ALL
Profile
Ghazal83
Nazm39
Sher110
E-book26
TOP 20 SHAYARI 20
Image Shayari28
Audio32
Video58
Qita1
Gallery 3
Blog1
Sher of Parveen Shakir
sirf is takabbur meñ us ne mujh ko jiitā thā
zikr ho na us kā bhī kal ko nā-rasāoñ meñ
sirf is takabbur mein us ne mujh ko jita tha
zikr ho na us ka bhi kal ko na-rasaon mein
jis jā makīn banñe ke dekhe the maiñ ne ḳhvāb
us ghar meñ ek shaam kī mehmān bhī na thī
jis ja makin banne ke dekhe the main ne KHwab
us ghar mein ek sham ki mehman bhi na thi
rafāqatoñ ke na.e ḳhvāb ḳhushnumā haiñ magar
guzar chukā hai tire e'tibār kā mausam
rafaqaton ke nae KHwab KHushnuma hain magar
guzar chuka hai tere e'tibar ka mausam
tujhe manā.ūñ ki apnī anā kī baat sunūñ
ulajh rahā hai mire faisloñ kā resham phir
tujhe manaun ki apni ana ki baat sunun
ulajh raha hai mere faislon ka resham phir
ghar aap hī jagmagā uThegā
dahlīz pe ik qadam bahut hai
ghar aap hi jagmaga uThega
dahliz pe ek qadam bahut hai
mere chehre pe ġhazal likhtī ga.iiñ
sher kahtī huī āñkheñ us kī
mere chehre pe ghazal likhti gain
sher kahti hui aankhen us ki
tū badaltā hai to be-sāḳhta merī āñkheñ
apne hāthoñ kī lakīroñ se ulajh jaatī haiñ
tu badalta hai to be-saKHta meri aankhen
apne hathon ki lakiron se ulajh jati hain
us ne mujhe dar-asl kabhī chāhā hī nahīñ thā
ḳhud ko de kar ye bhī dhokā, dekh liyā hai
us ne mujhe dar-asl kabhi chaha hi nahin tha
KHud ko de kar ye bhi dhoka, dekh liya hai
ġhair mumkin hai tire ghar ke gulāboñ kā shumār
mere riste hue zaḳhmoñ ke hisāboñ kī tarah
ghair mumkin hai tere ghar ke gulabon ka shumar
mere riste hue zaKHmon ke hisabon ki tarah
bahut se log the mehmān mere ghar lekin
vo jāntā thā ki hai ehtimām kis ke liye
bahut se log the mehman mere ghar lekin
wo jaanta tha ki hai ehtimam kis ke liye
dhīme suroñ meñ koī madhur giit chheḌiye
Thahrī huī havāoñ meñ jaadū bikheriye
dhime suron mein koi madhur git chheDiye
Thahri hui hawaon mein jadu bikheriye
maqtal-e-vaqt meñ ḳhāmosh gavāhī kī tarah
dil bhī kaam aayā hai gumnām sipāhī kī tarah
maqtal-e-waqt mein KHamosh gawahi ki tarah
dil bhi kaam aaya hai gumnam sipahi ki tarah
gulābī paañv mire champa.ī banāne ko
kisī ne sahn meñ mehñdī kī baaḌ ugaa.ī ho
gulabi panw mere champai banane ko
kisi ne sahn mein mehndi ki baD ugai ho
raste meñ mil gayā to sharīk-e-safar na jaan
jo chhāñv mehrbāñ ho use apnā ghar na jaan
raste mein mil gaya to sharik-e-safar na jaan
jo chhanw mehrban ho use apna ghar na jaan
zulm sahnā bhī to zālim kī himāyat Thahrā
ḳhāmushī bhī to huī pusht-panāhī kī tarah
zulm sahna bhi to zalim ki himayat Thahra
KHamushi bhi to hui pusht-panahi ki tarah
yuuñ dekhnā us ko ki koī aur na dekhe
in.aam to achchhā thā magar shart kaḌī thī
yun dekhna us ko ki koi aur na dekhe
inam to achchha tha magar shart kaDi thi
hatheliyoñ kī duā phuul ban ke aa.ī ho
kabhī to rañg mire haath kā hinā.ī ho
hatheliyon ki dua phul ban ke aai ho
kabhi to rang mere hath ka hinai ho
tere tohfe to sab achchhe haiñ magar mauj-e-bahār
ab ke mere liye ḳhushbū-e-hinā aa.ī ho
tere tohfe to sab achchhe hain magar mauj-e-bahaar
ab ke mere liye KHushbu-e-hina aai ho
us ke yuuñ tark-e-mohabbat kā sabab hogā koī
jī nahīñ ye māntā vo bevafā pahle se thā
