ik dhamā-chaukḌī hai siine meñ

ye kahīñ be-lagām dil to nahīñ

ek dhama-chaukDi hai sine mein

ye kahin be-lagam dil to nahin

sūkhne vaale phir hare na hue

raah kī ghaas phir na phūlī-phalī

sukhne wale phir hare na hue

rah ki ghas phir na phuli-phali

sab log muntazir haiñ ki darvāza kuchh kahe

dīvār se savāl kisī ne nahīñ kiyā

sab log muntazir hain ki darwaza kuchh kahe

diwar se sawal kisi ne nahin kiya

qarīb thā ki mire haq meñ boltā insāf

muqaddame kī samā'at ne ghuTne Tek diye

qarib tha ki mere haq mein bolta insaf

muqaddame ki sama'at ne ghuTne Tek diye

chāra-garān-e-zaḳhm ko phir bhī mirā salām

hālāñki indimāl kisī ne nahīñ kiyā

chaara-garan-e-zaKHm ko phir bhi mera salam

haalanki indimal kisi ne nahin kiya

āḳhirī ḳhat liye āḳhirī moḌ par

āḳhirī baar dekhā gayā Dākiyā

aaKHiri KHat liye aaKHiri moD par

aaKHiri bar dekha gaya Dakiya

vā'doñ ke jis maqām pe chhoḌā thā aap ne

ham aaj tak vahīñ pe khaḌe haiñ janāb-e-man

wa'don ke jis maqam pe chhoDa tha aap ne

hum aaj tak wahin pe khaDe hain janab-e-man

aisā nahīñ ki phuul daraḳhtoñ hī se gire

kuchh shāḳh-e-chashm se bhī jhaḌe haiñ janāb-e-man

aisa nahin ki phul daraKHton hi se gire

kuchh shaKH-e-chashm se bhi jhaDe hain janab-e-man

dil meñ aa.e koī kharī 'aurat

ye kuaañ bhar gayā hai khoTiyoñ se

dil mein aae koi khari 'aurat

ye kuan bhar gaya hai khoTiyon se

ḳhushk hoñToñ se mā'zarat kar lī

dil ke sahrā meñ mar ga.e mire uuñT

KHushk honTon se ma'zarat kar li

dil ke sahra mein mar gae mere unT

terī furqat ke daaġh dil meñ rakhe

tere kūche kī ḳhaak muñh pe malī

teri furqat ke dagh dil mein rakhe

tere kuche ki KHak munh pe mali

maiñ tire ḳhālī haath ke qurbān

mujh se milnā magar gulāb samet

main tere KHali hath ke qurban

mujh se milna magar gulab samet

niiñd aatī hai karvaTeñ le kar

ranj ke saath iztirāb samet

nind aati hai karwaTen le kar

ranj ke sath iztirab samet

dasht darpesh hai so chaltā huuñ

aañkh meñ bhar ke tiin chaar daraḳht

dasht darpesh hai so chalta hun

aankh mein bhar ke tin chaar daraKHt

ye pā.eleñ to mirī tab’-zād haiñ lekin

mire kalām meñ kangan kahāñ se aatā hai

ye paelen to meri tab’-zad hain lekin

mere kalam mein kangan kahan se aata hai

Duub jaane meñ koī harj nahīñ

Dūbnā ho agar sharāb samet

Dub jaane mein koi harj nahin

Dubna ho agar sharab samet

muḳhtasar ye ki ḳhānamāñ-barbād

bistaroñ meñ qiyām ko tarse

muKHtasar ye ki KHanaman-barbaad

bistaron mein qiyam ko tarse

ek bhī sīdhī kal nahīñ 'ikrām'

apne ajdād par ga.e mire uuñT

ek bhi sidhi kal nahin 'ikram'

apne ajdad par gae mere unT