aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Ajmal Siddiqui's Photo'

اجمل صدیقی

1981 | دلی, انڈیا

اجمل صدیقی کے اشعار

788
Favorite

باعتبار

آس پہ تیری بکھرا دیتا ہوں کمرے کی سب چیزیں

آس بکھرنے پر سب چیزیں خود ہی اٹھا کے رکھتا ہوں

بول پڑتا تو مری بات مری ہی رہتی

خامشی نے ہیں دئے سب کو فسانے کیا کیا

بازار میں اک چیز نہیں کام کی میرے

یہ شہر مری جیب کا رکھتا ہے بھرم خوب

کبھی خوف تھا ترے ہجر کا کبھی آرزو کے زوال کا

رہا ہجر و وصل کے درمیاں تجھے کھو سکا نہ میں پا سکا

ہر ایک صبح وضو کرتی ہیں مری آنکھیں

کہ شاید آج تو آ جائے وہ حبیب نظر

کیا کیا نہ پڑھا اس مکتب میں، کتنے ہی ہنر سیکھے ہیں یہاں

اظہار کبھی آنکھوں سے کیا کبھی حد سے سوا بے باک ہوا

الگ الگ تاثیریں ان کی، اشکوں کے جو دھارے ہیں

عشق میں ٹپکیں تو ہیں موتی، نفرت میں انگارے ہیں

دل تو سادہ ہے تیری ہر بات کو سچا مانتا ہے

عقل نے باتیں کرتے تیرا آنکھ چرانا دیکھا ہے

یہ ہی ہیں دن، باغی اگر بننا ہے بن

تجھ پر ستم کس کو پتا پھر ہو نہ ہو

میرے ساتھ سوئے جنون چل مرے زخم کھا مرا رقص کر

میرے شعر پڑھ کے ملے گا کیا پتا پڑھ کے گھر کوئی پا سکا؟

جس دن سے گیا وہ جان غزل ہر مصرعے کی صورت بگڑی

ہر لفظ پریشاں دکھتا ہے، اس درجہ ورق نمناک ہوا

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے