آپ میں گم ہیں مگر سب کہ خبر رکھتے ہیں

گھر میں بیٹھے ہیں زمانے پہ نظر رکھتے ہیں

اس کی خموشیوں میں نہاں کتنا شور تھا

مجھ سے سوا وہ درد کا خوگر لگا مجھے

کتنے ہاتھوں نے تراشے یہ حسیں تاج محل

جھانکتے ہیں در و دیوار سے کیا کیا چہرے

ختم ہو جائیں جنہیں دیکھ کے بیماری دل

ڈھونڈ کر لائیں کہاں سے وہ مسیحا چہرے

پیڑ کا دکھ تو کوئی پوچھنے والا ہی نہ تھا

اپنی ہی آگ میں جلتا ہوا سایہ دیکھا

میں تو تنہا تھا مگر تجھ کو بھی تنہا دیکھا

اپنی تصویر کے پیچھے ترا چہرا دیکھا

یوں دل میں آج نور کی بارش ہوئی جمیلؔ

جیسے کوئی چراغ جلا دے بجھا ہوا

جاں نذر کی تو دونوں جہاں مل گئے ہمیں

طے مرگ و زندگی کا ہر اک مرحلہ ہوا

باغ میں جا کر دیکھ لیا

کوئی نہیں تھا تجھ سا پھول

ہم تو تمام عمر تری ہی ادا رہے

یہ کیا ہوا کہ پھر بھی ہمیں بے وفا رہے

کیسے تھے لوگ جن کی زبانوں میں نور تھا

اب تو تمام جھوٹ ہے سچائیوں میں بھی

دل کی قیمت تو محبت کے سوا کچھ بھی نہ تھی

جو ملے صورت زیبا کے خریدار ملے

یہ کیا ضرور ہے میں کہوں اور تو سنے

جو میرا حال ہے وہ تجھے بھی پتا تو ہے

ہم سے کوئی تعلق خاطر تو ہے اسے

وہ یار با وفا نہ سہی بے وفا تو ہے

یہ منظر یہ روپ انوکھے سب شہکار ہمارے ہیں

ہم نے اپنے خون جگر سے کیا کیا نقش ابھارے ہیں

ایک ذرا سی بھول پہ ہم کو اتنا تو بد نام نہ کر

ہم نے اپنے گھاؤ چھپا کر تیرے کاج سنوارے ہیں

سب کو پھول اور کلیاں بانٹو ہم کو دو سوکھے پتے

یہ کیسے تحفے لائے ہو یہ کیا برگ فروشی ہے