Search result for "suhaag-raat" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "suhaag-raat"

Nazm MATCHES FOR "suhaag-raat"

Nazm

kallan

4
ab kallan daaj KHuub banaa saktii hai
lekin use suhaag raat kaa intizaar nahii.n

Tabassum Zia

Nazm

parchhaiyan

adaa-e-ijz-o-karam se uThaa rahii ho tum
suhaag-raat jo Dholak pe gaa.e jaate hai.n

Sahir Ludhianvi

Nazm

shoala-e-hina

labo.n pe mauj-e-tabassum hai dil me.n gard-e-malaal
mai.n KHush to huu.n magar aa.nkho.n se ashk bahte hai.n
mirii udaas javaanii ne mujh se puuchhaa hai
suhaag raat isii bebasii ko kahte hai.n

Qaisarul Jafri

Nazm

aulad

hatheliyo.n se hinaa tak abhii na chhuuTii thii
gale ke phuul bhii baasii na hone paa.e the
ki vo hasiin-o-javaa.n-saal KHvaab TuuT ga.e
suhaag-raat jo afshaa.n me.n jagmagaa.e the

Qaisarul Jafri

Nazm

mera raj-kumar

jaane man gintii mat roknaa gintii rahnaa
jaane man kyuu.n maza to aa rahaa hai na
aise ek dulhan kii taariif ho rahii thii
aise ek dulhan kii qismat so rahii thii
aise ek raat shaant ro rahii thii
aise merii suhaag raat ho rahii thii

Ankita Garg

Nazm

shah-rah

ek afsurda shaah-raah hai daraaz
duur ufuq par nazar jamaa.e hu.e
sard miTTii pe apne siine ke
surmagii.n husn ko bichhaa.e hu.e

Faiz Ahmad Faiz

Nazm

waqt ke nam ek KHat

zindagii bahut masruuf ho ga.ii hai
jo KHvaab mujhe aaj dekhnaa thaa
vo aglii paidaa.ish tak multavii karnaa pa.Daa hai
bachpan me.n lage zaKHm par marham rakhne ke liye
doctor ne abhii sirf vaada kiyaa hai
kal ke liye saa.nse.n kamaate haath
sub.h tak chaa.e nahii.n pii sakte
lekin ghabraa.o nahii.n
sab kii yahii haalat hai
vo bataa rahii thii
us ne apnii suhaag-raat tab manaa.ii
jab vo haiz ke baras guzaar chukii thii

Zahid Imroz

Nazm

yaad

suhaanii raat me.n dilkash nazaare yaad aate hai.n
nahii.n ho tum magar vo chaa.nd taare yaad aate hai.n

Shaukat Pardesi

Nazm

chalo hum yaad karte hain

chalo ham yaad karte hai.n suhaanii rut ki jis me.n ham kabhii titlii paka.Dte the
kabhii jugnuu ko muTThii me.n sharaarat se chhupaate the
kabhii rangiin barkhaa me.n
kisii bachche kii suurat naav paanii me.n bahaate the
kabhii ham band jholii me.n hazaaro.n siipiyaa.n le kar gharo.ndo.n ko sajaate the
magar saffaak mauje.n jab gharau.nde ko bahaatii thii.n
bahut dil-giir hote the bahut naashaad rahte the
hame.n ab yaad karne do
tumhaare haath ko thaame
ba.Dii lambii masaafat me.n bahut pur-lutf rahte the
kabhii ham chaa.ndnii raato.n me.n nange paa.nv saahil pe kha.De ho kar hasii.n lamhe churaate the
tumhaare haath par pahro.n ham apnaa naam likhte the
magar ab to
hame.n din bhar
zaraa bhii saa.ns lene kii kahaa.n fursat mayassar hai
tumhaare naam ko soche.n
tumhaarii yaad ko khoje.n
agar kuchh yaad rakhnaa hai bas itnaa yaad rakhnaa hai
tumhaarii yaad ke niilam samundar-burd karne hai.n
amaavas raat se ham ko bahut hii KHauf aataa hai
to ham saahil se KHaalii haath vaapas lauT aate hai.n
na ab naav bahaate hai.n na ab saavan manaate hai.n

