ریختہ کی تجویز شدہ شاعری کا بہترین مجموعہ

شاہراہیں دفعتاً شعلے اگلنے لگ گئیں

گھر کی جانب چل پڑا ہے شہر گھیرا کر تمام

عابد ادیب

زندگی تجھ سے بھی کیا خوب تعلق ہے مرا

جیسے سوکھے ہوئے پتے سے ہوا کا رشتہ

خلش اکبرآبادی

عشق بتاں کا لے کے سہارا کبھی کبھی

اپنے خدا کو ہم نے پکارا کبھی کبھی

عرش ملسیانی

دشت وحشت خیز میں عریاں ہے آغاؔ آپ ہی

قاصد جاناں کو کیا دیتا جو خلعت مانگتا

آغا اکبرآبادی

تمہاری مصلحت اچھی کہ اپنا یہ جنوں بہتر

سنبھل کر گرنے والو ہم تو گر گر کر سنبھلے ہیں

آل احمد سرور

جیسی اب ہے ایسی حالت میں نہیں رہ سکتا

میں ہمیشہ تو محبت میں نہیں رہ سکتا

ظفر اقبال

یار کو میں نے مجھے یار نے سونے نہ دیا

رات بھر طالع بیدار نے سونے نہ دیا

حیدر علی آتش

سنائیے وہ لطیفہ ہر ایک جام کے ساتھ

کہ ایک بوند سے ایمان ٹوٹ جاتا ہے

مظفر حنفی

میں عمر کو تو مجھے عمر کھینچتی ہے الٹ

تضاد سمت کا ہے اسپ اور سوار کے بیچ

اعجاز گل

امیر کارواں ہے تنگ ہم سے

ہمارا راستا سب سے الگ ہے

عابد ادیب

ہماری پسند