Best Tea Shayari

ذرا سی چائے گری اور داغ داغ ورق

یہ زندگی ہے کہ اخبار کا تراشا ہے

آج تو جیسے دن کے ساتھ دل بھی غروب ہو گیا

شام کی چائے بھی گئی موت کے ڈر کے ساتھ ساتھ

سگرٹیں چائے دھواں رات گئے تک بحثیں

اور کوئی پھول سا آنچل کہیں نم ہوتا ہے

چھوڑ آیا تھا میز پر چائے

یہ جدائی کا استعارا تھا

آج پھر چائے بناتے ہوئے وہ یاد آیا

آج پھر چائے میں پتی نہیں ڈالی میں نے

کئی جھمیلوں میں الجھی سی بد مزہ چائے

اداس میز پہ دفتر کے کاغذات کا دکھ

بکھرتا جاتا ہے کمرے میں سگرٹوں کا دھواں

پڑا ہے خواب کوئی چائے کی پیالی میں

تجھ میں کس بل ہے تو دنیا کو بہا کر لے جا

چائے کی پیالی میں طوفان اٹھاتا کیا ہے

گھی مصری بھی بھیج کبھی اخباروں میں

کئی دنوں سے چائے ہے کڑوی یا اللہ

قمقموں کی طرح قہقہے جل بجھے

میز پر چائے کی پیالیاں رہ گئیں