Anees Ansari's Photo'

Anees Ansari

1949 | Fatehpur, India

112
Favorite

SORT BY

maiñ ne āñkhoñ meñ jalā rakhā hai āzādī tel

mat añdheroñ se Darā rakh ki maiñ jo huuñ so huuñ

main ne aankhon mein jala rakha hai aazadi ka tel

mat andheron se Dara rakh ki main jo hun so hun

baḌā āzār-e-jāñ hai vo agarche mehrbāñ hai vo

agarche mehrbāñ hai vo baḌā āzār-e-jāñ hai vo

baDa aazar-e-jaan hai wo agarche mehrban hai wo

agarche mehrban hai wo baDa aazar-e-jaan hai wo

naam terā bhī rahegā na sitamgar baaqī

jab hai fir.aun na chañgez lashkar baaqī

nam tera bhi rahega na sitamgar baqi

jab hai firaun na changez ka lashkar baqi

kabhī darvesh ke takiya meñ bhī aa kar dekho

tañg-dastī meñ bhī ārām mayassar niklā

kabhi darwesh ke takiya mein bhi aa kar dekho

tang-dasti mein bhi aaram mayassar nikla

laash qātil ne khulī pheñk chaurāhe par

dekhne vaalā koī ghar se na bāhar niklā

lash qatil ne khuli phenk di chaurahe par

dekhne wala koi ghar se na bahar nikla

tirī mahfil meñ sab baiThe haiñ aa kar

hamārā baiThnā dushvār kyuuñ hai

teri mahfil mein sab baiThe hain aa kar

hamara baiThna dushwar kyun hai

har ek shaḳhs tumhārī tarah nahīñ hotā

koī kisī se mohabbat kahāñ kare kaise

har ek shaKHs tumhaari tarah nahin hota

koi kisi se mohabbat kahan kare kaise

tum ko bhī pahchān nahīñ hai shāyad merī uljhan

lekin ham milte rahte to achchhā rahtā jānam

tum ko bhi pahchan nahin hai shayad meri uljhan ki

lekin hum milte rahte to achchha hi rahta jaanam

hijr ke chhoTe gaañv se ham ne shahr-e-vasl ko hijrat

shahr-e-vasl ne niiñd uḌā kar ḳhvāboñ ko pāmāl kiyā

hijr ke chhoTe ganw se hum ne shahr-e-wasl ko hijrat ki

shahr-e-wasl ne nind uDa kar KHwabon ko pamal kiya

ek ġham hotā to siine se lagā letā koī

ġham ambār uThāne pe na pahuñchā āḳhir

ek gham hota to sine se laga leta koi

gham ka ambar uThane pe na pahuncha aaKHir

banā kar rakh ghar achchhā rahegā

mālik ban kirā.e-dār kyuuñ hai

bana kar rakh tu ghar achchha rahega

tu malik ban kirae-dar kyun hai

tum dard lazzat kyā jaano kab tum ne chakhe haiñ zahr-e-subū

ham apne vajūd ke shāhid haiñ sañgsār hue shamshīr hue

tum dard ki lazzat kya jaano kab tum ne chakhe hain zahr-e-subu

hum apne wajud ke shahid hain sangsar hue shamshir hue

jo parinde uḌ nahīñ sakte ab un ḳhair ho

aane vaalā hai isī jānib shikārī haa.e haa.e

jo parinde uD nahin sakte ab un ki KHair ho

aane wala hai isi jaanib shikari hae hae

totlī umr meñ jo bachcha zarā mushfiq thā

kuchh baḌā ho ke dahāne pe na pahuñchā āḳhir

totli umr mein jo bachcha zara mushfiq tha

kuchh baDa ho ke dahane pe na pahuncha aaKHir

tirī āñkhoñ ne dhoyā hai mujhe yuuñ

maiñ bilkul sāf-suthrā ho gayā huuñ

teri aankhon ne dhoya hai mujhe yun

main bilkul saf-suthra ho gaya hun

hijr meñ vaise bhī aatī hai musībat jaan par

par raqīboñ alag hai ḳhanda-kārī haa.e haa.e

hijr mein waise bhi aati hai musibat jaan par

par raqibon ki alag hai KHanda-kari hae hae