Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tareekh e"

Nazm MATCHES FOR "tareekh e"

Nazm

ahl-e-junun

ham hamesha se hai.n taariiKH ke anmol ratan
ham hai.n taabaanii-e-vijdaan saraapaa ilhaam
ham kabhii ubhre to ehsaas-e-faraavaa.n kii tarah
aur kabhii ham ko pukaaraa gayaa afkaar-e-davaam

Noor -e-Shama Noor
Nazm

sabza-e-begana

hasab-nasab hai na taariiKH o jaa-e-paidaa.ish
kahaa.n se aayaa thaa maz.hab na valdiyat ma.aluum
maqaamii chhoTe se KHairaatii aspataal me.n vo
kahii.n se laayaa gayaa thaa vahaa.n ye hai marquum
mariiz raato.n ko chillaataa hai ''mire andar
asiir zaKHmii parinda hai ik, nikaalo ise
guluu-girafta hai ye habs-e-dam hai KHaa.if hai
sitam-rasiida hai mazluum hai bachaa lo ise''
mariiz chiiKHtaa hai dard se karaahtaa hai
ye vietnam, kabhii dominican, kabhii kashmiir
zar-e-kasiir, siyah qaume.n, KHaam madniyaat
kasiif tel ke chashme, avaam, istehsaal
zamii.n kii maut bahaa.im, fizaa.ii ja.ng, sitam
ijaara-daarii, subuk gaam, dilrubaa, atfaal
sarod-o-naGma, adab, sher, amn, barbaadii
janaaza ishq kaa, daf kii sadaa.e.n, murda KHayaal
taraqqii, ilm ke gahvaare, ruuh kaa madfan
KHudaa kaa qatl, ayaa.n zer-e-naaf zohra jamaal
tamaam raat ye be-rabt baate.n kartaa hai
mariiz saKHt pareshaanii kaa sabab hai yahaa.n
Garaz ki jo thaa shikaayat kaa ek daftar thaa
natiija ye hai usii roz muntaqil karke
use ik aur shifaa-KHaane ko ravaana kiyaa
sunaa gayaa hai vahaa.n nafsiyaat ke maahir
tabiib haaziq o nabbaaz doctor kitne
talab kiye ga.e aur sab ne ittifaaq kiyaa
ye ko.ii zehnii maraz hai, mariiz ne shaayad
kabhii parinda ko.ii paalaa hogaa lekin vo
adam-e-tavajjohii yaa ittifaaq se yuu.nhii
bichaara mar gayaa us maut kaa asar hai ye
ajiib chiiz hai taht-e-shu.uur insaa.n kaa
ye aur kuchh nahii.n ehsaas-e-jurm hai jis ne
dil o dimaaG pe qabza kiyaa hai is darja
mariiz qaatil o mujrim samajhtaa hai KHud ko!
kisii kii raa.e thii pasmaa.nda qaum kaa ik fard
mariiz hogaa isii vaaste siyah qaume.n
Gariib ke liye ik taboo ban ga.ii.n afsos
ko.ii ye kahtaa thaa ye asal me.n hai hubb-e-vatan
mariiz chaahtaa thaa ham kafiil ho.n apne
kisii bhii qaum ke aage na haath phailaa.e.n
yahii.n pe tel ke chashme hai.n, vo kare.n daryaaft!
gumaan kuchh ko thaa ye shaKHs ko.ii shaa.er hai
jo chaahtaa thaa jahaa.n-gardii me.n guzaare vaqt
hasiin aurte.n maa.il ho.n lutf-o-aish rahe
qalam ke zor se shohrat mile zamaane me.n
zar-e-kasiir bhii haath aa.e is bahaane se
magar Gariib kii sab koshishe.n ga.ii.n naakaam
shikast-e-paiham o ehsaas-e-naa-rasaa.ii ne
ye haal kar diyaa majruuh hoga.e a.asaab
Garaz ki nukta-rassii me.n guzar gayaa sab vaqt
vo chiiKHtaa hii rahaa dard kii davaa na milii
nashist baa'd nashist aur mu.aa.ene shab o roz
inhii.n me.n vaqt guzartaa gayaa shifaa na milii
phir ek shaam vahaa.n surma-dar-guluu aa.ii
jo us ke vaaste goyaa tabiib-e-haaziq thii
kisii ne phir na sunii dard se bharii aavaaz
karaahtaa thaa jo KHaamosh ho gayaa vo saaz

