آنے لگے ہیں وہ بھی عیادت کے واسطے

اے چارہ گر مریض کو اچھا کیا نہ جائے

سینے میں راز عشق چھپایا نہ جائے گا

یہ آگ وہ ہے جس کو دبایا نہ جائے گا

پھر گئی اک اور ہی دنیا نظر کے سامنے

بیٹھے بیٹھے کیا بتاؤں کیا مجھے یاد آ گیا

ان کی جفاؤں پر بھی وفا کا ہوا گماں

اپنی وفاؤں کو بھی فراموش کر دیا

ہوئی مدت کہ ان کو خواب میں بھی اب نہیں دیکھا

میں جن گلیوں میں اپنے دوستوں کے ساتھ کھیلا تھا

بھولی نہیں اجڑے ہوئے گلشن کی بہاریں

ہاں یاد ہیں وہ دن کہ ہمارا بھی خدا تھا

کس شان سے گئے ہیں شہیدان کوئے یار

قاتل بھی ہاتھ اٹھا کے شریک دعا ہوئے