کیا خبر کب قید بام و در سے اکتا جائے دل

بستیوں کے درمیاں صحرا بھی ہونا چاہیئے

جو سایہ دار شجر تھے وہ صرف دار ہوئے

دکھائی دیتے نہیں دور دور تک سائے

اس کو دھندلا نہ سکے گا کبھی لمحوں کا غبار

میری ہستی کا ورق یوں ہی کھلا رہنے دے

بول کس موڑ پہ ہوں کشمکش مرگ و حیات

ایسے عالم میں کہاں چھوڑ دیا ہے مجھ کو

نظر آتی نہیں ہیں کم نظر کو

سرابوں کے جگر میں ندیاں ہیں

مدت گزری ڈوب چکا ہوں درد کی پیاسی لہروں میں

زندہ ہوں یہ کوئی نہ جانے سانس کے آنے جانے سے

کیا تماشہ ہے کہ اب ہر شخص کو یہ وہم ہے

سب سے میں اونچا ہوں مجھ سے کوئی بھی اونچا نہیں

ہر اک پتھر کو ہیرا کیوں سمجھ لیں

ہر اک پتھر اگرچہ دیدنی ہے

ہوا کیا اے نسیم صبح گاہی

جو مرجھایا ہوا دل کا کنول ہے

دیدۂ بے نور اک عالم ہے کیا یہ جھوٹ ہے

ہر طرف پھیلا ہوا ہے تیرگی کا سلسلہ

جی یہی کہتا ہے اب چل کے وہیں جا ٹھہرو

ہم نے ویرانوں میں دیکھے ہیں وہ آثار کہ بس

تمہاری یاد کے سائے بھی کچھ سمٹ سے گئے

غموں کی دھوپ تو باہر تھی عکس اندر تھا