Akhtarul Iman
Nazm

shahar-zade

ham shahr-zaado.n kii suno
ham raaqim-e-taariiKH-e-nau

Salman Sarwat
Nazm

bebasi git bunti rahti hai

kaun girya kare, kare maatam
kaun taariiKH-e-kisht-o-KHuu.n ko pa.Dhe
bebasii giit buntii rahtii hai
dono.n aa.ankho.n ko Dhaa.npe haatho.n se

Faheem Shanas Kazmi
Nazm

jashn-e-azadi-e-hind hai ye

taariiKH-e-hind me.n vo ba.Daa kaam kar ga.e
jo musiibat unhe.n pesh aa.ii

Syeda Farhat
Nazm

papa miyan

paapaa miyaa.n zamaane me.n kyaa naam kar ga.e
taariiKH-e-hind me.n vo nayaa kaam kar ga.e

Syeda Farhat
Nazm

shuur

hai kaa.enaat mire dil kii dha.Dkano.n me.n asiir
mai.n ek zarra bisaat-e-nizaam-e-shamsii par
mai.n ek nuqta sar-e-kaa.enaat-e-vahm-o-shu.uur
ek qatra anal-bahr hai sadaa merii
mai.n kaa.enaat me.n tanhaa huu.n aaftaab kii tarah
mire lahuu me.n ravaa.n ved bhii hai.n qur.aa.n bhii
shajar hajar bhii hai.n sahraa bhii hai.n gulistaa.n bhii
ki mai.n huu.n vaaris-e-taariiKH-e-asr-e-insaanii

Ali Sardar Jafri
Nazm

mahatma-gandhi ka qatl

tahziib jahaa.n tharraatii hai taariiKH-e-bashar sharmaatii hai
maut apne kaTe par KHud jaise dil hii dil me.n pachhtaatii hai

Anand Narayan Mulla
Nazm

shahidan-e-azadi

zulm kii taariiKH-e-KHuunii.n se hai.n go naashaad ham
aaj ke din faKHr se karte hai.n un ko yaad ham

Prem Lal Shifa Dehlvi
Nazm

zaban se nafrat kyun

zabaa.n tasalsul-e-taariiKH-e-zindagaanii hai
zabaan manaazil-e-tahziib kii kahaanii hai
zabaan bahte hu.e vaqt kii ravaanii hai
nazar me.n ho jo bulandii bhii aur vus.at bhii
to har zabaan me.n ik husn bhii hai azmat bhii
vo raat kaa hai pujaarii sahar kaa dushman hai
jo hai zabaan kaa dushman bashar kaa dushman hai

Nazish Partap Gadhi
Nazm

aawaz-e-adam

mukaafaat-e-amal taariiKH-e-insaa.n kii rivaayat hai
karoge kab talak naavak faraaham ham bhii dekhe.nge
kahaa.n tak hai tumhaare zulm me.n dam ham bhii dekhe.nge

Sahir Ludhianvi
Nazm

intizar

yahii taariiKH-e-chaman hai yahii taariiKH-e-bahaar
pahle do chaar hii phuulo.n pe nikhaar aataa hai
aa.nkhe.n maltaa hu.aa phir nii.nd se uThtaa hai shabaab
patte patte me.n nazar ruu-e-nigaar aataa hai
le ke phir god me.n Guncho.n ko ye kahtii hai sabaa
mai.n tumhaarii huu.n ki gulchii.n kii tumhii.n Gaur karo
daur-e-takmiil-e-bahaar aa.egaa aa.egaa zaruur
intizaar aur karo aur karo aur karo

Parvez Shahidi
Nazm

kar-e-nau

phir us ke baa'd sub.h KHud-ba-KHud tuluu.a hogii
ye duniyaa tumhaare saamne phir se niguu.n hogii
fazaa me.n chaar suu phir tairne lagegii KHush-haalii
aur na.e sire se taariiKH-e-hind phir shuruu.a hogii
abhii bhii vaqt hai uTho kaar-e-nau kii ibtidaa kar de.n

