Muneer Niyazi's Photo'

Muneer Niyazi

1923 - 2006 | Lahore, Pakistan

One of the most outstanding modern poets who wrote both in Urdu and Punjabi. Also a film lyricist.

One of the most outstanding modern poets who wrote both in Urdu and Punjabi. Also a film lyricist.

kisī ko apne amal hisāb kyā dete

savāl saare ġhalat the javāb kyā dete

kisi ko apne amal ka hisab kya dete

sawal sare ghalat the jawab kya dete

āvāz de ke dekh lo shāyad vo mil jaa.e

varna ye umr bhar safar rā.egāñ to hai

aawaz de ke dekh lo shayad wo mil hi jae

warna ye umr bhar ka safar raegan to hai

ab kaun muntazir hai hamāre liye vahāñ

shaam aa ga.ī hai lauT ke ghar jaa.eñ ham to kyā

ab kaun muntazir hai hamare liye wahan

sham aa gai hai lauT ke ghar jaen hum to kya

ḳhvāb hote haiñ dekhne ke liye

un meñ kar magar rahā na karo

KHwab hote hain dekhne ke liye

un mein ja kar magar raha na karo

ye kaisā nashsha hai maiñ kis ajab ḳhumār meñ huuñ

aa ke bhī chukā hai maiñ intizār meñ huuñ

ye kaisa nashsha hai main kis ajab KHumar mein hun

tu aa ke ja bhi chuka hai main intizar mein hun

ḳhayāl jis thā mujhe ḳhayāl meñ milā mujhe

savāl javāb bhī savāl meñ milā mujhe

KHayal jis ka tha mujhe KHayal mein mila mujhe

sawal ka jawab bhi sawal mein mila mujhe

apnī teġh-e-adā se aap ghāyal ho gayā

chāñd ne paanī meñ dekhā aur pāgal ho gayā

apni hi tegh-e-ada se aap ghayal ho gaya

chand ne pani mein dekha aur pagal ho gaya

ġham bārish ne bhī tere naqsh ko dhoyā nahīñ

ne mujh ko kho diyā maiñ ne tujhe khoyā nahīñ

gham ki barish ne bhi tere naqsh ko dhoya nahin

tu ne mujh ko kho diya main ne tujhe khoya nahin

aadat banā hai tum ne to 'munīr' apnī

jis shahr meñ bhī rahnā uktā.e hue rahnā

aadat hi bana li hai tum ne to 'munir' apni

jis shahr mein bhi rahna uktae hue rahna

aa ga.ī yaad shaam Dhalte

bujh gayā dil charāġh jalte

aa gai yaad sham Dhalte hi

bujh gaya dil charagh jalte hi

mohabbat ab nahīñ hogī ye kuchh din ba.ad meñ hogī

guzar jā.eñge jab ye din ye un yaad meñ hogī

mohabbat ab nahin hogi ye kuchh din baad mein hogi

guzar jaenge jab ye din ye un ki yaad mein hogi

shahr galiyoñ meñ gahrī tīrgī giryāñ rahī

raat bādal is tarah aa.e ki maiñ to Dar gayā

shahr ki galiyon mein gahri tirgi giryan rahi

raat baadal is tarah aae ki main to Dar gaya

vo jis ko maiñ samajhtā rahā kāmyāb din

vo din thā merī umr sab se ḳharāb din

wo jis ko main samajhta raha kaamyab din

wo din tha meri umr ka sab se KHarab din

muddat ke ba.ad aaj use dekh kar 'munīr'

ik baar dil to dhaḌkā magar phir sambhal gayā

muddat ke baad aaj use dekh kar 'munir'

ek bar dil to dhaDka magar phir sambhal gaya

shahr tabdīl honā shaad rahnā aur udaas

raunaqeñ jitnī yahāñ haiñ auratoñ ke dam se haiñ

shahr ka tabdil hona shad rahna aur udas

raunaqen jitni yahan hain auraton ke dam se hain

ḳhvāhisheñ haiñ ghar se bāhar duur jaane bahut

shauq lekin dil meñ vāpas lauT kar aane thā

KHwahishen hain ghar se bahar dur jaane ki bahut

shauq lekin dil mein wapas lauT kar aane ka tha

kaTī hai jis ke ḳhayāloñ meñ umr apnī 'munīr'

