chashma-e-nāb na baḌh kar junūñ sailāb bane

bah na jaa.e ki ye miTTī kā makāñ hai ab ke

chashma-e-nab na baDh kar junun sailab bane

bah na jae ki ye miTTi ka makan hai ab ke

qalb-o-jigar ke daaġh farozāñ kiye hue

haiñ ham bhī ehtimām-e-bahārāñ kiye hue

qalb-o-jigar ke dagh farozan kiye hue

hain hum bhi ehtimam-e-bahaaran kiye hue

tamām raat tirā intizār hotā rahā

ye ek kaam yahī kārobār hotā rahā

tamam raat tera intizar hota raha

ye ek kaam yahi karobar hota raha

tumhāre shahr meñ kyuuñ aaj hū kā aalam hai

sabā idhar se guzar kar udhar ga.ī ki nahīñ

tumhaare shahr mein kyun aaj hu ka aalam hai

saba idhar se guzar kar udhar gai ki nahin

us kā jalva dikhā.ī detā hai

saare chehroñ pe sab kitāboñ meñ

us ka jalwa dikhai deta hai

sare chehron pe sab kitabon mein