اب ہوائیں ہی کریں گی روشنی کا فیصلہ

جس دئیے میں جان ہوگی وہ دیا رہ جائے گا

ہم کو بھی خوش نما نظر آئی ہے زندگی

جیسے سراب دور سے دریا دکھائی دے

جس کے لئے بچہ رویا تھا اور پونچھے تھے آنسو بابا نے

وہ بچہ اب بھی زندہ ہے وہ مہنگا کھلونا ٹوٹ گیا

میں اتنی روشنی پھیلا چکا ہوں

کہ بجھ بھی جاؤں تو اب غم نہیں ہے

ہر پتی بوجھل ہو کے گری سب شاخیں جھک کر ٹوٹ گئیں

اس بارش ہی سے فصل اجڑی جس بارش سے تیار ہوئی

ابھی سر کا لہو تھمنے نہ پایا

ادھر سے ایک پتھر اور آیا

کرے دریا نہ پل مسمار میرے

ابھی کچھ لوگ ہیں اس پار میرے