ii zabaane.n
fir.aun ho rahe hai.n mal.uun ho rahe hai.n
maz.hab-farosh mullaa qaaruun ho rahe hai.n
tujh ko bhii kuchh KHabar hai duniyaa banaane vaale
6
ai be-niyaaz-e-hastii ai kaar-saaz-e-hastii
kab tak rahegaa yuu.nhii poshiida raaz-e-hastii
ko.ii nahii.n hamaaraa ko.ii nahii.n sahaaraa
kis samt bah rahii hai ye zindagii kii dhaaraa
fikr-e-davaa nahii.n hai zikr-e-du.aa nahii.n hai
dil kah rahaa hai ab to ko.ii KHudaa nahii.n hai
tujh ko bhii kuchh KHabar hai tujh ko bhii kuchh KHabar hai

Qaisar Amravatwi

Nazm

chashm-e-sha’ir ke gauhar-e-abdar

jo paiham saazishe.n dekhii.n Gazab kii baaGbaano.n me.n
lagaa lii bulbulo.n ne aag KHud hii aashiyaano.n me.n
nahii.n jab aabyaarii kaa hii jazba baaGbaano.n me.n
khile.n kyuu.nkar gul-e-ummiid apne gulsitaano.n me.n
mai.n shaa'ir huu.n bahut mushkil me.n hai jaan-e-hazii.n merii
kahii.n gum ho ke rah jaa.uu.n na Gam kii daastaano.n me.n
kahuu.n ash'aar me.n jo dard-e-dil to log kahte hai.n
Gazab kaa rang bhar kar rakh diyaa tuu ne fasaano.n me.n
jo dil kii baat kahtaa huu.n to ha.nste hai.n vatan vaale
lahuu ro.uu.n to shaamil ashk ho.n rangii.n bayaano.n me.n
ilaahii kyaa karuu.n kaise guzaaruu.n zindagii apnii
ki sab armaan hai.n paaband Gam ke qaid-KHaano.n me.n
mujhe afsurda rakhtii hai tabaahii-e-vatan hamdam
fasaana 'ibrat-aagii.n hai miraa saare fasaano.n me.n
nishaane tak hamaare tiir pahu.nche.n bhii to kyaa pahu.nche.n
na vo jur.at hai siino.n me.n na vo taaqat kamaano.n me.n
musiibat aa.e yaa bijlii gire kuchh Gam nahii.n hotaa
chaman vaale pa.De hai.n mast-o-be-KHud aashiyaano.n me.n
nahii.n samjhe abhii tak ham ki mashriq kaa 'uluu kyaa hai
hamaaraa dil pa.Daa hai maGribii tahziib-KHaano.n me.n
hamaaraa hii nasheman phuu.nkne kii fikr hai us ko
kabhii raqsaa.n thii jo bijlii 'aduu ke gulsitaano.n me.n
ye hai pastii kaa 'aalam ab ye masraf rah gayaa apnaa
hamaare dam se raunaq hai kisii ke qaid-KHaano.n me.n
vo dil paamaal kar do jis me.n aazaadii kaa jazba ho
ye charche har taraf hai.n saamraajii baaGbaano.n me.n
‘uruuj-e-daar to detaa hai daa'vat aaj bhii ham ko
magar rang-e-sadaaqat hii nahii.n apnii zabaano.n me.n
tazalzul kyo.n ye vaqt-e-inte’aash-e-mulk-o-millat hai
samaa.o bijliyaa.n ban kar farangii 'aish-KHaano.n me.n
tamalluq chho.D do mo'jiz-numaa ho ab haqiiqat ke
karo soz-e-salaf paidaa zabaano.n me.n fuGaano.n me.n
quluub-e-ahl-e-baatil me.n qayaamat kaa talaatum ho
javaano josh vo paidaa karo qaumii taraano.n me.n
jo tum chaaho to be-shak daulat-e-kaunain mil jaa.e
tuyuur-e-'arsh-e-aa'zam hai.n tumhaare raaz-daano.n me.n
tumhe.n soz-e-daruu.n baKHshaa hai haq ne kaam lo is se
lagaa do aag ba.Dh kar bijliyo.n ke aashiyaano.n me.n
na laa.o farq apne 'azm-o-himmat me.n vatan vaalo
tumhe.n saabit-qadam rahnaa hai be-shak imtihaano.n me.n
ufuq se shaah-e-KHaavar ai 'razii' paiGaam detaa hai
ki terii nazm sun kar zalzala hai aasmaano.n me.n

Razi Badayuni

Nazm

KHiraj-aqidat

ik hudii-KHvaan-e-mohabbat ik naqiib-e-ittihaad
ik fidaa-e-soz-e-naaquus-o-azaa.n paidaa hu.aa

Asrarul Haq Majaz

Nazm

jannat se bhi aziz hai KHak-e-watan mujhe

soz-o-gudaaz-e-Gam kaa huu.n afsaana-e-KHamuush
samjho ba-rang-e-saaz saraapaa suKHan mujhe

Barq Dehlvi

Nazm

sunahri kursiyan

luTere luuT ke bastii ujaa.De
ko.ii aavaaz hangaama
ko.ii shor na chiiKH
sipaahii piiTh phere
police naake se baahar
mai-kade me.n
vakiilo.n ke gown sab KHud hii kaale
kise munsif kare.n
sab guu.nge bahre
adaalat me.n taraazuu ziinat-e-ijlaas
na giitaa hai na qur.aa.n
hai.n juzdaano.n me.n un kii sirf jilde.n
kaTore aa.nsuu.o.n ke KHaalii KHaalii
dil-e-aashufta aatish-baar-o-soz-e-naala-e-shab-giir
dil-e-sangii.n
sunahrii kursiyaa.n KHandaa.n-lab-o-mast

Ashraf Rafi

Nazm

aligaDh uniwersity

markaz-e-ilm-o-hunar mai-kada-e-soz-o-saaz
sajda-e-shauq se aabaad hai rindo.n kaa haram

Anjum Azmi

Nazm

eid aai hai eid aai hai

ratjago.n kii namaaz kii raate.n
soz-o-saaz-e-gudaaz kii raate.n
zikr-e-banda-navaaz kii raate.n
naaz kii aur niyaaz kii raate.n

Sahabzada Meer Burhan Ali Khan Kaleem

Nazm

tere bare mein sochta hun main

intihaa-e-fishaar hasrat me.n
shiddat-e-soz-o-saaz furqat me.n

Akhtar Ziai

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now