Qaleel Jhansvi
Nazm

raushni ka suragh

hamaare zehno.n pe
kitnii sadiyo.n ke
muhiib a.ndhere kii hukmaraanii me.n
ek mehr-e-laa-zavaal chamkaa
taariik raaho.n ko raushnii kaa suraaG milaa
nigaah-o-dil ko
na.ii manzilo.n
na.ii rif.ato.n
na.ii azmato.n
kaa pata bataa kar
amal kii ik sham-e-nau jalaa kar
jis ne
hamaare vijdaan-o-idraak ko jhi.njho.Daa
Gunuudgii ke shikaar-e-ehsaas ko jagaayaa
shu.uur kii be-hisii ko
ik irti.aash kii kaifiyat ataa kii
vo jaantaa thaa ki
ziist ke is be-nuur sahraa me.n
vaqaar-e-millat kahaa.n nihaa.n hai
uruuj kii daastaa.n ke aaGaaz kaa ujaalaa kahaa.n chhupaa hai
vo jaantaa thaa
ki taariiKH-e-aqvaam-e-aalam me.n
zinda qaumo.n kii shanaaKHt
ilm kii badaulat hai
aur
ilm se duur rahne vaalii qaume.n
ik kaasa-e-tahii ke sivaa kuchh bhii nahii.n hai.n
use
is raaz-e-sar-basta kaa irfaan ho chukaa thaa
ki ilm hii hai
vaqaar-e-hastii
bahaar-e-hastii
isii liye aaj us ke dar par
jabiin-e-aalam jhukii hu.ii hai

Saeed Arifi
Nazm

inhen kuchh na kaho

ab KHudaa ke liye doharaa.o na taariiKH-e-vatan
ab zabaa.n se na bayaa.n in kaa karo chaal-chalan
ab na tum yaad karo qissa-e-bangaal-o-dakan
ye hamesha ke hai.n Gaddaar inhe.n kuchh na kaho
kah chuke in ko to sau baar inhe.n kuchh na kaho

Hilal Rizvi
Nazm

jamaliyat

jamaaliyaat kaa naqqaad jitnaa hairaa.n hai
vo baab-e-husn me.n bhii utnaa hii pareshaa.n hai
jamaaliyaat me.n kyaa hai jo KHud nahii.n fan me.n
jamaaliyaat kaa mahvar nashaat-e-dauraa.n hai
jamaaliyaat ko farha.ng me.n karo na talaash
jamaaliyaat me.n zulf-e-suKHan kii afshaa.n hai
jamaaliyaat ko usluub me.n shumaar karo
jamaaliyaat me.n har fard ik dabistaa.n hai
jamaaliyaat taGayyur-paziir hissiyat
jamaaliyaat me.n sahraa bhii ik gulistaa.n hai
jamaaliyaat saqaafat kaa haft rang libaas
jo rang o nasl kii tafriiq se gurezaa.n hai
jamaaliyaat badalte hai.n maah-o-saal ke saath
jamaaliyaat me.n taariiKH-e-fikr-e-insaa.n hai
jamaaliyaat hai.n taKHliiq fan kaa sar chashma
adiib adab ke liye KHud jamaal saamaa.n hai
jamaaliyaat me.n hai husn-e-kaar kaa jaaduu
jamaaliyaat kii tasKHiir kaar-e-mardaa.n hai
ko.ii usuul nahii.n husn ke parakhne kaa
kahii.n KHizaa.n hai hasii.n aur kahii.n bahaaraa.n hai
jahaa.n me.n jitne hai.n fankaar utnii tarah ke husn
to kyaa ba.ndhe Tike meyaar-e-nau kaa imkaa.n hai
badaltaa rahtaa hai meyaar-e-husn husn ke saath
to kis liye ko.ii naqqaad-e-fan pareshaa.n hai

