kaise nikhre shā.erī aur tarz-e-iz.hār

is meñ hotā hai miyāñ ḳhūn-e-dil darkār

kaise nikhre shaeri aur tarz-e-izhaar

is mein hota hai miyan KHun-e-dil darkar

yaad aatā hai rah rah ke chhoTā sā vo gaañv

bargad pīpal kī vahī pyārī pyārī chhāñv

yaad aata hai rah rah ke chhoTa sa wo ganw

bargad pipal ki wahi pyari pyari chhanw

sahme sahme qāfile patthar-dil haiñ log

ham haiñ un ke biich ab ye to ik sanjog

sahme sahme qafile patthar-dil hain log

hum hain un ke bich ab ye to ek sanjog