aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Khushi

While pain is a perennial

state, happiness is a passing season. In spite of this, they go hand in hand and punctuate our lives. In real terms, happiness has often been elusive and plays tricks with human beings. Here are some verses on this theme.

ġham aur ḳhushī meñ farq na mahsūs ho jahāñ

maiñ dil ko us maqām pe laatā chalā gayā

gham aur KHushi mein farq na mahsus ho jahan

main dil ko us maqam pe lata chala gaya

Sahir Ludhianvi

ab to ḳhushī ġham hai na ġham ḳhushī mujhe

be-his banā chukī hai bahut zindagī mujhe

ab to KHushi ka gham hai na gham ki KHushi mujhe

be-his bana chuki hai bahut zindagi mujhe

Shakeel Badayuni

ek vo haiñ ki jinheñ apnī ḳhushī le Duubī

ek ham haiñ ki jinheñ ġham ne ubharne na diyā

ek wo hain ki jinhen apni KHushi le Dubi

ek hum hain ki jinhen gham ne ubharne na diya

Azad Gulati

ġham hai na ab ḳhushī hai na ummīd hai na yaas

sab se najāt paa.e zamāne guzar ga.e

gham hai na ab KHushi hai na ummid hai na yas

sab se najat pae zamane guzar gae

Khumar Barabankavi

ahbāb ko de rahā huuñ dhokā

chehre pe ḳhushī sajā rahā huuñ

ahbab ko de raha hun dhoka

chehre pe KHushi saja raha hun

Qateel Shifai

are o āsmāñ vaale batā is meñ burā kyā hai

ḳhushī ke chaar jhoñke gar idhar se bhī guzar jaa.eñ

are o aasman wale bata is mein bura kya hai

KHushi ke chaar jhonke gar idhar se bhi guzar jaen

Sahir Ludhianvi

mujhe ḳhabar nahīñ ġham kyā hai aur ḳhushī kyā hai

ye zindagī hai sūrat to zindagī kyā hai

mujhe KHabar nahin gham kya hai aur KHushi kya hai

ye zindagi ki hai surat to zindagi kya hai

Ahsan Marahravi

maiñ bad-nasīb huuñ mujh ko na de ḳhushī itnī

ki maiñ ḳhushī ko bhī le kar ḳharāb kar dūñgā

main bad-nasib hun mujh ko na de KHushi itni

ki main KHushi ko bhi le kar KHarab kar dunga

Abdul Hamid Adam

vo dil le ke ḳhush haiñ mujhe ye ḳhushī hai

ki paas un ke rahtā huuñ maiñ duur ho kar

wo dil le ke KHush hain mujhe ye KHushi hai

ki pas un ke rahta hun main dur ho kar

Jaleel Manikpuri

masarrat zindagī dūsrā naam

masarrat tamannā mustaqil ġham

masarrat zindagi ka dusra nam

masarrat ki tamanna mustaqil gham

Jigar Moradabadi

tamām umr ḳhushī talāsh meñ guzrī

tamām umr taraste rahe ḳhushī ke liye

tamam umr KHushi ki talash mein guzri

tamam umr taraste rahe KHushi ke liye

Abul Mujahid Zahid

aish aish hai na sab ġham hai

zindagī ik hasīn sañgam hai

aish hi aish hai na sab gham hai

zindagi ek hasin sangam hai

Ali Jawwad Zaidi

tere aane se ḳhushī hai dil

juuñ ki bulbul bahār ḳhātir

tere aane se yu KHushi hai dil

jun ki bulbul bahaar ki KHatir

Shaikh Zahuruddin Hatim

sunte haiñ ḳhushī bhī hai zamāne meñ koī chiiz

ham DhūñDte phirte haiñ kidhar hai ye kahāñ hai

sunte hain KHushi bhi hai zamane mein koi chiz

hum DhunDte phirte hain kidhar hai ye kahan hai

Unknown

vo ḳhush huā ki us ko ḳhasārā nahīñ huā

maiñ ro rahā thā merā sahārā chalā gayā

wo KHush hua ki us ko KHasara nahin hua

main ro raha tha mera sahaara chala gaya

Amritanshu Sharma

agar terī ḳhushī hai tere bandoñ masarrat meñ

to ai mere ḳhudā terī ḳhushī se kuchh nahīñ hotā

agar teri KHushi hai tere bandon ki masarrat mein

to ai mere KHuda teri KHushi se kuchh nahin hota

Hari Chand Akhtar

phir de ke ḳhushī ham use nāshād kareñ kyuuñ

ġham se tabī.at hai agar shaad kisī

phir de ke KHushi hum use nashad karen kyun

gham hi se tabiat hai agar shad kisi ki

Hafeez Jalandhari

jaise us kabhī ye ghar na thā

dil meñ barsoñ ḳhushī nahīñ aatī

jaise us ka kabhi ye ghar hi na tha

dil mein barson KHushi nahin aati

Jaleel Manikpuri

saut kyā shai hai ḳhāmushī kyā hai

ġham kise kahte haiñ ḳhushī kyā hai

saut kya shai hai KHamushi kya hai

gham kise kahte hain KHushi kya hai

Farhat Shahzad

kuchh is adā se mohabbat-shanās honā hai

ḳhushī ke baab meñ mujh ko udaas honā hai

kuchh is ada se mohabbat-shanas hona hai

KHushi ke bab mein mujh ko udas hona hai

Rahul Jha

safed-poshī-e-dil bharam bhī rakhnā hai

tirī ḳhushī ke liye terā ġham bhī rakhnā hai

safed-poshi-e-dil ka bharam bhi rakhna hai

teri KHushi ke liye tera gham bhi rakhna hai

Fazil Jamili

vasl raat ḳhushī ne mujhe sone na diyā

maiñ bhī bedār rahā tāle-e-bedār ke saath

wasl ki raat KHushi ne mujhe sone na diya

main bhi bedar raha tale-e-bedar ke sath

Jaleel Manikpuri

diloñ ko tere tabassum yaad yuuñ aa.ī

ki jagmagā uTheñ jis tarah mandiroñ meñ charāġh

dilon ko tere tabassum ki yaad yun aai

ki jagmaga uThen jis tarah mandiron mein charagh

Firaq Gorakhpuri

DhūñD laayā huuñ ḳhushī chhāñv jis ke vāste

ek ġham se bhī use do-chār karnā hai mujhe

DhunD laya hun KHushi ki chhanw jis ke waste

ek gham se bhi use do-chaar karna hai mujhe

Ghulam Husain Sajid

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now