دونوں لازم ہیں لا زوال بھی ہیں

اک ترا حسن اک مرا یہ عشق

تیرے سانچے میں ڈھل گیا آخر

شہر سارا بدل گیا آخر

ہر طرف دوستی کا میلہ ہے

پھر بھی ہر آدمی اکیلا ہے

ہار جائے گی زندگی لیکن

ہارنے کا نہیں مرا یہ عشق

جسے بھی دوست بنایا وہ بن گیا دشمن

یہ ہم نے کون سی تقصیر کی سزا پائی

کس سادگی سے وہ بھی دغا دے گیا مجھے

جس شخص نے کہا تھا کبھی دیوتا مجھے

فرحتؔ سناؤں کس کو کہانی میں گاؤں کی

گھر گھر میں زندہ لاشیں تھیں مجبور ماؤں کی

میرے ہر ایک سچ پہ انہیں جھوٹ کا گماں

کرتا ہے بد گمان خدا خیر ہی کرے

میں عقیدت میں نعت لکھتا ہوں

میں حقیقت میں نعت لکھتا ہوں

شہر کا شہر مری جاں کی طلب رکھتا ہے

آج سوچا ہے یہی جان کا صدقہ دے دوں

اک دوسرے سے خوف کی شدت تھی اس قدر

کل رات اپنے آپ سے میں خود لپٹ گیا

پھیلے ہیں سارے شہر میں قصے عجیب سے

گزرا ہے جب بھی پھول سا چہرہ قریب سے

وہ میرے بخت کی تحریر کیوں نہیں بنتا

وہ میرا خواب ہے تعبیر کیوں نہیں بنتا

چہرے بدل بدل کے کہانی سنا گئے

درد و الم فراق مری جاں کو آ گئے

یہ کائنات آج بھی منسوب آپ سے

یہ کائنات آج بھی جاگیر آپ کی

تم اسے لے چلو لب کوثر

اے فرشتو یہ کربلائی ہے

زلزلوں کی نمود سے فرحتؔ

مستقر مستقر نہیں رہتے

رقص کرتے ہوئے بگولوں میں

ماتمی شور بھی ہوا کا ہے

تعمیر کر گئے کبھی مسمار ہو گئے

لمحے مری اٹھان کو دیوار کر گئے

بے تابیٔ اظہار نے یوں خاک کیا ہے

دزدیدہ نگاہی نے مجھے چاک کیا ہے

دن نکلتے ہی بدن پر حبس کی یورش ہوئی

رات بھر سوچوں کے پتھراؤ سے سر جلتا رہا

بات اہل جنوں کی کیا سمجھے

وہ خرد جو کڑے زیان میں ہے

لاکھ اجزا میں ہو گیا تقسیم

کیا عجب مجتمع ہوا فرحتؔ