اتر کے شاخ سے اک ایک زرد پتے نے

نئی رتوں کے لیے راستہ بنایا تھا

وحشتیں عشق اور مجبوری

کیا کسی خاص امتحان میں ہوں

یہ کون آگ لگانے پہ ہے یہاں مامور

یہ کون شہر کو مقتل بنانے والا ہے

کسی خیال کسی خواب کے لیے خورشیدؔ

دیا دریچے میں رکھا تھا دل جلایا تھا

دیکھ کر بھی نہ دیکھنا اس کا

یہ ادا تو بتوں میں ہوتی ہے

ذرا سی دیر کو اس نے پلٹ کے دیکھا تھا

ذرا سی بات کا چرچا کہاں کہاں ہوا ہے

وہ تغافل شعار کیا جانے

عشق تو حسن کی ضرورت ہے

خدا کرے کہ کھلے ایک دن زمانے پر

مری کہانی میں جو استعارہ خواب کا ہے

یہ کار محبت بھی کیا کار محبت ہے

اک حرف تمنا ہے اور اس کی پذیرائی

ہوائے تازہ کا جھونکا ادھر سے کیا گزرا

گرے پڑے ہوئے پتوں میں جان آ گئی ہے

میں ہوں اک پیکر خیال و خواب

اور کتنی بڑی حقیقت ہوں

کس کی خاطر اجاڑ رستے پر

پھول لے کر شجر کھڑا ہوا تھا

ماتمی کپڑے پہن لیے تھے میری زمیں نے

اور فلک نے چاند ستارہ پہن لیا تھا

خوابوں کی میں نے ایک عمارت بنائی اور

یادوں کا اس میں ایک دریچہ بنا لیا

ترا بخشا ہوا اک زخم پیارے

چلی ٹھنڈی ہوا جلنے لگا ہے

یہ دل کہ زرد پڑا تھا کئی زمانوں سے

میں تیرا نام لیا اور بہار آ گئی ہے

کسی نے میری طرف دیکھنا نہ تھا خورشیدؔ

تو بے سبب ہی سنوارا گیا تھا کیوں مجھ کو

کوئی نہیں جو مٹائے مری سیہ بختی

فلک پہ کتنے ستارے ہیں جگمگائے ہوئے