Best Maashuq Shayari
hai āshiq o ma.ashūq meñ ye farq ki mahbūb
tasvīr-e-tafarruj hai vo putlā hai alam kā
hai aashiq o mashuq mein ye farq ki mahbub
taswir-e-tafarruj hai wo putla hai alam ka
ḳhalvat ho aur sharāb ho ma.ashūq sāmne
zāhid tujhe qasam hai jo tū ho to kyā kare
KHalwat ho aur sharab ho mashuq samne
zahid tujhe qasam hai jo tu ho to kya kare
ishq ma.ashūq ishq āshiq hai
yaanī apnā hī mubtalā hai ishq
Love is the beloved, Love's the paramour
Love is thus enmeshed/ in its own allure
ishq mashuq ishq aashiq hai
yani apna hi mubtala hai ishq
Love is the beloved, Love's the paramour
Love is thus enmeshed/ in its own allure
-
Tags : Ishqand 2 more
na āshiq haiñ zamāne meñ na ma.ashūq
idhar ham rah ga.e haiñ aur udhar aap
na aashiq hain zamane mein na mashuq
idhar hum rah gae hain aur udhar aap
ik ham haiñ ki ham ne tumheñ ma.ashūq banāyā
ik tum ho ki tum ne hameñ rakkhā na kahīñ kā
ek hum hain ki hum ne tumhein mashuq banaya
ek tum ho ki tum ne hamein rakkha na kahin ka
ri.āyat buujh tū ma.ashūq kā jaur
ki tujh ko ishq meñ kāmil kare hai
riayat bujh tu mashuq ka jaur
ki tujh ko ishq mein kaamil kare hai
mil gayā thā baaġh meñ ma.ashūq ik nak-dār sā
rañg o rū meñ phuul kī mānind saj meñ ḳhaar sā
mil gaya tha bagh mein mashuq ek nak-dar sa
rang o ru mein phul ki manind saj mein KHar sa
samajh le āshiq o ma.ashūq kī ham-āġhoshī
azaab aur to kyā qabr ke fishār meñ thā
samajh le aashiq o mashuq ki ham-aghoshi
azab aur to kya qabr ke fishaar mein tha
martaba ma.ashūq kā āshiq se bālā-dast hai
ḳhaar kī jā zer-e-pā gul kā makāñ dastār par
martaba mashuq ka aashiq se baala-dast hai
KHar ki ja zer-e-pa gul ka makan dastar par