Naheed Azmi

Nazm

judai

shajar hajar pe hai.n Gam kii ghaTaa.e.n chhaa.ii hu.ii
subuk-KHiraam havaa.o.n ko nii.nd aa.ii hu.ii
rage.n zamii.n ke manaazir kii pa.D chalii.n Dhiilii
ye KHasta-haalii ye darmaandagii ye sannaaTaa
fazaa-e-niim-shabii bhii hai sansanaaii hu.ii
dhu.aa.n dhu.aa.n se manaazir hai.n shabnamistaa.n ke
sayyaara raat kii zulfe.n hai.n rasmasaa.ii hu.ii
ye rang taaro.n bharii raat ke tanaffus kaa
ki buu-e-dard me.n har saa.ns hai basaa.ii hu.ii
KHunuk udaas fazaa.o.n kii aa.nkho.n me.n aa.nsuu
tire firaaq kii ye Tiis hai uThaa.ii hu.ii
sukuut-e-niim-shabii gahraa hotaa jaataa hai
rage.n hai.n siina-e-hastii kii tilmilaa.ii hu.ii
hai aaj saaz-e-navaa-haa-e-KHuu.n-chakaa.n ai dost
hayaat terii judaa.ii kii choT khaa.ii hu.ii
mirii in aa.nkho.n se ab nii.nd parda kartii hai
jo tere panja-e-ra.ngii.n kii thii.n jagaa.ii hu.ii
sarishk paale hu.e tere narm daaman ke
nashaat tere tabassum se jagmagaa.ii hu.ii
laTak vo gesu.o.n kii jaise pech-o-taab-e-kamand
lachak bhavo.n kii vo jaise kamaa.n jhukaa.ii hu.ii
sahar kaa jaise tabassum damak vo maathe kii
kiran suhaag kii bi.ndii kii lahlahaa.ii hu.ii
vo a.nkh.Diyo.n kaa fusuu.n ruup kii vo deviyyat
vo siina ruuh-e-numuu jis me.n kanmanaa.ii hu.ii
vo sej saa.ns kii KHushbuu ko jis pe nii.nd aa.e
vo qad gulaab kii ik shaaKH lahlahaa.ii hu.ii
vo jhilmilaate sitaare tire pasiine ke
jabiin-e-shaam-e-javaanii thii jagmagaa.ii hu.ii
ho jaise but-kada aazar kaa bol uThne ko
vo ko.ii baat sii goyaa labo.n tak aa.ii hu.ii
vo dhaj vo dilbarii vo kaam-ruup aa.nkho.n kaa
sajal adaa.o.n me.n vo raagnii rachaa.ii hu.ii
ho KHvaab-gaah me.n sho.alo.n kii karvaTe.n dam-e-sub.h
vo bhairvii.n tirii bedaariyo.n kii gaa.ii hu.ii
vo muskuraatii hu.ii lutf-e-diid kii sub.he.n
tirii nazar kii shu.aa.o.n kii gudgudaa.ii hu.ii
lagii jo tere tasavvur ke narm sho.alo.n se
hayaat-e-ishq se us aa.nch kii tipaa.ii hu.ii
hanuuz vaqt ke kaano.n me.n chahchahaahaT hai
vo chaap tere qadam kii sunii-sunaa.ii hu.ii
hanuuz siina-e-maazii me.n jagmagaahaT hai
damakte ruup kii diipaavlii jalaa.ii hu.ii
lahuu me.n Duubii uma.ngo.n kii maut rok zaraa
hariim-e-dil me.n chalii aatii hai DhiTaa.ii hu.ii
rahegii yaad javaa.n-bevgii mohabbat kii
suhaag raat kii vo chuu.Diyaa.n ba.Dhaa.ii hu.ii
ye merii pahlii mohabbat na thii magar ai dost
ubhar ga.ii hai.n vo choTe.n dabii-dabaa.ii hu.ii
supurdagii o KHuluus-e-nihaa.n ke parde me.n
jo terii narm-nigaahii kii thii.n bi.Thaa.ii hu.ii
uThaa chukaa huu.n mai.n pahle bhii hijr ke sadme
vo saa.ns dukhtii hu.ii aa.nkh DabDabaa.ii hu.ii
ye haadsa hai ajab tujh ko paa ke kho denaa
ye saaneha hai Gazab terii yaad aa.ii hu.ii
ajiib dard se ko.ii pukaartaa hai tujhe
galaa rundhaa hu.aa aavaaz thar tharraa.ii hu.ii
kahaa.n hai aaj tuu ai ra.ng-o-nuur kii devii
a.ndherii hai mirii duniyaa luTii-luTaa.ii hu.ii
pahu.nch sakegii bhii tujh tak mirii navaa-e-firaaq
jo kaa.enaat ke ashko.n me.n hai nahaa.ii hu.ii

