dar-e-iḳhlās kī dahlīz par ḳham huuñ 'ābid'

ek jiine kā salīqa dil-e-bebāk meñ hai

dar-e-iKHlas ki dahliz par KHam hun 'abid'

ek jine ka saliqa dil-e-bebak mein hai

ik din us ne nain milā ke sharmā ke mukh moḌā thā

tab se sundar sundar sapne man ko ghere phirte haiñ

ek din us ne nain mila ke sharma ke mukh moDa tha

tab se sundar sundar sapne man ko ghere phirte hain

subū uThā ki ye nāzuk maqām hai saaqī

na ahrman hai na yazdāñ hai dekhiye kyā ho

subu uTha ki ye nazuk maqam hai saqi

na ahrman hai na yazdan hai dekhiye kya ho

yā kabhī āshiqī kā khel na khel

yā agar maat ho to haath na mal

ya kabhi aashiqi ka khel na khel

ya agar mat ho to hath na mal

ye hādisa bhī huā hai ki ishq-e-yār kī yaad

dayār-e-qalb se begāna-vār guzrī hai

ye hadisa bhi hua hai ki ishq-e-yar ki yaad

dayar-e-qalb se begana-war guzri hai