عمران الحق چوہان کی شاعری

عمران الحق چوہان کے اشعار

خواب، امید، تمنائیں، تعلق، رشتے

جان لے لیتے ہیں آخر یہ سہارے سارے

ہار ہی جیت ہے آئین وفا کی رو سے

یہ وہ بازی ہے جہاں جیت کے ہارے سارے

وقت ہر زخم کو بھر دیتا ہے کچھ بھی کیجے

یاد رہ جاتی ہے ہلکی سی چبھن کی حد تک

کیا جانے شاخ وقت سے کس وقت گر پڑوں

مانند برگ زرد ابھی ڈولتا ہوں میں

اپنے لہو میں زہر بھی خود گھولتا ہوں میں

سوز دروں کسی پہ نہیں کھولتا ہوں میں

عجیب خوف کا موسم ہے ان دنوں عمرانؔ

سگندھ لے کے ہوا دور تک نہیں جاتی

رنگ ہو روشنی ہو یا خوشبو

سب میں پرتو اسی حسیں کے ہیں