us ke yun tark-e-mohabbat ka sabab hoga koi
ji nahin ye manta wo bewafa pahle se tha
bārhā terā intizār kiyā
apne ḳhvāboñ meñ ik dulhan kī tarah
barha tera intizar kiya
apne KHwabon mein ek dulhan ki tarah
paas jab tak vo rahe dard thamā rahtā hai
phailtā jaatā hai phir aañkh ke kājal kī tarah
pas jab tak wo rahe dard thama rahta hai
phailta jata hai phir aankh ke kajal ki tarah
haath mere bhuul baiThe dastakeñ dene kā fan
band mujh par jab se us ke ghar kā darvāza huā
hath mere bhul baiThe dastaken dene ka fan
band mujh par jab se us ke ghar ka darwaza hua
ruḳhsat karne ke ādāb nibhāne hī the
band ā.ankhoñ se us ko jaatā dekh liyā hai
ruKHsat karne ke aadab nibhane hi the
band aaankhon se us ko jata dekh liya hai
darvāza jo kholā to nazar aa.e khaḌe vo
hairat hai mujhe aaj kidhar bhuul paḌe vo
darwaza jo khola to nazar aae khaDe wo
hairat hai mujhe aaj kidhar bhul paDe wo
aamad pe terī itr o charāġh o subū na hoñ
itnā bhī būd-o-bāsh ko saada nahīñ kiyā
aamad pe teri itr o charagh o subu na hon
itna bhi bud-o-bash ko sada nahin kiya
-
Tag : Welcome
-
Share this
- See Ghazal
- Critique
- Comments
- Download
shab vahī lekin sitāra aur hai
ab safar kā isti.āra aur hai
shab wahi lekin sitara aur hai
ab safar ka istiara aur hai
-
Share this
- See Ghazal
- Critique
- Comments
- Download
jañg kā hathiyār tai kuchh aur thā
tiir siine meñ utārā aur hai
jang ka hathiyar tai kuchh aur tha
tir sine mein utara aur hai
-
Tag : Teer
-
Share this
- See Ghazal
- Critique
- Comments
- Download
hārne meñ ik anā kī baat thī
jiit jaane meñ ḳhasārā aur hai
haarne mein ek ana ki baat thi
jit jaane mein KHasara aur hai
-
Share this
- See Ghazal
- Critique
- Comments
- Download
qadmoñ meñ bhī takān thī ghar bhī qarīb thā
par kyā kareñ ki ab ke safar hī ajiib thā
qadmon mein bhi takan thi ghar bhi qarib tha
par kya karen ki ab ke safar hi ajib tha
-
Share this
- See Ghazal
- Critique
- Comments
- Download
kabhī kabhār use dekh leñ kahīñ mil leñ
ye kab kahā thā ki vo ḳhush-badan hamārā ho
kabhi kabhaar use dekh len kahin mil len
ye kab kaha tha ki wo KHush-badan hamara ho
-
Share this
- See Ghazal
- Critique
- Comments
- Download
gavāhī kaise TūTtī muāmla ḳhudā kā thā
mirā aur us kā rābta to haath aur duā kā thā
gawahi kaise TuTti muamla KHuda ka tha
mera aur us ka rabta to hath aur dua ka tha
-
Share this
- See Ghazal
- Critique
- Comments
- Download
ek sūraj thā ki tāroñ ke gharāne se uThā
aañkh hairān hai kyā shaḳhs zamāne se uThā
ek suraj tha ki taron ke gharane se uTha
aankh hairan hai kya shaKHs zamane se uTha
-
Tag : Tribute
-
Share this
- See Ghazal
- Critique
- Comments
- Download
zindagī merī thī lekin ab to
tere kahne meñ rahā kartī hai
zindagi meri thi lekin ab to
tere kahne mein raha karti hai
-
Share this
- See Ghazal
- Critique
- Comments
- Download
mas.ala jab bhī charāġhoñ kā uThā
faisla sirf havā kartī hai
masala jab bhi charaghon ka uTha
faisla sirf hawa karti hai
-
Share this
- See Ghazal
- Critique
- Comments
- Download
shaam paḌte hī kisī shaḳhs kī yaad
kūcha-e-jāñ meñ sadā kartī hai
sham paDte hi kisi shaKHs ki yaad
kucha-e-jaan mein sada karti hai
abr barse to ināyat us kī
shāḳh to sirf duā kartī hai
abr barse to inayat us ki