Firaq Gorakhpuri

Nazm

aashirwad

sub.h ik na.ii dul.han
raat kii thakan se chuur
nii.nd ke KHumaaro.n me.n
apnii har pa.Dosan ke
paa.nv chhuune jaatii hai
aur apne kamre me.n
aa.iine ke saamne
apnii har pa.Dosan kaa
jumla gungunaatii hai
chaugune ho.n tere bhaag
amar rahe tiraa suhaag

Faraz Hamidi

Nazm

sham-e-ayaadat

ye kaun muskuraahaTo.n kaa kaarvaa.n liye hu.e
shabaab-e-sher-o-ra.ng-o-nuur kaa dhu.aa.n liye hu.e
dhu.aa.n ki barq-e-husn kaa mahaktaa sho.ala hai ko.ii
chaTiilii zindagii kii shaadmaaniyaa.n liye hu.e
labo.n se pa.nkhu.Dii gulaab kii hayaat maa.nge hai
ka.nval sii aa.nkh sau nigaah-e-mehrbaa.n liye hu.e
qadam qadam pe de uThii hai lau zamiin-e-rah-guzar
adaa adaa me.n be-shumaar bijliyaa.n liye hu.e
nikalte baiThte dino.n kii aahaTe.n nigaah me.n
rasiile ho.nT fasl-e-gul kii daastaa.n liye hu.e
KHutuut-e-ruKH me.n jalva-gar vafaa ke naqsh sar-ba-sar
dil-e-Ganii me.n kul hisaab-e-dostaa.n liye hu.e
vo muskuraatii aa.nkhe.n jin me.n raqs kartii hai bahaar
shafaq kii gul kii bijliyo.n kii shoKHiyaa.n liye hu.e
adaa-e-husn barq-paash shola-zan nazaara-soz
fazaa-e-husn uudii uudii bijliyaa.n liye hu.e
jagaane vaale naGma-e-sahar labo.n pe maujzan
nigaahe.n nii.nd laane vaalii loriyaa.n liye hu.e
vo nargis-e-siyaah-e-niim-baaz, mai-kada-ba-dosh
hazaar mast raato.n kii javaaniyaa.n liye hu.e
taGaaful-o-KHumaar aur be-KHudii kii oT me.n
nigaahe.n ik jahaa.n kii hoshiyaariyaa.n liye hu.e
harii-bharii rago.n me.n vo chahaktaa boltaa lahuu
vo sochtaa hu.aa badan KHud ik jahaa.n liye hu.e
za-farq taa-qadam tamaam chehra jism-e-naaznii.n
latiif jagmagaahaTo.n kaa kaarvaa.n liye hu.e
tabassumash takallume takallumash tarannume
nafas nafas me.n thartharaataa saaz-e-jaa.n liye hu.e
jabiin-e-nuur jis pe pa.D rahii hai narm chhuuT sii
KHud apnii jagmagaahTo.n kii kahkashaa.n liye hu.e
''sitaara-baar o mah-chakaa.n o KHuur-fishaa.n'' jamaal-e-yaar
jahaan-e-nuur kaarvaa.n-ba-kaarvaa.n liye hu.e
vo zulf-e-KHam-ba-KHam shamiim-e-mast se dhu.aa.n dhu.aa.n
vo ruKH chaman chaman bahaar-e-jaavedaa.n liye hu.e
ba-mastii-e-jamaal-e-kaa.enaat, KHvaab-e-kaa.enaat
ba-gardish-e-nigaah daur-e-aasmaa.n liye hu.e
ye kaun aa gayaa mire qariib uzv uzv me.n
javaaniyaa.n, javaaniyo.n kii aa.ndhiyaa.n liye hu.e
ye kaun aa.nkh pa.D rahii hai mujh par itne pyaar se
vo bhuulii sii vo yaad sii kahaaniyaa.n liye hu.e
ye kis kii mahkii mahkii saa.nse.n taaza kar ga.ii.n dimaaG
shabo.n ke raaz nuur-e-mah kii narmiyaa.n liye hu.e
ye kin nigaaho.n ne mire gale me.n baahe.n Daal dii.n
jahaan bhar ke dukh se dard se amaa.n liye hu.e
nigaah-e-yaar de ga.ii mujhe sukuun-e-be-karaa.n
vo be-kahii vafaa.o.n kii gavaahiyaa.n liye hu.e
mujhe jagaa rahaa hai maut kii Gunuudgii se kaun
nigaaho.n me.n suhaag-raat kaa samaa.n liye hu.e
mirii fasurda aur bujhii hu.ii jabii.n ko chhuu liyaa
ye kis nigaah kii kiran ne saaz-e-jaa.n liye hu.e
sute se chehre par hayaat rasmasaatii muskuraatii
na jaane kab ke aa.nsu.o.n kii daastaa.n liye hu.e
tabassum-e-sahar hai aspataal kii udaas shaam
ye kaun aa gayaa nashaat-e-be-karaa.n liye hu.e
tire na aane tak agarche mehrbaa.n thaa ik jahaa.n
mai.n ro ke rah gayaa huu.n sau Gam-e-nihaa.n liye hu.e
zamiin muskuraa uThii ye shaam jagmagaa uThii
bahaar lahlhaa uThii shamiim-e-jaa.n liye hu.e
fazaa-e-aspataal hai ki ra.ng-o-buu kii karvaTe.n
tire jamaal-e-laala-guu.n kii daastaa.n liye hu.e
'firaaq' aaj pichhlii raat kyuu.n na mar rahuu.n ki ab
hayaat aisii shaame.n hogii phir kahaa.n liye hu.e
(2)
magar nahii.n kuchh aur maslahat thii us ke aane me.n
jamaal-o-diid-e-yaar the nayaa jahaa.n liye hu.e
isii na.e jahaa.n me.n aadmii bane.nge aadmii
jabii.n pe shaahkaar-e-dahr kaa nishaa.n liye hu.e
isii na.e jahaa.n me.n aadmii bane.nge devtaa
tahaarato.n kaa farq-e-paak par nishaa.n liye hu.e
KHudaa.ii aadmii kii hogii is na.e jahaan par
sitaaro.n ke hai.n dil ye pesh-go.iiya.n liye hu.e
sulagte dil sharar-fishaa.n o sho.ala-baar barq-paash
guzarte din hayaat-e-nau kii surKHiyaa.n liye hu.e
tamaam qaul aur qasam nigaah-e-naaz-e-yaar thii
tuluu-e-zindagii-e-nau kii daastaa.n liye hu.e
nayaa janam hu.aa miraa ki zindagii na.ii milii
jiyuu.ngaa shaam-e-diid kii nishaaniyaa.n liye hu.e
na dekhaa aa.nkh uThaa ke ahd-e-nau ke parda-daaro.n ne
guzar gayaa zamaana yaad-e-raftagaa.n liye hu.e
ham inqilaabiyo.n ne ye jahaa.n bachaa liyaa magar
abhii hai ik jahaa.n vo bad-gumaaniyaa.n liye hu.e

