Khushbir Singh Shaad's Photo'

Khushbir Singh Shaad

1954 | Jalandhar, India

One of the most prominent contemporary poets, also having popular appeal.

One of the most prominent contemporary poets, also having popular appeal.

2K
Favorite

SORT BY

ragoñ meñ zahr-e-ḳhamoshī utarne se zarā pahle

bahut taḌpī koī āvāz marne se zarā pahle

ragon mein zahr-e-KHamoshi utarne se zara pahle

bahut taDpi koi aawaz marne se zara pahle

rafta rafta sab tasvīreñ dhundlī hone lagtī haiñ

kitne chehre ek purāne album meñ mar jaate haiñ

rafta rafta sab taswiren dhundli hone lagti hain

kitne chehre ek purane album mein mar jate hain

reza reza kar diyā jis ne mire ehsās ko

kis qadar hairān hai vo mujh ko yakjā dekh kar

reza reza kar diya jis ne mere ehsas ko

kis qadar hairan hai wo mujh ko yakja dekh kar

ye sach hai chand lamhoñ ke liye bismil taḌaptā hai

phir is ke ba.ad saarī zindagī qātil taḌaptā hai

ye sach hai chand lamhon ke liye bismil taDapta hai

phir is ke baad sari zindagi qatil taDapta hai

mire andar ka.ī ehsās patthar ho rahe haiñ

ye shīrāza bikharnā ab zarūrī ho gayā hai

mere andar kai ehsas patthar ho rahe hain

ye shiraaza bikharna ab zaruri ho gaya hai

zarā ye dhuup Dhal jaa.e to un haal pūchheñge

yahāñ kuchh saa.e apne aap ko paikar batāte haiñ

zara ye dhup Dhal jae to un ka haal puchhenge

yahan kuchh sae apne aap ko paikar batate hain

ruup rañg miltā hai ḳhadd-o-ḳhāl milte haiñ

aadmī nahīñ miltā aadmī ke paikar meñ

rup rang milta hai KHadd-o-KHal milte hain

aadmi nahin milta aadmi ke paikar mein

na.ī mushkil koī darpesh har mushkil se aage hai

safar dīvāngī ishq manzil se aage hai

nai mushkil koi darpesh har mushkil se aage hai

safar diwangi ka ishq ki manzil se aage hai

ḳhushiyāñ dete dete aksar ḳhud ġham meñ mar jaate haiñ

resham bunñe vaale kiiḌe resham meñ mar jaate haiñ

KHushiyan dete dete aksar KHud gham mein mar jate hain

resham bunne wale kiDe resham mein mar jate hain

mujhe tujh se shikāyat bhī hai lekin ye bhī sach hai

tujhe ai zindagī maiñ vālihāna chāhtā huuñ

mujhe tujh se shikayat bhi hai lekin ye bhi sach hai

tujhe ai zindagi main walihana chahta hun

koī savāl na kar aur koī javāb na pūchh

mujh se ahd-e-guzashta ab hisāb na pūchh

koi sawal na kar aur koi jawab na puchh

tu mujh se ahd-e-guzashta ka ab hisab na puchh

bahut dinoñ se mire bām-o-dar hissa hai

mirī tarah ye udāsī bhī ghar hissa hai

bahut dinon se mere baam-o-dar ka hissa hai

meri tarah ye udasi bhi ghar ka hissa hai

kabhī uruuj pe thā ḳhud pe e'timād mirā

ġhurūb kaise huā hai ye āftāb na pūchh

kabhi uruj pe tha KHud pe e'timad mera

ghurub kaise hua hai ye aaftab na puchh

ab andheroñ meñ jo ham ḳhauf-zada baiThe haiñ

kyā kaheñ ḳhud charāġhoñ ko bujhā baiThe haiñ

ab andheron mein jo hum KHauf-zada baiThe hain

kya kahen KHud hi charaghon ko bujha baiThe hain

chalo achchhā huā āḳhir tumhārī niiñd bhī TuuTī

chalo achchhā huā ab tum bhī ḳhvāboñ se nikal aa.e

chalo achchha hua aaKHir tumhaari nind bhi TuTi

chalo achchha hua ab tum bhi KHwabon se nikal aae

ye terā taaj nahīñ hai hamārī pagḌī hai

ye sar ke saath utregī sar hissa hai

ye tera taj nahin hai hamari pagDi hai

ye sar ke sath hi utregi sar ka hissa hai

bhañvar jab bhī kisī majbūr kashtī ko Dubotā hai

to apnī bebasī par duur se sāhil taḌaptā hai

bhanwar jab bhi kisi majbur kashti ko Dubota hai

to apni bebasi par dur se sahil taDapta hai

raat merī āñkhoñ meñ kuchh ajiib chehre the

aur kuchh sadā.eñ thiiñ ḳhāmushī ke paikar meñ

