محبت کرنے والے درد میں تنہا نہیں ہوتے

جو روٹھو گے کبھی مجھ سے تو اپنا دل دکھاؤ گے

زندگی سندر غزل ہے دوستو

زندگی کو گنگنانا چاہئے

میں جی بھر کے رویا تو آرام آیا

مرا غم ہی آخر مرے کام آیا

دکھ پہ میرے رو رہا تھا جو بہت

جاتے جاتے کہہ گیا اچھا ہوا

دیکھنا کیسے پگھلتے جاؤ گے

جب مری آغوش میں تم آؤ گے

ہم لکیریں کرید کر دیکھیں

رنگ لائے گا کیا یہ سال نیا

ہم نے مل جل کے گزارے تھے جو دن اچھے تھے

لمحے وہ پھر سے جو آتے تو بہت اچھا تھا

نیلا امبر چاند ستارے بچوں کی جاگیریں ہیں

اپنی دنیا میں تو بس دیواریں ہی زنجیریں ہیں

جو ہوا جیسا ہوا اچھا ہوا

جب جہاں جو ہو گیا اچھا ہوا

صبر کی تکرار تھی جوش و جنون عشق سے

زندگی بھر دل مجھے میں دل کو سمجھاتا رہا

دیکھا نہ تجھے اے رب ہم نے ہاں دنیا تیری دیکھی ہے

سڑکوں پر بھوکے بچے بھی کوٹھے پر ابلہ ناری بھی

عازمؔ تیری بربادی میں سب نے مل جل کر کام کیا

کچھ کھیل لکیروں کا بھی ہے کچھ وقت کی کارگزاری بھی

رنگ آ جاتا تھا ان کی دید سے رخ پر مرے

دیکھ کر اب وہ بھی مجھ کو سرخ رو ہونے لگے

بات چل نکلے گی پھر اقرار کی انکار کی

پھر وہی بچپن کے بھولے گیت گائے جائیں گے

آدمی کو چاہئے توفیق چلنے کی فقط

کچھ نہیں تو گزرے وقتوں کا دھواں لے کر چلے

کون باندھے گا مری بکھری ہوئی امید کو

کھل رہا ہے اب تو ہر حلقہ مری زنجیر کا

وہ جاتے جاتے مجھے اپنے غم بھی سونپ گیا

عجیب ڈھنگ نکالا ہے غم گساری کا

یہ کیا ہوا کہ اب تجھی سے بد گماں میں ہو گیا

میں سوچتا تھا زندگی تو مجھ کو راس آ گئی

مجھے عیاریاں سب آ گئی ہیں

میں اب تیرے نگر کا ہو گیا ہوں

کون جانے کس گھڑی یاں کیا سے کیا ہو کر رہے

خوف سا اک درمیاں ہوتا ہے تیرے شہر میں

مرے ہر زخم پر اک داستاں تھی اس کے ظلموں کی

مرے خوں بار دل پر اس کے ہاتھوں کا نشاں بھی تھا