Firaq Gorakhpuri

Nazm

suhag ki mehndi

raqs-e-miinaa suruud-e-jaam-o-subuu
bahkii bahkii bahaar kii KHushbuu
kheltii zulmato.n ke siine me.n
marmarii.n raat ke safiine me.n
jaanib-e-saahil-e-hayaat ravaa.n
hasrato.n kii javaan a.ng.Daa.ii
muskuraatii sii kaa.enaat-e-ravaa.n
shoKHiyaa.n maa.il-e-tabassum sii
aur nabze.n yaqiin kii gum sii
sub.h-e-KHandaa.n bahaar ra.anaa.ii
aarzu.o.n kii jhurmuTo.n me.n hai
jaanib-e-saahil-e-hayaat-e-ravaa.n
terii yaado.n ke aabgiine me.n
hai mirii talKH-kaamiyo.n kaa lahuu
lag rahii hai suhaag kii meh.ndii
ye samaa.n aur aa.nkh me.n aa.nsuu
merii majbuuriyo.n pe Gaur to kar
vaqt-e-ruKHsat malaal-e-laa-haasil
ab ye dost savaal-e-laa-haasil

Afsar Azri

Nazm

tum ho

jalva-e-tuur kii muusaa hii haqiiqat jaane.n
mirii shah-rag me.n usii tarh se barpaa tum ho