raat meri aankhon mein kuchh ajib chehre the

aur kuchh sadaen thin KHamushi ke paikar mein

ka.ī nā-āshnā chehre hijāboñ se nikal aa.e

na.e kirdār maazī kitāboñ se nikal aa.e

kai na-ashna chehre hijabon se nikal aae

nae kirdar mazi ki kitabon se nikal aae

maiñ apne rū-ba-rū huuñ aur kuchh hairat-zada huuñ maiñ

na jaane aks huuñ chehra huuñ phir aa.ina huuñ maiñ

main apne ru-ba-ru hun aur kuchh hairat-zada hun main

na jaane aks hun chehra hun ya phir aaina hun main

ek ham haiñ ki parastish pe aqīda nahīñ

aur kuchh log yahāñ ban ke ḳhudā baiThe haiñ

ek hum hain ki parastish pe aqida hi nahin

aur kuchh log yahan ban ke KHuda baiThe hain

mujh ko samajh na paa.ī mirī zindagī kabhī

āsāniyāñ mujhī se thiiñ mushkil bhī maiñ thā

mujh ko samajh na pai meri zindagi kabhi

aasaniyan mujhi se thin mushkil bhi main hi tha

isī ummīd par to kaaT liiñ ye mushkileñ ham ne

ab is ke ba.ad to ai 'shād' āsānī meñ rahnā hai

isi ummid par to kaT lin ye mushkilen hum ne

ab is ke baad to ai 'shad' aasani mein rahna hai

añdheroñ meñ bhaTaknā hai pareshānī meñ rahnā hai

maiñ jugnū huuñ mujhe ik shab vīrānī meñ rahnā hai

andheron mein bhaTakna hai pareshani mein rahna hai

main jugnu hun mujhe ek shab ki virani mein rahna hai

kuchh talab meñ bhī izāfa kartī haiñ mahrūmiyāñ

pyaas ehsās baḌh jaatā hai sahrā dekh kar

kuchh talab mein bhi izafa karti hain mahrumiyan

pyas ka ehsas baDh jata hai sahra dekh kar

koī bhī yaqīñ dil ko 'shād' kar nahīñ saktā

ruuh meñ utar jaa.e jab gumāñ tanhā.ī

koi bhi yaqin dil ko 'shad' kar nahin sakta

ruh mein utar jae jab guman ki tanhai

na jaane kitnī aziyyat se ḳhud guzartā hai

ye zaḳhm tab kahīñ kar nishāñ banātā hai

na jaane kitni aziyyat se KHud guzarta hai

ye zaKHm tab kahin ja kar nishan banata hai

the jis markazī kirdār ek umr talak

pata chalā ki usī dāstāñ ke the nahīñ

the jis ka markazi kirdar ek umr talak

pata chala ki usi dastan ke the hi nahin

maiñ ne to tasavvur meñ aur aks dekhā thā

fikr muḳhtalif kyuuñ hai shā.erī ke paikar meñ

main ne to tasawwur mein aur aks dekha tha

fikr muKHtalif kyun hai shaeri ke paikar mein

na.e manzar ke ḳhvāboñ se bhī Dar lagtā hai un ko

purāne manzaroñ se jin āñkheñ kaT chukī haiñ

nae manzar ke KHwabon se bhi Dar lagta hai un ko

purane manzaron se jin ki aankhen kaT chuki hain

maiñ bār-hā tirī yādoñ meñ is tarah khoyā

ki jaise koī nadī jañgaloñ meñ gum ho jaa.e

main bar-ha teri yaadon mein is tarah khoya

ki jaise koi nadi jangalon mein gum ho jae

maiñ kab se niiñd maarā huā huuñ aur kab se

ye merī jāgtī āñkheñ haiñ mahv-e-ḳhvāb na pūchh

main kab se nind ka mara hua hun aur kab se

ye meri jagti aankhen hain mahw-e-KHwab na puchh

'shād' itnī baḌh ga.ī haiñ mere dil vahshateñ

ab junūñ meñ dasht aur ghar ek jaise ho ga.e

'shad' itni baDh gai hain mere dil ki wahshaten

ab junun mein dasht aur ghar ek jaise ho gae

ye mumkin hai tumhārā aks barham ho chehre se

ise tum aa.ine sargirānī kyuuñ samajhte ho

ye mumkin hai tumhaara aks hi barham ho chehre se

ise tum aaine ki sargirani kyun samajhte ho

yahī qatre banāte haiñ kabhī to ghaas par motī

kabhī shabnam ko ye sīmāb meñ tabdīl karte haiñ

yahi qatre banate hain kabhi to ghas par moti

kabhi shabnam ko ye simab mein tabdil karte hain

ham apne ghar meñ bhī ab be-sar-o-sāmāñ se rahte haiñ

hamāre silsile ḳhāna-ḳharāboñ se nikal aa.e

hum apne ghar mein bhi ab be-sar-o-saman se rahte hain

hamare silsile KHana-KHarabon se nikal aae