Jagat Mohan Lal Ravan's Photo'

جگت موہن لال رواں

1889 - 1934 | لکھنؤ, ہندوستان

اپنی رباعیات اور گوتم بدھ پر طویل نظم کے لیے مشہور

اپنی رباعیات اور گوتم بدھ پر طویل نظم کے لیے مشہور

130
Favorite

باعتبار

وہ خوش ہو کے مجھ سے خفا ہو گیا

مجھے کیا امیدیں تھیں کیا ہو گیا

اس کو خزاں کے آنے کا کیا رنج کیا قلق

روتے کٹا ہو جس کو زمانہ بہار کا

پیش تو ہوگا عدالت میں مقدمہ بیشک

جرم قاتل ہی کے سر ہو یہ ضروری تو نہیں

اگر کچھ روز زندہ رہ کے مر جانا مقدر ہے

تو اس دنیا میں آخر باعث تخلیق جاں کیا تھا

توڑا ہے دم ابھی ابھی بیمار ہجر نے

آئے مگر حضور کو تاخیر ہو گئی

وہ بادہ نوش حقیقت ہے اس جہاں میں رواںؔ

کہ جھوم جائے فلک گر اسے خمار آئے

سامنے تعریف غیبت میں گلہ

آپ کے دل کی صفائی دیکھ لی

ہنسے بھی روئے بھی لیکن نہ سمجھے

خوشی کیا چیز ہے دنیا میں غم کیا

ابھی تک فصل گل میں اک صدائے درد آتی ہے

وہاں کی خاک سے پہلے جہاں تھا آشیاں میرا

یہی ہستی اسی ہستی کے کچھ ٹوٹے ہوئے رشتے

وگرنہ ایسا پردہ میرے ان کے درمیاں کیا تھا

کچھ اضطراب عشق کا عالم نہ پوچھئے

بجلی تڑپ رہی تھی کہ جان اس بدن میں تھی

آئیں پسند کیا اسے دنیا کی راحتیں

جو لذت آشنائے ستم ہائے ناز تھا