mazā to jab hai ki us shoḳh ko patā na ho

kaTi hai jis ke KHayalon mein umr apni 'munir'

maza to jab hai ki us shoKH ko pata hi na ho

maiñ to 'munīr' ā.īne meñ ḳhud ko tak kar hairān huā

ye chehra kuchh aur tarah thā pahle kisī zamāne meñ

main to 'munir' aaine mein KHud ko tak kar hairan hua

ye chehra kuchh aur tarah tha pahle kisi zamane mein

jāntā huuñ ek aise shaḳhs ko maiñ bhī 'munīr'

ġham se patthar ho gayā lekin kabhī royā nahīñ

jaanta hun ek aise shaKHs ko main bhi 'munir'

gham se patthar ho gaya lekin kabhi roya nahin

kal maiñ ne us ko dekhā to dekhā nahīñ gayā

mujh se bichhaḌ ke vo bhī bahut ġham se chuur thā

kal main ne us ko dekha to dekha nahin gaya

mujh se bichhaD ke wo bhi bahut gham se chur tha

koī to hai 'munīr' jise fikr hai mirī

ye jaan kar ajiib hairat huī mujhe

koi to hai 'munir' jise fikr hai meri

ye jaan kar ajib si hairat hui mujhe

vaqt kis tezī se guzrā roz-marra meñ 'munīr'

aaj kal hotā gayā aur din havā hote ga.e

waqt kis tezi se guzra roz-marra mein 'munir'

