Jaleel Manikpuri's Photo'

Jaleel Manikpuri

1866 - 1946 | Hyderabad, India

One of the most popular post-classical poets and disciple of Ameer Minai and succeeded Dagh as court poet of Hyderabad.

One of the most popular post-classical poets and disciple of Ameer Minai and succeeded Dagh as court poet of Hyderabad.

aap pahlū meñ jo baiTheñ to sambhal kar baiTheñ

dil-e-betāb ko aadat hai machal jaane

when you come into my arms you should be aware

my restless heart is wont to leap, it may give you a scare

aap pahlu mein jo baiThen to sambhal kar baiThen

dil-e-betab ko aadat hai machal jaane ki

when you come into my arms you should be aware

my restless heart is wont to leap, it may give you a scare

mohabbat rañg de jaatī hai jab dil dil se miltā hai

magar mushkil to ye hai dil baḌī mushkil se miltā hai

mohabbat rang de jati hai jab dil dil se milta hai

magar mushkil to ye hai dil baDi mushkil se milta hai

tasadduq is karam ke maiñ kabhī tanhā nahīñ rahtā

ki jis din tum nahīñ aate tumhārī yaad aatī hai

tasadduq is karam ke main kabhi tanha nahin rahta

ki jis din tum nahin aate tumhaari yaad aati hai

baat ulTī vo samajhte haiñ jo kuchh kahtā huuñ

ab pūchhā to ye kah dūñgā ki haal achchhā hai

baat ulTi wo samajhte hain jo kuchh kahta hun

ab ki puchha to ye kah dunga ki haal achchha hai

aap ne tasvīr bhejī maiñ ne dekhī ġhaur se

har adā achchhī ḳhamoshī adā achchhī nahīñ

aap ne taswir bheji main ne dekhi ghaur se

har ada achchhi KHamoshi ki ada achchhi nahin

shab ko mai ḳhuub sub.h ko tauba kar

riñd ke riñd rahe haath se jannat na ga.ī

shab ko mai KHub si pi subh ko tauba kar li

rind ke rind rahe hath se jannat na gai

jab maiñ chalūñ to saaya bhī apnā na saath de

jab tum chalo zamīn chale āsmāñ chale

jab main chalun to saya bhi apna na sath de

jab tum chalo zamin chale aasman chale

nigāh barq nahīñ chehra āftāb nahīñ

vo aadmī hai magar dekhne taab nahīñ

nigah barq nahin chehra aaftab nahin

wo aadmi hai magar dekhne ki tab nahin

baat saaqī na Taalī jā.egī

kar ke tauba toḌ Daalī jā.egī

the wishes of my saaqii I will not ignore

the vow of abstinence I take, will forthwith abjure

baat saqi ki na Tali jaegi

kar ke tauba toD Dali jaegi

the wishes of my saaqii I will not ignore

the vow of abstinence I take, will forthwith abjure

kuchh is adā se aap ne pūchhā mirā mizāj

kahnā paḌā ki shukr hai parvardigār

you inquired how I was in such an artful way

except for 'God is kind' there is little I could say

kuchh is ada se aap ne puchha mera mizaj

kahna paDa ki shukr hai parwardigar ka

you inquired how I was in such an artful way

except for 'God is kind' there is little I could say

sab kuchh ham un se kah ga.e lekin ye ittifāq

kahne thī jo baat vahī dil meñ rah ga.ī

sab kuchh hum un se kah gae lekin ye ittifaq

kahne ki thi jo baat wahi dil mein rah gai

raat ko sonā na sonā sab barābar ho gayā

tum na aa.e ḳhvāb meñ āñkhoñ meñ ḳhvāb aayā to kyā

raat ko sona na sona sab barabar ho gaya

tum na aae KHwab mein aankhon mein KHwab aaya to kya

aise chhupne se na chhupnā thā behtar terā

hai parde meñ magar zikr hai ghar ghar terā

aise chhupne se na chhupna hi tha behtar tera

tu hai parde mein magar zikr hai ghar ghar tera

hotī kahāñ hai dil se judā dil aarzū

jaatā kahāñ hai sham.a ko parvāna chhoḌ kar

hoti kahan hai dil se juda dil ki aarzu

jata kahan hai shama ko parwana chhoD kar

zindagī kyā jo basar ho chain se

dil meñ thoḌī tamannā chāhiye

zindagi kya jo basar ho chain se

dil mein thoDi si tamanna chahiye

maiñ samajhtā huuñ ki hai jannat o dozaḳh kyā chiiz

ek hai vasl tirā ek hai furqat terī

main samajhta hun ki hai jannat o dozaKH kya chiz

ek hai wasl tera ek hai furqat teri

qāsid payām-e-shauq ko denā bahut na tuul

kahnā faqat ye un se ki āñkheñ taras ga.iiñ

qasid payam-e-shauq ko dena bahut na tul

kahna faqat ye un se ki aankhen taras gain

aate aate aa.egā un ko ḳhayāl

jaate jaate be-ḳhayālī jā.egī

aate aate aaega un ko KHayal

jate jate be-KHayali jaegi

dard se vāqif na the ġham se shanāsā.ī na thī

haa.e kyā din the tabī.at jab kahīñ aa.ī na thī

dard se waqif na the gham se shanasai na thi

hae kya din the tabiat jab kahin aai na thi

sach hai ehsān bhī bojh bahut hotā hai

chaar phūloñ se dabī jaatī hai turbat merī

sach hai ehsan ka bhi bojh bahut hota hai

chaar phulon se dabi jati hai turbat meri