noImage

Aagha Akbarabadi

Prominent classical poet and contemporary of Dagh Dehlavi, reflecting all the values of romantic bohimianism of classical Urdu ghazal.

Prominent classical poet and contemporary of Dagh Dehlavi, reflecting all the values of romantic bohimianism of classical Urdu ghazal.

hameñ to un mohabbat hai koī kuchh samjhe

hamāre saath mohabbat unheñ nahīñ to nahīñ

hamein to un ki mohabbat hai koi kuchh samjhe

hamare sath mohabbat unhen nahin to nahin

kisī ko koste kyuuñ ho duā apne liye māñgo

tumhārā fā.eda kyā hai jo dushman zarar hogā

kisi ko koste kyun ho dua apne liye mango

tumhaara faeda kya hai jo dushman ka zarar hoga

raqīb qatl huā us teġh-e-abrū se

harām-zāda thā achchhā huā halāl huā

raqib qatl hua us ki tegh-e-abru se

haram-zada tha achchha hua halal hua

kisī sayyād paḌ jaa.e na chiḌiyā pe nazar

aap sarkā.eñ na mahram se dupaTTā apnā

kisi sayyaad ki paD jae na chiDiya pe nazar

aap sarkaen na mahram se dupaTTa apna

sanam-parastī karūñ tark kyūñkar ai vaa.iz

butoñ zikr ḳhudā kitāb meñ dekhā

sanam-parasti karun tark kyunkar ai waiz

buton ka zikr KHuda ki kitab mein dekha

kuchh aisī pilā de mujhe ai pīr-e-muġhāñ aaj

qaiñchī tarah chalne lagī merī zabāñ aaj

kuchh aisi pila de mujhe ai pir-e-mughan aaj

qainchi ki tarah chalne lagi meri zaban aaj

ham na kahte the ki saudā zulf achchhā nahīñ

dekhiye to ab sar-e-bāzār rusvā kaun hai

hum na kahte the ki sauda zulf ka achchha nahin

dekhiye to ab sar-e-bazar ruswa kaun hai

mai-kashoñ meñ na koī mujh namāzī hogā

dar-e-mai-ḳhāna pe bichhtā hai musallā apnā

mai-kashon mein na koi mujh sa namazi hoga

dar-e-mai-KHana pe bichhta hai musalla apna

dekhiye paar ho kis tarah se beḌā apnā

mujh ko tūfāñ ḳhabar dīda-e-tar dete haiñ

dekhiye par ho kis tarah se beDa apna

mujh ko tufan ki KHabar dida-e-tar dete hain

haath donoñ mirī gardan meñ hamā.il kiije

aur ġhairoñ ko dikhā diije añgūThā apnā

hath donon meri gardan mein hamail kije

aur ghairon ko dikha dije anguTha apna

tā-marg mujh se tark na hogī kabhī namāz

par nashsha-e-sharāb ne majbūr kar diyā

ta-marg mujh se tark na hogi kabhi namaz

par nashsha-e-sharab ne majbur kar diya

sharāb piite haiñ to jāgte haiñ saarī raat

mudām ābid-e-shab-zinda-dār ham bhī haiñ

sharab pite hain to jagte hain sari raat

mudam aabid-e-shab-zinda-dar hum bhi hain

do-shāla shaal kashmīrī amīroñ ko mubārak ho

galīm-e-kohna meñ jaaḌā faqīroñ basar hogā

do-shaala shaal kashmiri amiron ko mubarak ho

galim-e-kohna mein jaDa faqiron ka basar hoga

dasht-e-vahshat-ḳhez meñ uryāñ hai 'āġhā' aap

qāsid-e-jānāñ ko kyā detā jo ḳhil.at māñgtā

dasht-e-wahshat-KHez mein uryan hai 'agha' aap hi

qasid-e-jaanan ko kya deta jo KHilat mangta

zāhido ka.abe jānib khīñchte ho kyuuñ mujhe

nahīñ lagtā kabhī mazdūr begār meñ

zahido kabe ki jaanib khinchte ho kyun mujhe

ji nahin lagta kabhi mazdur ka begar mein

but nazar ā.eñge māshūqoñ kasrat hogī

aaj but-ḳhāna meñ allāh qudrat hogī

but nazar aaenge mashuqon ki kasrat hogi

aaj but-KHana mein allah ki qudrat hogi

dar-ba-dar phirne ne merī qadr khoī ai falak

un ke dil meñ jagah miltī jo ḳhalvat māñgtā

dar-ba-dar phirne ne meri qadr khoi ai falak

un ke dil mein hi jagah milti jo KHalwat mangta

dekho to ek pe Thahartī nahīñ nazar

lapkā paḌā hai aañkh ko kyā dekh-bhāl

dekho to ek ja pe Thaharti nahin nazar

lapka paDa hai aankh ko kya dekh-bhaal ka

chāhtā hai us but-e-kāfir ke ishq meñ

tasbīh toḌ Dāliye zunnār dekh kar

ji chahta hai us but-e-kafir ke ishq mein

tasbih toD Daliye zunnar dekh kar

riñd-mashrab haiñ kisī se hameñ kuchh kaam nahīñ

dair apnā hai na ka.aba na kalīsā apnā

rind-mashrab hain kisi se hamein kuchh kaam nahin

dair apna hai na kaba na kalisa apna

shikāyat mujh ko donoñ se hai nāseh ho ki vaa.iz ho

na samjhā huuñ na samjhūñ sar phirā le jis chāhe

shikayat mujh ko donon se hai naseh ho ki waiz ho

na samjha hun na samjhun sar phira le jis ka ji chahe

junūñ ke haath se hai in dinoñ garebāñ tañg

qabā pukārtī hai taar taar ham bhī haiñ

junun ke hath se hai in dinon gareban tang

qaba pukarti hai tar tar hum bhi hain

tavāf-e-ka.aba ko kyā jaa.eñ haj nahīñ vājib

kalāl-ḳhāne ke kuchh dīn-dār ham bhī haiñ

tawaf-e-kaba ko kya jaen haj nahin wajib

kalal-KHane ke kuchh din-dar hum bhi hain

in parī-rūyoñ aisī agar kasrat rahī

thoḌe arsa meñ paristāñ āgara ho jā.egā

in pari-ruyon ki aisi hi agar kasrat rahi

thoDe arsa mein paristan aagara ho jaega

mai-kasho der hai kyā daur chale bismillāh

aa.ī hai shīsha-o-sāġhar talabgār ghaTā

mai-kasho der hai kya daur chale bismillah

aai hai shisha-o-saghar ki talabgar ghaTa

o sitamgar tirī talvār dhabbā chhaT jaa.e

apne dāman ko lahū se mire bhar jaane de

o sitamgar teri talwar ka dhabba chhaT jae

apne daman ko lahu se mere bhar jaane de

va.ada-e-bāda-e-at.har bharosa kab tak

chal ke bhaTTī pe piyeñ jur.a-e-irfāñ kaisā

wada-e-baada-e-athar ka bharosa kab tak

chal ke bhaTTi pe piyen jura-e-irfan kaisa

paan khā kar jo ugaal aap ne thūkā sāhab

jauharī mahv hue la.al-e-yaman yaad aayā

pan kha kar jo ugal aap ne thuka sahab

jauhari mahw hue lal-e-yaman yaad aaya