زینت شاعری

گلشن کی فقط پھولوں سے نہیں کانٹوں سے بھی زینت ہوتی ہے

جینے کے لئے اس دنیا میں غم کی بھی ضرورت ہوتی ہے

ہے دسہرے میں بھی یوں گر فرحت و زینت نظیرؔ

پر دوالی بھی عجب پاکیزہ تر تیوہار ہے

مری زندگی کی زینت ہوئی آفت و بلا سے

میں وہ زلف خم بہ خم ہوں جو سنور گئی ہوا سے

میرا کرب مری تنہائی کی زینت

میں چہروں کے جنگل کا سناٹا ہوں

حسن بازار کی زینت ہے مگر ہے تو سہی

گھر سے نکلا ہوں تو اس چوک سے بھی ہو آؤں

بنے ہوئے ہیں عجایب گھروں کی زینت ہم

پر اپنے واسطے اپنا ہی در نہیں کھلتا

ہزار رنگ کے پھولوں سے باغ کی زینت

بہار آئی تو لائی ہے اتنے ہنگامے

جلوہ گر دل میں خیال عارض جانانہ تھا

گھر کی زینت تھی کہ زینت بخش صاحب خانہ تھا

زینت اغیار کلیاں ہو گئیں

غیرت اہل چمن کو کیا ہوا

ادائے خار سے گلشن کی بڑھ گئی زینت

اگرچہ پھولوں کے دامن ہیں تار تار ابھی