ik bevafā ke pyaar meñ had se guzar ga.e

kāfir ke pyaar ne hameñ kāfir banā diyā

ek bewafa ke pyar mein had se guzar gae

kafir ke pyar ne hamein kafir bana diya

is daur-e-āḳhirī kī jahālat to dekhiye

jis kī zabāñ-darāz hukūmat usī kī hai

is daur-e-aKHiri ki jahaalat to dekhiye

jis ki zaban-daraaz hukumat usi ki hai

maiñ hisār-e-zulmat-e-shab meñ huuñ jo bhaTak rahā huuñ galī galī

mujhe tīrgī se gilā nahīñ mujhe raushnī kī talāsh hai

main hisar-e-zulmat-e-shab mein hun jo bhaTak raha hun gali gali

mujhe tirgi se gila nahin mujhe raushni ki talash hai

mohabbat bāñTanā sīkho mohabbat hai atā rab kī

mohabbat bāñTne vaale tavīl-ul-umr hote haiñ

mohabbat banTana sikho mohabbat hai ata rab ki

mohabbat banTne wale tawil-ul-umr hote hain

mujh ko aḳhbār sī lagtī haiñ tumhārī bāteñ

har na.e roz nayā fitna bayāñ kartī haiñ

mujh ko aKHbar si lagti hain tumhaari baaten

har nae roz naya fitna bayan karti hain