Zubair Ahmad Saani

Nazm

barf

uu.nchaa pe.D sanobar kaa
mauhuum asaa haatho.n me.n thaame
jashn-e-shab ko dekh rahaa thaa
ra.ngat us kii badlii badlii
yuu.n goyaa thaa
mai.n ne dekhaa hai
raat kaa raahii vaqt se pahle
ik mailii sii chaadar o.Dhe
gahrii nii.nd me.n Duubaa
naddii-naale gum-sum
jharne chup chup
mai.n ne dekhaa
ujlaa ujlaa KHema gul kaa
shaaKH
shajar kaa
chaa.ndii kaa saa thaa pairaahan
bharaa hu.aa thaa chaa.ndii-far se
shab kaa daaman

Raj Narayan Raaz

Nazm

aaina-KHane ke qaidi se

ai charaaG-e-aarzuu
jis taraf zau-paash ho
jis taraf se shaah-raah-e-justujuu

Ameeq Hanafi

Nazm

hona sab se baDa uljhawa hai

honaa sab se ba.Daa uljhaavaa hai
shaaKH-e-sanobar chaa.nd kii aas me.n jaagtii hai
aur din-bhar sone vaale ghar kii dahliizo.n par aa kar baiThte hai.n
aur KHvaahish-o-KHvaab ke andesho.n me.n raat
simaTte pairaahan kii lazzat ban kar rauzan-e-dar se jhaa.nktii hai
bachche maa.o.n kii gardan me.n baa.nhe.n Daale sote hai.n
KHvaab hamaarii maa.e.n hai.n
KHvaab hamaarii maa.e.n hai.n
aur raah kinaare baiThe la.Dke ghar ko jaane vaalaa sab se lambaa raste chunte hai.n

Mohammad Anvar Khalid

Nazm

rakh

na jaane kab se yuu.nhii dil-shikasta baiThii huu.n
udaas chehre ko apnii hatheliyo.n me.n liye
guzarne vaalii hai raat aur merii aa.nkho.n me.n
jalaa rahii hai tirii yaad aa.nsu.o.n ke diye

Naresh Kumar Shad

Nazm

bewa aur barsat

chhaa.ii hu.ii hai tiirgii us pe ye mu.nh kii hai jha.Dii
raat kaTegii kis tarah hashr-numaa hai har gha.Dii
dekhtii hai suu-e-falak haa.e taras taras ke aa.nkh
aur mujhe Dubo.egii aaj baras baras ke aa.nkh
girya-e-be-asar miraa apnaa asar dikhaa.e kyaa
dil kii lagii bujhaa.e kyaa dil kii lagii bujhaa.e kyaa
aaj ye abr kii garaj KHuub rulaa.egii mujhe
luu.ngii hazaar karvaTe.n nii.nd na aa.egii mujhe
siine me.n dil kabaab hai mujh se ho sabr kis tarah
ek balaa shabaab hai mujh se ho jabr kis tarah
kau.nd rahii hai.n bijliyaa.n abr kaa zor-shor hai
mai.n huu.n ki be-qaraar huu.n tum ho ki KHvaab-e-gor hai
mai.n ne sahe hai.n dukh pe dukh umr kaTegii yaas me.n
tab.a ko intishaar hai aur KHalal havaas me.n
zabt kahaa.n se laa.uu.n mai.n sard havaa ko dekh kar
jaan pe hai banii hu.ii shab kii fazaa ko dekh kar
barq kii teG hai sitam siina figaar kyo.n na ho
zaKHm-e-jigar hare hu.e yaad-e-bahaar kyo.n na ho
raat kii baat yaad hai raat kaa pyaar yaad hai
nii.nd-bharii vo chashm-e-mast us kaa KHumaar yaad hai
hai ye janaaza-e-shabaab yaa ki miraa pala.ng hai
aah tumhe.n KHabar nahii.n jaan se ko.ii ta.ng hai
kyaa hii vo KHush-nasiib hai.n raaj hai aur suhaag hai
motiyo.n se bharii hai maa.ng rang hai aur raag hai
kyaa hii vo KHush-nasiib hai.n jin ke liye si.ngaar hai
aah miraa shabaab-e-husn ranj se ham-kanaar hai
kuuk rahii hai.n koyale.n jhuum rahii hai.n Daaliyaa.n
paapii papiihaa is taraf bol rahaa hai pii kahaa.n
pii hai kahaa.n bataa.uu.n kyaa qissa-e-Gam sunaa.uu.n kyaa
maut bhii raahbar nahii.n pii kaa suraaG paa.uu.n kyaa
uf ye kaleje kii dha.Dak haa.e ye aah-o-zaariyaa.n
KHalq hai miiThii nii.nd me.n mujh ko hai.n be-qaraariyaa.n
josh hai paa.emaal-e-Gam past hai.n jii ke hausle
rasm-o-rivaaj kaa asar miT rahaa hai valvale

