aise bichhḌā hai ki milne kī du'ā kartā hai

har mulāqāt pe muñh pher ke jaane vaalā

aise bichhDa hai ki milne ki du'a karta hai

har mulaqat pe munh pher ke jaane wala

us se kahnā ki mirā saath nibhā.e aa kar

merā yādoñ se guzārā nahīñ hone vaalā

us se kahna ki mera sath nibhae aa kar

mera yaadon se guzara nahin hone wala

dekho hamāre dil meñ ujāle haiñ har taraf

ham is ke bāvajūd ujāloñ se duur haiñ

dekho hamare dil mein ujale hain har taraf

hum is ke bawajud ujalon se dur hain

mujhe to terī barbādī bhī barbādī nahīñ lagtī

ki maiñ ne vo bhī dekhā hai jo hai barbād se aage

mujhe to teri barbaadi bhi barbaadi nahin lagti

ki main ne wo bhi dekha hai jo hai barbaad se aage

tum to phir ġhair ho tum se to shikāyat kaisī

mere apne mujhe ġhairoñ kī tarah dekhte haiñ

tum to phir ghair ho tum se to shikayat kaisi

mere apne mujhe ghairon ki tarah dekhte hain