shaKH to sirf dua karti hai
-
Tag : Abr
-
Share this
- See Ghazal
- Critique
- Comments
- Download
shab kī tanhā.ī meñ ab to akasr
guftugū tujh se rahā kartī hai
shab ki tanhai mein ab to akasr
guftugu tujh se raha karti hai
-
Share this
- See Ghazal
- Critique
- Comments
- Download
bojh uThāte hue phirtī hai hamārā ab tak
ai zamīñ maañ tirī ye umr to ārām kī thī
bojh uThate hue phirti hai hamara ab tak
ai zamin man teri ye umr to aaram ki thi
-
Share this
- See Ghazal
- Critique
- Comments
- Download
ye havā kaise uḌā le ga.ī āñchal merā
yuuñ satāne kī to aadat mire ghanshyām kī thī
ye hawa kaise uDa le gai aanchal mera
yun satane ki to aadat mere ghanshyam ki thi
-
Share this
- See Ghazal
- Critique
- Comments
- Download
supurd kar ke use chāñdnī ke hāthoñ meñ
maiñ apne ghar ke añdheroñ ko lauT ā.ūñgī
supurd kar ke use chandni ke hathon mein
main apne ghar ke andheron ko lauT aaungi
kamāl-e-zabt ko ḳhud bhī to āzmā.ūñgī
maiñ apne haath se us kī dulhan sajā.ūñgī
kamal-e-zabt ko KHud bhi to aazmaungi
main apne hath se us ki dulhan sajaungi
-
Share this
- See Ghazal
- Critique
- Comments
- Download
badan ke karb ko vo bhī samajh na pā.egā
maiñ dil meñ ro.ūñgī āñkhoñ meñ muskurā.ūñgī
badan ke karb ko wo bhi samajh na paega
main dil mein roungi aankhon mein muskuraungi
-
Share this
- See Ghazal
- Critique
- Comments
- Download
apne qātil kī zehānat se pareshān huuñ maiñ
roz ik maut na.e tarz kī ījād kare
apne qatil ki zehanat se pareshan hun main
roz ek maut nae tarz ki ijad kare
-
Share this
- See Ghazal
- Critique
- Comments
- Download
dil ajab shahr ki jis par bhī khulā dar is kā
vo musāfir ise har samt se barbād kare
dil ajab shahr ki jis par bhi khula dar is ka
wo musafir ise har samt se barbaad kare
-
Share this
- See Ghazal
- Critique
- Comments
- Download
kuchh faisla to ho ki kidhar jaanā chāhiye
paanī ko ab to sar se guzar jaanā chāhiye
kuchh faisla to ho ki kidhar jaana chahiye
pani ko ab to sar se guzar jaana chahiye
-
Share this
- See Ghazal
- Critique
- Comments
- Download
justujū kho.e huoñ kī umr bhar karte rahe
chāñd ke hamrāh ham har shab safar karte rahe
justuju khoe huon ki umr bhar karte rahe
chand ke hamrah hum har shab safar karte rahe
-
Tag : Justaju
-
Share this
- See Ghazal
- Critique
- Comments
- Download
vo na aa.egā hameñ ma.alūm thā is shaam bhī
intizār us kā magar kuchh soch kar karte rahe
wo na aaega hamein malum tha is sham bhi
intizar us ka magar kuchh soch kar karte rahe
husn ke samajhne ko umr chāhiye jānāñ
do ghaḌī kī chāhat meñ laḌkiyāñ nahīñ khultīñ
husn ke samajhne ko umr chahiye jaanan
do ghaDi ki chahat mein laDkiyan nahin khultin
-
Tag : Husn
-
Share this
- See Ghazal
- Critique
- Comments
- Download
kāñToñ meñ ghire phuul ko chuum aa.egī lekin
titlī ke paroñ ko kabhī chhilte nahīñ dekhā
kanTon mein ghire phul ko chum aaegi lekin
titli ke paron ko kabhi chhilte nahin dekha
-
Share this
- See Ghazal
- Critique
- Comments
- Download
terā ghar aur merā jañgal bhīgtā hai saath saath
aisī barsāteñ ki bādal bhīgtā hai saath saath
tera ghar aur mera jangal bhigta hai sath sath
aisi barsaten ki baadal bhigta hai sath sath
-
Share this
- See Ghazal
- Critique
- Comments
- Download