Today's top 5 Urdu Shayari

ġham aur ḳhushī meñ farq na mahsūs ho jahāñ

maiñ dil ko us maqām pe laatā chalā gayā

gham aur KHushi mein farq na mahsus ho jahan

main dil ko us maqam pe lata chala gaya

but-ḳhāna toḌ Dāliye masjid ko Dhā.iye

dil ko na toḌiye ye ḳhudā kā maqām hai

but-KHana toD Daliye masjid ko Dhaiye

dil ko na toDiye ye KHuda ka maqam hai

jahāñ pahuñch ke qadam Dagmagā.e haiñ sab ke

usī maqām se ab apnā rāstā hogā

jahan pahunch ke qadam Dagmagae hain sab ke

usi maqam se ab apna rasta hoga

shaam se pahle tirī shaam na hone dūñgā

zindagī maiñ tujhe nākām na hone dūñgā

sham se pahle teri sham na hone dunga

zindagi main tujhe nakaam na hone dunga

dād-o-tahsīn kī bolī nahīñ tafhīm kā naqd

shart kuchh to mire bikne kī munāsib Thahre

dad-o-tahsin ki boli nahin tafhim ka naqd

shart kuchh to mere bikne ki munasib Thahre