دکھی کرنے والی شاعری

آج تو بے سبب اداس ہے جی

عشق ہوتا تو کوئی بات بھی تھی

آج بہت اداس ہوں

یوں کوئی خاص غم نہیں

دکھ اداسی ملال غم کے سوا

اور بھی ہے کوئی مکان میں کیا

کسی نے پھر سے لگائی صدا اداسی کی

پلٹ کے آنے لگی ہے فضا اداسی کی

ہجر میں بھی ہم اداس اتنے نہ تھے

مل کے بچھڑے تو ہوئے جتنے اداس

برس رہی ہے اداسی تمام آنگن میں

وہ رت جگوں کی حویلی بڑے عذاب میں ہے

عجیب بات ہے میں جب بھی کچھ اداس ہوا

دیا سہارا حریفوں کی بد دعاؤں نے

بہت اداس ہیں دیواریں اونچے محلوں کی

یہ وہ کھنڈر ہیں کہ جن میں امیر رہتے ہیں

اس زمانے میں نہ ہو کیوں کر ہمارا دل اداس

دیکھ کر احوال عالم اڑتے جاتے ہیں حواس

میں خانقاہ بدن سے اداس لوٹ آیا

یہاں بھی چاہنے والوں میں خاک بٹتی ہے