آل احمد سرور کی شاعری

ساحل کے سکوں سے کسے انکار ہے لیکن

طوفان سے لڑنے میں مزا اور ہی کچھ ہے

موضوعات : ترغیبی
اور 1 مزید
- حوصلہ

ہم جس کے ہو گئے وہ ہمارا نہ ہو سکا

یوں بھی ہوا حساب برابر کبھی کبھی

تمہاری مصلحت اچھی کہ اپنا یہ جنوں بہتر

سنبھل کر گرنے والو ہم تو گر گر کر سنبھلے ہیں

آتی ہے دھار ان کے کرم سے شعور میں

دشمن ملے ہیں دوست سے بہتر کبھی کبھی

حسن کافر تھا ادا قاتل تھی باتیں سحر تھیں

اور تو سب کچھ تھا لیکن رسم دل داری نہ تھی

بستیاں کچھ ہوئیں ویران تو ماتم کیسا

کچھ خرابے بھی تو آباد ہوا کرتے ہیں

موضوع : ویرانی

لوگ مانگے کے اجالے سے ہیں ایسے مرعوب

روشنی اپنے چراغوں کی بری لگتی ہے

آج پی کر بھی وہی تشنہ لبی ہے ساقی

لطف میں تیرے کہیں کوئی کمی ہے ساقی

موضوع : تشنگی

جہاں میں ہو گئی نا حق تری جفا بد نام

کچھ اہل شوق کو دار و رسن سے پیار بھی ہے

مے کشی کے بھی کچھ آداب برتنا سیکھو

ہاتھ میں اپنے اگر جام لیا ہے تم نے

موضوع : مے کشی

ہم تو کہتے تھے زمانہ ہی نہیں جوہر شناس

غور سے دیکھا تو اپنے میں کمی پائی گئی

کچھ تو ہے ویسے ہی رنگیں لب و رخسار کی بات

اور کچھ خون جگر ہم بھی ملا دیتے ہیں

وہ تبسم ہے کہ غالبؔ کی طرح دار غزل

دیر تک اس کی بلاغت کو پڑھا کرتے ہیں

موضوع : مرزا غالب

جو ترے در سے اٹھا پھر وہ کہیں کا نہ رہا

اس کی قسمت میں رہی در بدری کہتے ہیں

یہ کیا غضب ہے جو کل تک ستم رسیدہ تھے

ستم گروں میں اب ان کا بھی نام آیا ہے

تمام عمر کٹی اس کی جستجو کرتے

بڑے دنوں میں یہ طرز کلام آیا ہے

ابھی آتے نہیں اس رند کو آداب مے خانہ

جو اپنی تشنگی کو فیض ساقی کی کمی سمجھے

موضوع : رند

داستان شوق کتنی بار دہرائی گئی

سننے والوں میں توجہ کی کمی پائی گئی

اب دھنک کے رنگ بھی ان کو بھلے لگتے نہیں

مست سارے شہر والے خون کی ہولی میں تھے

ہستی کے بھیانک نظارے ساتھ اپنے چلے ہیں دنیا سے

یہ خواب پریشاں اور ہم کو تا صبح قیامت سونا ہے

آل احمد سرور

تمام

تعارف

ای-کتاب1448

مضمون40

اقوال30

طنز و مزاح1

شعر20

غزل31

نظم6

آڈیو 11

ویڈیو 2

تصویری شاعری 6

ای-کتاب1448

آل احمد سرور کے اشعار

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books