Saqib Kanpuri

Nazm

do bund pani

kyaa merii aa.nkho.n me.n sannaaTaa hai
nahii.n barf-baarii ho rahii hai
log mujh se KHauf khaane lage hai.n jaise murde se
kyaa mujh se kaafuur kii buu aatii hai
nahii.n to merii saa.nso.n me.n saavan kaa abas aur amaltaas kii garmii hai
aur saa.nso aur aa.nkho.n ke darmiyaan
faasla ziyaada nahii.n
phir bhii bahut hai
is liye ki KHatm ho jaa.e to strugle hii KHatm ho jaa.e
zindagii ko jaarii to rakhnaa hai intiqaam
raat bahut pa.Dii hai alaav jaltaa rahe to achchhaa hai
jaanvar dhu.e.n se KHauf khaate hai.n
aur insaan raakh se
aag meraa suhaag hai
aashiqo.n ke dilo.n par haa.n nahii.n hote ki maa.ng nikaal kar aag bhar dii jaa.e
is liye un ke dil phaT jaate hai.n
aag andar utar jaatii hai
uupar barf girtii rahtii hai
kapaas ke phuulo.n par moharram kaa mausam hai yaa-husainaa vaa-husainaa
kapaas dhunkii hu.ii aasmaa.n kii chhaatii se barastii hai
ThanDii Thaar palke.n bhii nahii.n jhapaktii.n
palko.n kii jhaalare.n safed ho jaatii hai.n barf ban kar un me.n aTii rahtii hai
aur andar baraamde KHaalii ho jaate hai.n session mag jaataa hai
la.Dkii naaKHun kaaTtii hai to chaa.nd us kii hathelii par utar aataa hai
tumhaaraa duulhaa bahut KHuub-suurat hogaa
dono.n hatheliyaa.n jo.Do to bhalaa
chaa.nd to puuraa ho gayaa magar raushnii haatho.n me.n band nahii.n ho sakii
phail ga.ii hatheliyo.n me.n chhed the
scientific sii baat hai
aag amiir suhaag sab la.Dkiyo.n ke dilo.n me.n nahii.n jaltii is liye ki sab
la.Dkiyaa.n aashiq nahii.n hotii.n
mahbuubaa.e.n hotii hai.n
aur un kii aa.nkho.n ke baraamde KHvaan se saje rahte hai.n
barf-baarii un ke liye session hai mere liye mausam apne mashriq ma.ano.n ke saath
suuraj tuluu.a hotaa hai
barf-baarii aur bulandiyo.n par cha.Dh ga.ii
jaanvar maidaano.n me.n nikal aa.e palke.n KHaana-ba-dosh ho ga.ii.n
apnaa saavan uThaa.e uThaa.e
ghaaT ghaaT do band paanii islaam-aabaad me.n na raajasthaan me.n
barf kii nahr nikaalii jaa.egii
aur mahbuubaa.e.n aag ke bistar par leT kar miiThii barf ke gole chuuse.ngii
abhii un kii umr hii kyaa hai
abhii to ye log small-chickens-of-snakes paaltii hai.n
maathe par kunDal Daaltii hai.n
chaahe jaane ke liye
lambii sunahrii kaar aur
do buu.nd paanii
na barfistaan me.n na aatish-daan me.n
la.Dkii kii jins tabdiil ho rahii hai
la.Dkii kaa duulhaa do buu.nd paanii kii KHaatir havaa ho gayaa
la.Dkii scare-crow ho ga.ii shaayad duulhaa ke bhaa.iyo.n ke kheto.n me.n
achchhaa hai dar-badarii hone se to bach rahii
bach rahii to use bachaane
us kaa duulhaa zaruur aa.egaa

Nasreen Anjum Sethi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now