Wamiq Jaunpuri
Nazm

aadha kamra

pahle ye bataa.o jhujhune kii taariiKH-e-paidaa.ish kyaa hai
mai.n ko.ii naqqaad huu.n jo taariiKH dohraataa phiruu.n
kisii kaa kalaam pa.Dh lo
taariiKH maaluum ho jaa.egii
tumhaarii aa.nkho.n me.n aa.nsuu
'miir' kii kitaab kaa diibaacha likhnaa hai
ye kis kii paTTii hai
naqqaad bhaa.ii kii
ye kis kii aa.nkh hai
mujhe to saifuu bhaabhii kii maaluum ho rahii hai
aur ye haath
Gaalib kaa lagtaa hai
bakte ho
zar kii amaan paa.uu.n to bataa.uu.n
jitne naam yaad the bataa diye
lekin tumhaaraa tasavvur kyaa kahtaa
mai.n dum hilaane ke sivaa kyaa kar saktaa huu.n

Sara Shagufta
Nazm

rasm-e-andesha se farigh hue hum

rasm-e-andesha kii taqriib-e-mulaaqaat se faariG hu.e ham
rasm-e-andesha kisii aur zamaane kaa gunaah
aur duniyaa.o.n kaa jurm
jis kii zanjiir-e-mukaafaat me.n uljhe hu.e ham
apne ajdaad ke aasaar ke deriina faqiir
kaasa-bar-dosh sar-e-dast-e-ataa jaate hai.n
maut bar-dosh sar-e-dast-e-ataa jaate hai.n
maut aur vasl kii ta.abiir pe sargarm-e-kalaam
apnii taariiKH kaa insaaf bajaa laate hai.n
rasm-e-andesha kii taariiKH-e-mukaafaat
ke maare hu.e ham

Azar Tamanna
Nazm

harf-e-awwal

harf-e-avval huu.n
na
mai.n aaKHir huu.n
bhuul jaa.egaa
zamaana mujh ko
ko.ii hairat nahii.n
tum bhuul bhii jaa.o mujh ko
kaun rakhtaa hai
kise yaad yahaa.n
merii taariiKH-e-fanaa yaad rahegii kis ko
sach kahaa.n likhtaa hai
taariiKH kaa likhne vaalaa
vo to likhtaa hai fasaano.n ko
haqiiqat aksar
zinda logo.n ko vo likh detaa hai
muurat aksar
sach kahaa.n likhtaa hai
likhtaa hai zaruurat aksar
vo KHayaalaat ko
tashkiil na.ii detaa hai
jabr ke rang ko
tamsiil na.ii detaa hai
varna sach baat kahii.n aur nihaa.n hotii hai
ghup a.ndhero.n me.n kahii.n
malgajii shaam
Gam savero.n me.n kahii.n
vaqt ke saaz pe
ik zinda fuGaa.n hotii hai
aag hai garche haqiiqat me.n
dhu.aa.n hotii hai
jhuuT ke shahr me.n kab sach kii dukaa.n hotii hai

Shafeeq Nadvi
Nazm

bhopal tal ke nam

ai ba.De taalaab kuchh tuu hii bataa kyaa ramz hai
kyo.n tujhe ghere hu.e hai.n ye pahaa.Dii silsile
kyo.n sajaa rakkhe hai.n tuu ne har taraf ye sabza-zaar
kis liye hotii hai KHilqat terii vus'at par nisaar
tuu na jaijuu.n hai na hai dariyaa-e-'thames'
phir bhii saahil par tire qurbaa.n hai husn-e-be-karaa.n
phir bhii siine par tire raqsaa.n hai.n kitnii kashtiyaa.n
phir bhii kaif-e-zindagii hai terii maujo.n se 'ayaa.n
ai ba.De taalaab ai aabii zaKHiire ke amii.n
tujh ko kuchh maa'luum bhii hai apnii taariiKH-e-hasii.n
kitnii tahziibo.n kaa shaahid hai tiraa aab-e-ravaa.n
kitne jazbo.n kii tahaarat terii in lahro.n me.n hai
kitne mausam ho ga.e shaadaab aa.nchal se tire
qaafile kitne tire daaman me.n aa kar bas ga.e

Zia Faooqui
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now