غم کی شاعری

اے غم زندگی نہ ہو ناراض

مجھ کو عادت ہے مسکرانے کی

غم اور ہوتا سن کے گر آتے نہ وہ وسیمؔ

اچھا ہے میرے حال کی ان کو خبر نہیں

غم اگرچہ جاں گسل ہے پہ کہاں بچیں کہ دل ہے

غم عشق گر نہ ہوتا غم روزگار ہوتا

غم بہت دن مفت کی کھاتا رہا

اب اسے دل سے نکالا چاہیئے

غم اپنے ہی اشکوں کا خریدا ہوا ہے

دل اپنی ہی حالت کا تماشائی ہے دیکھو

آج بھی شام غم! اداس نہ ہو

مانگ کر میں چراغ لاتا ہوں

اب غم کا کوئی غم نہ خوشی کی خوشی مجھے

آخر کو راس آ ہی گئی زندگی مجھے

غم عزیزوں کا حسینوں کی جدائی دیکھی

دیکھیں دکھلائے ابھی گردش دوراں کیا کیا

آ گیا یاد انہیں اپنے کسی غم کا حساب

ہنسنے والوں نے مرے اشک جو گن کے دیکھے

دن چھپا اور غم کے سائے ڈھلے

آرزو کے نئے چراغ جلے