بیسٹ منّت شاعری

خوشامد تابع داری منت و خدمت سجود حسن

ازل سے دیدنی ہے بے بسی و عاجزیٔ عشق

میں نے منت کبھی کی ہو تو بتا دیں زاہد

کون سے روز سفارش کو گنہ گار آیا

ہر نفس منت کش آلام ہے

زندگی شاید اسی کا نام ہے

درد منت کش دوا نہ ہوا

میں نہ اچھا ہوا برا نہ ہوا

وحشت میں بھی منت کش صحرا نہیں ہوتے

کچھ لوگ بکھر کر بھی تماشا نہیں ہوتے

کب یہ دل و دماغ ہے منت شمع کھینچیے

خانۂ دل جلوں کے بیچ داغ جگر چراغ ہے

کرتا رہا میں منتیں کم کی نہ کچھ دعا

حاصل ہوا نہ کچھ تو خدا بے اثر لگا

منت و عاجزی و زاری و آہ

تیرے آگے ہزار کر دیکھا

فنا ہونے میں سوز شمع کی منت کشی کیسی

جلے جو آگ میں اپنی اسے پروانہ کہتے ہیں

ہائے اس منت کش وہم و گماں کی جستجو

زندگی جس کو نہ پاے جو نہ پاے زندگی