aaj kal hota gaya aur din hawa hote gae

ik aur dariyā sāmnā thā 'munīr' mujh ko

maiñ ek dariyā ke paar utrā to maiñ ne dekhā

ek aur dariya ka samna tha 'munir' mujh ko

main ek dariya ke par utra to main ne dekha

thake logoñ ko majbūrī meñ chalte dekh letā huuñ

maiñ bas khiḌkiyoñ se ye tamāshe dekh letā huuñ

thake logon ko majburi mein chalte dekh leta hun

main bas ki khiDkiyon se ye tamashe dekh leta hun

tum mere liye itne pareshān se kyuuñ ho

maiñ Duub bhī jaatā to kahīñ aur ubhartā

tum mere liye itne pareshan se kyun ho

main Dub bhi jata to kahin aur ubharta

'munīr' is ḳhūbsūrat zindagī ko

hamesha ek honā nahīñ hai

'munir' is KHubsurat zindagi ko

hamesha ek sa hona nahin hai

kisī akelī shaam chup meñ

giit purāne ke dekho

kisi akeli sham ki chup mein

git purane ga ke dekho

pūchhte haiñ ki kyā huā dil ko

husn vāloñ sādgī na ga.ī

puchhte hain ki kya hua dil ko

husn walon ki sadgi na gai

achchhī misāl bantīñ zāhir agar vo hotīñ

in nekiyoñ ko ham to dariyā meñ Daal aa.e

achchhi misal bantin zahir agar wo hotin

in nekiyon ko hum to dariya mein Dal aae

jānte the donoñ ham us ko nibhā sakte nahīñ

us ne va.ada kar liyā maiñ ne bhī va.ada kar liyā

jaante the donon hum us ko nibha sakte nahin

us ne wada kar liya main ne bhi wada kar liya

ek vāris hamesha hotā hai

taḳht ḳhālī rahā nahīñ kartā

ek waris hamesha hota hai

taKHt KHali raha nahin karta

rahnā thā us ke saath bahut der tak magar

in roz o shab meñ mujh ko ye fursat nahīñ milī

rahna tha us ke sath bahut der tak magar

in roz o shab mein mujh ko ye fursat nahin mili

zinda raheñ to kyā hai jo mar jaa.eñ ham to kyā

duniyā se ḳhāmushī se guzar jaa.eñ ham to kyā

zinda rahen to kya hai jo mar jaen hum to kya

duniya se KHamushi se guzar jaen hum to kya

makāñ hai qabr jise log ḳhud banāte haiñ

maiñ apne ghar meñ huuñ maiñ kisī mazār meñ huuñ

makan hai qabr jise log KHud banate hain

main apne ghar mein hun ya main kisi mazar mein hun

maiñ us ko dekh ke chup thā usī shādī meñ

mazā to saarā isī rasm ke nibāh meñ thā

main us ko dekh ke chup tha usi ki shadi mein

maza to sara isi rasm ke nibah mein tha

bechain bahut phirnā ghabrā.e hue rahnā

ik aag jazboñ dahkā.e hue rahnā

bechain bahut phirna ghabrae hue rahna

ek aag si jazbon ki dahkae hue rahna

merī saarī zindagī ko be-samar us ne kiyā

umr merī thī magar us ko basar us ne kiyā

meri sari zindagi ko be-samar us ne kiya

umr meri thi magar us ko basar us ne kiya

ġhairoñ se mil ke sahī be-bāk to huā

baare vo shoḳh pahle se chālāk to huā

ghairon se mil ke hi sahi be-bak to hua

bare wo shoKH pahle se chaalak to hua

'munīr' achchhā nahīñ lagtā ye terā

kisī ke hijr meñ bīmār honā

'munir' achchha nahin lagta ye tera

kisi ke hijr mein bimar hona

chāhtā huuñ maiñ 'munīr' is umr ke anjām par

ek aisī zindagī jo is tarah mushkil na ho

chahta hun main 'munir' is umr ke anjam par

ek aisi zindagi jo is tarah mushkil na ho

hai 'munīr' terī nigāh meñ

koī baat gahre malāl

hai 'munir' teri nigah mein

koi baat gahre malal ki

kuchh din ke ba.ad us se judā ho ga.e 'munīr'

us bevafā se apnī tabī.at nahīñ milī

kuchh din ke baad us se juda ho gae 'munir'

us bewafa se apni tabiat nahin mili

zamīñ ke gird bhī paanī zamīñ tah meñ bhī

ye shahr jam ke khaḌā hai jo tairtā na ho

zamin ke gird bhi pani zamin ki tah mein bhi

ye shahr jam ke khaDa hai jo tairta hi na ho

mujh se bahut qarīb hai phir bhī ai 'munīr'

parda koī mere tire darmiyāñ to hai

mujh se bahut qarib hai tu phir bhi ai 'munir'

parda sa koi mere tere darmiyan to hai

jurm aadam ne kiyā aur nasl-e-ādam ko sazā

kāTtā huuñ zindagī bhar maiñ ne jo boyā nahīñ

jurm aadam ne kiya aur nasl-e-adam ko saza

kaTta hun zindagi bhar main ne jo boya nahin

dil ajab mushkil meñ hai ab asl raste taraf

yaad pīchhe khīñchtī hai aas aage taraf

dil ajab mushkil mein hai ab asl raste ki taraf

yaad pichhe khinchti hai aas aage ki taraf

ghaTā dekh kar ḳhush huiiñ laḌkiyāñ

chhatoñ par khile phuul barsāt ke

ghaTa dekh kar KHush huin laDkiyan

chhaton par khile phul barsat ke

kyuuñ 'munīr' apnī tabāhī ye kaisā shikva

jitnā taqdīr meñ likkhā hai adā hotā hai

kyun 'munir' apni tabahi ka ye kaisa shikwa

jitna taqdir mein likkha hai ada hota hai

maiñ huuñ bhī aur nahīñ bhī ajiib baat hai ye

ye kaisā jabr hai maiñ jis ke iḳhtiyār meñ huuñ

main hun bhi aur nahin bhi ajib baat hai ye

ye kaisa jabr hai main jis ke iKHtiyar mein hun

us ko bhī to kar dekho us haal bhī mujh hai

chup chup rah kar dukh sahne se to insāñ mar jaatā hai

us ko bhi to ja kar dekho us ka haal bhi mujh sa hai

chup chup rah kar dukh sahne se to insan mar jata hai