rañg darkār the ham ko tirī ḳhāmoshī ke

ek āvāz kī tasvīr banānī thī hameñ

rang darkar the hum ko teri KHamoshi ke

ek aawaz ki taswir banani thi hamein

mujh se ziyāda kaun tamāsha dekh sakegā

gāñdhī-jī ke tīnoñ bandar mere andar

mujh se ziyaada kaun tamasha dekh sakega

gandhi-ji ke tinon bandar mere andar

likhte likhte hī laḌī aañkh jo raanī se mirī

phir to raajā ko nikalnā thā kahānī se mirī

likhte likhte hi laDi aankh jo rani se meri

phir to raja ko nikalna tha kahani se meri

dekhne vaale tujhe dekhte hoñge lekin

dekhne vāloñ ko hairat bhī to hotī hogī

dekhne wale tujhe dekhte honge lekin

dekhne walon ko hairat bhi to hoti hogi

hausle dard-bayānī ke nahīñ hote haiñ

ab yahāñ lafz ma.ānī ke nahīñ hote haiñ

hausle dard-bayani ke nahin hote hain

ab yahan lafz maani ke nahin hote hain